29/01/2022
G.M.F.A Weekly Column
Ki Symboh ka jingim
Phi long kham khraw ban ïa ki nongjop
KA DKHOT BAIBL MYNTA KA SNGI
Hynrei ha kine kiei kiei baroh keiñ ngi (ngi long kham khraw ïa ki nongjop) jop thiaw da uta uba la ieit ïa ngi - Sha ki Nong Rom 8:37
Lada U Blei u ong ba ngi long kham khraw ban ïa ki nongjop lyngba u Jisu Khrist uba la ieit eh ïa ngi, te kumta ngi long keiñ. Kata ka mut ba kam dei ba ngin sa dang long ki nongjop, hynrei ngi la long lypa ki nongjop, kumba u Jisu Khrist ula pyndep ïa baroh kaba donkam halor jong ka diengphna bad u pynbna ruh ba LA PYNDEP. Ngi lah ban mad ïa ki katto katne ki jingeh bad ki jingshah jop ne kita ki jingshah ktah ha ka jingim ïa kumne mynta, hynrei ngi dei ban ngeit bad thikna ba kiei kiei kiba bha kin sa wan na kata ka jingeh kaba ngi ïakynduh namar ba u Blei u la dep ban kren ïa kata “ha kine kiei kiei baroh ngi long kham khraw ïa ki nongjop” Ka jingjop ka dei ka jong ngi.
Phi ïohi U Blei u la buh ha ngi ha u Khrist Jisu, ha uta uba u la kyntiew sha kata kaba halor tam na kiba halor tam baroh (Philipi 2: 9) Ngim pyrshang ban poi sha kata ka madan jong kata ka jingjop namar ba ngi la don lypa ha kata ka madan jong ka jongjop. Ngim phla ïa ka ktien ka jong u Blei naka bynta ba ngin ïoh ïa ka jingjop. Hynrei ngi phla ïa ka ktien ka jong U Blei ka dei na ka daw ba ngi la dep ban jop lypa ha u Khrist Jisu (Ioanis 16:33). Ngi ïakhun na ka bynta ban ïoh ïa ka jongjop, hynrei ka jingïakhun ka jong ngi ka dei na kata ka jaka jong ka jingjop.
U byman un ïai pyrshang ban tuh noh ïa kata ka jingjop ka jong ngi. Un ïai wan pyrshah ïa ngi da ki jingthok bad ki jingshukor bad ki jingpynsheptieng, bad ba pyrshang ban pynlong ïa ngi ban sngewduh jingkyrmen namar jong kita ki jingshah jop, ki jingbymlah, ki jingtlot bad kita ki dak kiba paw ha kita ki bynta jong ka jingim ka lah ban long ha ka koit ka khiah. Hynrei kam dei ba ngi pyrshang ban ïoh jingpynkhiah. Hynrei la dep ban pynkhiah lupa ïa ngi namar ba ka ktien U Blei ka pynbna ba “da ki jingjngem snam jong u la pynkhiah ïa ngi” (Isaiah 53:5).
Kawei na para bangeit jong ngi ka la leit ban ïakynduh ia ki ar ngut ki psychiatrists. Ka la don hapoh ka jingsumar jong kine ki nongiasyllok bor jabieng (psychiatrists) bad dih dawai na ki naka bynta jong kata ka jingsheptieng kaba ju wan ban ïaleh pyrshah ïa ka ha kiba bun ki bynta jong ka jingim ka jong ka. Ka la ïathuh ba haba ka la sdang ban wan sha ka jingïaseng bad ïoh jinghikai shaphang jong u Jisu, ka jingsh**ha jong ka ktien U Blei ka la sdang ban ïoh jaka ha ka jingim jong ka (Ioanis 8:32) bad ka la nang sngew kham jam sngew khamjan bad ka ktien ka jong U Blei katba nangmih ki sngi bad ka jingngeit ka la sdang ban kem ïa ka.
Ka la sdang ban ngeit ïa ka jingjop pyrshah ïa kita ki jinglong jingman jong ka jingkoit jingkhiah jong ka, ka la sdang ban ngeit ha ka ktien U Blei ba ka la dep ban ïoh lypa ïa ka jingjop bad kumta ka la sngew shlur ban sdang ban phla ïa kata ka jingsh**ha *(Ioanis 14:6)*. Naduh kata ka por, baroh kita ki jingsheptieng ki la sdang ban ieh noh ïa ka bad kita ki jingsheptieng kiba ju wan ban ïaleh pyrshah ïa ka ki la sdang ban jah, Halleluiah. Mynta kane ka riewngeit ka la ïoh ïa ka bor pyrkhat kaba khiah khran, bad ka la laitluid na baroh kitei ki jingdih dawai bad ka la tip bad shemphang ba ka jingim jong ka, ka long kaba la kyrkhu lyngba u Khrist Jisu u ba la ieit eh ïa ka.
Paralok baieit, ha kata ka khyllipmat kaba phi ïoh ia ka jingshemphang ban pdiang ïa u Jisu ba u dei u jongjop jong phi, phi mad ïa ka jingkha arsien kaba sh**ha bad phi ïoh ban mad ïa ka jinglong ka jong u/ka briew bathymmai *(2 Korinth 5:17)*, phin lyngngoh ban mad ïa kata ka jingbha bad ka jingisynei ka jong U Blei ha ka jingim ka jong phi *(Salm 34:8)*. Phin ïoh ban mad bad uta u briew uba hapoh jong phi u long ka daw jong ka jinglong kham khraw ban ïa ki nongjop jong phi naduh ba phi la pdiang ïa u. Mynta phi la ïoh ban mad ba pleng phi la long lypa ha ka liang jong u nongjop bad ha ka madan jong ka jingjop bad phin ïoh ïa ka jingjop na ka bynta kawei pa kawei ka jingeh kaba wan ban ïaleh pyrshah ïa ka jingim ka jong phi ha u Khrist Jisu! AMEN.
KA JINGPUSON MYNTA KA SNGI
Ngim ïakhun na ka bynta ka jingjop, hynrei ngi ïakhun na ka jaka jong ka jingjop IAROH IA U TRAI
____________________________________________
my Previous video/audio - sngap bad to u Blei un kyrkhu iaphi
