26/01/2026
ਸਤਿਗੁਰ ਦੇ ਦਰਸ਼ਨ ਕਰਨ ਦੀ ਅਭਿਲਾਸ਼ੀ ਰੂਹ ਨੂੰ ਹਰ ਦਮ ਸਤਿਗੁਰ ਦੇ ਚਰਨਾਂ ਵਿੱਚ ਬੜੀ ਨਿਮਰਤਾ,ਦੀਨਤਾ ਤੇ ਪ੍ਰੇਮ ਨਾਲ ਇਹ ਬੇਨਤੀ ,ਜੋਦੜੀ,ਅਰਦਾਸ ਕਰਦੇ ਰਹਿਣਾ ਚਾਹੀਦਾ ਹੈ ਕਿ ਹੇ ਸਤਿਗੁਰੂ,“ਬਿਨਾਂ ਸ਼ਬਦ ਦੇ ਪ੍ਰਕਾਸ਼ ਦੇ ਮੇਰੇ ਅੰਦਰ ਹਨੇਰਾ ਹੋ ਰਿਹਾ ਹੈ,ਮੈਨੂੰ ਕੁਝ ਵੀ ਦਿਖਾਈ ਨਹੀਂ ਦੇ ਰਿਹਾ,ਕੁਝ ਵੀ ਨਜ਼ਰ ਨਹੀਂ ਆ ਰਿਹਾ,ਮੈਂ ਕਾਮ,ਕ੍ਰੋਧ,ਲੋਭ,ਮੋਹ,ਹੰਕਾਰ ਦੇ ਖੱਡਿਆਂ ਵਿੱਚ ਡਿੱਗ ਰਿਹਾ ਹਾਂ,ਫਿਰ-ਫਿਰ ਚੋਟਾਂ ਖਾ ਰਿਹਾ ਹਾਂ।ਤੂੰ ਮੇਰੇ ਅੰਦਰ ਬੈਠਾ ਹੈਂ,ਮੇਰੇ ਤੇ ਦਇਆ ਮਿਹਰ ਕਰ,ਤਰਸ ਕਰ,ਮੈਨੂੰ ਬਖਸ਼ ਲੈ,ਮੈਨੂੰ ਬਚਾ ਲੈ,ਮੇਰੇ ਅੰਦਰ ਸ਼ਬਦ ਦੀ ਲਾਈਟ ਕਰ,ਪ੍ਰਕਾਸ਼ ਕਰ।ਇੱਕ ਖੱਡੇ ਵਿੱਚੋਂ ਮੁਸ਼ਕਿਲ ਨਾਲ ਨਿਕਲਦਾ ਹਾਂ,ਦੂਸਰੇ ਵਿੱਚ ਡਿੱਗ ਜਾਂਦਾ ਹਾਂ,ਦੂਸਰੇ ਵਿੱਚੋਂ ਨਿਕਲਦਾ ਹਾਂ,ਤੀਸਰੇ ਵਿੱਚ ਡਿੱਗ ਜਾਂਦਾ ਹਾਂ,ਇਹ ਖੱਡਿਆਂ ਵਿੱਚ ਵਾਰ-ਵਾਰ ਡਿੱਗਣ ਕਾਰਨ,ਅੰਦਰ ਹਨੇਰਾ ਹੋਣ ਕਾਰਨ,ਮੇਰਾ ਰੂਹਾਨੀ ਸਫ਼ਰ ਤੈਅ ਨਹੀਂ ਹੋ ਰਿਹਾ,ਮੈਨੂੰ ਮੇਰੇ ਅਸਲੀ ਘਰ,ਨਿੱਜਧਾਮ ਪਹੁੰਚਣ ਵਿੱਚ ਦੇਰੀ ਹੋ ਰਹੀ ਹੈ,ਤੂੰ ਦਿਆਲੂ ਹੈਂ,ਦਇਆ ਮਿਹਰ ਕਰਕੇ ਪ੍ਰਕਾਸ਼ ਕਰ,ਸਹੀ ਰਸਤਾ ਵਿਖਾ,ਤਾਂ ਜੋ ਮੈਂ ਆਪਣੇ ਘਰ ਪਹੁੰਚ ਸਕਾਂ।
ਗੁਨਾਹਗਾਰ
ਸ਼ਮਸ਼ੇਰ ਸਿੰਘ ਲਹਿਰੀ
