06/04/2025
നെല്ലിമോളം സണ്ടേസ്ക്കൂളിൽ ജെ.എസ്.വി.ബി.എസിന് തുടക്കമായി…
👇
നെല്ലിമോളം സെന്റ് മേരീസ് സെഹിയോൻ യാക്കോബായ സുറിയാനി പള്ളിയുടെ സെന്റ് മേരീസ് സണ്ടേസ്ക്കൂളിലെ സന്തോഷത്തിന്റെ പെരുമഴക്കാലമായ ജെ.എസ്.വി.ബി.എസിന് തുടക്കം കുറിച്ച് ഏപ്രിൽ 6 ഞായറാഴ്ച്ച ഇടവക വികാരി ഫാ. ജോർജ് നാരകത്തുകുടി പതാക ഉയർത്തി. സഹവികാരിമാരായ ഫാ. എൽദോസ് വെള്ളരിങ്ങൽ, ഫാ. എൽദോസ് ചിറങ്ങര എന്നിവരോടൊപ്പം ഫാ. യോഹന്നാൻ അറയ്ക്കമോളേൽ, ഫാ. ചാൾസ് മാത്യൂ, ട്രസ്റ്റിമാരായ ജോസ് പോൾ, അജി സി. പോൾ, സഭാ മാനേജിംഗ് കമ്മിറ്റിയംഗം സിജു റ്റി. പോൾ എന്നിവർ സന്നിഹിതരായിരുന്നു.
ബഹു. എൽദോസ് ചിറങ്ങര തുടർന്ന് അദ്ധ്യക്ഷത വഹിച്ച യോഗത്തിന് ഹെഡ്മാസ്റ്റർ ബിനോയ് വി മാത്യൂ സ്വാഗതം ആശംസിച്ചു. പെരുമ്പാവൂർ ഡിസ്ട്രിക്ട് ഇൻസ്പെക്ടർ പി. സി. ജോൺസൺ ഉദ്ഘാടനം നിർവ്വഹിച്ചു.
ട്രസ്റ്റിമാർ, സ്റ്റാഫ് സെക്രട്ടറി ബെന്നി വർഗിസ്, വി.ബി.എസ്. ഡയറക്ടർ എൽദോ വർഗീസ്, പി.ടി.എ. വൈസ് പ്രസിഡന്റ് ജിഷി നോബിൻ, അസി. ഹെഡ്മാസ്റ്റർ എബി സി. പോൾ എന്നിവർ സംസാരിച്ചു.
യോഗത്തിന് ശേഷം കുട്ടികളെ ഗ്രൂപ്പ് തിരിക്കുകയും ഗാനങ്ങൾ പരിശീലിപ്പിക്കുകയും ചെയ്തു.
തിങ്കൾ, ചൊവ്വ, ബുധൻ ദിവസങ്ങളിൽ ഉല്ലാസ പരിപാടികളോടെ രാവിലെ 9 മുതൽ വൈകിട്ട് 3 മണി വരെ ക്ലാസും വ്യാഴാഴ്ച്ച സമാപന സമ്മേളനവും വെള്ളിയാഴ്ച്ച ഏകദിന വിനോദയാത്രയും ഉണ്ടായിരിക്കും.
ഇനിയും വി.ബി.എസിൽ ചേരുവാൻ ആഗ്രഹിക്കുന്നവർ 99610 00707 | 94955 59385 | 098479 50548 നമ്പറിൽ ഇന്ന് തന്നെ ബന്ധപ്പെടുക.
