20/07/2026
الحمد للہ، عرسِ جمالی کے وصالی کُل شریف کی بابرکت و روح پرور مجلس میں حضرت علامہ سید امین القادری صاحب (مالیگاؤں، مہاراشٹر) کی تشریف آوری باعثِ سعادت و مسرت رہی۔ آپ بلّاسپور کے محترم سلیم میاں کے ہمراہ عرسِ جمالی میں شریک ہوئے۔
آستانۂ عالیہ پر سجادہ نشین، پیر و مرشد حضرت شاہ فہد احمد خان جمالی مدظلہ العالی نے نہایت محبت، خلوص اور روایتی آدابِ میزبانی کے ساتھ معزز مہمانوں کا استقبال فرمایا۔ اہلِ علم و مشائخِ کرام کی آمد اور ان کی پذیرائی، خانقاہی روایات اور اولیائے کرام کی تعلیمات کا حسین مظہر ہے، جو محبت، اخوت اور احترامِ اہلِ علم کا عملی پیغام دیتی ہے۔
بارگاہِ الٰہی میں دعا ہے کہ اللہ تعالیٰ حضرت حافظ سید شاہ جمال اللہ رحمۃ اللہ علیہ کے فیوض و برکات کو تا قیامت جاری و ساری رکھے، اور تمام علماءِ اہلِ سنت و مشائخِ عظام کو سلامت رکھ کر دینِ متین کی خدمت کی مزید توفیق عطا فرمائے۔
اللّٰہمَّ زِدْ عُلَمَاءَنَا وَمَشَائِخَنَا عِزًّا وَقَبُولًا، وَأَدِمْ عَلَيْهِمْ نِعْمَةَ الصِّحَّةِ وَالْعَافِيَةِ. آمین۔
