Gimegre Baptist Church

Gimegre Baptist Church AB Gimegre Mondoli Krima No.X
(1)

Bilsini tom•bimongani re•bae Isolni Kattako knae patianiko man•bo.
08/01/2026

Bilsini tom•bimongani re•bae Isolni Kattako knae patianiko man•bo.

19/04/2025

IAN CHOL INE RA•BO.

Saobarang jinma baksa bakrime Isolo bi•na sikenga indiba chol ong•jaega.
Saobarang chol man•enga indiba Isolna somoi on•jaenga.

✍️ Mitamrang sabisirangchi jinma baksa bakrimna man•jaenga.
✍️ Mitamrang maiba gelna amtelgijagipa obostarangchi jinmao bakrimna man•jaenga.
✍️ Mitamrang saniba sasonni a•selo bakrime bi•na man•jaenga.
Uni gimin jemangan bebera•rimskarang baksa bakrime Isolo bi•na aro olakina man•engachim Gitelo Katchabo! Isol nang•na namgipa cholko on•engasa.

13/04/2025

Happy Plam Sunday;

An•tangni Rajako U•ibo..
Mati.21:5.
Ontiti Highlights ka•atenga......✍️✍️✍️

Jensomoio Jisu Jerusalemona re•baha ua songjinmao napna skang songjinmaona sepangahaon an•tangni sninggipa sakgniko watate nikchenggipa songoniko gada bima Kae dongipako moe ra•echina watataha. Aro Jisuni ge•eta gitan sninggiparang re•ange gada bima Kae dongipako bi•sakoba Jisuona mobaaha.

Jensomoio Jisuona gada bima aro bi•sako mobaon manderangara Zekaria Katchinikgipani agansogimin kattao Cheani gnanggipa Tom•tomani Raja nang•ona sontol gada bimao gakate re•bagen Zekaria.9:9-10 oniko gisik ra•aha.

Uandaken uamang je an•tangtango gnangrangko bil amadipet rajana dakna nangarangko daktokaha. Jedake, gadao bararangko andapaha, ramarango bararangko anaha, bol chekskrangko ba bol bijakrangkoba aganha ramarangko rongtalataha. Aro jinmarang mikkangchi re•gipaba aro jarikgiparangba inchroaha, aro uamangni inchroani kurangnan songjinmani a•a gimikan mopilaha ine janapa Mt.21:10. Iarang maini gimin indake ong•aha inode ian An•tangni Rajako u•iahani gimin katchae manderangni inchroani manderangni Rajako mandera•ani gimin ine aganna man•gen.

Da•alo an•chingba Rajako u•iahaode rajana maikode dakna sikjawa? Chanchiate nibo🤔

✍️ Rajako mandera•na sikgen.
✍️ Rajako grongna sikgen.
✍️ Rajako nikna sikgen.
✍️ Rajana dangdikna sikgenchim.

Uni gimin an•ching maina Isolko olakina sikjaenga inode ba Isolko grongna sikjaenga inode aro Isolna dangdikna sikjaenga inode Isolko raja inen u•ikuja.

👉 Uni gimin nang•ni katongo da•alo Cheani gnanggipa tom•tomani Rajako grongkuja ong•ode da•alo Isol nang•ni katongonan re•baenga uko grongna katongtangko tarisobo.
👉 Ia Cheani gnanggipa tom•tomani Rajako nang•ni katongo grongahaode Una bame, Uko mandera•e, Uko olakie janggi tangnok aro Unasan dangdikna sikani nang•ni gisikoba sokbagnok.

Uni gimin An•tangni Rajako U•ina ian an•chingna chol Uko grongna hai katongtangtangko tarisona🤝

*******Chu•gimik Sermon salosa re•bagen gilja re•batokbo*****.

16/02/2025

Salo salni isolko, walo jajongni isolko.

Ia sal somoirango somoiantion gita chansok mingsokpilgija a•gilsako gital gital mingantian namdaproroenga aro an•ching sakantini nanganirangba baririkrikenga indake ong•engon somoiantikon minganti nanganirangna suale janggi tangna an•chinga nangskaenga.

Manderangni janggi tanganirang namen jakchakpilgija janggi tangna jotton ka•engoba saoba saobarangde da•aloba araten dongkuenggipa manderangba dongtaiengpiti. Isol an•tangni pilak dakgimin mingantikon gamchate aro jakaltoen ong•ataha. Pilak ong•atgiminrangoni Somoi-koba gamchaten ong•ataha.

Pilakan gital gital ong•genchim ong•oba a•bachengaonin da•alonaba somoi apsanen dongengku•a. Uni gimin Isolko olakina, Isolo bi•na somoi man•jaenga ine aganenggipa saobarang donggenchim ong•ode Isol nang•na somoiko komiatahama?

An•chingni Isolko olakiani bewalrangko nirike nigenchim ong•ode, Salo salni isolko olakienga gita salni giljaosan bakrime Isolko olakienga walo jajongni isolko olakienga ingipa gita walni giljarangode Isolko olakiani namen olgrokchongmotenga ine nikna man•a.

Uni gimin kosako janapbagimin gita pilakan gital gital ong•rikrikgenchim ong•oba Isolni ong•ataonin da•aloba somoide dingtangkuja apsangipa somoikon on•engkua ong•ode indede hai Isolko olakinaba somoiko on•nama!

Isolni Kattako knatimanide maming ong•ja Gilja napnasa nanga.Mandeni chanchianiko uni kamon u•ina man•a ine aganronga. U...
19/01/2025

Isolni Kattako knatimanide maming ong•ja Gilja napnasa nanga.

Mandeni chanchianiko uni kamon u•ina man•a ine aganronga. Uan ong•aba ong•a namako chanchigipa namakon daka, gisiko namgijako chanchigipa namgijarangkon daka.

Apsan daken soba aro salantini giljarango manderangni bakrime olakianiko niode chanchiani ong•kata. Jedake Bible Study aro Sermon iarango manderang dongpae Skianiko knatimna arata indiba gilja re•nade namnika.

Isolni Kattako knatimna aro Isolko olakichongmotna sikani gisik dongenchimode Isolni Kattako knatimna somoiko ra•genchim, bang•a manderangan salni giljana tarien Bible Study-o Isolni Kattako knatimna somoiko ra•ja.

Sobarangosan ong•aija songtangtangni giljarango apsankon dakenga iako an•ching jegalna man•jawa, indiba chanchie nikujaengani gimin ranta gitchamkon name nikenga aro ong•eba nikenga .

Ian Isolni Kattako knatimanide mamungba ong•ja, gilja napnasa nanga ine chanchiaming mamung dingtangani dongja.

Kristian Bia Ka•ani.Bia ka•ani inesan aganaiode rongtalbregija dake nikmana maina bia ka•aniara Isolonisa ong•ani gimin ...
05/01/2025

Kristian Bia Ka•ani.

Bia ka•ani inesan aganaiode rongtalbregija dake nikmana maina bia ka•aniara Isolonisa ong•ani gimin Kristian bia ka•ani ine agano Kristianrangnade krabate nika. Beben bia ka•ani Kristianrangosan dongaia indake ong•ja jedake, sorkario aro songsarekoba jikma jiske ong•atani niamrang gnang indiba uarangoniko niatgija Kristianrangni bia ka•anikosa miksonge niatenga.

An•ching Kristian nokdangrango aro Kristian songsaro bia ka•anirangkoba bang•arangkon namdapatna aro bang•arangkon nipilna nangenganirangkoba nikade nikenga indiba bang•arangan mingprak mingprakko nipile namdapataniona ra•bagenchimoba uarango katchaanirangkon ong•nikbate aganmesoke on•enggipako ra•chakna man•gijanirangan bang•bataigen.

Bia ka•anio bakrimani mangmangkoba nipilode nambatgen ine anga iano bang•gija aganna nangnika. An•chingni Kristian bia ka•anio bakrimaniba maiba miksonganiosa bakrimenga gita angade nikmana jedake,
✍️ Maharina gro bota ba jakchotna.
✍️ Ale cha•aniko cha•na.
✍️ Dakrongbewalko dakna.
✍️ Mande bang•ao an•sengna.

Kosako jerangkon anga janapaha iarangoni ong•srangja ine jechakna man•jawakon. Iarangna miksongmanchae re•angjaoba iarangoni badiaba bakode ong•telenga gitan nikmanchaengaha. Indakgipa chanchianirang baksa bakrimjaenga ong•bebeode an•chingni Kristian bia ka•anio bakrimani bewalrang dingtangenchim jedake,
✍️ Bia ka•atani service-o dongpae gital nokdangna bi•achi patianiko on•ani.
✍️ Bia ka•anio nambatgipa boksisan bia ka•anio dongpae Isolo bi•chakanisa ong•genchim.
✍️ Bia ka•ani matchotao grongna re•aniko dakjawachim.

Maina bia ka•aniara Isolonisa Isolsa mandeni saksan donganiko nangnikjae jikma jikse ong•china jorako on•aha. Uni gimin Kristian bia ka•anio nambatgipa boksis on•aniara dam rakgipa bosturangko on•anisan ong•aija indiba bia ka•atanio dongpae bia ka•enggipa gital nokdangna re•chakatenggipa jiksena Isolo bi•chake patianiko on•anisa.

Uni gimin an•chingni Songsaro aro Mondolio Kristian bia ka•anio an•chingni bakrimaniara Isolo bi•achi patianiko on•nasa miksonge pilak bia ka•anio dakchakpanian ong•na nanga.

22/12/2024

Christmas Darangnan Katchaani.

Dingtang dingtang a•selrango mande sakantian neng•nikanirang aro biljimanirangan gape be•enni gitade katchana man•jaenga. Indiba Jisu pilak gadangni Mandenan katchaaniko ra•bagipa ong•a. Jedake,
✍️ Nokolrang jemangan gipinni sasonni ning•o donggiparangnaba(mes nirikgiparang)
✍️ Officer-rangnaba/skia man•gipa manderangnaba(Salaramni u•igiparang)
✍️ Budepa bitchumarangnaba(Simeon aro Anna)
✍️ Ma•ani oko donggipa bi•sana mangba (Elisabeth-ni oko bi•sa chrokaha)

Uni gimin Jisuni atchianiara pilak gadangni Mandenan katchaaniko ra•bagipa ong•ani gimin an•ching an•tangtangni ka•tongo katchana ka•srokna nanga.

Sakantinan Katchan Gapgipa Christmas ong•china 🤝🙏

Mondolini exposure trip ba tour programme.Ian Mondolini mingsa ministry ong•a, Jean saksa sakgipin baksa namgipa bakrima...
15/12/2024

Mondolini exposure trip ba tour programme.

Ian Mondolini mingsa ministry ong•a, Jean saksa sakgipin baksa namgipa bakrimani ong•a. Mondolini ka•gni kamrangara Skiprakani aro Isolo bi•chakanisan mangmang ong•aija dingtang dingtang kamrangchi manderang baksa bakrime kamrangko chu•sokatna man•a.

Mondolini bimangode songreani aro kal•sanirang kraja ine agangiparangba dongade dongaia indiba uamangde an•tangni bang•gija u•ianiko parakanisan ong•aia.

An•chingni manderang pilakan Mondolini ning•on aro Mondolini mandean ong•manaha indiba pilakande Mondolio bakrimenga ong•ja. Mitamrang Giljao bakrima aro Mitamrang bilni jakni kamrango bakrimskaa. Indiba Giljao aro kamrango bakrimna kratchagiparangba kal•susaanio aro jinma songreanio bakrimskaa.

Uni giminsa Mondolio dingtang dingtang cholko ra•e manderang baksa bakrimna indakgipa programne-rangko nanga.

Mijalo chinga Mondolini Men's Ministry East Garo Hillsni Memo lake, Nengmand natokrang aro Rongkem Alda Nok iarangko nibaaha. Ian Isolni rasongna ong•china.

Mikangchiba apsan ku•monge bakrime kamrangko chu•sokatangna man•kugen ine nikna man•a.

08/12/2024

Angni bimung gnangma,
Sonani birapo?
Nang' Songnokni ki•tapo
Angko' sepajokma?

Ia git-ko segipa namemanchan an•tangni gamchataniko u•ie chanchiningen seaha.
An•chingni a•gilsako jeje bimung minggen uan namemanchan gamchata ian dikdiksana a•gilsako minge okame rona mingaigipa ong•ja. Maina mandeni janggia namoba jringjrotnan namjaoba jringjrotnan donggipa janggi ong•a.

Uni gimin janggi tangmitingo namako dake an•tangko dakgipa Isolko olakie Uni on•a Jringjrotni janggiko man•e janggi tangode Janggini ki•tapo jringjrotnan seako man•gen indiba janggi tangmitingon an•ching badiako basegen uan an•tangtangon pangchaka, an•tangni bimungko Janggini ki•tapo seako basegenma, ba jringjrotna sastina donsogipa ki•tapo list ka•ako man•na basegen uade bimung nokgipao pangchaka.

Baseanide an•tangtangosa darangba drae basiatna man•ja baseani cholko mesoke on•nasan man•aia.🙏

01/12/2024

Mondolini Ku•rachakgrikani Kata.

Ian an•chingko de•mesataitaia, iako A•chikni Ring•ani Gito gatchapataniara Isolni ABDK-ni dilgiparangko aro A•chik Literature Society-ni manderangko jakale A•chik Mondolirangni bebera•gipa sakantini gisikko de•mesataitaina aro iako poraitaitaie ku•rachakatangtangko nipilna dilna manchan napataha.

Mondolini Ku•rachakgrikani Kata-ni skanggipa numbero indake sea,
✍️ An•ching Kristoni toromni gimin saksa saksako nitimgrike, nangan salo maikai nanga uandake saksa saksako de•mesagen aro skigen aro manenggen.

👉Iano janape segimino gita an•chinga basakobade an•tang maiko dakenga uakon tale u•igijaba ong•na man•aia indiba ua saobarangde nang•ni kam mingantikon nike u•ienga.

Uni gimin jemangan nikrikenga ba u•irikenga uamangsa de•mesana, aro skina man•a. Ian Kristian bebera•gipa sakantini dai aro u•ie dakaniba ong•a.

👉 Uni gimin an•chinga saksa sakgipinko de•mesana, aro skina, aro manengna bil ganang aro uan ku•rachakatangko nipilatna an•chingko dakchakgen. 🤝🙏

Address

Gimegre, P. O Rongmatchok, West Garo Hills
Phulbari
794104

Telephone

+918787453592

Website

Alerts

Be the first to know and let us send you an email when Gimegre Baptist Church posts news and promotions. Your email address will not be used for any other purpose, and you can unsubscribe at any time.

Shortcuts

Share

Category