30/01/2026
ಭಕ್ತೋದ್ಧಾರಕ ಶ್ರೀ ಸಿದ್ಧರಾಮರ ಮಹಾಮಂದಿರ ಸಂಪೂರ್ಣಗೊಂಡಿದೆ 🛕🚩
ಕೋಟಿ ಭಕ್ತರ ಕನಸು, ಭಕ್ತೋದ್ಧಾರಕನ ಭವ್ಯ ದೇಗುಲ.ಎಷ್ಟೋ ವಿಳಂಭಗಳ ನಡುವೆ, 22 ವರ್ಷಗಳ ನಂತರ ಮೃಗಶಿರ ನಕ್ಷತ್ರ, ಇಂದ್ರ ಯೋಗದ ಶುಭಸಂದರ್ಭದಲ್ಲಿ ಇಂದು ಗುರುವಾರದಂದು ಸಂಪೂರ್ಣಗೊಂಡಿರುವ ವಿಚಾರವನ್ನು ಹರ್ಷದಿಂದ ತಿಳಿಸುತ್ತಿದ್ದೇವೆ.
ಏಪ್ರಿಲ್ 2, 2003ರ ಯುಗಾದಿಯಂದು ಸ್ವತಃ ಸಿದ್ಧರಾಮ ಶಿವಯೋಗಿಗಳೇ ತಮ್ಮ ಯೋಗಾಸಮಾಧಿಯನ್ನು ತೋರಿಸಿ, ರೇವತಿ ನಕ್ಷತ್ರ ಹಾಗೂ ಇಂದ್ರ ಯೋಗದಲ್ಲಿ ಪೂಜೆ ನೆರವೇರಿಸಿದ್ದರು. ಇಂದು ಅದೇ ಇಂದ್ರ ಯೋಗದ ಶುಭಸಂಧರ್ಭದಲ್ಲಿ ಮಹಾಮಂದಿರದ ಕಾರ್ಯ ಸಂಪೂರ್ಣಗೊಂಡಿದೆ.
ಸಾಕ್ಷಾತ್ ಶಿವಯೋಗಿಯ ಮಹಾಮಂದಿರದ ಕಾರ್ಯ ಸಂಪೂರ್ಣಗೊಂಡಿರುವ ಈ ಶುಭಸಂಧರ್ಭವನ್ನು ವರ್ಣಿಸಲು ಪದಗಳು ಸಾಲವು. ಕೋಟಿ ಭಕ್ತರ ಭಕ್ತಿಯ ಜವಾಬ್ದಾರಿಯನ್ನು ಹೆಗಲಿನ ಮೇಲೆ ಹೊತ್ತು, ತಮ್ಮ ಗುರುಗಳ ಮಹಾಮಂದಿರದ ಸಂಪೂರ್ಣತೆಗೆ ಪೂಜ್ಯಶ್ರೀಗಳು ಮಗುವಿನಂತೆ ಸಂಭ್ರಮಿಸಿ, ಸಾಷ್ಟಾಂಗ ನಮಸ್ಕಾರ ಸಲ್ಲಿಸಿ ಗುರುವಿಗೆ ವಂದಿಸಿದರು.
|
