एकविरा देवी

19/01/2026

26/03/2024

एक मनस्वी कलाकार हरपला...

मुलुंडमध्ये अनेक दिग्गज मंडळी राहतात. राजकारण, समाजकारण, साहित्य, पत्रकारिता, नाटक, चित्रपट, क्रीडा अशा अनेक क्षेत्रातील नामवंत आहेत. नाट्य आणि कला क्षेत्रातील आज एका कलाकारांने आज मुलुंडकरांचा कायमचा निरोप घेतला. नाट्य अभिनेता - दिग्दर्शक आणि गणेश कलाकार लवराज कांबळी यांचे निधन झाले.
दीड वर्षांपूर्वी त्यांच्या अर्धांगिनी अभिनेत्री गीतांजली वहिनी यांचं कर्करोगाशी सामना करताना निधन झालं होते. त्यातून ते स्वतःला सावरू शकले नाहीत.
कलाकार म्हणून हा माणूस ग्रेट होता. विविध नाटकात त्यांनी भूमिका केल्या. 'वस्त्रहरण' मधील गोप्या अनेकांच्या स्मरणात राहणारी भूमिका कोणीच विसरू शकत नाही.
ते राहत असलेल्या मुलुंड पूर्व म्हाडा कॉलनीत त्यांचा गणपतीचा कारखाना होता. आकर्षक गणेशमूर्ती साकारण्याची कला त्यांच्याकडे उपजत होती. माझा भाऊ शशिकांत यामुळे त्यांच्या प्रेमात होता. यातून आम्ही त्यांनी घडवलेल्या आखीव-रेखीव मूर्ती सलग चार वर्षे गावी घेऊन गेलो.
मुलुंडकर आणि कोकणी माणूस म्हणून एक विशेष नातं तयार झालं होतं.
यातूनच गावी वाडीसाठी पाण्याची सोय व्हावी म्हणून एक विहीर खोदायची ठरली. यासाठी निधी उभा करतांना मुलुंडमधील मोजक्या दानशूर व्यक्तीन्ची मदत मिळाली. त्यावेळी प्रसिद्ध समाजसेवक म. बा. देवधर, आनंद वालावलकर, कै. विजय दाते, कै. सतीश पटवा यांच्यासोबत एक नाव लवराज कांबळी यांचं घ्यावं लागेल.
लवराज यांचं त्यावेळी 'केला तुका, झाला माका' हे नाटक रंगभूमीवर आलं होतं. स्वतः दिग्दर्शन केलेल्या या नाटकात त्यांची पंचरंगी भूमिका होती. वाडीतील पाण्याच्या सोयीसाठी माफक रक्कमेत या नाटकाचा प्रयोग वार्षिक पूजेच्या दिवशी ठेवला होता.
प्रयोग संपल्यावर जेवणात फणसाची भाजी त्यांनी आवर्जून सांगितली होती. त्यांचा त्यांनी आस्वाद घेतला.
भेट होई तेव्हा आवर्जून गावची आठवण काढत.
त्यांची विविध कार्यक्रमाच्या निमित्ताने भेट होई. आता ती कधीच होणार नाही. या मनस्वी कलाकाराला आदरांजली💐

12/12/2023

मुलुंडच्या सोयी सुविधांच्या बाबतीत मुलुंड पूर्व परिसरावर नेहमीच अन्याय होत आला आहे. पीएपी सारखा प्रोजेक्ट मुलुंड पूर्व च्या माथ्यावर मारण्यात आला आहे. हे त्याचे ढळढळीत उदाहरण आहे.मुलुंड पश्चिम परिसरात सर्वच प्रशासकीय कार्यालये आहेतच;पण आरोग्य, मनोरंजन यासारख्या सोयीसुविधांबरोबर कालिदास नाट्यगृहासह मोठे क्रीडा संकुल आहे. असे असताना सुमारे २१ कोटी खर्चून कालिदासच्या जवळच एकूण २५०९.९० चौ. मी. क्षेत्रावर सार्वजनिक सभागृह बांधले जाणार आहे. आजच्या वर्तमानपत्रांमध्ये याची निविदा प्रकाशित झाली आहे. लोकांच्या पैशातून- करातून अशा मोठ्या सुविधा निर्माण करायच्या आणि त्या दुसऱ्यांना खाजगी व्यक्तींना चालवू द्यायचे ठरलेले असते. प्रियदर्शनी क्रीडा संकुल म्हणजे कालिदास नाट्यसंकुल हे त्याचं उत्तम उदाहरण आहे. मुलुंड पूर्वमधील आजारी सावरकर रुग्णालय, देशमुख उद्यान सोडलं तर येथे काय आहे? २०१२ साली बंद पडलेली जयगणेश टॉकीज नाव पुसून २०२२ सुरु झाली. कोणीही आवाज उठवला नाही.
PAP म्हणजे "पाप" आहे. त्याचे क्षालन करण्यासाठी पश्चिमला होणारे सार्वजनिक सभागृह मुलुंड पूर्व परिसरात या जागी स्थलांतरित करा. इतरही सार्वजनिक सोयीसुविधा मुलुंड पूर्वच्या रहिवाशांसाठी गरजेच्या आहेत.

02/09/2023

सर्व मित्रांना कळविण्यात येत आहे की जवळपास सर्व फेसबुक अकाउंट हॅकर्सने क्लोनिंग केले जात आहे. ते तुमचे प्रोफाईल फोटो आणि तुमचे नाव नवीन फेसबुक अकाउंट तयार करण्यासाठी वापरत आहेत आणि नंतर तुमच्या मित्रांना त्या अकाउंटमध्ये जोडण्याचा प्रयत्न करत आहेत. तुमच्या मित्रांना वाटते की हे तुम्ही आहात आणि ते त्यात सामील होतात. तेव्हापासून ते हॅकर्स तुमच्या नावाखाली जे पाहिजे ते लिहू शकतात!!!

मला तुम्हाला माहित आहे की माझ्याकडे नवीन फेसबुक खाते उघडण्याचे कारण नाही. कृपया काळजी घ्या आणि माझ्या नावाने नवीन FB अकाउंट वरून येणारी फ्रेंड रिक्वेस्ट स्वीकारू नका!!

अश्लील, सांप्रदायिक, जातीवाद किंवा पैसा या विषयी माझ्या अकाउंट वरून कोणाला मेसेज आला तर तो फेक असेल कारण मला तसे करण्याची गरज नाही.

(हा मेसेज टाईमलाईनवर कॉपी पेस्ट करा, जेणेकरून तुमच्या नावासह केलेल्या अश्या फेक अकाउंटची विनंती तुमच्या मित्रांपैकी कोणीही स्वीकारू शकणार नाही)

07/06/2023

कन्या आमचा अभिमान!!

छोटया कन्या चैतालीने मुंबई विदयापीठातून इंग्रजी साहित्यातून M. A. पदव्युत्तर परीक्षा उत्तीर्ण करताना 83% गुण संपादन केले.
काल निकाल जाहीर झाला. आणि आम्ही निश्चिंत झालो. ती कलाकार आहे. उत्तम चित्रे ती काढते. संगीताची आवड आहे. त्यातच तिने करिअर करावे. असे आम्हाला वाटत होते.
आम्ही तिला शिक्षणाबाबत स्वतःच निर्णय घ्यायला लावला. मोठ्या लेकीने बहिणीला तेव्हा चांगलं मार्गदर्शन केलं. तिने ते सर्व सार्थ ठरवलं आहे.
मोठी कन्या योगेश्वरी आणि तिच्या आईचे (sunita) हे श्रेय आहे. त्यांचेही कौतुक!! 😘

03/06/2023

जात आणि गरिबी निर्मूलन ऐवजी जाती द्वेष आणि गरिबाला संपवण्याचा कार्यक्रम! सर्वच भयावह आहे.

03/06/2023

DSR म्हणजे District Schedule of Rates(DSR) is also known as Schedule of Rates(SOR) हे पंचायत राज व्यवस्थेतील टक्केवारीचे " कुरण" आहे.

05/12/2021

*एकविरा देवी* हे कोकणातील राजापूर तालुक्यात कोतापूर या गावातील जागृत देवस्थान मानले जाते,नवसाला पावणारी एकविरा देवी अशी या दैवतेची ख्याती सांगितली जाते. गावाचे ग्रामदैवत असलेल्या एकविरा देवीचे अनेक सण उत्सव साजरे होतात. सुमारे ११ व्या शतकातील हे देवस्थान असून या गावाचा मूळअधिपती श्री. पुरक आहे. सुमारे ११ शतकापूर्वी कोतापूर गाव वसल्याचा शिलालेखात उल्लेख आहे.या गावाचा इतिहास शिलाहारांच्याच नाही तर वाकाटक घराण्यापर्यंत मागे जाऊन भिडतो. गावाची नवसाला पावणारी देवी आणि संपूर्ण गावाची रखवाली करणारी ग्रामदैवत म्हणजे श्री एकविरा देवी आहे. गाव महार वतनदाराने वसवलेला आहे. त्यामुळे या गावाचा मूळ पुरूष वा मूळ देवता श्री पुरूक देव आहे. सर्व मंगल कार्यात त्यालाही मान आहे. एकविरा देवीचे सण- उत्सव परंपरेने वर्षभर सुरु असतात. पण त्यातील *होळी आणि देव दिवाळी* प्रमुख आहेत. आजच्या *देव दिवाळी जत्रौत्सवाच्या गाव ते गावापासून कामधंद्यानिमित्त दूर असलेल्या लेकरांची माऊलीने उत्तरोत्तर प्रगती करो.हीच प्रार्थना!🙏 जत्रौत्सवासाठी शुभेच्छा* 💐🌹 @विनायक सुतार ५ डिसेंबर २०२११