08/03/2024
28 വർഷത്തെ സുദീർഘമായ കാത്തിരിപ്പിന്റെയും, ഒരുപാട് നാളത്തെ ഒരുക്കങ്ങളുടെയും പരിസമാപ്തിയാണ് ഒരു മഹാവിജയമായി മാറിയ കാപ്പാട്ട് കഴകം പെരുംകളിയാട്ടം.
28 വർഷങ്ങൾക്ക് ശേഷം വീണ്ടും ഒരു പെരുങ്കളിയാട്ടം വിരുന്നെത്തിയപ്പോൾ കാലത്തിന്റെ മാറ്റങ്ങൾ പരമാവധി ഉൾക്കൊണ്ട് അതിനനുസരിച്ചുള്ള എല്ലാ സംവിധാനങ്ങളും സർവ്വ മേഖലകളിലും പരമാവധി ഉപയോഗിക്കാൻ IT&Social Media Commitee ശ്രമിച്ചിട്ടുണ്ട്.
പ്രായഭേദമന്യേ സോഷ്യൽ മീഡിയ സജീവമായി ഉപയോഗിക്കുന്ന ഒരു സമൂഹമായി നാം മാറിയിട്ടുണ്ട്. അതിനാൽ തന്നെ ഇക്കാലത്ത് പെരുങ്കളിയാട്ടത്തിന്റെ പ്രചരണം ഏറ്റവും ഫലപ്രദമായി ചെയ്യാൻ പറ്റുന്നത് സമൂഹമാധ്യമങ്ങൾ വഴി തന്നെ ആണ്. ഈ തിരിച്ചറിവാണ് ഇത്തരമൊരു പരിശ്രമത്തിലേക്ക് നമ്മളെ നയിച്ചതും.
നമ്മുടെ ഗ്രൂപ്പ് അഡ്മിൻമാരായ വിഷ്ണുനാഥ് , ധനേഷ് കെ എ എന്നിവർ പെരുങ്കളിയാട്ടത്തിന്റെ ഓരോ സ്പന്ദനവും പരമാവധി വേഗത്തിൽ വാട്സ് ഗ്രൂപ്പ് വഴിയും ഫേസ് ബുക്ക് പേജ് വഴിയും ജനങ്ങളിലേക്കെത്തിക്കാൻ ശ്രമിച്ചിട്ടുണ്ട്.
ഒപ്പം പെരുങ്കളിയാട്ടം ആരംഭിച്ചത് മുതൽ കളിയാട്ടക്കാഴ്ച്ചകൾ തത്സമയം യു ട്യുബ് ചാനൽ വഴിയും, പ്രഭാകരൻ തരംഗിണിയുംസംഘവും അതുപോലെ സൗജന്യ ഇൻറ്റർ നെറ്റും ടി വി ചാനലിലൂടെ തൽസമയം- രാജൻ സ്കൈവേ (കേരളാവിഷൻ), പ്രസാദ് ടിസിഎൻ ചാനൽ തൃക്കരിപ്പൂരിന്റെയും സഹകരണത്തോടെ ജനങ്ങളിലെത്തിക്കാൻ സാധിച്ചു.
ഒപ്പം റീൽസ്, ഫോട്ടോ, വോയിസ്, റിപ്പോർട്ട് എന്നിവ നൽകിയ സ്മിജിത്ത് കണ്ടോത്ത്, വിപിൻ ഗോപാൽ, നമിത്ത് കമൽ, അതുൽ വിനോദ്, നന്ദരാജ് പ്രകാശ്, രഘുനാഥ് കൂത്തൂർ, നദിയ, സനീഷ് കുളപ്പുറം, അശ്വിൻ പി ടി, പോസ്റ്ററുകൾ തയ്യാറാക്കിയ മിഥുൻ ബ്ലാക് ഡോട്ട്, സന്തോഷ് ടൊ ടൊ, വെബ് സൈറ്റ് നിർമ്മിച്ച കിവി സോഫ്റ്റ് എന്നിവർക്കുള്ള നന്ദിയും രേഖപ്പെടുത്തട്ടെ.
നമ്മോടൊപ്പം മാർഗദർശികൾ ആയി നിന്ന സുധാകരൻ ടി വി, രാജീവൻ പച്ചവെളിച്ചം, കരുണാകരൻ കെ ടി എന്നിവർക്ക് ഞങ്ങളുടെ പ്രത്യേക നന്ദിയും അറിയിക്കുന്നു.
അവസാനമായി ഒരുപാട് നല്ല നിർദ്ദേശങ്ങളും അഭിപ്രായങ്ങളും നമ്മോടു നേരിട്ട് അറിയിച്ച മുഴുവൻ പേർക്കും ഹൃദയത്തിൽ നിന്നും നന്ദി അറിയിക്കുന്നു.
*സ്നേഹപൂർവ്വം
ടീം IT &സോഷ്യൽ മീഡിയ*
