29/05/2026
പ്രീയരെ
ഒരു പുതിയ അദ്ധ്യായന വർഷംകൂടി ആരംഭിക്കുകയാണല്ലോ...ഈ അവസരത്തിൽ സ്കൂളുകളിലും, കോളേജുകളിലുമായി, തുടർ പഠനത്തിനും, ഉപരിപഠനത്തിനുമൊക്കെ ഒരുങ്ങുന്ന നമ്മുടെ കുഞ്ഞുങ്ങൾക്കു വേണ്ടിയും , അതുപോലെ പഠനാരാഭം കുറിക്കുന്ന കൊച്ചു കുഞ്ഞുങ്ങൾ ഉണ്ടെങ്കിൽ അവർക്കു വേണ്ടിയും നാം പ്രാർത്ഥിക്കയും അവരെ ദൈവ കരങ്ങളിൽ സമർപ്പിക്കയും ചെയ്യാം. ഈ അദ്ധ്യായന വർഷവും അവർ ദൈവ കരങ്ങളിൽ സുരക്ഷിതരായിരിപ്പാൻ ഇടയാകട്ടെ. അനാവശ്യ കൂട്ടുകളിൽ നിന്നും, പാപമാർഗ്ഗങ്ങളിൽ നിന്നും വേറിട്ടു നിന്ന് നന്നായി പഠിച്ച് നല്ല വിജയം കരസ്ഥമാക്കുവാനും, മറ്റുള്ള കുട്ടികളുടെ ഇടയിൽ മാതൃകയുള്ളവരായി കാണപ്പെടുവാനും വലിയവനായ ദൈവം അവർക്ക് ശക്തിയും കൃപയും നൽകട്ടെ. ആകയാൽ, പഠനത്തിനൊരുങ്ങുന്ന നമ്മുടെ ഇടവകയിലെ എല്ലാ കുഞ്ഞുങ്ങൾക്കും എന്റെ പ്രാർത്ഥനയും, ആശംസയും ദൈവനാമത്തിൽ അറിയിക്കുന്നു. സ്നേഹവാനായ ദൈവം നിങ്ങളെ കരുതുകയും വഴി നടത്തുകയും ചെയ്യുമാറാകട്ടെ.
റവ.ഒ പി പൗലോസ്
ഇടവക വികാരി
