22/05/2026
ଶୀତଳ ଷଷ୍ଠୀ ଯାତ୍ରା: ପରମ୍ପରା ବନାମ ବ୍ୟବସାୟ
ଦେବାଧିଦେବ ମହାଦେବ ଓ ଜଗତ ଜନନୀ ମାଁ ପାର୍ବତୀ ଙ୍କର ଅଲୌକିକ ଦେବ ଦମ୍ପତ୍ତି ବିବାହୋତ୍ସଵ ଅର୍ଥାତ ପବିତ୍ର ଶୀତଳ ଷଷ୍ଠୀ ଯାତ୍ରା ର ଏକ ସ୍ୱତନ୍ତ୍ର ପରିଚୟ ରହିଛି । ଯେମିତି ପୁରୀ ର ଶ୍ରୀ ଗୁଣ୍ଡିଚା ରଥଯାତ୍ରା, ବରଗଡ଼ ର ଧନୁଯାତ୍ରା ଠିକ ସେମିତି ସମ୍ବଲପୁର ର ପବିତ୍ର ଶୀତଳ ଷଷ୍ଠୀ ଯାତ୍ରା ସମଗ୍ର ବିଶ୍ବରେ ଏକ ସ୍ୱତନ୍ତ୍ର ସ୍ଥାନ ଓ ପରିଚୟ ଲାଭ କରିସାରିଛି
ଏକ ସ୍ୱତନ୍ତ୍ର ରୀତିନୀତି ରେ କଉ କାଳ ରୁ ଏହି ପର୍ବ ପାଳନ ହୋଇ ଆସୁଛି । ସମ୍ୱଲପୁର ର ଲୋକସଂସ୍କୃତି, ଲୋକପରମ୍ପରା, ଐତିହ ର ବାର୍ତ୍ତାବାହକ ହେଉଛି ଏହି ଶୀତଳ ଷଷ୍ଠୀ ଯାତ୍ରା । ଏହି ଶୀତଳ ଷଷ୍ଠୀ ଯାତ୍ରା ଯୋଗୁଁ ସମ୍ବଲପୁର ବିଶ୍ୱ ଦରବାରରେ ରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛି ।
ବହୁ ବର୍ଷ ଧରି ସମ୍ବଲପୁର ର ପ୍ରମୁଖ ତିନୋଟି ଶୈବ ପୀଠ ରେ ଏହି ଶୀତଳ ଷଷ୍ଠୀ ପର୍ବ ଟି ବହୁ ଆଡମ୍ବର ରେ ପାଳିତ ହୋଇ ଆସୁଥୁଲ । ପୁରୁଣା ତିନୋଟି ଯାତ୍ରା କମିଟି କୁ ନେଇ ଏକ ସମନ୍ୱୟ ସମିତି ଗଠନ କରାଯାଇଥିଲା । ଯାହା ଫଳରେ ଶୀତଳ ଷଷ୍ଠୀ ଯାତ୍ରା କୁ ସୁଚାରୁ ରୂପେ ପରିଚାଳନା କରାଯାଉଥୁଲା । ହେଲେ ଗତ କିଛି ବର୍ଷ ହେଲା ଏଥିରେ ଏକ ବ୍ୟତିକ୍ରମ ପରିଲକ୍ଷିତ ହେଉଛି । ସମ୍ବଲପୁର ର ଗଳିକନ୍ଦି ପଡାପଡା ରେ ଥିବା ଶିବ ମନ୍ଦିର ଗୁଡିକରେ ଏହି ଦେବ ଦମ୍ପତ୍ତି ଙ୍କ ବିବାହୋତ୍ସଵ ଆୟୋଜିତ ହେବାକୁ ଆରମ୍ଭ ହେଲାଣି । ଧୀରେ ଧୀରେ ୪ ରୁ ୬, ପୁଣି ୬ ରୁ ୮, ତାପରେ ୮ ରୁ ୧୦ ଏଭଳି ପ୍ରତି ବର୍ଷ ବିବାହୋତ୍ସଵ ବା ଶୀତଳ ଷଷ୍ଠୀ ଯାତ୍ରା ସଂଖ୍ୟା ବୃଦ୍ଧି ପାଇବାରେ ଲାଗିଛି । ଯାହା ଫଳରେ ଏହି ଯାତ୍ରା ର ମହତ୍ତ୍ୱ ଓ ଗୌରବମୟ ଗାରିମା ହ୍ରାସ ପାଇବାରେ ଲାଗିଚି ।
ପ୍ରଥମେ ତିନୋଟି ଯାତ୍ରା କମିଟି ର ସଦସ୍ୟ ମାସ ମାସ ଧରି ପ୍ରଚଣ୍ଡ ରୌଦ୍ରତାପରେ ଅଞ୍ଚଳବାସୀ ଙ୍କ ଠୁଁ ଆର୍ଥିକ ସହାୟତା ଭିକ୍ଷା କରି ଶାରୀରିକ ମାନସିକ ଆର୍ଥିକ ଅବଦାନ ଦେଇ ଏହି ଶୀତଳ ଷଷ୍ଠୀ ଯାତ୍ରା ର ଆୟୋଜନ କରୁଥୁଲେ । ପରବର୍ତ୍ତୀ କାଳରେ କିଛି ମାତ୍ରାରେ ସରକାରୀ ସହାୟତା ମିଳିବା ଆରମ୍ଭ ହୋଇଥିଲା । ସରକାରୀ ସହାୟତା ମିଳିବା ପରଠାରୁ ଛତୁ ଫୁଟିଲା ପରି ଶୀତଳ ଷଷ୍ଠୀ କମିଟି ମାନେ ଗଠନ ହୋଇ ବିବାହୋତ୍ସଵ କାର୍ଯ୍ୟକ୍ରମ ଆରମ୍ଭ କରିଥିଲେ । ଏଥିରେ କେତେକ ସ୍ଥାନ ରେ ଭକ୍ତି ଭାବ ଭଙ୍ଗୀ ଦେଖିବାକୁ ମିଳୁଛି ତ କେତେକ ସ୍ଥାନରେ ନିୟମ ପରମ୍ପରା କୁ ଜଳାଞ୍ଜଳି ଦେଇ ପ୍ରତିଯୋଗୀତା ମୂଳକ କାର୍ଯ୍ୟକଳାପ ଦେଖିବାକୁ ମିଳୁଛି । କିଛି ଅସାମାଜିକ ବ୍ୟକ୍ତି ନିଜର ସ୍ୱାର୍ଥ ରକ୍ଷା କରିବା ପାଇଁ ଏହି ଦେବ ଦମ୍ପତ୍ତି ଙ୍କ ବିବାହୋତ୍ସଵ କୁ ମାଧ୍ୟମ କରିଛନ୍ତି ।
ଦେବ ଦମ୍ପତ୍ତି ଙ୍କ ବିବାହୋତ୍ସଵ ପବିତ୍ର ଶୀତଳ ଷଷ୍ଠୀ ବର୍ତ୍ତମାନ କିଛି ଖଳ ପ୍ରକୃତି ଲୋକଙ୍କ କ୍ରିୟାକଳାପ ର ଏକ ମୁଖ୍ୟ ଆଧାର ପାଲଟି ଯାଇଛି । କିଛି କୁଚକ୍ରାନ୍ତକାରୀ ବର୍ତ୍ତମାନ ଏହାକୁ ଏକ ରାଜନୈତିକ ଆଖଡାରେ ପରିଣତ କରି ସମ୍ବଲପୁର ର ଐତିହକୁ କ୍ଷୁର୍ଣ୍ଣ କରିବା ପାଇଁ ହୀନ ରାଜନୀତି କରିବାର ଅପାଚେଷ୍ଟା ଆରମ୍ଭ କଲେଣି । କେତେକ ସ୍ଥଳ ରେ ଶୀତଳ ଷଷ୍ଠୀ ବା ଦେବ ଦମ୍ପତ୍ତିଙ୍କ ବିବାହୋତ୍ସଵ ବର୍ତ୍ତମାନ ଏକ ଆର୍ଥିକ ଲାଭ ର ବ୍ୟବସାୟ ପାଲଟି ଯାଇଛି ।ବିଗତ ଦିନରେ ଦେଖାଯାଇଛି ଯେ ଜଣେ ଅଣ ଓଡ଼ିଆ ପବିତ୍ର ପର୍ବ ଯଥା ହନୁମାନ ଜୟନ୍ତୀ,ରାମ ନବମୀ,ରାବଣ ପୋଡ଼ି ନାଁ ରେ ବ୍ୟବସାୟୀ, ସରକାରୀ ଯନ୍ତ୍ରୀ ଓ ଅଧିକାରୀ, ସାଧାରଣ ଲୋକଙ୍କ ଠୁଁ ଲକ୍ଷାଧିକ ଟଙ୍କା ର ଚାନ୍ଦା ଆଦାୟ କରି କାହାକୁ କିଛି ହିସାବ ନଦେଇ ନିଜର ଏକ ଆୟ ର ସ୍ରୋତ ଭାବରେ ଭଗବାନ ଙ୍କୁ ବ୍ୟବହାର କରୁଛି।ବର୍ତ୍ତମାନ ତାର ଆଖି ପବିତ୍ର ଶୀତଳଷଷ୍ଠୀ ଯାତ୍ରା ଉପରେ ପଡ଼ିଛି।ଅତୀତରେ ଦେଖା ଯାଇଛି ଯେ ନିଜର ସ୍ୱାର୍ଥ ପାଇଁ ସେ ସଂଗ୍ରାମୀ ଓ ମହାନ୍ ବ୍ୟକ୍ତି ମାନଙ୍କୁ ବି ଛାଡ଼ି ନାହିଁ।ସମ୍ବଲପୁର ବାସୀ ଙ୍କୁ ଅନୁରୋଧ ଏହି ଅଣଓଡ଼ିଆ ବ୍ୟକ୍ତି ପ୍ରତି ସତର୍କ ରୁହନ୍ତୁ।ଜିଲ୍ଲା ପ୍ରଶାସନ କୁ ଅନୁରୋଧ ଆଗାମୀ ଦିନରେ ସମ୍ବଲପୁର ର ଐତିହ ଓ ଏକତା କେମିତି ବଜାୟ ରହିବ ସେ ବିଷୟରେ ଯତ୍ନବାନ ହେବେ ବୋଲି ଅନୁରୋଧ କରୁଛୁ।
- ମିଳିତ କ୍ରିୟାନୁଷ୍ଠାନ କମିଟି
(ଝାଡୁଆପଡ଼ା,ନନ୍ଦପଡ଼ା ଓ ମୁଦିପଡ଼ା)
ଶୀତଳଷଷ୍ଠୀ ଯାତ୍ରା, ସମ୍ବଲପୁର
