08/09/2026
भव्य रक्तदान व मोफत आरोग्य तपासणी शिबिर उत्साहात संपन्न
संयुक्त प्रसाद मित्र मंडळ, नारायण पेठ आणि रोटरी क्लब ऑफ पुणे मिडटाउन यांच्या संयुक्त विद्यमाने रविवार, दि. ६ सप्टेंबर २०२६ रोजी काष्ठाचा बोळ, नारायण पेठ येथे भव्य रक्तदान व मोफत आरोग्य तपासणी शिबिराचे आयोजन करण्यात आले. या सामाजिक उपक्रमाला नागरिकांनी उत्स्फूर्त प्रतिसाद देत मोठ्या संख्येने सहभाग नोंदविला.
शिबिराचे उद्घाटन आमदार हेमंत रासने यांच्या हस्ते करण्यात आले. यावेळी माजी नगरसेवक राजेशदादा येनपुरे, नितीनजी पंडित, नगरसेविका स्वप्नाली ताई पंडित, अमितजी कंक यांच्यासह विविध मान्यवरांची प्रमुख उपस्थिती होती.
शिबिरामध्ये नागरिकांनी उत्स्फूर्तपणे रक्तदान करून सामाजिक बांधिलकी जपली. रक्तदात्यांचा मान्यवरांच्या हस्ते सत्कार करण्यात आला. तसेच मंडळाच्या सामाजिक कार्याची ओळख अधोरेखित करणाऱ्या ‘सामाजिक कार्य’ टी-शर्टचे अनावरण यावेळी करण्यात आले.
डॉ. अभिजित भिसे यांच्या सहकार्याने आयोजित मोफत आरोग्य तपासणीमध्ये CBC, रक्तातील साखर, कोलेस्ट्रॉल, किडनी व लिव्हरशी संबंधित तपासण्या तसेच रक्तदाब तपासणी करण्यात आली. नागरिकांना आरोग्यविषयक आवश्यक मार्गदर्शनही देण्यात आले.
🩸 “रक्तदान करा… जीवनदान करा!
तुम्ही एक जीव वाचवू शकता!”
या संदेशातून रक्तदानाचे महत्त्व नागरिकांपर्यंत पोहोचविण्यात आले.
या सामाजिक उपक्रमाच्या यशस्वी आयोजनासाठी सामाजिक उपक्रम प्रमुख अमोल भालेराव, गुरुदत्त डिंगरे, कुणाल आहेर, निखिल हजारे तसेच संयुक्त प्रसाद मित्र मंडळाचे सर्व पदाधिकारी व कार्यकर्ते यांनी विशेष परिश्रम घेतले.
तसेच रोटरी क्लब ऑफ पुणा मिडटाउनच्या अध्यक्षा डॉ. शुभदा जठार, सचिव श्री. समीर मोहिरे, दरेकर काका, प्रमोदजी संभूस आणि रोटरी क्लबच्या सर्व सदस्यांचे मोलाचे सहकार्य लाभले.
संयुक्त प्रसाद मित्र मंडळाच्या सामाजिक कार्याची ही वाटचाल अशीच अविरत सुरू राहो! 🙏🩸
#रक्तदान #रक्तदानशिबिर #मानवसेवा #संयुक्तप्रसादमित्रमंडळ 🩸❤️
