Gurudoara Shahibzada Baba Ajit Singh ji Premsinghwala

12/09/2026

10+2 ਪਾਸ ਨੌਜਵਾਨਾ ਲਈ ਸੁਨਹਿਰੀ ਮੌਕਾ!
ਗੁਰਮਤਿ ਪ੍ਰਸਾਰ ਭਵਨ, ਸੈਕਟਰ 126, ਚੰਡੀਗੜ੍ਹ (ਨਿੱਜਰ ਚੌਂਕ, ਮੁੰਡੀ ਖਰੜ) ਵਿਖੇ ਗੁਰਮਤਿ ਵਿੱਦਿਆ ਦੇ ਨਾਲ ਪੰਜਾਬੀ ਯੂਨੀਵਰਸਿਟੀ ਤੋਂ ਮੁਫ਼ਤ B.A. ਕਰੋ।

ਸਹੂਲਤਾਂ: ਰਹਿਣਾ, ਖਾਣਾ, ਪੜ੍ਹਾਈ, ਕਿਤਾਬਾਂ ਤੇ ਵਰਦੀ ਬਿਲਕੁਲ ਮੁਫ਼ਤ (Zero Fee)।

ਇੰਟਰਵਿਊ: ਸੋਮਵਾਰ ਤੋਂ ਸ਼ਨੀਵਾਰ (ਸਵੇਰੇ 10 ਵਜੇ ਤੋਂ 1 ਵਜੇ ਤੱਕ ), ਸੋਸਾਇਟੀ ਦਫ਼ਤਰ।

ਨਾਲ ਲਿਆਓ: ਅਸਲ ਸਰਟੀਫਿਕੇਟ ਅਤੇ ਫੋਟੋਆਂ।

ਸੰਪਰਕ: 9417190438, 9814042800, 8527088585, 9815903453

19/08/2026

15/07/2026

ਅੱਜ ਲਾਵਰਿਸ ਆਖ ਸਤਲੁਜ ਚ ਰੋੜੇ ਗਏ ਸਮੂਹ ਸ਼ਹੀਦਾਂ ਦੀ ਯਾਦ ਚ ਅਰਦਾਸ ਸਮਾਗਮ ਪਿੱਛੋਂ ਸਤਿਗੁਰੂ ਜੀ ਦਾ ਹੁਕਮਨਾਮਾ ਸਾਹਿਬ 🙏

22/04/2026

ਮੋਹਿੰਦਰ ਸਿੰਘ ਪੁੱਜੀ (ਮਹਿੰਦਰ ਸਿੰਘ ਪੁੱਜੀ) ਡੀਐਫਸੀ ਦੇ ਯੁੱਧ ਕਾਰਨਾਮਿਆਂ ਬਾਰੇ ਵਿਸਥਾਰ
ਸਕੁਐਡਰਨ ਲੀਡਰ ਮੋਹਿੰਦਰ ਸਿੰਘ ਪੁੱਜੀ ਇੱਕ ਬਹਾਦਰ ਸਿੱਖ ਫਾਈਟਰ ਪਾਇਲਟ ਸਨ, ਜਿਨ੍ਹਾਂ ਨੇ ਦੂਜੀ ਵਿਸ਼ਵ ਯੁੱਧ ਵਿੱਚ ਰਾਇਲ ਏਅਰ ਫੋਰਸ (RAF) ਅਤੇ ਰਾਇਲ ਇੰਡੀਅਨ ਏਅਰ ਫੋਰਸ (RIAF) ਵਿਚ ਸੇਵਾ ਕੀਤੀ। ਉਹ ਉਨ੍ਹਾਂ ਘੱਟ ਭਾਰਤੀ ਪਾਇਲਟਾਂ ਵਿਚੋਂ ਇੱਕ ਸਨ ਜਿਨ੍ਹਾਂ ਨੇ ਯੁੱਧ ਦੇ ਤਿੰਨੋਂ ਵੱਡੇ ਥੀਏਟਰਾਂ — ਯੂਰਪ (ਬ੍ਰਿਟੇਨ), ਉੱਤਰੀ ਅਫਰੀਕਾ/ਮੱਧ ਪੂਰਬ ਅਤੇ ਬਰਮਾ (ਬਰ੍ਹਮਾ) — ਵਿਚ ਲੜਾਈ ਲੜੀ। ਉਨ੍ਹਾਂ ਨੇ ਹਾਕਰ ਹਰੀਕੇਨ, ਸਪਿਟਫਾਇਰ ਅਤੇ ਹੋਰ ਵਿਮਾਨ ਉਡਾਏ ਅਤੇ 300 ਤੋਂ ਵੱਧ ਆਪਰੇਸ਼ਨਲ ਘੰਟੇ ਭਰੇ।
ਯੁੱਧ ਵਿਚ ਸ਼ੁਰੂਆਤ ਅਤੇ ਟ੍ਰੇਨਿੰਗ (1940-41)
1940 ਵਿਚ ਭਾਰਤ ਵਿਚ ਰਿਕ੍ਰੂਟਮੈਂਟ ਐਡ ਤੋਂ ਪ੍ਰੇਰਿਤ ਹੋ ਕੇ ਉਹ 24 ਭਾਰਤੀ ਪਾਇਲਟਾਂ ਵਿਚੋਂ ਇੱਕ ਬਣੇ ਜੋ RAF ਵਿਚ ਵਾਲੰਟੀਅਰ ਬਣੇ।
ਅਕਤੂਬਰ 1940 ਵਿਚ ਬਰਤਾਨੀਆ ਪਹੁੰਚੇ। ਟ੍ਰੇਨਿੰਗ ਲਈ Prestwick, Hullavington ਅਤੇ Sutton Bridge ਵਿਚ ਰਹੇ।
ਅਪ੍ਰੈਲ 1941 ਵਿਚ RAF ਵਿੰਗਸ ਮਿਲੀਆਂ। ਉਨ੍ਹਾਂ ਨੇ ਹਰੀਕੇਨ ਉਡਾਉਣ ਦੀ ਟ੍ਰੇਨਿੰਗ ਲਈ। ਉਹ ਆਪਣਾ ਟਰਬਨ ਧਾਰਨ ਕਰਕੇ ਉਡਾਣ ਭਰਨ ਵਾਲੇ ਘੱਟ ਸਿੱਖ ਪਾਇਲਟਾਂ ਵਿਚੋਂ ਇੱਕ ਸਨ (ਖਾਸ ਕੈਪ ਬਣਾਈ ਗਈ ਸੀ)।
ਯੂਰਪੀ ਥੀਏਟਰ — ਬ੍ਰਿਟੇਨ ਅਤੇ ਫਰਾਂਸ (1941)
ਜੂਨ 1941: No. 43 Squadron RAF (Fighting C***s) ਵਿਚ ਪੋਸਟਿੰਗ, ਫਿਰ No. 258 Squadron RAF ਤੇ RAF Kenley ਤੋਂ ਉਡਾਣਾਂ।
ਕਨਵਾਏ ਪੈਟਰੋਲ, ਰੂਬਾਰਬ ਪੈਟਰੋਲ (ਲੋ-ਲੈਵਲ ਅਟੈਕ ਉੱਤੇ ਫਰਾਂਸ ਵਿਚ), ਫਾਈਟਰ ਸਵੀਪ ਅਤੇ ਬੰਬਰ ਐਸਕਾਰਟ।
ਉਨ੍ਹਾਂ ਨੇ 2 Messerschmitt Bf 109 ਡਾਊਨ ਕੀਤੇ ਅਤੇ 3 ਨੂੰ ਡੈਮੇਜ ਕੀਤਾ।
ਬਹਾਦਰੀ ਦੀਆਂ ਘਟਨਾਵਾਂ:
ਇੱਕ ਵਾਰ ਇੰਗਲਿਸ਼ ਚੈਨਲ ਉੱਤੇ Messerschmitt ਤੋਂ ਗੋਲੀਆਂ ਲੱਗੀਆਂ — ਡੈਸ਼ਬੋਰਡ ਟੁੱਟ ਗਿਆ, ਇੰਜਣ ਆਇਲ ਨਾਲ ਨਜ਼ਰ ਬੰਦ ਹੋ ਗਈ। ਉਨ੍ਹਾਂ ਨੇ ਵਿਮਾਨ ਨੂੰ ਡੋਵਰ ਦੀਆਂ ਚੱਟਾਨਾਂ ਤੱਕ ਲੈ ਆਂਦਾ ਅਤੇ ਕ੍ਰੈਸ਼ ਲੈਂਡਿੰਗ ਕੀਤੀ। ਟਰਬਨ ਨੇ ਇੰਪੈਕਟ ਤੋਂ ਬਚਾਇਆ। ਹਸਪਤਾਲ ਵਿਚ ਇੱਕ ਹਫ਼ਤਾ ਰਹੇ ਅਤੇ ਵਾਪਸ ਡਿਊਟੀ ਤੇ ਆ ਗਏ।
ਦੂਜੀ ਵਾਰ ਵੀ ਗੰਭੀਰ ਡੈਮੇਜ ਤੋਂ ਬਚੇ।
ਉਨ੍ਹਾਂ ਨੂੰ ਬਰਤਾਨੀਆ ਵਿਚ ਬਹੁਤ ਸਨਮਾਨ ਮਿਲਿਆ — ਸਿਨੇਮਾ ਵਿਚ ਲਾਈਨ ਵਿਚ ਅੱਗੇ ਰੱਖਿਆ ਜਾਂਦਾ, ਖਾਣ-ਪੀਣ ਫ੍ਰੀ।
ਉੱਤਰੀ ਅਫਰੀਕਾ ਅਤੇ ਮੱਧ ਪੂਰਬ
No. 6 Squadron RAF ਵਿਚ ਟ੍ਰਾਂਸਫਰ ਹੋਏ।
ਲੋ-ਲੈਵਲ ਗ੍ਰਾਊਂਡ ਅਟੈਕ ਅਤੇ ਰੀਕੋਨੈਸੈਂਸ ਮਿਸ਼ਨ। ਇੱਕ ਵਾਰ ਉੱਤਰੀ ਅਫਰੀਕਾ ਦੇ ਰੇਗਿਸਤਾਨ ਵਿਚ ਫੋਰਸ ਲੈਂਡਿੰਗ ਕੀਤੀ ਅਤੇ ਬ੍ਰਿਟਿਸ਼ ਫੌਜ ਨੇ ਰਿਸਕਿਊ ਕੀਤਾ।
ਬਰਮਾ ਥੀਏਟਰ (1944-45) — ਸਭ ਤੋਂ ਖਤਰਨਾਕ ਮਿਸ਼ਨ
No. 4 (RIAF) Squadron ਵਿਚ ਫਲਾਈਟ ਲੈਫਟੀਨੈਂਟ ਤੋਂ ਐਕਟਿੰਗ ਸਕੁਐਡਰਨ ਲੀਡਰ ਬਣੇ।
ਜਾਪਾਨੀ ਫੌਜਾਂ ਉੱਤੇ ਰੀਕੋਨੈਸੈਂਸ ਸਾਰਟੀਜ਼ — ਮਾਨਸੂਨ ਵਿਚ ਵੀ ਉਡਾਣਾਂ ਭਰੀਆਂ।
ਵੈਲੂਏਬਲ ਇਨਫਰਮੇਸ਼ਨ ਇਕੱਠੀ ਕੀਤੀ ਜਿਸ ਨਾਲ ਏਅਰ ਅਟੈਕ ਜਾਰੀ ਰੱਖੇ ਗਏ।
ਵੱਡਾ ਕਾਰਨਾਮਾ: ਇੱਕ ਵਾਰ 300 ਅਮਰੀਕੀ (ਅਫਰੀਕੀ-ਅਮਰੀਕੀ) ਸੈਨਿਕ ਜੰਗਲ ਵਿਚ ਗੁਆਚ ਗਏ। ਉਨ੍ਹਾਂ ਨੇ ਖੋਜ ਟੀਮ ਭੇਜੀ, ਫਿਰ ਖੁਦ ਉਡਾਣ ਭਰੀ ਅਤੇ ਉਨ੍ਹਾਂ ਨੂੰ ਲੱਭ ਲਿਆ। ਹੈੱਡਕੁਆਰਟਰ ਨੂੰ ਯਕੀਨ ਨਾ ਆਇਆ ਤਾਂ ਦੂਜੀ ਵਾਰ ਉਡਾਣ ਭਰ ਕੇ ਫੋਟੋਆਂ ਲੈ ਕੇ ਆਏ ਅਤੇ ਰਿਸਕਿਊ ਹੋਇਆ।
ਡੀਐਫਸੀ (Distinguished Flying Cross) ਐਵਾਰਡ
17 ਅਪ੍ਰੈਲ 1945 ਨੂੰ ਮਿਲਿਆ। ਸਾਈਟੇਸ਼ਨ:
“This officer has flown on many reconnaissance sorties over Japanese occupied territory, often in adverse monsoon weather. He has obtained much valuable information on enemy troop movements and dispositions, which enabled an air offensive to be maintained against the Japanese troops throughout the monsoon. Flight Lieutenant Pujji has shown himself to be a skilful and determined pilot who has always displayed outstanding leadership and courage.”
ਏਅਰ ਚੀਫ ਮਾਰਸ਼ਲ ਸਰ ਕੀਥ ਪਾਰਕ ਵੱਲੋਂ ਨਿੱਜੀ ਚਿੱਠੀ ਵੀ ਆਈ।
ਉਨ੍ਹਾਂ ਨੇ ਯੁੱਧ ਤੋਂ ਬਾਅਦ ਭਾਰਤੀ ਏਅਰ ਫੋਰਸ ਵਿਚ ਸੇਵਾ ਜਾਰੀ ਰੱਖੀ, ਟੀਬੀ ਤੋਂ ਬਚੇ ਅਤੇ ਸਿਵਲ ਏਵੀਏਸ਼ਨ ਵਿਚ ਵੀ ਯੋਗਦਾਨ ਦਿੱਤਾ (ਗਲਾਈਡਰ ਰੇਸਿੰਗ, ਨਿਊਜ਼ੀਲੈਂਡ ਤੱਕ ਉਡਾਣ ਆਦਿ)। 2010 ਵਿਚ ਉਨ੍ਹਾਂ ਦਾ ਦਿਹਾਂਤ ਹੋਇਆ।
ਇਹ ਬਹਾਦਰੀ ਅਤੇ ਲੀਡਰਸ਼ਿਪ ਲਈ ਉਨ੍ਹਾਂ ਨੂੰ ਭਾਰਤ ਅਤੇ ਬਰਤਾਨੀਆ ਦੋਵੇਂ ਥਾਵਾਂ ਤੇ ਯਾਦ ਰੱਖਿਆ ਜਾਂਦਾ ਹੈ। ਗ੍ਰੇਵਸੈਂਡ ਵਿਚ ਉਨ੍ਹਾਂ ਦੀ ਮੂਰਤੀ ਵੀ ਇਸ ਲਈ ਖੜ੍ਹੀ ਹੈ।

22/04/2026

ਸਮਾਣਾ ਟਾਵਰ ਮੋਰਚਾ.. ਇਕ ਪੰਛੀਝਾਤ
ਅਕਤੂਬਰ 2024 ਤੋਂ ਅਪ੍ਰੈਲ 2026
ਸਮਾਣਾ ਟਾਵਰ ਮੋਰਚਾ --> ਸਰਬ ਧਰਮ ਮੋਰਚਾ --> ਸਮਾਣਾ ਧਰਮ ਯੁੱਧ ਮੋਰਚਾ ਅਕਤੂਬਰ 2024 ਚ ਸ਼ੁਰੂ ਹੋਇਆ ਤਾਂ ਇਲਾਕੇ ਲੋਕਾਂ ਨੇ ਸ਼ੁਰੂਆਤੀ ਦਿਨਾ ਚ ਗੰਭੀਰਤਾ ਨਾਲ ਨਹੀਂ ਲਿਆ,...ਸਮਾਣੇ ਚ ਤੇ ਇਲਾਕੇ ਚ ਆਗੂ ਤੇ ਸੰਚਾਲਕਾਂ ਨੂੰ ਲੈ ਕੇ ਘੁਸਰ ਮੁਸਰ ਹੋਣ ਲੱਗੀ ਸੀ ਤੇ ਲੋਕ ਸਵਾਲ ਖੜੇ ਕਰਦੇ ਸਨ...... ਸ਼ੁਰੂਆਤ ਵਿਚ ਮੰਗ ਕੇਂਦਰੀ ਸਰਕਾਰ ਤੋਂ ਹੋਣ ਕਰਕੇ ਪੰਜਾਬ ਸਰਕਾਰ ਤੇ ਪ੍ਰਸ਼ਾਸ਼ਨ ਆਪਣਾਂ ਪੱਲਾ ਬੋਚ ਕੇ ਦਿਨ ਕਟੀਆਂ ਕਰਨ ਵਿਚ ਲੱਗਿਆ ਰਿਹਾ... ਮੋਰਚਾ ਉਹ ਜ਼ੋਰ ਨਹੀਂ ਫੜ ਸਕਿਆ ਜੋ ਉਮੀਦ ਲਾਈ ਸੀ ਮੋਰਚੇ ਦੇ ਸੰਚਾਲਕਾਂ ਨੇ......ਪੰਜਾਬ ਦੇ ਧਾਰਮਿਕ ਆਗੂਆਂ ਸਿੱਖ ਵਿਦਵਾਨਾਂ ਅਤੇ ਹੋਰ ਬਹੁਤ ਸਾਰੇ ਖੋਸੇ ਵਡਾਲਾ ਵਰਗਿਆਂ ਨੇ ਉਸ ਵੇਲੇ ਮੂੰਹ ਨਹੀਂ ਕੀਤਾ ਮੋਰਚੇ ਵੱਲ ...ਉਸ ਵੇਲੇ ਮੋਰਚੇ ਤੋਂ ਮੋਰਚੇ ਚ ਸ਼ਾਮਲ ਨਾਂ ਹੋਣ ਵਾਲਿਆਂ ਨੂੰ ਗ਼ਦਾਰੀ ਵਾਲੇ ਤੰਮਗੇ ਵੀ ਵੰਡੇ ਜਾਂਦੇ ਰਹੇ... ਸ਼ਾਇਦ ਓਦੋਂ ਕੋਈ ਚੋਣਾਂ ਨੇੜੇ ਨਾਂ ਹੋਣ ਕਰਕੇ ਅਖਾੜਾ ਨਹੀਂ ਮਘ ਸਕਿਆ... ਫੇਰ ਇਕ ਤਰੀਕ ਦੇ ਕੇ ਟਾਵਰ 'ਤੇ ਬੈਠੇ ਗੁਰਜੀਤ ਸਿੰਘ ਵੱਲੋ ਆਪਣੇ ਆਪ ਨੂੰ ਸ਼ੂਟ ਕਰਨ ਦਾ ਐਲਾਨ ਕੀਤਾ ਗਿਆ ... ਜਿਸ ਨੂੰ ਪੰਚ ਪਿਆਰਿਆਂ ਅਤੇ ਸੰਗਤ ਦੇ ਹੁਕਮਾਂ ਨਾਲ ਵਾਪਿਸ ਲੈ ਲਿਆ ਗਿਆ.... ਉਸ ਵੇਲੇ ਵੀ ਘੁਸਰ ਮੁਸਰ ਹੋਈ ਤੇ ਸਵਾਲ ਖੜੇ ਹੋਏ.... ਫੇਰ ਮੋਰਚੇ ਵਿਚ ਕੁਝ ਗ਼ਰਮ ਖਿਆਲੀ ਸਿੰਘ ਸ਼ਾਮਲ ਹੋਏ... ਫੇਰ ਵੀ ਉਹ ਮਹੌਲ ਨਹੀਂ ਬਣ ਸਕਿਆ ਜੋ ਹੋਣਾ ਚਾਹੀਦਾ ਸੀ ...... ਬਹੁਤ ਸਾਰੇ ਨਾਮੀ ਲੋਕਾਂ ਨੂੰ ਸ਼ਾਮਲ ਹੋਣ ਲਈ ਝੋਟੇ ਭਾਨੇ ਲਾਖੇ ਸਿਧਾਣੇ ਸਰਬਜੀਤ ਸਿੰਘ ਖਾਲਸਾ ਵਰਗਿਆਂ ਤੇ ਹੋਰਾਂ ਨੂੰ ਸੱਦਾ ਦਿਤਾ ਗਿਆ ਪਰ ਬਹੁਤੇ ਨਾਂ ਆਏ........ ਕੁਝ ਆਉਂਦੇ.. ਜਿਹੜੇ ਨਾ ਆਉਂਦੇ ਤਾਂ ਉਹਨਾਂ ਨੂੰ ਤੰਮਗੇ ਮਿਲਦੇ.... ਜਿਹੜੇ ਆਉਂਦੇ ਸਨ ਜੇ ਉਹ ਫਿਰ ਤੋਂ ਸ਼ਾਮਲ ਨਾਂ ਹੁੰਦੇ ਫੇਰ ਉਹਨਾਂ ਨੂੰ ਵੀ ਤੰਮਗੇ ਮਿਲਦੇ.....ਫੇਰ ਇਕ ਅਦਾਕਾਰ ਰਿਹਾ (ਸ਼ਾਇਦ ਵਿਦੇਸ਼ੀ ਮੀਡੀਆ ਨਾਲ ਵੀ ਜੁੜਿਆ) ਸਿੰਘ ਸਾਥੀਆਂ ਨਾਲ ਮੋਰਚੇ ਨਾਲ ਜੁੜਿਆ... ਪਰ ਮੋਰਚਾ ਰੰਗ ਨਾਂ ਫੜ ਸਕਿਆ....ਸਰਕਾਰ ਤੇ ਪ੍ਰਸ਼ਾਸ਼ਨ ਨਾਲ ਮੀਟਿੰਗਾਂ ਤਾਂ ਹੁੰਦੀਆਂ ਪਰ ਬੇਸਿਟਾ ਰਹੀਆਂ.... ਦੂਜੇ ਪਾਸੇ ਮੋਰਚਾ ਉਸ ਵੇਲੇ ਸ਼ਾਇਦ ਇਸ ਕਰਕੇ ਵੀ ਕਮਜ਼ੋਰ ਰਿਹਾ ਕੇ ਸਰਕਾਰ ਉਤੇ ਚੋਣਾਂ ਵੇਲੇ ਵਾਲਾ ਦਬਾਅ ਨਹੀਂ ਸੀ ਬਣ ਰਿਹਾ... ਇਸੇ ਵਿਚਕਾਰ ਜਿਹੜੇ ਕੁਝ ਗਰਮ ਖਿਆਲੀ ਸਿੰਘ ਆਏ ਸਨ ਤੇ ਕੁਝ ਸੰਚਾਲਕਾਂ ਵਿੱਚੋਂ ਕੁਝ ਨੂੰ ਸਰਕਾਰ ਨਾਲ ਮਿਲੇ ਹੋਏ ਅਤੇ ਸਰਕਾਰ ਦੀ ਆਫਰ ਲੈ ਕੇ ਆਏ ਦੱਸ ਕੇ ਗਰਦਾਰ (ਗੱਦਾਰ) ਵਾਲੇ ਤੰਮਗੇ ਦੇ ਕੇ ਪਿਛੇ ਕਰ ਦਿੱਤੇ ਗਏ..... ਪਰ ਫਿਰ ਵੀ ਫਾਇਦਾ ਨਹੀਂ ਮਿਲਿਆ ਉਸ ਵੇਲੇ ਮੋਰਚੇ ਨੂੰ....ਫੇਰ ਟਾਵਰ ਮੋਰਚਾ ਸਿਰਫ ਗੁਰੂ ਗ੍ਰੰਥ ਸਾਹਿਬ ਤੋਂ ਸਰਬ ਧਰਮ ਬੇਅਦਬੀ ਰੋਕੂ ਕਾਨੂੰਨ ਮੋਰਚੇ ਚ ਤਬਦੀਲ ਹੋ ਗਿਆ... ਬਹੁਤ ਸਾਰੇ ਦੂਜੇ ਧਰਮਾਂ ਦੇ ਲੋਕਾਂ ਨੂੰ ਬੁਲਾਇਆ ਗਿਆ ਕੁਝ ਆਪ ਤੋਂ ਵੀ ਹਾਜ਼ਰੀ ਲਵਾਉਣ ਆਏ... ਪਰ ਸਰਬ ਧਰਮ ਮੋਰਚਾ ਨਾਮ ਰੱਖਣ ਤੇ ਵੀ ਦੂਜੇ ਧਰਮਾਂ ਦਾ ਉਹ ਸਹਿਯੋਗ ਨਹੀਂ ਮਿਲਿਆ ਜੋ ਮਿਲਣਾ ਚਾਹੀਦਾ ਸੀ ਜਾਂ ਜੋ ਉਮੀਦ ਕਰਦੇ ਸੀ ਮੋਰਚੇ ਦੇ ਸੰਚਾਲਕ... ਬਹੁਤ ਨਾਂ ਮਾਤਰ ਸਹਿਯੋਗ ਰਿਹਾ ਦੂਜੇ ਧਰਮਾਂ ਦਾ... ਪ੍ਰੋਗਰਾਮ ਰੱਖਿਆ ਜਾਂਦਾ ਸਰਕਾਰ ਨਾਲ ਗੱਲ ਚਲਦੀ ਰਹੀ... ਇਸ ਦੌਰਾਨ ਸ਼ੁਰੂਆਤ ਤੋਂ ਮੋਰਚੇ ਨਾਲ ਜੁੜੇ ਕਈ ਵਿਅਕਤੀਆਂ ਵਿੱਚੋਂ ਕਈ ਕੁਝ ਕਾਰਨਾਂ ਕਰਕੇ ਮੋਰਚੇ ਨੂੰ ਛੱਡ ਦੇ ਗਏ ਕਈ ਹੋਰ ਨਵੇਂ ਚੇਹਰੇ ਸ਼ਾਮਲ ਹੁੰਦੇ ਰਹੇ..... ਸਰਕਾਰ ਨਾਲ ਗੱਲ ਚਲਦੀ ਰਹੀ..... ਸਰਕਾਰ ਨੇ ਸਤੰਬਰ 2025 ਦੇ ਕਰੀਬ ਬਿਲ ਲਿਆਉਣ ਦਾ ਐਲਾਨ ਕੀਤਾ.. ਬਿੱਲ ਲਿਆਂਦਾ.. ਪਰ 6 ਮਹੀਨੇ ਲਈ ਕਮੇਟੀ ਕੋਲ ਭੇਜ ਦਿਤਾ..... ਇਸੇ ਦੌਰਾਨ "ਸੁਨਹਿਰੀ ਦੁਕਾਨ ਜਾਂ ਕਹਿ ਲਵੋ ਸੁਨਹਿਰੀ ਚੌਂਪੜੀ ਵਾਲਾ ਭਾਈ ਵੀ ਮੋਰਚੇ ਚ ਸ਼ਾਮਲ ਹੋਇਆ... ਫੇਰ ਘੁਸਰ ਮੁਸਰ ਵੀ ਹੁੰਦੀ ਰਹੀ.. ਅਖੇ ਵਪਾਰੀ ਬੰਦਾ ਐ... ਵਿੱਚੋਂ ਨਫ਼ਾ ਦੇਖਦਾ ਹੋਵੇਗਾ... ਖੈਰ ਚਲੋ..... ਉਸ ਨੂੰ ਬਾਬਾ ਬੰਦਾ ਬਹਾਦਰ ਦਾ ਖਿਤਾਬ ਦੇ ਕੇ ਵੀ ਨਵਾਜਿਆ ਗਿਆ.. ਧਰਮੀ ਯੋਧਾ ਵੀ ਐਲਾਨਿਆ ਗਿਆ.. ਉਹ ਗੱਲ ਵੱਖਰੀ ਹੈ ਕੇ ਕਿਸੇ ਕਾਰਨ ਕਰਕੇ ਆਖਰੀ ਵਕਤ ਉਹ ਸੁਨਹਿਰੀ ਦੁਕਾਨ ਜਾਂ ਸੁਨਹਿਰੀ ਚੌਂਪੜੀ ਵਾਲਾ ਭਾਈ ਨਜ਼ਰ ਨਹੀਂ ਆਇਆ....... ਉਹ ਹਿੰਦੂ ਭਾਈਚਾਰੇ ਵੱਲੋਂ ਨੁਮਾਇੰਦਗੀ ਕਰਦਾ ਨਜ਼ਰ ਆਉਂਦਾ ਜਾਂ ਦਿਖਾਇਆ ਗਿਆ... ਉਹ ਭਾਈ ਹਰਿਮੰਦਰ ਸਾਹਿਬ ਗਈ ਸੰਗਤ ਨਾਲ ਵੀ ਗਿਆ (ਸੁਣਿਆ ਕੇ ਕਥਿਤ ਕੁਝ ਤਕਰਾਰ ਵੀ ਹੋਏ ਸੰਚਾਲਕਾਂ ਨਾਲ ਉਸ ਦੇ)... ਫੇਰ ਮੋਰਚਾ ਅਕਤੂਬਰ 2024 ਤੋਂ ਚਲਦਾ ਚੋਣ ਪ੍ਰਚਾਰ ਦਾ ਸਾਲ 2026 ਆ ਗਿਆ ਸਰਬ ਧਰਮ ਬੇਅਦਬੀਆਂ ਰੋਕੂ ਕਾਨੂੰਨ ਮੋਰਚਾ ਫੇਰ ਬਦਲ ਕੇ ਧਰਮ ਯੁੱਧ ਮੋਰਚਾ ਸਮਾਣਾ ਹੋ ਗਿਆ....... ਸਰਕਾਰ ਦੀ ਕਮੇਟੀ ਦਾ ਸਮਾਂ ਵੀ ਪੂਰਾ ਹੋ ਗਿਆ... ਚੋਣ ਪ੍ਰਚਾਰ ਮਹੌਲ ਵੀ ਮਘ ਪਿਆ.... ਕਈ ਸਿਆਸੀ ਪਾਰਟੀਆਂ ਨੇ ਸਰਕਾਰ 'ਤੇ ਨਿਸ਼ਾਨੇ ਲਾਉਣੇ ਸ਼ੁਰੂ ਕਰ ਦਿੱਤੇ..... ਚਰਚਾ ਹੋਰ ਵੀ ਭਖਣ ਲੱਗ ਪਈ... ਪੰਜਾਬ ਦੇ ਬਹੁਤੇ ਸਿੱਖ ਵਿਦਵਾਨ ਧਾਰਮਿਕ ਪ੍ਰਚਾਰਕ ਹੋਰ ਉਘੀਆਂ ਸ਼ਕਲਾਂ ਡੇਢ ਸਾਲ ਮੋਰਚੇ ਦੇ ਨੇੜੇ ਵੀ ਨਹੀਂ ਆਈਆਂ ਉਹਨਾਂ ਮੋਰਚੇ ਦੇ ਆਗੂ ਤਾਂ ਕੀ ਬਣਨਾ ਸੀ....ਪਰ ਉਹ ਲੋਕ ਡੇਢ ਸਾਲ ਬਾਅਦ ਚੋਣ ਪ੍ਰਚਾਰ ਵਰ੍ਹੇ ਚ ਆਂ ਕੇ ਗੱਲ ਕਰਨ ਲੱਗ ਪਏ... ਸ਼ਾਇਦ ਉਹਨਾਂ ਨੂੰ ਇਹ ਸੀ ਕੇ ਪਹਿਲਾਂ ਵੀ ਦੋ ਸਰਕਾਰਾਂ ਨੇ ਬਿਲ ਪਾਸ ਕੀਤਾ ਤੇ ਉਹ ਨਹੀਂ ਬਣਿਆ ਤੇ ਸ਼ਾਇਦ ਇਹ ਵੀ ਨਹੀਂ ਬਣੇਗਾ.... ਜਾਂ ਖੋਰੇ ਇਸ ਕਰਕੇ ਚੁੱਪ ਰਹੇ ਕੇ ਉਹਨਾਂ ਨੂੰ ਲਗਿਆ ਕੇ ਇਸ ਕਾਨੂੰਨ ਦੀ ਲੋੜ ਨਹੀਂ ਜੇ ਗੱਲ ਹੋਵੇਗੀ ਤਾਂ ਗੱਲ ਭਖੇਗੀ.... ਇਹ ਤਾਂ ਉਹ ਜਾਨਣ..... ਪਰ ਅੱਜ ਸ਼ਾਇਦ ਕਈ ਤਾਂ ਏਹੇ ਸੋਚ ਕੇ ਕਾਨੂੰਨ ਦੀਆਂ ਵਧਾਈਆਂ ਦੇ ਰਹੇ ਨੇ ਕੇ ਲੋਕ ਕੀ ਕਹਿਣਗੇ ਜਾਂ ਅਸੀ ਵੀ ਕਹਿਣ ਜੋਗੇ ਹਾਂ ਕੇ ਅਸੀ ਵੀ ਮੋਰਚੇ ਦੇ ਹੱਕ ਵਿਚ ਸੀ...... ਖੈਰ ਛੱਡੋ ਮੋਰਚੇ ਤੇ ਕਾਨੂੰਨ ਦੀ ਗੱਲ ਕਰਦੇ ਹਾਂ......ਮੇਰੀ ਗੱਲ ਜਦੋ ਕਿਤੇ Rajinder Singh Fatehgarh Chhanna ਸਰਪੰਚ ਰਾਜਿੰਦਰ ਸਿੰਘ ਛੰਨਾ ਨਾਲ ਮੋਰਚੇ ਦੇ ਸ਼ੁਰੂਆਤੀ ਦਿਨਾ ਚ ਜਾਂ ਉਹਨਾਂ ਦੇ ਮੋਰਚਾ ਛੱਡਣ ਤੋਂ ਬਾਅਦ ਵੀ ਹੁੰਦੀ ਕੇ ਤਾਂ ਉਹਨਾਂ ਕਹਿਣਾ ਸਰਕਾਰ ਨੇ ਮੁੱਦਾ ਧਿਆਨ ਵਿਚ ਲੈ ਆਂਦਾ ਹੈ ਉਹ ਇਸ ਕਾਨੂੰਨ ਬਾਰੇ ਚੋਣਾਂ ਨੇੜੇ ਗੱਲ ਕਰੇਗੀ ਜਾਂ ਬਣਾਵੇਗੀ ਜਾਂ ਬਿਲ ਲਿਆਵੇਗੀ ਸਰਕਾਰ ਨੇ ਇਸ ਧਾਰਮਿਕ ਮੁੱਦੇ ਦਾ ਲਾਹਾ ਲਵੇਗੀ ਉਹਨਾਂ ਦਾ ਏਹੇ ਜਰੂਰ ਕਹਿਣਾ ਸੀ ਕੇ ਕਾਨੂੰਨ ਸਿਰਫ ਗੁਰੂ ਗ੍ਰੰਥ ਸਾਹਿਬ ਲਈ ਹੀ ਬਣਨਾ ਚਾਹੀਦਾ ਹੈ... ਦੂਜਿਆਂ ਨੂੰ ਲੋੜ ਹੋਵੇਗੀ ਉਹ ਆਪ ਮੰਗ ਕਰ ਲੈਣਗੇ......ਇਸ ਬਾਰੇ ਇਕੱਲੇ ਗੁਰੂ ਗ੍ਰੰਥ ਸਾਹਿਬ ਲਈ ਬਿੱਲ ਪਾਸ ਹੋਣ ਤੇ ਮੋਰਚੇ ਦੇ ਇਕ ਸੰਚਾਲਕ ਨੇ ਬੋਲਿਆ ਵੀ ਸੀ ਕੇ ਇਕੱਲੇ ਗੁਰੂ ਸਾਹਿਬ ਲਈ ਕਾਨੂੰਨ ਬਣਨ ਤੇ ਉਹਨਾਂ ਲੋਕਾਂ ਜਵਾਬ ਮਿਲ ਗਿਆ ਹੋਵੇਗਾ ਜਿਹੜੇ ਦੂਜੇ ਧਰਮਾਂ ਦੇ ਬਰਾਬਰ ਕਾਨੂੰਨ ਬਣਨ ਨੂੰ ਲੈ ਕੇ ਆਲੋਚਨਾ ਕਰਦੇ ਸਨ (ਇਹ ਜਵਾਬ ਉਹਨਾਂ ਨੂੰ ਨਹੀਂ ਬਲਕਿ ਜਵਾਬ ਮੋਰਚੇ ਦੇ ਉਹਨਾਂ ਲੋਕਾਂ ਨੂੰ ਜਾਂ ਅਜਿਹੇ ਸੰਚਾਲਕਾਂ ਨੂੰ ਮਿਲ ਗਿਆ ਹੋਵੇਗਾ ਜਿਹੜੇ ਸਰਬ ਧਰਮ ਕਾਨੂੰਨ ਦੀ ਗੱਲ ਕਰਦਿਆਂ ਗੁਰੂ ਗ੍ਰੰਥ ਸਾਹਿਬ ਨੂੰ ਦੂਜੇ ਧਰਮਾਂ ਦੇ ਬਰਾਬਰ ਕਾਨੂੰਨ ਬਣਾਉਣ ਦੀ ਗੱਲ ਕਰਦੇ ਸਨ....ਸਗੋਂ ਜਿਹੜੇ ਇਸ ਗੱਲ ਦੀ ਆਲੋਚਨਾ ਕਰਦੇ ਸਨ ਕੇ ਦੂਜੇ ਧਰਮ ਗ੍ਰੰਥਾ ਨੂੰ ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਨਹੀਂ ਰਖਿਆ ਜਾਂ ਸਕਦਾ ਉਹਨਾਂ ਲਈ ਤਾਂ ਇਹ ਚੰਗੀ ਗੱਲ ਹੋਈ ਹੈ.. ਜਦੋੰਕਿ ਮੋਰਚਾ ਸਰਬ ਧਰਮ ਬੇਅਦਬੀ ਰੋਕੂ ਕਾਨੂੰਨ ਬਣਾਉਣ ਦੀ ਗੱਲ ਕਰ ਰਿਹਾ ਸੀ.... ਜਦੋ ਮੋਰਚਾ ਸਰਬ ਧਰਮ ਲਈ ਗੱਲ ਕਰ ਰਿਹਾ ਸੀ ਤਾਂ ਮੋਰਚਾ ਇਸ ਗੱਲ ਤੇ ਕਿਓਂ ਨਹੀਂ ਅੜਿਆ ਕੇ ਅਸੀ ਮੰਗ ਤਾਂ ਸਾਰੀਆਂ ਲਈ ਕੀਤੀ ਹੈ ਤੁਸੀ ਇਕਲੇ ਗ੍ਰੰਥ ਸਾਹਿਬ ਦਾ ਕਿਉਂ ਬਣਾਇਆ ਹੈ.. ਇਸ ਹਿਸਾਬ ਨਾਲ ਤਾਂ ਮੋਰਚੇ ਦੀ ਗੱਲ ਹੀ ਨਹੀਂ ਮੰਨੀ ਗਈ.. ਹਾਲਾਂਕਿ ਮੋਰਚਾ ਸ਼ੁਰੂ ਗੁਰੂ ਗ੍ਰੰਥ ਸਾਹਿਬ ਜੀ ਦੀਆਂ ਬੇਅਦਬੀਆਂ ਨੂੰ ਲੈ ਕੇ ਹੀ ਲਾਇਆ ਗਿਆ ਸੀ... ਜਦੋ ਇਕ ਸੰਚਾਲਕ ਨੂੰ ਕਕ ਵਾਰ ਇਕ ਇੰਟਰਵਿਉ ਚ ਏਹੇ ਸਵਾਲ ਕੀਤਾ ਗਿਆ ਕੇ ਇਕੱਲੇ ਗੁਰੂ ਗ੍ਰੰਥ ਸਾਹਿਬ ਵਾਲੀ ਮੰਗ ਛੱਡ ਕੇ ਸਰਬ ਧਰਮ ਮੋਰਚਾ ਨਾਮ ਕਿਉਂ ਬਦਲਿਆ ਗਿਆ ਤਾਂ ਉਸ ਸੰਚਾਲਕ ਨੇ ਕਿਹਾ ਕੇ ਤੁਸੀ ਖਬਰਾਂ ਕੱਢ ਕੇ ਦੇਖ ਕਵੋ ਅਸੀ ਤਾਂ ਸ਼ੁਰੂ ਤੋਂ ਸਰਬ ਧਰਮ ਦੀ ਗੱਲ ਕਰ ਰਹੇ ਹਾਂ.... ਖੈਰ ਛੱਡੋ ਏਹੇ ਗੱਲਾਂ ਕਿਤੇ ਫੇਰ ਕਰਾਂਗੇ)..।........ ਸਰਕਾਰ ਵੱਲੋ ਲਿਆਂਦਾ ਬਿੱਲ ਕਮੇਟੀ ਕੋਲ ਜਾਣ ਤੋਂ ਬਾਅਦ 2026 ਵਰ੍ਹੇ ਚ ਆਂ ਕੇ ਮੁੱਦੇ ਬਾਰੇ ਚਰਚਾ ਵੱਡੇ ਪੱਧਰ ਤੇ ਹੋਣੀ ਸ਼ੁਰੂ ਹੋ ਗਈ....ਟਾਵਰ ਨੇੜੇ ਪਾਰਕ ਚ ਮੋਰਚੇ ਲਈ ਜੇ ਮੈੰ ਨਾਂ ਭੁੱਲਦਾ ਹੋਵਾਂ ਸ਼ਾਇਦ 24 ਫਰਵਰੀ ਨੂੰ ਪ੍ਰੋਗਰਾਮ ਰਖਿਆ ਗਿਆ ਤੇ ਉਸ ਦਿਨ ਸਰਕਾਰ ਉਤੇ ਦਬਾਅ ਬਣਾਉਣ ਲਈ ਧਰਨਾਕਾਰੀ ਤਹਿਸੀਲ ਨੇੜਲੇ ਪਾਰਕ ਤੋਂ ਚੱਲਕੇ ਬੰਦਾ ਬਹਾਦਰ ਚੋਂਕ ਜਾਣ ਦਾ ਐਲਾਨ ਕੀਤਾ ਤੇ ਓਥੇ ਜਾਣ ਵੇਲੇ ਪੁਲਿਸ ਤੇ ਧਰਨਾਕਾਰੀਆਂ ਚ ਤਣਾਅ ਵੀ ਪੈਦਾ ਹੋਇਆ....... ਬੰਦਾ ਬਹਾਦਰ ਚੋਂਕ ਚ ਧਰਨਾ ਲਾਉਣ ਤੋਂ ਬਾਅਦ ਸਿਆਸੀ ਲੋਕਾਂ ਨੇ ਮੋਰਚੇ ਚ ਹਾਜ਼ਰੀ ਲਵਾਉਣੀ ਸ਼ੁਰੂ ਕਰ ਦਿੱਤੀ ਜਿਹੜੇ ਸਿਆਸੀ ਲੋਕ ਡੇਢ ਸਾਲ ਸ਼ਾਂਤ ਰਹੇ....
ਮੋਰਚੇ ਚ ਲਾਈਵ ਸਵਾਲ ਜਵਾਬ ਹੋਣ ਲਗੇ.... ਚੋਣ ਪ੍ਰਚਾਰ ਵਰ੍ਹਾ ਸੀ ਮੋਰਚੇ ਦੀ ਗੱਲ ਜਿਆਦਾ ਹੋਣ ਲੱਗੀ.. ਖਾਸ ਕਰਕੇ ਬੰਦਾ ਬਹਾਦਰ ਚੋਂਕ ਚ ਧਰਨਾ ਲੱਗਣ ਕਰਕੇ ਰਾਹਗੀਰ ਲੋਕਾਂ ਨੂੰ ਹੋਰ ਜਿਆਦਾ ਪਤਾ ਲੱਗਣ ਲੱਗਿਆ... ਕਿਓਂ ਕੇ ਲੰਘਣ ਲੱਗਿਆ ਦਿਕੱਤ ਹੋਣ ਕਰਕੇ ਦੂਰ-ਦੁਰਾਡੇ ਦੇ ਲੋਕਾਂ ਨੂੰ ਹੋਰ ਪਤਾ ਲੱਗਣ ਲਗਿਆ.... ਜਿਹੜੇ ਮੋਰਚੇ ਦੀ ਕਰੀਬ ਇਕ ਸਾਲ ਜਿਨੀ ਗੱਲ ਹੋਣੀ ਚਾਹੀਦੀ ਸੀ ਓਨੀ ਗੱਲ ਨਹੀਂ ਸੀ ਹੋਈ... ਹੁਣ ਉਸਦੀਆਂ ਰੀਲਾਂ ਵਾਇਰਲ ਹੋਣ ਲੱਗੀਆਂ..... ਗੱਲ ਹੋਈ ਤਾਂ ਸਿੱਖ ਵਿਦਵਾਨਾਂ ਦੇ ਧਾਰਮਿਕ ਲੋਕਾਂ ਦੇ ਸਿਆਸੀ ਲੋਕਾਂ ਦੇ ਸਮਾਜ ਸੇਵੀਆਂ ਦੇ ਪੋਡਕਾਸਟ ਹੋਣ ਲਗੇ.....ਕੁਝ ਹੱਕ ਵਿਚ ਕੁਝ ਵਿਰੋਧ ਵਿਚ... ਪਰ ਮੋਰਚੇ ਦੀ ਹੋਰ ਗੱਲ ਹੋਣ ਲੱਗੀ......ਸਰਕਾਰ 'ਜਿਹੜੀ ਸ਼ਾਇਦ ਮਾਮਲੇ ਨੂੰ ਅਗਸਤ ਸਤੰਬਰ ਤੱਕ ਖਿੱਚਣਾ ਚਾਹੁੰਦੀ ਸੀ' ਘਾੜਤਾਂ ਘੜਨ ਲੱਗੀ.. ਉਸ ਨੂੰ ਪਤਾ ਸੀ ਕੇ ਭਾਵੇਂ ਸਟੇਟ ਆਪ ਆਪਣਾ ਕਾਨੂੰਨ ਲਿਓਣ ਦੀ ਗੱਲ ਕਰ ਰਹੀ ਹੈ.. ਪਰ ਇਕ ਧਰਮ ਵਾਸਤੇ ਸਿਧੇ ਤੌਰ ਤੇ ਉਮਰ ਕੈਦ ਵਾਲਾ ਕਾਨੂੰਨ ਨਹੀਂ ਲਿਆ ਸਕਦੀ ਅਤੇ ਨਾਂ ਹੀ ਸਾਰੇ ਧਰਮਾਂ ਲਈ ਜੋ ਕੇ ਬਹੁਤ ਹੀ ਸੰਵੇਦਨਸ਼ੀਲ ਹੋ ਜਾਵੇਗਾ... ਸਰਕਾਰ ਨੇ ਮੋਰਚੇ ਵੱਲੋ ਦਿਤਾ ਜਾਂ ਕਹਿ ਲਵੋ ਮੋਰਚੇ ਵਲੋਂ ਸਿਪਾਰਸ਼ ਕੀਤਾ ਖਰੜਾ ਜੋ ਸ਼ਾਇਦ ਓਹੀਓ ਕਮੇਟੀ ਕੋਲ ਭੇਜਿਆ ਸੀ.. ਸਰਕਾਰ ਨੇ ਉਹ ਵਾਲਾ ਸਰਬ ਧਰਮ ਵਾਲਾ ਬਿੱਲ ਵਿਚਕਾਰ ਹੀ ਛੱਡ ਦਿਤਾ..... ਤੇ ਕਾਹਲੀ ਚ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਸਤਿਕਾਰ ਐਕਟ 2008 ਵਾਲੇ ਐਕਟ ਨੂੰ ਸੋਧ ਕਰਕੇ ਪੇਸ਼ ਕਰਨ ਕਰਨ ਦਾ ਮਨ ਬਣਾਇਆ.... ਹਾਲਾਂਕੇ ਕਾਨੂੰਨ ਦੇ ਮਾਹਰ ਲੋਕਾਂ ਦੇ ਦੱਸਣ ਮੁਤਾਬਿਕ 2008 ਵਾਲੇ ਐਕਟ ਵਿਚ ਉਮਰ ਕੈਦ ਵਾਲਾ ਪ੍ਰਾਵਦਾਨ ਨਹੀਂ ਕੀਤਾ ਜਾਂ ਸਕਦਾ ਸੀ ..... ਕਾਨੂੰਨ ਮਾਹਰ ਲੋਕਾਂ ਦੇ ਕਹਿਣ ਮੁਤਾਬਿਕ ਉਮਰ ਕੈਦ ਲਈ ਇਹ ਦੇਸ਼ ਦੇ ਮਾਨਯੋਗ ਰਾਸ਼ਟਰਪਤੀ ਕੋਲ ਹੀ ਜਾਵੇਗਾ.... ਖੈਰ.... ਸਰਕਾਰ ਨੇ ਬਿਲ ਪੇਸ਼ ਕੀਤਾ ਤੇ ਬਿੱਲ ਪਾਸ ਹੋਇਆ... ਰਾਜਪਾਲ ਨੇ ਪਾਸ ਕੀਤਾ.. ਚੀਫ ਸੈਕਟਰੀ ਨੇ ਨੋਟੀਫਾਈ ਵੀ ਕਰ ਦਿਤਾ.... ਕਾਨੂੰਨ ਪਾਸ ਹੋ ਗਿਆ.... ਮੁਬਾਰਕਾਂ ਇਸ ਕਾਨੂੰਨ ਦੀ ਮੰਗ ਕਰਨ ਵਾਲੀ ਸਿੱਖ ਸੰਗਤ ਨੂੰ
-----------
ਬਾਕੀ ਗੱਲਬਾਤ ਕਿਤੇ ਫੇਰ ਕਰਾਂਗੇ....ਇਹ ਇਕ ਪੰਛੀਝਾਤ ਸੀ ਮੋਰਚੇ ਬਾਰੇ....

ਦੂਜੇ ਪਾਸੇ ਬਹੁਤ ਸਾਰੇ ਸਿੱਖਾਂ ਵਿਦਵਾਨਾਂ ਬੁੱਧੀਜੀਵਾਂ (ਜਿਨਾ ਨੂੰ ਮੋਰਚੇ ਦੇ ਕਈ ਆਗੂ ਬੁਧੀ ਲੋੜ ਜੀਵੀ ਕਹਿੰਦੇ ਨੇ) ਅਤੇ ਹੋਰਨਾਂ ਦਾ ਕਹਿਣਾ ਹੈ ਕੇ ਗੁਰੂ ਸਾਹਿਬ ਦੇ ਅਦਬ ਵਿਚ ਕੀਤੀ ਕੁਤਾਹੀ ਦੀ ਸਜ਼ਾ ਮਿਲਣੀ ਚਾਹੀਦੀ ਹੈ.... ਪਰ ਜਿਸ ਕੱਟੜ ਸੋਚ ਨੂੰ ਨਕਾਰਦਿਆਂ ਬਾਬੇ ਨਾਨਕ ਨੇ ਤਰਕ ਨਾਲ ਗੱਲ ਸਮਝਾਈ ਤੇ ਬਾਬਰ ਵਰਗਿਆਂ ਦੇ ਜ਼ੁਲਮ ਖਿਲਾਫ ਗੱਲ ਕੀਤੀ.....ਔਰੰਗਜ਼ੇਬ ਵਰਗਿਆਂ ਨੂੰ ਸ਼ੀਸ਼ਾ ਦਿਖਾਇਆ ਗੁਰੂ ਸਾਹਬ ਨੇ ਜਿਹੜਾ ਆਪਣੀ ਕੱਟੜਤਾ ਦੇ ਚਲਦਿਆਂ ਆਪਣਾਂ ਧਰਮ ਥੋਪਣਾ ਚਾਹੁੰਦਾ ਸੀ ਦੂਸਰੇ ਧਰਮਾਂ ਦੇ ਲੋਕਾਂ ਤੇ... ਗੁਰੂਆਂ ਨੇ ਸ਼ਬਦ ਗੁਰੂ ਦੀ ਗੱਲ ਕੀਤੀ.... ਪਰ ਗੁਰੂ ਨੇ ਇਹ ਨਹੀਂ ਕਿਹਾ ਕੇ ਮੂਰਤੀ ਪੂਜਕ ਲੋਕਾਂ ਵਾਂਗੂ ਗ੍ਰੰਥ ਸਾਹਿਬ ਨੂੰ ਮੂਰਤੀ ਵਾਂਗੂ ਪੂਜਿਆ ਜਾਵੇ......ਕਿਤੇ ਕੱਟੜ ਤੇ ਪੱਥਰ ਪੂਜਕ ਜਿਹੀ ਸੋਚ ਨਾਲ ਕੀਤਾ ਇਹ ਕੰਮ ਸਿੱਖ ਫਲਸਫੇ ਤੇ ਸਿਧਾਂਤ ਦੇ ਉਲਟ ਜਾਂਦਿਆਂ ਸਿੱਖਾਂ ਲਈ ਚਿੰਤਾ ਦਾ ਸਬੱਬ ਨਾਂ ਬਣ ਜਾਵੇ.....
ਵਿਕਰਮਜੀਤ ਸਿੰਘ ਬਾਜਵਾ... Vicky Bajwa
ਹੇਠਾਂ ਪੜੋ ਮਾਲਵਿੰਦਰ ਸਿੰਘ ਮਾਲੀ ਦੀ ਫੇਸਬੁੱਕ ਵਾਲ ਤੋਂ ਕੋਪੀ ਕੀਤੀ ਪੋਸਟ
----------------------
----" ਹਰ ਸਿੱਖ ਵਿਦਵਾਨ, ਸੰਵਿਧਾਨਿਕ ਮਾਹਰ, ਕਾਨੂੰਨਦਾਨ ਤੇ ਸ਼ਬਦ ਗੁਰੂ ਦਾ ਧਾਰਨੀ “ਜਾਗਤ ਜੋਤ ਗੁਰੂ ਗ੍ਰੰਥ ਸਾਹਿਬ ਦਾ ਸਤਿਕਾਰ (ਸੋਧ ਬਿਲ) 2026” ਦੇ ਖਿਲਾਫ ਹੈ। ਕਿਉਂਕਿ AAP ਤੇ ਭਾਜਪਾ ਨੇ ਰਲਕੇ ਸਿੱਖਾਂ ਦੇ ਗਲ ਮੂਰਤੀ ਪੂਜਕ ਸੋਚ ਵਾਲਾ ਅਜਿਹਾ ਸੱਪ ਪਾ ਦਿੱਤਾ ਹੈ ਜੋ “ਸ਼ਬਦ ਗੁਰੂ“ ਦੀ ਸੋਚ ਤੇ ਸਿੱਖਾਂ ਨੂੰ ਵਾਰ ਵਾਰ ਡੰਗੇਗਾ।

ਪਰ ਪੁਜਾਰੀਵਾਦ ਵਾਲੀ ਸੋਚ ਤੇ ਪਹੁੰਚ ਵਿੱਚ ਡੁੱਬਿਆ ਸਾਧ ਲਾਣਾ, ਵੋਟ ਸਿਆਸਤ ਦੇ ਗੁਲਾਮ ਹੋਏ ਸਿੱਖ ਇਸਦੀ ਹੁੱਬਕੇ ਹਾਮੀ ਭਰ ਰਹੇ ਹਨ ਜਾਂ ਚੁੱਪ ਸਹਿਮਤੀ ਹੀ ਦੇ ਰਹੇ ਹਨ।

ਹਾਲੇ ਤੱਕ ਸ਼੍ਰੋਮਣੀ ਕਮੇਟੀ ਮੈਂਬਰ ਬੀਬੀ ਕਿਰਨਜੋਤ ਕੌਰ ਹੀ ਡੱਟਕੇ ਸਾਹਮਣੇ ਆਏ ਹਨ ਜਿਹਨਾਂ ਇਸਦਾ ਸਿਧਾਂਤਕ ਵਿਰੋਧ ਕਰਦਿਆਂ ਸਿੱਖ ਆਗੂਆਂ ਵੱਲੋ ਇਸਦੀ ਹਾਮੀ ਭਰਨ ‘ਤੇ ਨਿਰਾਸ਼ਾ ਜ਼ਾਹਿਰ ਕੀਤੀ ਹੈ। ਉਹਨਾਂ ਕਿਹਾ ਹੈ ਕਿ ਇਹ ਖਾਲਸਾ ਪੰਥ “ ਦੀ ਅਜ਼ਾਦ ਹਸਤੀ ਤੋਂ ਗੁਲਾਮ ਅਵਸਥਾ ਵੱਲ ਜਾਣ ਦੀ ਅਹਿਮ ਪੌੜੀ ਹੈ”---

ਇਹ ਹੇਠਲੀ ਲਿਖਤ Malvinder Singh Mali ਦੀ ਪੋਸਟ ਤੋਂ ਕੋਪੀ ਪੇਸਟ ਕੀਤੀ ਹੈ copied Vicky Singh Bajwa

22/04/2026

ਸਿੱਖ ਇਤਿਹਾਸ ਦੇ ਅਸਮਾਨ ਵਿੱਚ ਕੁਝ ਅਜਿਹੇ ਸਿਤਾਰੇ ਹਨ, ਜਿਨ੍ਹਾਂ ਦੀ ਚਮਕ ਅੱਜ ਵੀ ਜ਼ੁਲਮ ਦੀਆਂ ਅੱਖਾਂ ਚੁੰਧਿਆ ਦਿੰਦੀ ਹੈ। ਅਜਿਹਾ ਹੀ ਇੱਕ ਅਣਖੀਲਾ ਨਾਮ ਹੈ— ਭਾਈ ਨਿਬਾਹੂ ਸਿੰਘ ਜੀ, ਜਿਨ੍ਹਾਂ ਨੇ ਸਾਬਤ ਕੀਤਾ ਕਿ 'ਰੰਗਰੇਟੇ ਗੁਰੂ ਕੇ ਬੇਟੇ' ਸਿਰਫ਼ ਇੱਕ ਖ਼ਿਤਾਬ ਨਹੀਂ, ਬਲਕਿ ਅਣਖ ਅਤੇ ਕੁਰਬਾਨੀ ਦਾ ਇੱਕ ਅਮਰ ਇਤਿਹਾਸ ਹੈ।
🔥 ਉਹ ਖੌਫ਼ਨਾਕ ਮੰਜ਼ਰ: ਛੋਟਾ ਘੱਲੂਘਾਰਾ (1746 ਈ.)
ਮੈਦਾਨ-ਏ-ਜੰਗ ਤਪ ਰਿਹਾ ਸੀ। ਮੁਗ਼ਲ ਹਕੂਮਤ ਦਾ ਹੰਕਾਰੀ ਜਰਨੈਲ ਜਸਪਤ ਰਾਏ ਹਾਥੀ 'ਤੇ ਸਵਾਰ ਹੋ ਕੇ ਸਿੱਖਾਂ ਦੇ ਲਹੂ ਦਾ ਪਿਆਸਾ ਹੋਇਆ ਅੱਗੇ ਵਧ ਰਿਹਾ ਸੀ। ਉਹ ਗੁਰੂ ਦੇ ਲਾਲਾਂ ਨੂੰ ਕੁਚਲਣ ਦੇ ਭੁਲੇਖੇ ਪਾਲੀ ਬੈਠਾ ਸੀ। ਉਸ ਦੇ ਹੰਕਾਰ ਦਾ ਅੰਤ ਕਰਨ ਲਈ ਅਕਾਲ ਪੁਰਖ ਨੇ ਆਪਣੇ ਇੱਕ ਨਿਡਰ ਸੂਰਮੇ ਨੂੰ ਚੁਣਿਆ।
⚡ ਸ਼ੇਰ ਦੀ ਝਪਟ ਅਤੇ ਹੰਕਾਰ ਦਾ ਨਾਸ਼
ਜਦੋਂ ਜਸਪਤ ਰਾਏ ਹਾਥੀ ਉੱਤੇ ਚੜ੍ਹ ਕੇ ਗਰਜ ਰਿਹਾ ਸੀ, ਤਾਂ ਪਿੰਡ ਬਦਨੀ ਕਲਾਂ ਦੇ ਜੰਮਪਲ, ਸੂਰਬੀਰ ਭਾਈ ਨਿਬਾਹੂ ਸਿੰਘ ਜੀ ਦੀਆਂ ਅੱਖਾਂ ਵਿੱਚ ਗੁਰੂ ਦੀ ਅਣਖ ਦਾ ਨੂਰ ਚਮਕਿਆ। ਉਨ੍ਹਾਂ ਨੇ ਨਾ ਮੌਤ ਦੀ ਪਰਵਾਹ ਕੀਤੀ ਅਤੇ ਨਾ ਹੀ ਫੌਜਾਂ ਦੇ ਘੇਰੇ ਦੀ।
ਬਿਜਲੀ ਵਰਗੀ ਫੁਰਤੀ: ਭਾਈ ਸਾਹਿਬ ਨੇ ਇੱਕ ਸ਼ੇਰ ਵਾਂਗ ਛਾਲ ਮਾਰੀ, ਹਾਥੀ ਦੀ ਪੂਛ ਫੜੀ ਅਤੇ ਪਲਾਂ ਵਿੱਚ ਉਸ ਦੇ ਹੌਦੇ (ਸਵਾਰੀ) ਤੱਕ ਜਾ ਪਹੁੰਚੇ।
ਇੱਕੋ ਵਾਰ, ਖੇਡ ਤਮਾਮ: ਇਸ ਤੋਂ ਪਹਿਲਾਂ ਕਿ ਦੁਸ਼ਮਣ ਕੁਝ ਸਮਝ ਪਾਉਂਦਾ, ਭਾਈ ਨਿਬਾਹੂ ਸਿੰਘ ਜੀ ਦੀ ਕਿਰਪਾਨ ਮਿਆਨ 'ਚੋਂ ਬਿਜਲੀ ਵਾਂਗ ਲਿਸ਼ਕੀ। ਇੱਕੋ ਜਾਨਦਾਰ ਵਾਰ ਨਾਲ ਜਸਪਤ ਰਾਏ ਦਾ ਸਿਰ ਧੜ ਤੋਂ ਵੱਖ ਕਰ ਦਿੱਤਾ। ਹੰਕਾਰੀ ਜਰਨੈਲ ਦਾ ਸਿਰ ਮਿੱਟੀ ਵਿੱਚ ਰੋਲ ਕੇ ਉਨ੍ਹਾਂ ਨੇ ਮੁਗ਼ਲ ਫੌਜ ਦੇ ਹੌਸਲੇ ਪਸਤ ਕਰ ਦਿੱਤੇ।
"ਇਕੋ ਵਾਰ ਕੀਤਾ ਸੀ ਨਿਬਾਹੂ ਸਿੰਘ ਨੇ,
ਜਸਪਤ ਰਾਏ ਦਾ ਸਿਰ ਲਾਹ ਕੇ ਲੈ ਗਿਆ!"
ਪਿਛੋਕੜ: ਪਿਤਾ ਬਲਵੰਤ ਸਿੰਘ ਅਤੇ ਮਾਤਾ ਜੈ ਕੌਰ ਦੇ ਲਾਲ, ਜਿਨ੍ਹਾਂ ਦੀ ਰਗ-ਰਗ ਵਿੱਚ ਗੁਰੂ ਗੋਬਿੰਦ ਸਿੰਘ ਜੀ ਦਾ ਸਿਧਾਂਤ ਵਸਿਆ ਸੀ।
ਪਹਿਚਾਣ: ਇੱਕ ਨਿਰਭਉ ਰੰਗਰੇਟਾ ਸਿੱਖ, ਜਿਸ ਨੇ ਦੁਨੀਆ ਨੂੰ ਦੱਸ ਦਿੱਤਾ ਕਿ ਗੁਰੂ ਦਾ ਸਿੱਖ ਕਦੇ ਗੁਲਾਮੀ ਸਵੀਕਾਰ ਨਹੀਂ ਕਰਦਾ।
ਵਿਰਾਸਤ: ਉਨ੍ਹਾਂ ਦੀ ਬਹਾਦਰੀ ਨੇ ਛੋਟੇ ਘੱਲੂਘਾਰੇ ਦੇ ਔਖੇ ਸਮੇਂ ਵਿੱਚ ਸਿੱਖ ਪੰਥ ਦੇ ਮਨੋਬਲ ਨੂੰ ਹਿਮਾਲਿਆ ਵਰਗੀ ਉਚਾਈ ਦਿੱਤੀ।
ਉਪਸੰਹਾਰ (ਜਜ਼ਬਾਤੀ ਸੰਦੇਸ਼)
ਭਾਈ ਨਿਬਾਹੂ ਸਿੰਘ ਜੀ ਦੀ ਵਾਰਤਾ ਸਿਰਫ਼ ਇੱਕ ਜੰਗੀ ਘਟਨਾ ਨਹੀਂ, ਸਗੋਂ ਇਹ ਪ੍ਰਤੀਕ ਹੈ ਉਸ ਜਜ਼ਬੇ ਦਾ, ਜੋ ਮਜ਼ਲੂਮ ਨੂੰ ਸ਼ੇਰ ਬਣਾ ਦਿੰਦਾ ਹੈ। ਅੱਜ ਜਦੋਂ ਅਸੀਂ ਅਜ਼ਾਦੀ ਦਾ ਨਿੱਘ ਮਾਣਦੇ ਹਾਂ, ਤਾਂ ਸਾਨੂੰ ਉਨ੍ਹਾਂ ਸੂਰਮਿਆਂ ਨੂੰ ਯਾਦ ਕਰਨਾ ਚਾਹੀਦਾ ਹੈ ਜਿਨ੍ਹਾਂ ਨੇ ਆਪਣੇ ਸੀਸ ਤਲੀ 'ਤੇ ਰੱਖ ਕੇ ਸਾਡੀ ਪੱਗ ਦੀ ਲਾਜ ਰੱਖੀ।
ਸਤਗੁਰ ਨੰਗਲਾ ਲਿਖਤ

22/04/2026

ਲੁਧਿਆਣੇ ਵੱਲ ਦੇ ਬਜ਼ੁਰਗ ਦੀ ਫੇਸਬੁਕ ’ਤੇ ਅਨਾਮਿਕਾ ਨਾਂ ਦੀ ਔਰਤ ਦੋਸਤ ਬਣ ਗਈ। ਦੋਸਤੀ ਅੱਗੇ ਵਧੀ। ਭਰੋਸਾ ਹੋਣ ਲੱਗਾ। ਔਰਤ ਨੇ ਕ੍ਰਿਪਟੋ ਕਰੰਸੀ ’ਚ ਨਿਵੇਸ਼ ਲਈ ਸੁਲ੍ਹਾ ਮਾਰੀ, ਮੁਨਾਫ਼ਾ ਚੋਖਾ। ਬਾਬਾ ਗੱਲਾਂ ’ਚ ਆ ਗਿਆ। ਕਹੇ ਮੁਤਾਬਕ ਪੈਸੇ ਲਾਈ ਗਿਆ, ਲਾਈ ਗਿਆ। ਅਨਾਮਿਕਾ ਤੇ ਉਹਦੀ ਟੀਮ ਡੈਸ਼ਬੋਰਡ ’ਤੇ ਵਧੇ ਪੈਸੇ ਦਿਖਾਉਂਦੇ ਗਏ। ਚੋਖਾ ਵਾਧਾ ਦਿਸਣ ’ਤੇ ਬਾਬਾ ਪੈਸੇ ਕਢਾਉਣ ਦੀ ਗੱਲ ਕਹਿਣ ਲੱਗਾ।
ਅਨਾਮਿਕਾ ਕਹਿੰਦੀ, ‘ਵੀਹ ਫ਼ੀਸਦੀ ਸਰਵਿਸ ਟੈਕਸ ਕੰਪਨੀ ਨੂੰ ਦੇੇਣਾ ਪੈਣਾ।’
ਪੈਸੇ ਵਧਦੇ ਗਏ, ਵਧਦੇ ਗਏ ਤੇ ਕੁੱਲ 19 ਕਰੋੜ ਤੋਂ ਵੱਧ ਚਲਾ ਗਿਆ।
ਪਰ ਨਾ ਉਹ ਅਨਾਮਿਕਾ ਸੀ, ਨਾ ਪੈਸੇ ਨਿਵੇਸ਼ ਕਰਾਉਣ ਵਾਲੀ, ਨਾ ਕੋਈ ਮੁਨਾਫ਼ਾ ਸੀ, ਡੈਸ਼ਬੋਰਡ ਸਿਰਫ਼ ਲਾਲਚ ਵਧਾਉਣ ਦਾ ਤਰੀਕਾ ਸੀ। ਹੁਣ ਪੁਲਸ ਪਰਚਾ ਦਰਜ ਕਰਕੇ ਕਸੂਰਵਾਰ ਭਾਲ਼ ਰਹੀ। ਜਿਹੜੇ ਖਾਤਿਆਂ ’ਚ ਪੈਸੇ ਪਾਏ, ਉਹ ਸੀਜ਼ ਕੀਤੇ ਗਏ ਨੇ।
ਸਾਰ ਤੱਤ ਕੀ? ਪੰਜਾਬੀ ਭੋਲ਼ੇ ਨਹੀਂ, ਆਪਣੇ ਘਰ ਨੂੰ ਸਾਰੇ ਤਿੱਖੇ ਨੇ, ਪਰ ਕਈ ਵਾਰ ਲਾਈਲੱਗਤਾ ਰਗੜ ਜਾਂਦੀ। ਬਾਬਾ ਜੀ ਦੇ ਪੈਸੇ ਮੁੜ ਆਉਣ। ਪਰ ਸੋਸ਼ਲ ਮੀਡੀਏ ’ਤੇ ਜਣੇ-ਖਣੇ ’ਤੇ ਇਤਬਾਰ ਤੇ ਪੈਸੇ ਵਧਾਉਣ ਦੀ ਲਾਲਸਾ ਤਬਾਹੀ ਵੱਲ ਲੈ ਜਾਂਦੀ। ਜੇ ਚਾਰ ਛਿੱਲੜ ਹਨ ਤਾਂ ਵਰਤਣ ਦਾ ਤਰੀਕਾ ਸਿੱਖੋ।
ਪੂੰਜੀਨਿਵੇਸ਼ ਦੀਆਂ ਘੁੰਮਦੀਆਂ-ਫਿਰਦੀਆਂ ਰੀਲ੍ਹਾਂ ਥੋਡੇ ਭਲੇ ਲਈ ਨਹੀਂ, ਬਣਾਉਣ ਵਾਲਿਆਂ ਦੇ ਭਲੇ ਲਈ ਨੇ। ਏਨੀ ਕੁ ਗੱਲ ਤਾਂ ਪੰਜਾਬੀਆਂ ਨੂੰ ਸਮਝਣੀ ਹੀ ਚਾਹੀਦੀ।
- ਸਵਰਨ ਸਿੰਘ ਟਹਿਣਾ

15/04/2026

Respect given to Nishan Shaib by Sikh light infantry regiment.