Lumbini Buddha vihar, Rangapara

18/10/2025

17/02/2022

Bangkok, Thailand 🌅

Photo by

04/02/2022

Ngangpa Natme (Buddha Park) in Tawang Arunachal Pardesh

21/11/2021

জ্ঞানী ব্যক্তিয়ে কেতিয়াও প্ৰশংসা বা নিন্দাৰ দ্বাৰা প্ৰভাৱান্বিত নহয়।
"গৌতম বুদ্ধ,,

26/05/2021

পৱিত্ৰ বুদ্ধ পূৰ্ণিমা উপলক্ষে সকলোকে আন্তৰিক শুভেচ্ছা জনালোঁ।

ভগৱান বুদ্ধই মানৱজাতিক শান্তি, অহিংসা, প্ৰেম, দয়া আৰু কৰুণাৰ মহান বাণীৰে উদ্বুদ্ধ কৰি গৈছে। বুদ্ধ পূৰ্ণিমাৰ পৱিত্ৰ দিনটোত এই আদৰ্শত উৎসৰ্গিত হৈ এখন সৰ্বাংগসুন্দৰ সমাজ গঢ়াৰ যাত্ৰাত অগ্ৰসৰ হওঁ আহক।

26/05/2021

আজিৰ দিনটোতেই সিদ্ধাৰ্থ জ্ঞানপ্ৰাপ্ত হৈ "ভগৱান বুদ্ধ" ৰূপে জগতত পৰিচিত হৈছিল।

আজিৰ এই পৱিত্ৰ দিনটোত সমাজৰ সকলো অমংগল তথা গ্লানি নাশ হৈ এখন সুস্থ আৰু কল্যাণকামী সমাজ নিৰ্মাণ হোৱাৰ কামনাৰে সকলোকে "বুদ্ধ পূৰ্ণিমা"ৰ শুভেচ্ছা জ্ঞাপন কৰিলোঁ।।

॥বুদ্ধং শৰণং গচ্ছামি॥
॥ধৰ্মং শৰণং গচ্ছামি॥
॥সংঘং শৰণং গচ্ছামি॥

15/04/2021

বৌদ্ধ ধৰ্মাৱলম্বী লোকসকলৰ পয় চাংকেন

বৌদ্ধ ধৰ্ম গৌতম বুদ্ধৰ দ্বাৰা প্ৰচাৰিত এটা ধৰ্ম বিশ্বাস আৰু জীৱন দৰ্শন। পৃথিৱীৰ কেইবাখনো দেশৰ লগতে ভাৰততো বৌদ্ধ ধৰ্মাৱলম্বী লোক আছে। আমাৰ ৰাজ্য অসমত বহুতো জনগোষ্ঠী লোকসকলে এই ধৰ্ম অনুসৰণ কৰি আহিছে।

বৌদ্ধ ধৰ্মৰ এটা পবিত্ৰ উৎসৱ হ'ল 'পয় চাংকেন'। পয়= উৎসৱ, চাংকেন= পানী(থাই ভাষাত)। এই পয় চাংকেন তিনিদিনকৈ অনুষ্ঠিত কৰা হয়। ব'হাগ বিহুৰ সমান্তৰালকৈ এই উৎসৱ বৌদ্ধ বিহাৰ(মন্দিৰ)ত গৰু বিহুৰ দিনাৰ পৰাই আৰম্ভ হয়। পয় চাংকেন বাৰ্মাৰ বৌদ্ধ ভিক্ষু সকলে গণণা কৰি উলিওৱা সময় মতেহে পালন কৰা হয়। পৰম্পৰা অনুসৰি গৰু বিহুৰ দিনা বুদ্ধ, ধৰ্ম আৰু সংঘ এই তিনি ৰত্ন গুণক মম, ধূপ, ফুল আৰু পানী (যদিহে পুৱাৰ সময় হয় তেতিয়া অন্নদান কৰা হয়, দুপৰীয়া ১২ বজাৰ পিছত অন্নদান কৰা নহয়।) আদিৰে বন্দনা কৰি বৌদ্ধ মঠটোত থকা বুদ্ধ মূৰ্তিসমূহ বৌদ্ধ ভিক্ষুৰ তত্ত্বাৱধানত বাহিৰলৈ উলিয়াই আনি ফ্ৰা: চং (মূৰ্তি ৰখা ঘৰ)ত ৰখা হয়। উলিয়াই অনাৰ সময়ত গাঁৱৰ লোকসকলে আখৈ, ফুল আদি মূৰ্তিসমূহত ছটিয়ায়। মূৰ্তি ৰখা ঘৰটোত এটা চেৰেকী জাতীয় বস্তু থাকে, যাক 'কংপান' বুলি কোৱা হয়। এই কংপানত কেইবাটাও ছিদ্ৰ ৰাখে। ইয়াৰ উপৰিও লোকসকলে পানী ঢালিবৰ বাবে সুবিধা কৰি এখন নাও সাজি দিয়া হয়। গাঁৱৰ লোকসকলে সেই নাওখনত পৰিষ্কাৰ পানী ঢলাত পানীখিনি কংপানৰ ভিতৰত পৰি কংপানৰ ছিদ্ৰৰ দ্বাৰা মূৰ্তিসমূহৰ গাত পৰে।

মূৰ্তিসমূহৰ গাত লাগি পৰি অহা পানীক পবিত্ৰ পানী বুলি বৌদ্ধ ধৰ্মাৱলম্বী লোকসকলে বিশ্বাস কৰি আহিছে আৰু এই পানী খালে দেহ-মন ভালে থাকে বুলি লোক বিশ্বাস। এই পবিত্ৰ পানী ল'ব লৈ গাঁৱৰ লোকসকলে মূৰ্তি ৰখা ঘৰটোৰ ভিতৰত লোটা বা ঘটি বহুৱায়। লোটা বা ঘটিসমূহত আম গছৰ আগলি পাত আৰু দুবৰি বন ৰাখিব লাগে।

এনেদৰেই বৌদ্ধ ধৰ্মাৱলম্বী লোকসকলে তিনিদিনকৈ ন সাজ পিন্ধি পৰিষ্কাৰ পানীৰে মূৰ্তিসমূহক স্নান কৰায়, লগতে ইজনে সিজনৰ গালৈ পানী ছটিয়াই আনন্দ উল্লাসত ভাগ লয় বাবে ই পানী বিহু বুলিও জনাজাত।

বৌদ্ধ ধৰ্মৰ লোকসকলৰ লোক বিশ্বাস যে বছৰৰ আৰম্ভণিতে এনেদৰে বুদ্ধ মূৰ্তিসমূহক স্নান কৰিলে গাওঁখনৰ অপায়-অমংগল দূৰ হোৱাৰ লগতে গাওঁখনত শান্তিৰ পৰিৱেশ বিৰাজ কৰে।

তিনিদিনৰ দিনা অৰ্থাৎ অন্তিম দিনাখনত পুনৰ তিনি ৰত্ন গুণক বন্দনা কৰি বৌদ্ধ ভিক্ষুৰ তত্ত্বাৱধানত বাহিৰত থকা মূৰ্তিসমূহক পুনৰ বৌদ্ধ মন্দিৰৰ মূল স্থানত স্থাপন কৰা হয়। এনেদৰেই বৌদ্ধ ধৰ্মাৱলম্বী লোকসকলে পয় চাংকেন আনুষ্ঠানিক ভাৱে পালন কৰে। (সহায় লৈ আৰু যদিহে কিবা ভুল হৈছে নতুবা লিখিবলৈ থাকি গৈছে তেনেহ'লে শুদ্ধৰাই দিয়ে যেন। শেষত ক্ষমা প্ৰাৰ্থনাৰে🙏🙏🙏)

জীমণি ৰণৰাং
তিনিচুকীয়া

07/01/2021

তুমি নীৰৱ ,
তুমি গভীৰ ,
তুমি পোহৰ ,
প্ৰিয়তকৈও প্ৰিয়।

16/09/2020

Momo Buddhaya