धम्मचक्र बुद्धविहार शाहूनगर

26/02/2026

*🌸 हार्दिक अभिनंदन! हार्दिक अभिनंदन!! 🌸*
नालंदा फाउंडेशन, चिंचवड संचलित नालंदा स्पर्धा परीक्षा मार्गदर्शन केंद्रा मधून अभ्यास करणाऱ्या *श्रीमती आकांक्षा साळवे/ लांडगे*
यांची PWD (सार्वजनिक बांधकाम विभाग) मध्ये
स्थापत्य अभियांत्रिकी सहाय्यक पदावर निवड झाल्याबद्दल
त्यांचे मनःपूर्वक अभिनंदन व हार्दिक शुभेच्छा!
ही केवळ वैयक्तिक यशाची बातमी नसून
नालंदा स्पर्धा परीक्षा परिवारासाठी अत्यंत अभिमानाचा क्षण आहे.
त्यांच्या जिद्दीने, सातत्यपूर्ण अभ्यासाने आणि ध्येयवेड्या प्रयत्नांनी
आज यशाचे सुवर्णपान लिहिले आहे. 📘🏆
त्यांच्या या यशामागे त्यांची जिद्द, परिश्रम, सातत्यपूर्ण अभ्यास आणि त्यांचे पती आयु.अमरदीप लांडगे यांचा महत्त्वपूर्ण पाठिंबाआहे.
त्यांच्या या यशामुळे नालंदा स्पर्धा परीक्षा अभ्यासकेंद्राचा नक्कीच गौरव वाढला आहे. ✨
त्यांच्या उज्ज्वल भविष्यासाठी मनःपूर्वक शुभेच्छा!
अशाच प्रकारे त्या समाजसेवेत व शासकीय सेवेत उत्तम कार्य करतील याची खात्री आहे.
💐 नालंदा फाउंडेशन, चिंचवड
संचलित
धम्मचक्र बुद्ध विहार, शाहूनगर

22/11/2025

📢 जाहीर नोटीस

दिनांक : 23-11-2025
नालंदा फाउंडेशन चिंचवड संचलित–धम्मचक्र बुद्ध विहार शाहूनगर
🌸 नालंदा स्पर्धा परीक्षा अभ्यास केंद्र 🌸

📚 शैक्षणिक वर्ष : जानेवारी 2026 ते डिसेंबर 2026 – प्रवेश प्रक्रिया

पिंपरी-चिंचवड शहर व परिसरातील UPSC / MPSC तसेच इतर स्पर्धा परीक्षेची तयारी करणाऱ्या गरीब व होतकरू विद्यार्थ्यांना कळविण्यात येते की,
नालंदा स्पर्धा परीक्षा अभ्यास केंद्र,धम्मचक्र बुद्ध विहार–शाहूनगर येथे सन 2026 (01 जानेवारी ते 31 डिसेंबर) या कालावधीसाठी प्रवेश प्रक्रिया खालीलप्रमाणे सुरू होत आहे.

📝 अर्ज विक्री व सबमिशन तारखा

अर्ज विक्री : 01 डिसेंबर 2025 ते 15 डिसेंबर 2025

अर्ज जमा : 16 डिसेंबर 2025 ते 31 डिसेंबर 2025
(आवश्यक कागदपत्रांसह अर्ज कार्यालयात जमा करावा)

अभ्यासिकेचे नियम व अटी मान्य असल्यास प्रवेश नोंदणी फी ₹100/- भरून अर्ज घ्यावा.
विद्यार्थ्यांच्या गतवर्षीच्या कामगिरी आणि गुणवत्तेनुसार प्रवेश दिला जाईल.

📌 अटी व शर्ती

1. विद्यार्थी SSC/HSC किंवा कोणत्याही शाखेचा पदवीधर असावा. अंतिम वर्षातील टक्केवारी नमूद करणे आवश्यक.

2. आधारकार्डची झेरॉक्स प्रत (Compulsory).

3. आधारवर पिंपरी-चिंचवडचा पत्ता नसल्यास – लाईट बिल / रेंट अग्रीमेंट आवश्यक.

4. मागासवर्गीय विद्यार्थ्यांनी जात प्रमाणपत्राची प्रत जोडणे.

5. याआधी UPSC/MPSC/इतर परीक्षा दिली असल्यास त्याची माहिती व पुराव्याची प्रत.

6. जुने विद्यार्थी (2025) यांनाही 2026 साठी नवा फॉर्म भरावा लागेल. थकीत फी असल्यास प्रवेश दिला जाणार नाही.

7. विद्यार्थी किंवा पालक धम्मचक्र बुद्ध विहाराचे सभासद असल्यास प्रथम प्राधान्य.

8. अभ्यासिका आठवड्यातून एक दिवस (रविवार) बंद राहील.

📆 सत्र कालावधी

प्रथम सत्र : जानेवारी ते जून

द्वितीय सत्र : जुलै ते डिसेंबर
पूर्ण वर्ष / 6 महिन्यांच्या बॅचपैकी कोणत्याही प्रकारे प्रवेश घेता येईल.

💰 देणगी शुल्क (Fees)

प्रवेश नोंदणी फी : ₹100/-

वार्षिक सेवा शुल्क (Full Year) : ₹2400/-

सहा महिन्यांची बॅच : ₹1200/-

🎯 उपलब्ध सुविधा

12 ते 15 तास अभ्यासिका खुली

24 तास RO Water

24 तास Unlimited Internet & WiFi

आरामदायी बैठक व्यवस्था

मुला–मुलींसाठी स्वतंत्र अभ्यास कक्ष

आतापर्यंत 150+ विद्यार्थी सरकारी सेवेत निवड

📌 अर्ज स्वीकारण्याचे वेळापत्रक
(16 डिसेंबर – 31 डिसेंबर 2025)

UPSC / MPSC ची तयारी करणारे कोणत्याही शाखेचे पदवीधर विद्यार्थी

1) 16-12-2025 ते 20-12-2025 (सकाळी 11.00 ते 1.30)

इतर स्पर्धा / व्यवसायिक परीक्षा देणारे पदवीधर विद्यार्थी

2) 21-12-2025 ते 25-12-2025 (सकाळी 11.00 ते 1.30)

महाराष्ट्र शासन अंतर्गत सेवा –
पोलिस भरती / जिल्हा परिषद / NEET / CET पूर्वतयारी विद्यार्थी

3) 26-12-2025 ते 30-12-2025 (सकाळी 11.00 ते 1.30)

4) शेवटची तारीख – 31-12-2025 (सकाळी 11.00 ते 1.30)

(फक्त संपूर्ण व पूर्ण भरलेले अर्जच स्वीकारले जातील)

📎 नवीन विद्यार्थ्यांसाठी आवश्यक कागदपत्रे (Xerox)

✔ आधार कार्ड व पासपोर्ट साईज फोटो (Compulsory)
✔ SSC/HSC/पदवी गुणपत्रिका किंवा प्रमाणपत्र
✔ जात प्रमाणपत्र (लागून येत असल्यास)
✔ राहण्याचा पत्ता पुरावा – लाईट बिल / रेंट अग्रीमेंट
✔ UPSC/MPSC Pre पास झाल्यास – नावासह निवडसूची क्रमांकाची छायांकित प्रत

10/08/2025

धम्मचक्र बुद्ध विहार शाहूनगर
श्रावण पौर्णिमा..
पूज्य भदंत नागघोष महाथेरो, वाडेबोलाई यांची धम्मदेशना व प्रवचन मंगलमय वातावरणात झाले आहे. सद्दधम्मातील उपासक उपासिका यांनी धम्मदेसनाचा लाभ घेतला आहे. त्याची काही क्षणचित्रे..

10/08/2025

🌾 *विशेष आवाहन – धम्मदानासाठी!* 🌾

*पूज्य भदन्त नागघोष महाथेरो वाडेबोलाई, पुणे येथे धम्मकार्यात सक्रिय असून, त्यांच्या विहारात सध्या ५ ते १० भिकू (सामनेर) प्रशिक्षण घेत आहेत.*
🙏 त्यांच्या **दैनंदिन भोजन व आवश्यक गरजां**साठी आपल्याकडून *गहू, तांदूळ, साखर, तेल, डाळी, चहा, मसाले, साबण, पेस्ट, अन्नधान्य इत्यादी वस्तू स्वरूपात धम्मदान* अपेक्षित आहे.
📅 *दि. ०९ ऑगस्ट २०२५ (श्रावण पौर्णिमा)* रोजी
*धम्मचक्र बुद्ध विहार, शाहूनगर* येथे
सर्व उपासक-उपासिकांनी आपल्या क्षमतेनुसार **वस्तूरूपात धम्मदान** करावे, ही नम्र विनंती.
🛐 हे धम्मदान *महाथेरो आणि भिकू (सामनेर) संघाच्या सेवा-साधनेस* उपयोगी ठरेल.
🌼 *धम्मदान हीच खरी पुण्यप्राप्ती!*
🙏 *सर्वांनी सक्रिय सहभाग घ्यावा.*
– *नालंदा फाऊंडेशन, चिंचवड*

10/08/2025

*धम्मचक्र बुद्ध विहार*
*शाहूनगर, चिंचवड, पुणे – ४११०१९.*
-------------------------------------
🪷 *श्रावण पौर्णिमा विशेष कार्यक्रम* 🪷
*सदधम्मातील सर्व उपासक-उपासिकांना कळविण्यात येते की, सालाबादप्रमाणे धम्मचक्र बुद्धविहारात*
*दिनांक १० जुलै २०२५ पासून वर्षावासास सुरवात झालेली आहे.*
📚 *बोधिसत्व डॉ. बाबासाहेब आंबेडकर लिखित "भगवान बुद्ध आणि त्यांचा धम्म"*
*या ग्रंथाचे वाचन दररोज सायंकाळी ७.०० वाजता वंदनेनंतर केले जात आहे.* *हे ग्रंथवाचन अश्विन पौर्णिमेपर्यंत चालू राहील.*
🌕 *विशेष कार्यक्रम:*
🗓️ *शनिवार, दि.०९ ऑगस्ट २०२५-श्रावण पौर्णिमा*
✨ *पूज्य भदन्त नागघोष महाथेरो* (पुणे) ✨
*यांची धम्मचक्र बुद्ध विहाराला सदिच्छा भेट,तसेच धम्म देसना व प्रवचन होणार आहे.*
-------------------------------------
🎯 *कार्यक्रमाची रूपरेषा:*
🔹 *सायं. ६.००:*
कार्यक्रमाच्या पूर्वतयारीसाठी सर्व धम्मसेवकांनी उपस्थित राहावे.
🔹 *सायं. ६.४५:*
भदन्त नागघोष महाथेरो व भिक्खू संघ यांचे स्वागत व शिलयाचना
🔹 *सायं. ७.००:*
संपूर्ण वंदना व ग्रंथवाचन
🔹 *सायं. ७.३० ते ८.३०:*
धम्म देसना व प्रवचन – भदन्त नागघोष महाथेरो
🔹 *रात्र. ८.३० ते ९.००:*
*खीरदान*
-------------------------------------
📝 *टीप:*
वर्षावास श्रावण पौर्णिमेनिमित्त, *स्वरूपा कांबळे (MPSC-UPSC विद्यार्थिनी)*
यांचा *मंगल परिणय* नुकताच पार पडला.
त्यांच्या वतीने *खीर दान* ठेवण्यात आले आहे.
-------------------------------------
सर्व पदाधिकारी, सदस्य, व उपासक-उपासिकांनी
धम्म प्रवचनाच्या लाभासाठी उपस्थित राहावे.
📍 *स्थळ: धम्मचक्र बुद्ध विहार, शाहूनगर, चिंचवड*
🙏 *जयभीम! नमो बुद्धाय!*
– *नालंदा फाऊंडेशन, चिंचवड*

05/07/2025

Celebrating my 3rd year on Facebook. Thank you for your continuing support. I could never have made it without you. 🙏🤗🎉

02/07/2025

26/03/2025

*🎉हार्दिक अभिनंदन🎉*

नालंदा स्पर्धा परीक्षा अभ्यास केंद्राच्या विद्यार्थ्याचा PSI पदावर यशस्वी प्रवेश!

पिंपरी-चिंचवड : राज्य लोकसेवा आयोगाने जाहिरात क्रमांक 070/2023 अन्वये घेतलेल्या महाराष्ट्र दुय्यम सेवा अराजपत्रित गट-ब परीक्षेचा निकाल जाहीर झाला असून, नालंदा फाउंडेशन संचलित नालंदा स्पर्धा परीक्षा अभ्यास केंद्र, शाहूनगर येथे अभ्यास करणाऱ्या सुमित प्रकाश कोळी यांनी 165 वा रँक मिळवत पोलीस उपनिरीक्षक (PSI) पदावर यश संपादन केले आहे.

सुमित कोळी यांच्या या उत्तुंग यशाबद्दल नालंदा फाउंडेशनच्या वतीने त्यांचे मनःपूर्वक अभिनंदन करण्यात आले. संस्थेच्या वतीने त्यांच्या सन्मानार्थ विशेष सत्कार समारंभ आयोजित करण्यात आला, जिथे विद्यार्थ्यांसह त्यांच्या संपूर्ण परिवाराची उपस्थिती होती.

नालंदा स्पर्धा परीक्षा अभ्यास केंद्राचा विक्रम!
नालंदा स्पर्धा परीक्षा अभ्यास केंद्राने आपल्या स्थापनेपासून आजपर्यंत 100+ विद्यार्थी उच्च पदांवर नियुक्त करण्याचा मान मिळवला आहे. विशेष म्हणजे 2024-2025 मध्ये नालंदा ग्रंथालयाचा विक्रमी निकाल लागला असून, तब्बल 48 विद्यार्थी अधिकाऱ्यांमध्ये निवडले गेले आहेत.

संस्थेचे अध्यक्ष आयु. धम्मभूषण सुरेश कसबे साहेब व सचिव आयु. सखाराम इंगवले, तसेच कार्यकारिणी मंडळ यांनी गरीब व होतकरू विद्यार्थ्यांसाठी उत्कृष्ट मार्गदर्शनाची संधी उपलब्ध करून दिली आहे. या संधीचा लाभ घेऊन अनेक विद्यार्थी शासन सेवेत उच्च पदावर विराजमान होत आहेत.

संस्थेच्या वतीने PSI पदावर निवड झालेल्यासुमित कोळी यांचे मनःपूर्वक अभिनंदन आणि पुढील वाटचालीसाठी शुभेच्छा!

धन्यवाद!
(नालंदा फाउंडेशन, पिंपरी-चिंचवड)

14/01/2025

*जिजाऊंच्या जयघोषाने शाहू नगर दुमदुमले*

पिंपरी चिंचवडच्या शाहू नगर परिसरात राजमाता जिजाऊंच्या ४२७ व्या जयंतीनिमित्त नालंदा फाउंडेशन संचलित धम्मचक्र बुद्ध विहाराच्या वतीने भव्य मिरवणूक व रॅलीचे आयोजन करण्यात आले. रविवारी (ता. १२ जानेवारी २०२५) हा उत्सव पारंपरिक वाद्य, ढोल-ताशांच्या निनादात आणि शाहिरी पोवाड्यांनी गाजला.

या अनोख्या उत्सवाची प्रमुख आकर्षणे म्हणजे, राजमाता जिजाऊंच्या वेशभूषेत घोड्यावर आरूढ झालेली धम्मचक्र बुद्ध विहाराचे सचिव इंगवले सर यांची कन्या स्नेहल इंगवले. तिच्या रुबाबदार रूपाने उपस्थितांची मने जिंकली. मिरवणुकीत तलवारबाजी, मैदानी खेळ, पारंपरिक ढोल-ताशा व विविध सांस्कृतिक कार्यक्रमांनी शाहूनगर परिसराचा रंगतदार माहोल तयार केला.

या मिरवणुकीत परिसरातील नागरिकांनी उत्स्फूर्त सहभाग घेतला. विशेषतः महिलांचा मोठ्या प्रमाणात सहभाग हा या कार्यक्रमाचा खास भाग होता. धम्मचक्र बुद्ध विहाराचे अध्यक्ष आयु. सुरेश कसबे, सचिव सखाराम इंगवले, मंगेश सोनकांबळे आणि इतर सदस्यांच्या नेतृत्वाखाली हा कार्यक्रम मोठ्या उत्साहात पार पडला.

मिरवणुकीसाठी विहारातील रमाई महिला मंडळ, मनीषा कसबे, सारिका सोनकांबळे, स्मिता बडवाने, रामदास इंगळे व उत्सव समितीचे अध्यक्ष वैभव कसबे यांनी विशेष परिश्रम घेतले. जिजाऊंच्या जयंती निमित्ताने दोन समाजांमध्ये ऐक्य आणि समन्वय निर्माण करणारा हा प्रयोग महाराष्ट्रात पहिल्यांदाच शाहू नगरमध्ये साजरा करण्यात आला.

या उपक्रमाच्या यशस्वीतेमुळे जिजाऊंच्या विचारांचे दर्शन घडले असून, त्यांच्या प्रेरणादायी जीवनचरित्राचा वारसा पुढे नेण्याचा संदेश देण्यात आला आहे.

*नालंदा फाउंडेशन संचलित धम्मचक्र बुद्ध विहार, शाहू नगर, चिंचवड.*