15/02/2026
हामी अत्यन्तै हर्षका साथ जानकारी गराउन चाहन्छौँ कि परम पूजनीय H. E. 4th Palyul Latul Rinpoche र
H. E. Tulku Thupten Tashi Geleg Rinpoche ले हाम्रो निमन्त्रणालाई कृपापूर्वक स्वीकार गर्दै १२ औँ विश्व शान्ति पूजा (विश्व शान्ति प्रार्थना) का अवसरमा वोङ (अभिषेक) प्रदान गर्न आफ्नो दिव्य उपस्थितिको स्वीकृति दिनुभएको छ । उक्त विश्व शान्ति पूजा ६ मार्चदेखि ८ मार्च २०२६ सम्म आयोजना हुने भएको छ ।
यस पटक नेपालबाट खेन्पो श्री लामाज्यूले पनि तीनदिने पावन विश्व शान्ति प्रार्थनामा सहभागी भई सबै भक्तजन तथा शुभेच्छुकहरूलाई बौद्ध धर्मसम्बन्धी प्रारम्भिक शिक्षाहरू प्रदान गर्न आफ्नो उपस्थितिको स्वीकृति दिनुभएको छ।पूजाको अन्तिम दिन क्याब्जे ल्हात्रुल रिन्पोछेज्यूले सबै भक्तजन तथा शुभेच्छुकहरूलाई छेवाङ (दीर्घायु अभिषेक) प्रदान गर्नु हुनेछ।
हामी पूजा आयोजना समिति JAMTSE KUNPHEN TSHOGP तथा नोरबु छोलिङ गुम्बा, नागी, नामथाङ, नाम्ची जिल्ला को संचालन समितिको तर्फबाट सम्पूर्ण धर्म दाजुभाई तथा दिदी-बहिनीहरूलाई यस पवित्र धार्मिक कार्यक्रममा उपस्थित भइदिन हार्दिक निमन्त्रणा गर्दछौँ ।
