JSC Sehion Media സെഹിയോൻ മീഡിയ

24/07/2026

24/07/2026

നെല്ലിമോളം സെന്റ്‌ മേരീസ്‌ സെഹിയോൻ യാക്കോബായ സുറിയാനി പള്ളിയിൽ അര നൂറ്റാണ്ടിലേറെ ശുശ്രൂഷകനായി സേവനമനുഷ്ഠിച്ച രായമംഗലം പള്ളിമോളത്ത് പരേതനായ പി. ടി. യാക്കോബിന്റെ ഭാര്യയും അല്ലപ്ര സെന്റ് ജേക്കബ്ബ് യാക്കോബായ പള്ളി വികാരി ബഹു. സൈബിൻ സുനിൽ കശീശയുടെ മുത്തശിയുമായ മറിയാമ്മ 69) കർത്താവിൽ നിദ്രപ്രാപിച്ചു. അർബുദം ബാധിച്ച് കുറെ മാസങ്ങളായി ചികിത്സയിലിരിക്കെ ഇന്ന് (24.07.26) രാവിലെ 10:30 ന് വീട്ടിൽ വെച്ചായിരുന്നു അന്ത്യം.
ഇന്ന് വൈകിട്ട് ആറര മണിയ്ക്ക് ഹോണാവാർ മിഷന്റെ അഭി. മോർ അന്തോണിയോസ് യാക്കോബ്‌ മെത്രാപ്പോലീത്ത തിരുമനസിന്റെ മുഖ്യ കാർമികത്വത്തിൽ സന്ധ്യാനമസ്ക്കാരം ഉണ്ടായിരിക്കും.
ശുശ്രൂഷകൾ നാളെ (25.07.26 | ശനി) രാവിലെ 10 മണിക്ക് അഭി. മോർ അഫ്രേം മാത്യൂസ്‌ മെത്രാപ്പോലീത്ത തിരുമനസിന്റെ മുഖ്യ കാർമികത്വത്തിൽ സ്വഭവനത്തിൽ ആരംഭിച്ച് തുടർന്ന് സംസ്ക്കാരം നെല്ലിമോളം സെന്റ്‌ മേരീസ്‌ സെഹിയോൻ യാക്കോബായ സുറിയാനി പള്ളി സെമിത്തേരിയിൽ.
സുനിൽ, സ്മിത എന്നിവർ മക്കളും കീഴില്ലം വടക്കെപ്പുരയ്ക്കൽ കുടുംബാംഗം ജീന, പീച്ചാനിക്കാട് പാലിക്കോടത്ത് തോമസ് എന്നിവർ മരുമക്കളും ഫാ. സൈബിൻ സുനിൽ (സ്റ്റുഡന്റ്സ് കൗൺസിലർ, സെന്റ് മേരീസ് പബ്ലിക് സ്കൂൾ, കുറുപ്പംപടി), ബസ്ക്യോമോ ജസ്ലിൻ (ക്ലിനിക്കൽ ഡാറ്റ റിസർച്ചർ, ഐ.ക്യൂ.വി.ഐ.എ., ഇടപ്പള്ളി), സാൽവിൻ (മീഡിയ ഹെഡ്, മരിയൻ അക്കാദമി, പുതുപ്പാടി), എൽദോ, ആൻ മരിയ എന്നിവർ കൊച്ചുമക്കളുമാണ്.
കർത്തൃദാസിയുടെ കുടുംബത്തിന്റെ ദു:ഖത്തിൽ പങ്കുചേരുന്നതോടൊപ്പം ആത്മാവിന്റെ നിത്യശാന്തിക്കായും പരേതക്ക് ദൈവം നിത്യതയിൽ ആശ്വാസം നൽകട്ടേയെന്നും നമുക്ക് ചേർന്ന് പ്രാർത്ഥിക്കാം.

Location to Home :
🔗
https://maps.google.com/?q=10.081874,76.528275

Location to Nellimolam Church :
🔗
https://goo.gl/maps/roGjf1iZhh7NtrJq5

#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰

23/07/2026

ഓസ്ട്രേലിയ ബ്രിസ്ബെയ്ൻ മൊർത്ത് ശ്മൂനി യാക്കോബായ സുറിയാനി പള്ളിയുടെ സെക്രട്ടറിയായി തെരഞ്ഞെടുക്കപ്പെട്ട നെല്ലിമോളം സെന്റ്‌ മേരീസ്‌ സെഹിയോൻ യാക്കോബായ സുറിയാനി പള്ളി ഇടവകാംഗവും മുൻ ട്രസ്റ്റിയും ഓസ്ട്രേലിയ ഭദ്രാസന കൗൺസിൽ അംഗവുമായിരുന്ന രായമംഗലം മുതിയേലിൽ ബിജോയ് കുര്യാക്കോസിന് ജെ.എസ്‌.സി. സെഹിയോൻ മീഡിയയുടെ അഭിനന്ദനങ്ങൾ.
👇
ആലുവ തൃക്കുന്നത്ത് പള്ളി ഇടവകാംഗവും ബ്രിസ്ബെയ്ൻ പള്ളിയുടെ വികാരിയുമായ പുതിയാമഠത്തിൽ ബഹു. തോമസ് കശീശയുടെ അദ്ധ്യക്ഷതയിൽ 2026 ജൂലൈ 12 ഞായറാഴ്ച്ച ചേർന്ന വാർഷിക പൊതുയോഗത്തിലാണ് തെരെഞ്ഞെടുപ്പ് നടന്നത്. പുണ്യശ്ലോകനായ മോർ ബസേലിയോസ് തോമസ് പ്രഥമൻ കാതോലിക്ക ബാവായുടെ സെക്രട്ടറി ആയിരുന്ന ബഹു. തോമസ് അച്ചന്റെ പൗരോഹിത്യ സിൽവർ ജൂബിലി 2026 ഓഗസ്റ്റ് 15 വാർഷിക പെരുന്നാളിനോട് അനുബന്ധിച്ച് ഇടവക ആഘോഷിക്കുന്നുണ്ട്. എക്സിക്യൂട്ടീവ് കമ്മിറ്റിയംഗം എൽദോ കുരുവിള കുന്നക്കുരുടി സെന്റ് ജോർജ് യാക്കോബായ പള്ളി ഇടവകാംഗമാണ്.
✍️
#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰

15/07/2026

തിരുവനന്തപുരം ബാവപ്പറമ്പ് യാക്കോബായ സുറിയാനി സഭയുടെ പേരിൽ; കോടതി ഉത്തരവ് നിർണായകം.
👇
തിരുവനന്തപുരം : തിരുവനന്തപുരം പാളയം സെന്റ് ജോർജ് കത്തീഡ്രൽ പള്ളിക്ക് കീഴിലുള്ള ബാവപ്പറമ്പുമായി ബന്ധപ്പെട്ട ഉടമസ്ഥാവകാശ വിഷയത്തിൽ, ഭൂമിയുടെ തണ്ടപ്പേരും ഭൂനികുതി (കരം) അടയ്ക്കുന്നതും യാക്കോബായ സുറിയാനി സഭയുടെ പേരിലാണെന്ന് കോടതി ഉത്തരവിലൂടെ സ്ഥിരീകരിച്ചതായി വിശ്വാസികൾ അറിയിച്ചു. ഈ ഉത്തരവ് ഭൂമിയുടെ അവകാശവുമായി ബന്ധപ്പെട്ട വിഷയത്തിൽ നിർണായകമാണെന്നും, ബാവപ്പറമ്പിന്റെ ഉടമസ്ഥാവകാശം യാക്കോബായ സുറിയാനി സഭയ്ക്കാണെന്ന നിലപാടിന് ഇത് ശക്തമായ നിയമപരമായ പിന്തുണ നൽകുന്നതാണെന്നും വിശ്വാസികളുടെ പ്രതിനിധികൾ വ്യക്തമാക്കി.

മലങ്കര യാക്കോബായ സുറിയാനി സഭയുടെ കയ്യിൽ നിന്നും ഇന്ത്യൻ ഓർത്തോഡോക്സ്‌ വിഭാഗം അന്യായമായി കയ്യേറിയ വിവിധ ദൈവാലയങ്ങളുടെയും സ്ഥാപനങ്ങളുടെയും ഭൂമിയുടെ ആധാരങ്ങളിലും ഭൂനികുതി രേഖകളിലും സഭയുടെ പേരാണ് രേഖപ്പെടുത്തിയിരിക്കുന്നതെന്നും, അത്തരം രേഖകൾ ഉടമസ്ഥാവകാശം വ്യക്തമാക്കുന്നതാണെന്നും വിശ്വാസികൾ ചൂണ്ടിക്കാട്ടി.

#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰

12/07/2026

🎉 Happy Birthday (July 12) to our most respected Elias Eralil Achan…. 🎉

“The Lord bless you and keep you; the Lord make His face shine upon you and be gracious to you.”
– Numbers 6:24–25

On this blessed occasion of your birthday, we offer our heartfelt prayers and warmest wishes to Rev. Fr. Alias K. Eralil.

May our Almighty God continue to bless you with good health, abundant grace, wisdom, and strength as you faithfully serve His Holy Church. May your priestly ministry continue to inspire countless lives and bear abundant spiritual fruits for the glory of God.

May the intercessions of the Blessed Virgin Mary and all the Saints be with you always.

Happy Birthday, Achen!
May God grant you many more years of blessed and fruitful service.

🙏 Prayerful Wishes
#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰

11/07/2026

ധ്യാനയോഗം @ നെല്ലിമോളം പള്ളി*
👇
നെല്ലിമോളം സെന്റ്‌ മേരീസ്‌ സെഹിയോൻ യാക്കോബായ സുറിയാനി പള്ളിയിൽ മാസം തോറുമുള്ള രണ്ടാം ശനിയാഴ്ച്ചയിലെ മോർ കൗമായുടെ മാസപ്പെരുന്നാളിനോട് അനുബന്ധിച്ച് നടക്കുന്ന ഏകദിന ധ്യാനയോഗത്തിന് ഇടവക സഹവികാരി കളരിയ്ക്കൽ ബഹു. ആദർശ് എൽദോ അച്ചൻ നേതൃത്വം നൽകുന്നു. ഇന്ന് (11.07.26) നടക്കുന്ന യോഗത്തിൽ ബ്രദർ ജോർജ് എം. കുര്യൻ പിണ്ടിമന മുഖ്യ സന്ദേശം നൽകുന്നു. ഉച്ചഭക്ഷണത്തോടെ സമാപിക്കുന്ന ധ്യാനയോഗത്തിൽ തുടർന്നുള്ള മാസങ്ങളിലും എല്ലാ വിശ്വാസികളും പങ്കെടുത്ത് അനുഗ്രഹം പ്രാപിക്കേണ്ടതാണെന്ന് ബഹു. വികാരി ഇടവക വികാരി റവ. ഫാ. പത്രോസ് ചെറുതോട്ടിൽ അറിയിച്ചു.

#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰

05/07/2026

നെല്ലിമോളം സെന്റ്‌ മേരീസ്‌ സെഹിയോൻ യാക്കോബായ സുറിയാനി പള്ളി ഇടവകാംഗം കളത്തിക്കുടി പരേതനായ കെ. വി. വർഗീസിന്റെയും സാറാമ്മയുടേയും മകൾ ലിസി ബാബുവിന്റെ (മൂവാറ്റുപുഴ തർബിയത്ത് സ്കൂൾ അദ്ധ്യാപിക) മകളും അങ്കമാലി തുറവൂർ മലേക്കുടി പോൾ മാത്യുവിന്റെ ഭാര്യയുമായ ലിന്റാ മേരി ബാബു (37) കർത്താവിൽ നിദ്രപ്രാപിച്ചു. ശ്വാസകോശ അർബുദം മൂലം 2026 ജൂൺ 23 (ചൊവ്വ) സ്കോട്ലന്റിൽ വെച്ചായിരുന്നു അന്ത്യം. ജെ.എസ്‌.സി. സെഹിയോൻ മീഡിയയുടെ ആദരാഞ്ജലികൾ.
സംസ്ക്കാരം ഇന്ന് (05.07.26 | ഞായർ)
സംസ്ക്കാരം തുറവൂർ സെന്റ് അഗസ്റ്റിൻ പള്ളി സെമിത്തേരിയിൽ.
നമ്മളെല്ലാം ഈ ഭൂമിയിൽ നിന്നും വിട്ട്‌ പോകേണ്ടവരാണെങ്കിലും ഉറ്റവരുടെ വിടവാങ്ങൽ എന്നും വേദനയാണ്. നൊമ്പരപ്പെടുന്ന മനസുകൾക്ക് നമ്മുടെ കരുണാനിധിയായ ദൈവം ആശ്വാസം നൽകട്ടെ എന്ന് ഹൃദയപൂർവം പ്രാർത്ഥിക്കുന്നു കൂടാതെ പരേതാത്മാവിന്റെ നിത്യശാന്തിക്കായി പ്രാർത്ഥിക്കുന്നു.

#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰

30/06/2026

പെരുമ്പാവൂർ മേഖല മഴുവന്നൂർ സെന്റ് തോമസ് സണ്ടേസ്ക്കൂൾ അദ്ധ്യാപകനും സുവിശേഷകനുമായ ആശാരുകുടിയിൽ എൽദോ എ. (53) കർത്താവിൽ നിദ്രപ്രാപിച്ചു. ജെ.എസ്‌.സി. സെഹിയോൻ മീഡിയയുടെ ആദരാഞ്ജലികൾ.
👇
മഴുവന്നൂർ സെന്റ് തോമസ് യാക്കോബായ സുറിയാനി കത്തീഡ്രൽ മാനേജിങ് കമ്മിറ്റി അംഗം, പള്ളി സുവിശേഷ സംഘം സെക്രട്ടറി, എം.ജെ.എസ്‌.എസ്‌.എ. കോവിഡ് ഓൺലൈൻ ക്ലാസ് അദ്ധ്യാപകൻ, പൗരസ്ത്യ സുവിശേഷ സമാജം മിഷനറി, സഹ്യാദ്രി ആയുർവേദയിൽ മാർക്കറ്റിംഗ് സൂപ്പർവൈസർ എന്നീ നിലകളിൽ സ്തുത്യർഹമായി പ്രവർത്തിച്ച പ്രിയ സഹോദരൻ കഴിഞ്ഞ ഒരു മാസമായി മഞ്ഞപ്പിത്ത ചികിത്സയുമായി കോലഞ്ചേരി ആശുപത്രിയിൽ കഴിയവേ രോഗം മൂർച്ഛിച്ചതിനെ തുടർന്ന് ഒരാഴ്ച്ച മുമ്പ് ഇടപ്പള്ളി അമൃത ആശുപത്രിയിലേക്ക് മാറ്റുകയായിരുന്നു. കരൾ മാറ്റിവയ്ക്കുന്നതിനെ കുറിച്ച് ആലോചിക്കുന്നതിനിടയിലാണ് ഇന്ന് വെളുപ്പിന് 3 മണിക്ക് അപ്രതീക്ഷിതമായ അന്ത്യം സംഭവിച്ചത്.
തൃക്കളത്തൂർ ഊർപ്പായിൽ ബഹു. ജോബി വർഗീസ് അച്ചന്റെ സഹോദരി ജീന (ലൈബ്രേറിയൻ, വിമലഗിരി പബ്ലിക് സ്കൂൾ, വാഴപ്പിള്ളി) ഭാര്യയും സാറ (അവസാന വർഷ നഴ്സിംഗ്‌ വിദ്യാർത്ഥിനി, റ്റി. എം. എം. കോളേജ് ഓഫ് നഴ്സിംഗ്, തിരുവല്ല), മരിയ (രണ്ടാം വർഷ നഴ്സിംഗ് വിദ്യാർത്ഥിനി, എം. ഒ. എസ്. സി. കോളേജ് ഓഫ് നഴ്സിംഗ്, കോലഞ്ചേരി) എന്നിവർ മക്കളുമാണ്.
മൃതദേഹം ഇന്ന് (30.06.26 | ചൊവ്വ) വൈകുന്നേരം 06.00 മണിക്ക് മഴുവന്നൂർ പള്ളിയ്ക്ക് സമീപമുള്ള സ്വവസതിയിൽ കൊണ്ടുവരും. ശുശ്രൂഷകൾ നാളെ (01.07.26 | ബുധൻ) രാവിലെ 11 മണിക്ക് സ്വഭവനത്തിൽ ആരംഭിച്ച് തുടർന്ന് സംസ്ക്കാരം മഴുവന്നൂർ സെന്റ് തോമസ് യാക്കോബായ സുറിയാനി കത്തീഡ്രൽ സെമിത്തേരിയിൽ.
നമ്മളെല്ലാം ഈ ഭൂമിയിൽ നിന്നും വിട്ട്‌ പോകേണ്ടവരാണെങ്കിലും ഉറ്റവരുടെ വിടവാങ്ങൽ എന്നും വേദനയാണ്. നൊമ്പരപ്പെടുന്ന മനസുകൾക്ക് നമ്മുടെ കരുണാനിധിയായ ദൈവം ആശ്വാസം നൽകട്ടെ എന്ന് ഹൃദയപൂർവം പ്രാർത്ഥിക്കുന്നു കൂടാതെ പരേതാത്മാവിന്റെ നിത്യശാന്തിക്കായി പ്രാർത്ഥിക്കുന്നു.

#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰

30/06/2026

ശ്രേഷ്ഠ കാതോലിക്ക ബാവായുടെ തൃക്കാരങ്ങളാൽ കളപ്പുരയിൽ വന്ദ്യ ഗബ്രിയേൽ റമ്പാച്ചന്റെ മെത്രാപ്പോലീത്ത സ്ഥാനാരോഹണം. ശുശ്രൂഷകൾ പുത്തൻകുരിശ് പാത്രിയർക്കാ സെന്ററിലെ സെന്റ് അത്തനേഷ്യസ് കത്തീഡ്രലിൽ നിന്നും തത്സമയം.
നിയുക്ത മെത്രാപ്പോലീത്തായ്ക്ക് ജെ.എസ്‌.സി. സെഹിയോൻ മീഡിയ പ്രാർത്ഥനാ മംഗളാശംസകൾ.
🔗
https://www.youtube.com/live/t4d-leiYpKQ?si=ILW5ugD3rCUOZ28P

#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰

വന്ദ്യ ഗബ്രിയേൽ കളപ്പുരയിൽ റമ്പാച്ചന്റെ മെത്രാപ്പോലീത്ത സ്ഥാനാരോഹണം...

29/06/2026

പരിശുദ്ധ യാക്കോബായ സഭ മൂവാറ്റുപുഴ മേഖലയ്ക്ക് പുതിയ ഇടയൻ : കളപ്പുരയിൽ വന്ദ്യ ഗബ്രിയേൽ റമ്പാനെ ശ്രേഷ്ഠ ബാവ മെത്രാപ്പോലീത്തയായി നാളെ (2026 ജൂൺ 30 | ചൊവ്വ) വാഴിക്കും. നിയുക്ത മെത്രാപ്പോലീത്തായ്ക്ക് ജെ.എസ്‌.സി. സെഹിയോൻ മീഡിയയുടെ പ്രാർത്ഥനാ മംഗളാശംസകൾ.
👇
പുത്തൻകുരിശ്🔹പരിശുദ്ധ യാക്കോബായ സുറിയാനി ക്രിസ്ത്യാനി സഭ അങ്കമാലി ഭദ്രാസനം മൂവാറ്റുപുഴ മേഖലയുടെ സഹായ മെത്രാപ്പോലീത്തയായി കളപ്പുരയിൽ വന്ദ്യ ഗബ്രിയേൽ റമ്പാനെ ഉയർത്തുന്നു. നാളെ പുത്തൻകുരിശ് പാത്രിയർക്കാ സെന്ററിലെ സെന്റ് അത്തനേഷ്യസ് കത്തീഡ്രലിൽ വച്ച് നടക്കുന്ന ചടങ്ങിൽ ശ്രേഷ്ഠ കാതോലിക്കായും മലങ്കര മെത്രാപ്പോലീത്തായുമായ ആബൂൻ മോർ ബസ്സേലിയോസ് ജോസഫ് ബാവ മെത്രാഭിഷേകം നിർവഹിക്കും. ശ്രേഷ്ഠ ബാവായുടെ പ്രഥമ വാഴ്ച്ചയായതിനാൽ, ഈ അനുഗ്രഹീത നിമിഷത്തിന് സാക്ഷികളാകുവാൻ ആയിരക്കണക്കിന് വിശ്വാസികൾ എത്തിച്ചേരുമെന്ന് പ്രതീക്ഷിക്കുന്നു. സഭയിലെ മെത്രാപ്പോലീത്തമാർ ചടങ്ങിൽ സഹകാർമികരാകും.
ശ്രേഷ്ഠ ബാവായേയും അഭി. തിരുമേനിമാരേയും നിയുക്ത മെത്രാപ്പോലീത്തയേയും കത്തീഡ്രൽ പാർസനേജിൽ നിന്നും ആനയിക്കും. രാവിലെ 7:30-ന് പ്രഭാത പ്രാർത്ഥനയോടെ ചടങ്ങുകൾ ആരംഭിക്കും. 8:30-ന് വിശുദ്ധ കുർബ്ബാന. 9:45-ന് മെത്രാപ്പോലീത്ത സ്ഥാനാരോഹണ ശുശ്രൂഷകൾ ആരംഭിക്കും. മെത്രാപ്പോലീത്ത സ്ഥാനാരോഹണത്തിന് ശേഷം അനുമോദന സമ്മേളനം നടക്കുന്നതാണ്.

വന്ദ്യ ഗബ്രിയേൽ റമ്പാൻ : ലഘു ജീവചരിത്രം
👇
ആത്മീയ-ദൈവശാസ്ത്ര രംഗങ്ങളിൽ മികച്ച അറിവും ഗവേഷണ പരിചയവുമുള്ള സന്യസ്തനാണ് വന്ദ്യ ഗബ്രിയേൽ റമ്പാൻ.
ജനനം : 1980 നവംബർ 23-ന് എബ്രഹാം വർഗീസിന്റെയും മോളി വർഗീസിന്റെയും മകനായി മൂവാറ്റുപുഴ ഈസ്റ്റ് വാഴപ്പിള്ളിയിൽ ജനനം.
വിദ്യാഭ്യാസം: കൊമേഴ്‌സിൽ ബിരുദം.
പ്രെസ്ബിറ്റേറിയൻ തിയോളജിക്കൽ സെമിനാരി, ഡെറാഡൂൺ (ബാച്ചിലർ ഓഫ് തിയോളജി).
ആർത്ത് സെന്റ് അവ്ജിൻ മൊണാസ്റ്ററി, സ്വിറ്റ്സർലൻഡ് (ഡിപ്ലോമ ഇൻ സിറിയക് ലാംഗ്വേജ് ആൻഡ് ലിറ്റർജി).
സാൽസ്ബർഗ് സർവകലാശാല, ഓസ്ട്രിയ (മാസ്റ്റേഴ്സ് ഇൻ സിറിയക് തിയോളജി).
നിലവിൽ പൗരസ്ത്യ വിദ്യാപീഠം, കോട്ടയം - തിയോളജിയിൽ പി.എച്ച്.ഡി ഗവേഷണം.

1. എക്യൂമെനിക്കൽ പ്രവർത്തനങ്ങൾ :
വിദേശത്ത് സേവനമനുഷ്ഠിച്ച കാലയളവിൽ വിവിധ ക്രൈസ്തവ സഭകൾ തമ്മിലുള്ള ഐക്യത്തിനും സംവാദങ്ങൾക്കും വലിയ ഊന്നൽ നൽകിയിരുന്നു:
സംവാദങ്ങൾക്ക് നേതൃത്വം : കത്തോലിക്ക, പ്രൊട്ടസ്റ്റന്റ്, ഗ്രീക്ക് ഓർത്തഡോക്സ്, ഇവാഞ്ചലിക്കൽ സഭകൾ തമ്മിലുള്ള സഹകരണത്തിന് നേതൃത്വം നൽകി.
ഉക്രൈൻ ഓർത്തഡോക്സ് സഭ : ഉക്രൈൻ ഓർത്തഡോക്സ് സഭകളുമായുള്ള ചർച്ചകളിലും സംവാദങ്ങളിലും മുഖ്യ പങ്കുവഹിച്ചു.
ആഗോള സഹകരണം : സ്വിറ്റ്സർലൻഡിലെ ആർത്ത് മോർ അവ്ജിൻ ദയറായെ വിവിധ സഭകൾ തമ്മിലുള്ള ഒരു സംവാദ കേന്ദ്രമാക്കി മാറ്റുന്നതിൽ അദ്ദേഹം വിജയിച്ചു.

2. വിദ്യാഭ്യാസ പഠന അദ്ധ്യാപന രംഗങ്ങളിൽ :
സുറിയാനി ഭാഷയിലും ആരാധനാക്രമ ദൈവശാസ്ത്രത്തിലും അഗാധമായ പാണ്ഡിത്യമുള്ള വ്യക്തിയാണ് അദ്ദേഹം.
അദ്ധ്യാപനം : മഞ്ഞിനിക്കര ദയറയിലും അല്ലപ്ര മോർ അഫ്രേം സിറിയക് മ്യൂസിക് ഇൻസ്റ്റിറ്റ്യൂട്ടിലും സുറിയാനി ഭാഷ, ആരാധനാക്രമം, ശീമോ, ഫെൻഖിത്തോ, സുറിയാനി സംഗീതം തുടങ്ങിയവ പഠിപ്പിച്ചു.
ഭാഷാ പ്രാവീണ്യം : സ്വിറ്റ്സർലൻഡിൽ പത്ത് വർഷത്തോളം താമസിച്ച് സുറിയാനി ഭാഷയുടെ സൂക്ഷ്മതകൾ സ്വായത്തമാക്കി.
ഗവേഷണം : കോട്ടയം വടവാതൂർ പൗരസ്ത്യ വിദ്യാപീഠത്തിൽ പി.എച്ച്.ഡി ഗവേഷണം തുടരുന്ന അദ്ദേഹം പൗരസ്ത്യ സഭാ പിതാക്കന്മാരുടെ രചനകളെക്കുറിച്ചുള്ള പഠനങ്ങൾക്ക് വലിയ പ്രാധാന്യം നൽകുന്നു.

3. ഭരണപരമായ ചുമതലകൾ :
സഭയുടെ വിവിധ ദൈവാലയങ്ങളേയും സ്ഥാപനങ്ങളേയും മികച്ച രീതിയിൽ നയിക്കാൻ അദ്ദേഹത്തിന് സാധിച്ചിട്ടുണ്ട്.
ഇടവക വികാരി : പെരുമ്പാവൂർ മേഖലയിലെ നെടുങ്ങപ്ര സെന്റ് മേരീസ്, അല്ലപ്ര സെന്റ് ജേക്കബ്ബ് പള്ളികളിൽ വികാരിയായി സേവനമനുഷ്ഠിച്ചു.
സ്ഥാപനങ്ങളുടെ ഭരണനിർവ്വഹണം : മഞ്ഞിനിക്കര മോർ ഇഗ്‌നാത്തിയോസ് ദയറ, അല്ലപ്ര മോർ അത്തനേഷ്യസ് സ്പെഷ്യൽ സ്കൂൾ തുടങ്ങിയ സ്ഥാപനങ്ങളുടെ മാനേജറായി സേവനമനുഷ്ഠിച്ചു.
സ്പിരിച്വൽ ഡയറക്ടർ : സ്വിറ്റ്സർലൻഡിലെ ആർത്ത് സെന്റ് അവ്ജിൻ മൊണാസ്റ്ററിയിൽ ദീർഘകാലം സ്പിരിച്വൽ ഡയറക്ടർ, ഓസ്ട്രിയ സൂർയോയോ തിയോളജിക്കൽ സെമിനാരിയിൽ സ്പിരിച്വൽ ഡയറക്ടർ, അഡ്മിനിസ്ട്രേറ്റർ എന്നീ നിലകളിൽ സേവനമനുഷ്ഠിച്ചു.
സമൂഹക്ഷേമം : അല്ലപ്ര മോർ ബസേലിയോസ് ഡയാലിസിസ് സെന്ററിന്റെ പ്രാരംഭ നിർമാണ പ്രവർത്തനങ്ങളിൽ സജീവ സാന്നിധ്യമായിരുന്നു.
യുവജന സേവനം : അങ്കമാലി ഭദ്രാസനം പെരുമ്പാവൂർ മേഖല യൂത്ത് അസ്സോസിയേഷന്റെ വൈസ് പ്രസിഡന്റ് എന്ന നിലയിൽ യുവജനങ്ങളെ സഭയുടെ മുഖ്യധാരയിലേക്ക് കൊണ്ടുവരുന്നതിൽ അദ്ദേഹം പ്രവർത്തിച്ചു.

4. പുതിയ ദൗത്യം :
2025 നവംബറിൽ അദ്ദേഹം സ്ഥാപിച്ച 'മോർ ഫീലക്സിനോസ് സിറിയക് ഓർത്തഡോക്സ് മൊണാസ്റ്ററി ആൻഡ് സെന്റർ ഫോർ പാട്രിസ്റ്റിക് സ്റ്റഡീസ്', സുറിയാനി സഭയുടെ ചരിത്രത്തിലെ സുപ്രധാനമായ ഒരു കാൽവെപ്പാണ്. മാബൂഗിലെ വിശുദ്ധ മോർ ഫീലക്സിനോസിന്റെ നാമത്തിൽ ആദ്യമായി സ്ഥാപിതമായ ഈ ദയറ, ഭാവിയിൽ പാട്രിസ്റ്റിക് (സഭാ പിതാക്കന്മാരുടെ പഠനം) ഗവേഷണങ്ങളുടെ ഒരു പ്രധാന കേന്ദ്രമായി മാറുമെന്ന് പ്രതീക്ഷിക്കപ്പെടുന്നു.

നിയുക്ത മെത്രാപ്പോലീത്തായ്ക്ക് ജെ.എസ്‌.സി. സെഹിയോൻ മീഡിയയുടെ പ്രാർത്ഥനാ മംഗളാശംസകൾ.
✍️
#𝗷𝘀𝗰𝘀𝗲𝗵𝗶𝗼𝗻𝗺𝗲𝗱𝗶𝗮 @ 𝟵𝟮𝟰𝟵𝟰 𝟴𝟮𝟰𝟵𝟰
#𝘀𝗶𝗷𝘂𝘁𝗽𝗮𝘂𝗹 @ 𝟵𝟵𝟵 𝟱𝟬𝟬𝟬 𝟵𝟯𝟵