28/09/2026
॥ ਗੁਰ ਜਾਲ ਚੁਰਾਸੀ ਦੇ ਨੂੰ ਕੱਟ ਦੇਵੇ ਤੇਰੀ ਬਾਣੀ ॥ ਬੱਕਰੀ ਸੰਗ ਸ਼ੇਰਾਂ ਨੂੰ ਤੂੰ ਇਕ ਤਾਲ ਪਿਲਾਏ ਪਾਣੀ ॥
ਵਿਆਖਿਆ :- ਬ੍ਰਹਮ ਗਿਆਨੀ ਸਾਹਿਬ -ਏ- ਕਮਾਲ ਸਤਿਗੁਰੂ ਗਿਆਨ ਨਾਥ ਮਹਾਰਾਜ ਜੀ ਦੇ ਚਰਨ ਸੇਵਕ ਸੰਤ ਗੁਰਦੇਵ ਸਿੰਘ ਜੀ ਗਿੱਲ ਪਾਵਨ ਬਾਣੀ " ਜਗਤਗੁਰੂ ਵਾਲਮੀਕਿ ਮਹਾਰਾਜ ਜੀ ਦੀ ਅੰਮ੍ਰਿਤ ਬਾਣੀ " ਦੇ ਉਪਰੋਕਤ ਸਲੋਕ ਵਿੱਚ ਪਰਮੇਸ਼ੁਰ ਵਾਲਮੀਕਿ ਜੀ ਅਤੇ ਪਵਿੱਤਰ ਦੀ ਸ੍ਰੀ ਰਮਾਇਣ ਬਾਣੀ ਦੀ ਮਹਿਮਾ ਅਤੇ ਅਪਾਰ ਸ਼ਕਤੀ ਦਾ ਵਰਣਨ ਕਰਦਿਆਂ ਫਰਮਾਉਂਦੇ ਹਨ ਕਿ ਹੇ ਗੁਰੂ ਵਾਲਮੀਕਿ ਜੀ! ਤੁਹਾਡੀ ਅੰਮ੍ਰਿਤ ਰੂਪੀ ਬਾਣੀ ਵਿੱਚ ਇੰਨੀ ਸਮਰੱਥਾ ਅਤੇ ਸ਼ਕਤੀ ਹੈ ਕਿ ਇਹ ਮਨੁੱਖ ਨੂੰ 'ਚੁਰਾਸੀ ਲੱਖ ਜੂਨਾਂ ਦੇ ਜੰਜਾਲ ਤੋਂ ਮੁਕਤ ਕਰ ਦਿੰਦੀ ਹੈ। ਆਪ ਜੀ ਦੇ ਦਰਬਾਰ ਦੀ ਐਸੀ ਮਹਿਮਾ ਹੈ ਕਿ ਸ਼ੇਰ ਅਤੇ ਬੱਕਰੀ ਵਰਗੇ ਆਪਸੀ ਵਿਰੋਧੀ ਸੁਭਾਅ ਵਾਲੇ ਜੀਵ ਵੀ ਗੁਰੂ ਦੀ ਮਿਹਰ ਅਤੇ ਗਿਆਨ ਨਾਲ ਇੱਕੋ ਘਾਟ 'ਤੇ ਇਕੱਠੇ ਪਾਣੀ ਪੀਂਦੇ ਹਨ। ਭਾਵ, ਗੁਰੂ ਦੀ ਬਾਣੀ ਮਨੁੱਖ ਦੇ ਅੰਦਰੋਂ ਵੈਰ-ਵਿਰੋਧ, ਨਫ਼ਰਤ ਅਤੇ ਅਹੰਕਾਰ ਨੂੰ ਖ਼ਤਮ ਕਰਕੇ ਸਭ ਵਿੱਚ ਪ੍ਰੇਮ, ਏਕਤਾ ਅਤੇ ਸ਼ਾਂਤੀ ਦਾ ਸੰਚਾਰ ਕਰਦੀ ਹੈ।
