JSC Perumbavoor Region Official

29/10/2025

🌹🌹🌹ആദരാഞ്ജലികൾ🌹🌹🌹

പാറേത്തുമുകൾ സെൻ്റ് തോമസ് യാക്കോബായ സുറിയാനി പള്ളി ഇടവകാംഗം മുകളത്ത്(കുന്നുമ്പുറത്ത്)സാബുവിന്റെയും വത്സയുടെയും ഇളയമകൾ ലിഞ്ചു സാബു പുല്ലുവഴിയിൽ വച്ചുണ്ടായ അപകടത്തെ തുടർന്ന് മരണപ്പെട്ടു. പരേത സൗത്ത് പുല്ലുവഴി MGM സൺഡേ സ്കൂൾ അധ്യാപികയാണ്. ഭൗതികശരീരം നാളെ(30/10/2025-വ്യാഴാഴ്ച) 11.30 പുല്ലുവഴിയിലുള്ള ഭവനത്തിൽ കൊണ്ടുവരുന്നതും മരണാനന്തര ശുശ്രുഷ ഉച്ചകഴിഞ്ഞ് 2 മണിക്ക് ഭവനത്തിൽ ആരംഭിച്ച് തുടർന്ന് പാറേത്തുമുകൾ സെൻ്റ് തോമസ് യാക്കോബായ സുറിയാനി പള്ളി നടക്കുന്നതുമാണ്.

അങ്കമാലി ഭദ്രാസനം-പെരുമ്പാവൂർ മേഖലയുടെ അനുശോചനം അറിയിക്കുന്നു.
🌹🌹🌹🌹

28/10/2025

📚📖📘കൊയ്‌നോണിയ ഇൻസ്റ്റിറ്റ്യൂട്ട് ഫോർ തിയോളജിക്കൽ സ്റ്റഡീസ് (KITS)📚📖📘

പരി. യാക്കോബായ സുറിയാനി സഭയുടെ അങ്കമാലി ഭദ്രാസനത്തിലെ പെരുമ്പാവൂർ മേഖല മെത്രാപ്പോലീത്ത അഭി. മോർ അഫ്രേം മാത്യൂസ് തിരുമേനിയുടെ നേതൃത്വത്തിൽ നടത്തപ്പെടുന്ന, ദൈവശാസ്ത്ര പരിശീലന കേന്ദ്രമാണ് KITS.

നമ്മുടെ സഭയിലെ വിശ്വാസി സമൂഹത്തിന്,
ബൈബിൾപരവും ദൈവശാസ്ത്രപരവുമായ അടിസ്ഥാനങ്ങൾ നൽകുക എന്നതാണ് ഈ സ്ഥാപനത്തിന്റെ ലക്ഷ്യം.

Diploma in Theological Studies (DTS) എന്ന ഈ അക്കാദമിക് പ്രോഗ്രാം "തിരുവെഴുത്ത്,ദൈവശാസ്ത്രം, സഭാ ചരിത്രം, ആരാധനാക്രമം" എന്നിവയുടെ അടിസ്ഥാന ചട്ടക്കൂട് വാഗ്ദാനം ചെയ്യുന്നു. മൂന്നാമത്തെ ബാച്ചില്‍ കേരളത്തിന്റെ അകത്തു നിന്നും പുറത്ത്‌ നിന്നുമായി നിരവധി വിദ്യാര്‍ഥികള്‍ ഡിപ്ലോമ നേടി.

കോഴ്സിന്റെ നാലാമത്തെ ബാച്ചിലേക്ക് ചേരുവാൻ ആഗ്രഹിക്കുന്നവർ ചുവടെയുള്ള ഗൂഗിൾ ഫോം പൂരിപ്പിച്ച് അപ്‌ലോഡ് ചെയ്യുക. തുടര്‍ന്ന് നടത്തപ്പെടുന്ന എന്‍ട്രന്‍സ് പരീക്ഷ പാസാകുന്ന വിദ്യാര്‍ഥികള്‍ക്കായിരിക്കും കോഴ്സിലേക്ക് പ്രവേശനം ലഭിക്കുക.

Please fill the Google form below👇

https://docs.google.com/forms/d/1CD6fCul_u4Ldae7MMmmdivV6_QLrf0m3v-qJEVgCrR4/edit

For more details: Fr. Don Paul (9526268950)

https://wa.me/+919526268950

24/10/2025

പരി. യാക്കോബായ സുറിയാനി സഭ
അങ്കമാലി ഭദ്രസനം - പെരുമ്പാവൂർ മേഖല സീനിയർ വൈദീകൻ
വന്ദ്യ ഏലിയാസ് കോർ എപ്പിസ്കോപ്പ ചേട്ടാളത്തുങ്കരയുടെ
കബറടക്ക ശുശ്രൂഷ ക്രമീകരണങ്ങൾ

25.10.2025 (ശനി) ഭവനത്തിൽ

11am ന് 1,2 ശുശ്രൂഷകൾ

2pm ന് 3,4 ശുശ്രൂഷകൾ

6pm ന് സന്ധ്യാ പ്രാർത്ഥനയും തുടർന്ന് അഞ്ചാം ശുശ്രൂഷ.

26.10.2025 (ഞായർ)
ഭവനത്തിൽ

11.30am 6,7 ശുശ്രൂഷകൾ
1pm ന് നഗരികാണിക്കൽ

2.30pm എട്ടാം ശുശ്രൂഷയും, സമാപന ശുശ്രൂഷയും തുരുത്തിപ്ലി സെൻ്റ് മേരീസ് യാക്കോബായ സുറിയാനി വലിയ പള്ളിയിൽ

ആചാര്യേശ മശിഹാ കൂദാശകളർപ്പിച്ചോ രാചാര്യന്മാർക്കേകുക പുണ്യം നാഥാ സ്തോത്രം"

Location👇
https://maps.app.goo.gl/MbxiLKZcnmkVJ6CV8?g_st=aw

24/10/2025

വന്ദ്യ ചേട്ടാളത്തുങ്കര ഏലിയാസ്‌ കോർ എപ്പിസ്‌കോപ്പ കർത്താവിൽ നിദ്ര പ്രാപിച്ചു.

പെരുമ്പാവൂർ : പരിശുദ്ധ യാക്കോബായ സുറിയാനി സഭയിലെ സീനിയർ വൈദികനും അങ്കമാലി ഭദ്രാസനം-പെരുമ്പാവൂർ മേഖലയിലെ തുരുത്തിപ്ലി സെന്റ് മേരീസ് യാക്കോബായ സുറിയാനി വലിയ പള്ളി ഇടവകാംഗമായ തുരുത്തി ചേട്ടാളത്തുങ്കര ഏലിയാസ്‌ കോർ എപ്പിസ്‌കോപ്പ കർത്താവിൽ നിദ്ര പ്രാപിച്ചു. വാർദ്ധക്യ സഹജമായ അസുഖം മൂലം ഇന്ന് (24.10.25 | വെള്ളി) രാവിലെ 10:30 ന് എറണാകുളം ലിസി ആശുപത്രിയിൽ വെച്ചായിരുന്നു അന്ത്യം.

1949 മേയ് പതിനാറിന് പൗരോഹിത്യ പാരമ്പര്യമുള്ള കുടുംബത്തിൽ ജനിച്ച വന്ദ്യ അച്ചൻ 1966 ജനുവരി 23 ന് വയലിപ്പറമ്പിൽ പുണ്യശ്ലോകനായ ഗീവർഗീസ് മോർ ഗ്രിഗോറിയോസ് തിരുമേനിയിൽ നിന്നും കോറൂയോ പട്ടവും 1986 ജനുവരി ഒന്നിന് പുണ്യശ്ലോകനായ യാക്കോബ് മോർ യൂലിയോസ് തിരുമേനിയിൽ നിന്നും കശീശ പട്ടവും സ്വീകരിച്ചു. പുണ്യശ്ലോകനായ ശ്രേഷ്ഠ കാതോലിക്ക ആബൂൻ മോർ ബസേലിയോസ്‌ തോമസ്‌ പ്രഥമൻ ബാവാ തിരുമനസുകൊണ്ട് 2008 സെപ്റ്റംബർ 15 ന് കോർ എപ്പിസ്കോപ്പ സ്ഥാനം നൽകി അനുഗ്രഹിച്ചു.

നെടുമ്പാശേരി സെന്റ് ജോർജ്, നായത്തോട് , ഇരിങ്ങോൾ മോർ ഗ്രിഗോറിയോസ്, ചെമ്പറക്കി സെന്റ് ജോർജ്, പ്രളയ്ക്കാട് മോർ ബസേലിയോസ്, നെടുങ്ങപ്ര സെന്റ് മേരീസ്, തുരുത്തിപ്ലി സെന്റ് തോമസ്, മലയിടംതുരുത്ത് സെന്റ് മേരീസ്, വിലങ്ങ് സെന്റ് മേരീസ്, ചൂരക്കാട് സെന്റ് ജോർജ്, എന്നീ ദൈവാലയങ്ങളിൽ വികാരിയായി സേവനം അനുഷ്ഠിച്ചിട്ടുള്ള അച്ചൻ സഭാ മാനേജിംഗ് കമ്മിറ്റിയംഗമായും പ്രവർത്തിച്ചിട്ടുണ്ട്. കോതമംഗലം മോർ ഇഗ്നാത്തിയോസ് സെമിനാരിയിൽ മാനേജർ, പെരുമ്പിലാവ് എം. ടി. ഹൈസ്കൂൾ അദ്ധ്യാപകൻ, എടത്തല കെ.എൻ.എം.എം.ഇ.എസ്. സ്കൂൾ ഹെഡ്മാസ്റ്റർ, കുറുപ്പംപടി സെന്റ് മേരീസ് പബ്ലിക്ക് സ്കൂൾ, കൊയ്നോണിയ മോർ അത്താനാസിയോസ് സ്പെഷ്യൽ സ്കൂൾ, കോടനാട് മോർ ഓഗേൻ പബ്ലിക്ക് സ്കൂൾ എന്നിവിടങ്ങളിൽ പ്രിൻസിപ്പാൾ, പെരുമ്പാവൂർ മേഖല വൈദിക സെക്രട്ടറി, മോർ ബസേലിയോസ് തോമസ് 1st ചാരിറ്റബിൾ ട്രസ്റ്റിന്റെ സെക്രട്ടറി, കൊയ്‌നോണിയ വോയ്സ് ചീഫ് എഡിറ്റർ, തുരുത്തിപ്ലി സെന്റ് മേരീസ് പബ്ലിക് സ്ക്കൂൾ ഡയറക്ടർ, തുരുത്തിപ്ലി സെന്റ് മേരീസ് സണ്ടേസ്ക്കൂൾ ഹെഡ്മാസ്റ്റർ എന്നീ നിലകളിൽ സ്തുത്യർഹമായി സേവനമനുഷ്ഠിച്ചിട്ടുണ്ട്.

വന്ദ്യ കോർ എപ്പിസ്‌കോപ്പ അച്ചന്റെ ദേഹ വിയോഗത്തിൽ കൊയ്‌നോണിയ വിഷന്റെ അനുശോചനം രേഖപ്പെടുത്തുന്നു.

“ആചാര്യേശാ മിശിഹാ കൂദാശകളർപ്പിച്ചോ- രാചാര്യന്മാർക്കേകുക പുണ്യം നാഥാ സ്തോത്രം.”

വന്ദ്യ പുരോഹിതാ, സമാധാനത്തോടെ പോകുക.
🌹🌹🌹🌹🌹🌹

24/09/2025

✨✨ കീനോസോ 6 ✨✨

പരിശുദ്ധ യാക്കോബായ സുറിയാനി സഭ അങ്കമാലി ഭദ്രാസനം പെരുമ്പാവൂർ മേഖലാ ആസ്ഥാനത്ത് പ്രവർത്തിക്കുന്ന മോർ അഫ്രേം സിറിയക് മ്യൂസിക് ഇൻസ്റ്റിറ്റ്യൂട്ടും മേഖലയുടെ ഓൺലൈൻ മാധ്യമ വിഭാഗമായ കൊയ്‌നോണിയ വിഷനും സംഘടിപ്പിക്കുന്ന
ഡീ. ബേസിൽ വർഗീസ് മെമ്മോറിയൽ അഖില മലങ്കര ഓൺലൈൻ ആരാധന സംഗീത മത്സരം
കീനോസോ 6 - 2025

ഒക്ടോബർ 01 മുതൽ
ഒക്ടോബർ 31 വരെ നടത്തപ്പെടുന്നു. മലയാളം ആരാധന ഗീതത്തിലാണ് മത്സരം നടത്തുന്നത്. മത്സരത്തിൽ പങ്കെടുത്ത് വിജയികളാകുന്നവരെ കാത്തിരിക്കുന്നത് 25000 രൂപയുടെ ക്യാഷ് പ്രൈസുകൾ

കൂടുതൽ വിവരങ്ങൾ ചുവടെ ചേർക്കുന്നു.

"കീനോസോ 6"

1. വി.കുര്‍ബ്ബാന ക്രമം ,കൂദാശ ക്രമം, മരണാനന്തര ശുശ്രൂഷ, ആണ്ടുതക്സ, കഹനീത്താ, കന്തീല, ഹാശാ ആഴ്ച്ച ക്രമം എന്നിവയില്‍ നിന്നുമുള്ള മലയാളം ഗീതങ്ങള്‍ ഉപയോഗിക്കാം. 5 മിനുട്ടിൽ കൂടുതൽ ദൈർഘ്യം ഉണ്ടാകുവാൻ പാടുള്ളതല്ല.

2. പാടുന്ന ഗീതത്തെ കുറിച്ച് 30 സെക്കൻഡിൽ കവിയാതെയുള്ള വിവരണം പാട്ടിനു മുന്‍പ്‌ നല്‍കേണ്ടതാണ്.

3. പാട്ട് വീഡിയോ രൂപത്തിലാണ് അയക്കേണ്ടത്.(വീഡിയോ portrait mode ൽ record ചെയ്യുവാൻ ശ്രെദ്ധിക്കുക)

4. സംഗീത ഉപകരണങ്ങള്‍ ഉപയോഗിക്കുവാന്‍ പാടുള്ളതല്ല.

5. സൗണ്ട്/ വിഷ്വൽ എഡിറ്റിംഗ്, മിക്സിങ് & മോഡിഫിക്കേഷൻ എന്നിവ പാടുള്ളതല്ല.

6. മത്സരാര്‍ഥിയുടെ പേര്, ഫോണ്‍ നമ്പര്‍, പ്രതിനിധീകരിക്കുന്ന ഇടവകയുടെ പേര്, ഭദ്രാസനം എന്നിവ വീഡിയോക്കൊപ്പം അയക്കേണ്ടതാണ് (വീഡീയോയിൽ പരാമർശിക്കേണ്ടതില്ല, ടെക്സ്റ്റ് മെസ്സേജ് ആയി വീഡിയോയുടെ കൂടെ അയച്ചാൽ മതിയാകും).

7. ഒരു വ്യക്തിയുടെ ഒന്നിലധികം എന്‍ട്രികള്‍ സ്വീകരിക്കുന്നതല്ല.

8. അയച്ചു തരുന്ന പാട്ടുകള്‍ KOINONIA VISION YOUTUBE ചാനലില്‍ അപ്‌ലോഡ്‌ ചെയ്യുന്നതും, ലിങ്ക് നിങ്ങൾക്ക് അയച്ച് തരുന്നതും ആയിരിക്കും.

9. ഈ വീഡിയോകള്‍ക്ക് ലഭിക്കുന്ന ലൈക്ക്കളുടെയും, വിധികര്‍ത്താക്കളുടെ തീരുമാനങ്ങള്‍ക്കും അടിസ്ഥാനത്തില്‍ ആയിരിക്കും വിജയികളെ നിശ്ചയിക്കുന്നത്.

10. മത്സര വിഭാഗങ്ങള്‍ പ്രായ പരിധിക്കു അനുസരിച്ച് ക്രമീകരിച്ചിരിക്കുന്നു
(2026 ജനുവരി 1 ന് മുമ്പ് താഴെ പറയുന്ന പ്രായപരിധി പൂർത്തിയായിരിക്കണം.)
a. 12 വയസ്സ് വരെ സബ് ജൂനിയർ
b. 12 മുതൽ18 വയസ്സ് വരെ ജൂനിയർ
c. 19 വയസ്സിന് മുകളിൽ സീനിയർ

10. പാട്ടുകള്‍ അയച്ചു തരേണ്ട
Whatsapp Number:
📱 +91 7907349373
👉🏻 wa.me/917907349373
Mail Id:
[email protected]

11. പാട്ടുകള്‍ അയക്കേണ്ട തീയതി
01-10- 2025 മുതൽ 31-10-2025 വരെ.

ഓരോ വിഭാഗത്തിലും ഒന്നും രണ്ടും സ്ഥാനത്തെത്തുന്ന വിജയികൾക്ക് ക്യാഷ് പ്രൈസും മൊമെന്റോയും സമ്മാനമായി നൽകുന്നു.

12/09/2025

ആദരാജ്ഞലികൾ

സഭയുടെ വിശ്വസ്തൻ കമാൻഡർ ശ്രീ പി പി തങ്കച്ചന് യാക്കോബായ സുറിയാനി സഭ അങ്കമാലി ഭദ്രാസനം- പെരുമ്പാവൂർ മേഖലയുടെ ആദരാജ്ഞലികൾ.

യാക്കോബായ സുറിയാനി സഭയുടെ വിശ്വസ്ഥ പുത്രനും മുൻ മന്ത്രി, മുൻ നിയമസഭാ സ്പീക്കർ, പെരുംമ്പാവൂർ എംഎൽഎ, പെരുംമ്പാവൂർ മുൻസിപ്പൽ ചെയർമാൻ,യു.ഡി.എഫ്. കൺവീനർ യാക്കോബായ സഭ വർക്കിംഗ് കമ്മറ്റി മാനേജിംങ്ങ് കമ്മറ്റി അംഗം എന്നീ നിലകളിൽ രാഷ്ട്രീയ സാമൂഹിക സഭ മണ്ഡലങ്ങളിൽ സ്തുത്യർഹമായ നിലയിൽ സേവനം ചെയ്തിട്ടുള്ള വ്യക്തിത്വത്തിന് ഉടമയായിരുന്നു കമാണ്ടർ ശ്രീ. പി. പി. തങ്കച്ചൻ.

സഭയെ സ്നേഹിക്കുകയും സഭയുടെ പ്രതിസന്ധികളിൽ കൂടെ നിന്ന് സഭയെ കരുതുകയും പ്രത്യേകിച്ച് പെരുമ്പാവൂർ മേഖലയിലെ പ്രസ്ഥാനങ്ങളെ സഹായിക്കുകയും ചെയ്ത കമാണ്ടർ ശ്രീ. പി. പി. തങ്കച്ചന്റെ വേർപാടിൽ ദുഃഖാർത്ഥരായ കുടുംബത്തോടുള്ള അനുശോചനം രേഖപ്പെടുത്തുന്നു. ആത്മാവിൻറെ നിത്യശാന്തിക്കായി പ്രാർത്ഥിക്കുന്നു. .

19/08/2025

അങ്കമാലി ഭദ്രാസനം - പെരുമ്പാവൂർ മേഖലയിൽ എൽഡേഴ്‌സ് ഫോറത്തിന്റെ രൂപീകരണ യോഗം

09/08/2025

🌹🌹🌹ആദരാഞ്ജലികൾ🌹🌹🌹

ഊരക്കാട് സെന്റ് തോമസ് യാക്കോബായ സുറിയാനി പള്ളി ഇടവകാംഗവും നെല്ലിമോള്ളം സെന്റ് മേരീസ് യാക്കോബായ സുറിയാനി സെഹിയോൻ പള്ളി സഹവികാരി യുമായ വെള്ളരിങ്ങൽ ബഹുമാനപ്പെട്ട എൽദോ വർഗീസ് (ഊരക്കാട്) കശീശയുടെ മാതാവ് ചിന്നമ്മ വർഗീസ്(81വയസ്) കർത്താവിൽ നിദ്രപ്രാപിച്ചു.

പരേതയുടെ മരണാനന്തര ശുശ്രുഷ 11/08/2025 തിങ്കളാഴ്ച രാവിലെ 10 മണിക്ക് ഭവനത്തിൽ ആരംഭിച്ച് തുടർന്ന് ഊരക്കാട് സെന്റ് തോമസ് യാക്കോബായ സുറിയാനി പള്ളിയിൽ വച്ച് നടത്തപ്പെടും.

📍Location👇🏻
https://maps.app.goo.gl/9Non3ScPZpdL5U3N8?g_st=aw

05/08/2025

20/07/2025

പട്ടിമറ്റം മോർ കൂറിലോസ് ഹയർ സെക്കൻഡറി സ്കൂളിന്റെ മാനേജരായി പെരുമ്പാവൂർ മേഖല മെത്രാപ്പോലീത്ത അഭിവന്ദ്യ മോർ അഫ്രേം മാത്യൂസ് തിരുമേനി ചുമതലയേറ്റു.