17/12/2025
പ്രിയാ ഭക്തരെ,
പരമാത്മ സ്വരൂപനായ ശ്രീകൃഷ്ണ ഭഗവാന്റെ അനുഗ്രഹങ്ങൾ കൊണ്ട് സമ്പന്നവും സമൃദ്ധവുമായ ശ്രീകൃഷ്ണസ്വാമി ക്ഷേത്രത്തിൽ 2025 ഡിസംബർ മാസം പതിനേഴാം തീയതി വിശേഷമായ കുചേല ദിനം ആചരിക്കുന്നു. സൗഹൃദബന്ധത്തിന്റെ പവിത്രവും പരിപാവനതയും എത്രത്തോളം ആണെന്ന് ഭഗവാൻ നമുക്ക് പറഞ്ഞു തന്ന വിശേഷമായ സുധാമ ചരിതം അതോടൊപ്പം തന്നെ ദാരിദ്ര്യ ദുഃഖത്തിൽ നിന്നും സമൃദ്ധിയാകുന്ന അനുഗ്രഹത്തിലേക്കാണ് ഓരോ ഭക്തനും എത്തേണ്ടത് എന്നുള്ള പവിത്രമായ ഉപദേശവും നൽകുന്ന ഉത്തമമായ ദിവസവും കൂടിയാണ് കുചേലദിനം . അന്നേദിവസം രാവിലെ മുതൽ ഭക്തജനങ്ങൾക്ക് തങ്ങളുടെ ദാരിദ്ര ദുഃഖങ്ങളും ദാരിദ്ര ദോഷങ്ങളും മാറുന്നതിനായി ഭഗവാന് അവൽ കിഴി സമർപ്പിക്കുവാനുള്ള സൗകര്യം ഉണ്ടായിരിക്കുന്നതാണ്. അതോടൊപ്പം തന്നെ സമർപ്പിക്കപ്പെടുന്ന ഭക്തജനങ്ങൾക്ക് വിശേഷമായ അവൽ നിവേദ്യവും ധനവും സമൃദ്ധിയുടെ പ്രതീകമായി നൽകുന്നതാണ്. നല്ലവരായ എല്ലാ സജ്ജനങ്ങൾക്കും ഭഗവാന്റെ അനുഗ്രഹ കൃപാകടാക്ഷങ്ങൾ അവോളം ഉണ്ടാകട്ടെ എന്ന് പ്രാർത്ഥിക്കുന്നു
ജനറൽ സെക്രട്ടറി
ലോർഡ് കൃഷ്ണ ദേവസ്വം സമിതി
ഖജൂരികലാൻ, ഭോപ്പാൽ
14/12/2025
ഭോപ്പാൽ
