29/04/2021
गडकर आळी व शाहूपुरीतील ग्रामस्थ, भाविक व आसपासच्या सर्व ग्रामस्थांना, भाविकांना कळविण्यात येते की सध्या संपूर्ण जगामध्ये कोरोना या व्हायरसने सर्वच ठिकाणी संकटाची परिस्थिती निर्माण केलेली आहे. यातच संपूर्ण महाराष्ट्रामध्ये लॉक डाऊन केलेला आहे. जमावबंदीचे आदेश आहेत. त्याच प्रमाणे आपण सर्वजण एकजूट राहून विशेषतः आपण आपापल्या घरांमध्ये राहून या व्हायरस ला नेस्तनाबूत करावयाचा आहे. दिनांक ,३० एप्रिल २०२१ शुक्रवार रोजी पेढयाच्या भैरोबाची यात्रा होणार होती. मात्र सध्याच्या परिस्थितीचा विचार करता सदर सामूहिक यात्रा होणार नाही .याची सर्वच भाविकांनी नोंद घ्यावी आणि शासन, पोलिस यंत्रणा ,आरोग्य विभाग व समाजातील सर्व घटकांना सहकार्य करावे ही विनंती. या कालावधीमध्ये बाहेरच्या लोकांना, भाविकांना मंदिर बंद राहणार आहे. त्यामुळे कोणीही मंदिराकडे उत्सवाच्या निमित्ताने येण्याचा प्रयत्न करू नये. दरवर्षीप्रमाणे गडकर आळी, शाहूपुरी महारदरे व आसपासच्या गावातील भाविक ग्रामस्थ भक्तिभावाने व श्रद्धेने साजरी करत असतात. यावर्षी कोरोना व्हायरसच्या प्रादुर्भावामुळे सदरची ही यात्रा रद्द करण्यात येत आहे. देवस्थानच्या वतीने तेथील पूजाअर्चा व धार्मिक विधी पुजारी करतील.
सदरचे कालावधीमध्ये कोणीही भाविकांनी अथवा ग्रामस्थांनी पेढयाच्या भैरोबा या ठिकाणचे मंदिरांमध्ये येऊ नये, नेवेद्य आणू नयेत, याचबरोबर कोणतीही मिरवणूक, पालखी सोहळा अथवा मानकरी अथवा सासनकाठ्या आणावयाच्या नाहीत. याच बरोबर सदरचे कालावधीमध्ये पेढयाच्या भैरोबा हे मंदिर भाविकांना बंद राहणार आहे याची नोंद घ्यावी.🙏🙏
संचारबंदी असल्याने शासनास आपणा सर्वांना सहकार्य करावयाचे आहे त्यामुळे आपण सर्वांनी शासनास, पोलीस यंत्रणा यांना सहकार्य करण्याची भूमिका घ्यावी. याच बरोबर जास्त लोकांनी एकत्र येणे तसेच घराबाहेर पडणे, मंदिरामध्ये येणे, दर्शन घेणे यासारखे प्रकार करू नये. ही विनंती.🙏
सदरचे कालावधीमध्ये मंदिराचे पुजारी देवस्थानच्या वतीने सर्व पूजा अर्चा याचबरोबर सर्वच धार्मिक विधी त्यांच्या पद्धतीने करतील. यावर्षी आपणा सर्वांना विनंती करतो की, आपण सर्वांनी सहकार्य करावे, कृपया आपण मंदिरांमध्ये येऊ नये अगर मंदिरामध्ये आल्यास व कायद्याचा भंग झाला आणि शासनाच्या द्वारे अथवा पोलिसांच्या द्वारे आपणावर कायदेशीर कारवाई केल्यास/अथवा झालेस त्यास देवस्थान विश्वस्त मंडळ जबाबदार राहणार नाही.
तरी करंजे, सातारा, शाहूपुरी, गडकर आळी, महारदरे व आजूबाजूच्या ग्रामस्थांना व भाविकांना नम्र विनंती , की आपण सर्वांनी मंदिरांमध्ये न येता आपापल्या घरांमध्ये पूजा अथवा मनोभावे देवाना प्रार्थना करावी. व सहकार्य करून या मोठ्या संकटातून निर्विघ्नपणे पार पाडण्यासाठी प्रयत्न करावेत ही सर्वांना नम्र आणि कळकळीची विनंती🙏🙏
सर्व_ग्रामस्त_मंडळ_गडकर_आळी_सातारा
