St. Gregorios OCYM Pathanamthitta

24/12/2025

12/12/2025

നമ്മുടെ ഇടവകാംഗമായ, ഇടശ്ശേരിയത്ത് ശ്രീ E K എബ്രഹാം (അച്ചൻകുഞ്ഞ് ) കർത്താവിൽ നിദ്രപ്രാപിച്ചു. സംസ്ക്കാരം പിന്നീട്,
ഇടവകയുടെ ആദരാഞ്ജലികൾ.

29/11/2025

പത്തനംതിട്ട സെൻ്റ് ഗ്രീഗോറിയോസ് ഇടവക വർഷങ്ങളായി കണ്ട സ്വപ്നത്തിൻ്റെ പൂർത്തീകരണ ദിവസം.

27/11/2025

*സിൽവർ ജൂബിലി സ്മാരക മന്ദിര നിർമാണം നാൾവഴികളിലൂടെ*

"ഇതു യഹോവയാൽ സംഭവിച്ചു
നമ്മുടെ ദൃഷ്‍ടിയിൽ ആശ്ചര്യം ആയിരിക്കുന്നു"(സങ്കീ 118:23)

സിൽവർ ജൂബിലി സ്മാരക മന്ദിരത്തിന്റെ നിർമ്മാണ പ്രവർത്തനത്തിൻ്റെ ഓരോ ഘട്ടവും *ദൈവീക കരുതലിന്റെയും നടത്തിപ്പിന്റെയും നാൾ വഴികളായിരുന്നു* എന്ന് ദൈവസന്നിധിയിൽ നന്ദിയോടെ ഓർക്കുന്നു.ഇടവകാംഗങ്ങളുടെ ഒത്തൊരുമയോടെയുള്ള പ്രാർത്ഥനയുടെയും പരിശ്രമത്തിന്റെയും ആഗ്രഹത്തിന്റെയും പൂർത്തീകരണമാണ് സിൽവർ ജൂബിലി സ്മാരക മന്ദിരം.നമ്മുടെ ദേവാലയത്തിന് ഇത്തരത്തിൽ ഒരു വളർച്ചയുണ്ടാകണമെന്ന് ആഗ്രഹിച്ച് പ്രാർത്ഥിച്ച് പരിശ്രമിച്ച് നമ്മളിൽനിന്ന് വേർപെട്ട് ഇമ്പങ്ങളുടെ പറുദീസയിൽ ആയിരിക്കുന്നവരെയും കൃതജ്ഞതയോടെ ഈ അവസരത്തിൽ ഓർത്ത് അവർക്കായി പ്രാർത്ഥിക്കുന്നു.ഇടവകയിലെ ഓരോ ഭവനവും കഴിവിന്റെ പരമാവധി സംഭാവനകൾ ആയിട്ടും സാധനങ്ങൾ സ്പോൺസർ ചെയ്തും ഈ ഉദ്യമത്തെ പൂർത്തീകരിക്കുവാൻ സഹായിച്ചതിനെ നന്ദിയോടെ ഓർക്കുന്നു,നമ്മെ സഹായിച്ച ഇടവകാംഗങ്ങൾ അല്ലാത്തവരെയും നന്ദിയോടെ ഓർക്കുന്നു,ഏവരുടെയും സന്മനസ്സിന് ദൈവം സമൃദ്ധിയായ അനുഗ്രഹങ്ങൾ നൽകട്ടെ എന്ന് പ്രാർത്ഥിക്കുന്നു.
" സ്വർഗത്തിലെ ദൈവം ഞങ്ങൾക്കു കാര്യം സാധിപ്പിക്കും" (നെഹ : 2:20) എന്ന വിശ്വാസത്തിൽ നാം ആരംഭിച്ച ഈ ഭാരിച്ച പ്രവർത്തനം ശുഭമായി പൂർത്തീകരിക്കുവാൻ ദൈവം നമ്മെ അനുവദിച്ചതിനെ നന്ദിയോടെ ഓർത്ത് ഇടവകയുടെ സ്വപ്ന സാക്ഷാത്കാരമായ ജൂബിലി സ്മാരക മന്ദിരത്തിന്റെ കൂദാശയ്ക്കായി പ്രാർത്ഥനയോടെ നമുക്ക് ഒരുങ്ങാം.

21/11/2025

ദൈവഹിതമായാൽ
2025 നവംബർ മാസം 29-ാം തീയതി 5:00pm ന് നിർവഹിക്കപ്പെടുന്ന പത്തനംതിട്ട സെയിന്റ് ഗ്രിഗോറിയോസ് ദേവാലയത്തിന്റെ ജൂബിലി സ്മാരക മന്ദിരത്തിന്റെ കൂദാശയിലേക്ക് സ്നേഹപൂർവ്വം ഏവരെയും ക്ഷണിക്കുന്നു.

31/10/2025

പരിശുദ്ധ പരുമല തിരുമേനിയുടെ കബറിങ്കലേക്കുള്ള പദയാത്ര നവംബർ രണ്ടാം തീയതി ഞായറാഴ്ച രാവിലെ അഞ്ചുമണിക്ക് ദൈവാലയത്തിൽ നിന്ന് പുറപ്പെടുന്നു.

30/10/2025

#പത്തനംതിട്ട #പളളിപെരുന്നാൾ
പത്തനംതിട്ട നഗരത്തിൻ്റെ ഹൃദയഭാഗത്ത് പരിശുദ്ധ പരുമല തിരുമേനിയുടെ നാമത്തിൽ സ്ഥാപിതമായി ട്ടുള്ള സെൻ്റ് ഗ്രിഗോറിയോസ് ഓർത്തഡോക്സ് ദൈവാലയത്തിൻ്റെ 31-ാമത് പെരുന്നാളും പരിശുദ്ധ പരുമല തിരുമേനിയുടെ ഓർമ്മപ്പെരുന്നാളും 2025 ഒക്ടോബർ 19 ഞായർ മുതൽ നവംബർ 10 തിങ്കൾ വരെയുള്ള തീയതികളിൽ ഭക്തിപുരസ്സരം നടത്തുവാൻ കർത്താവിൽ ശരണപ്പെടുന്നു.

പെരുന്നാൾ ശുശ്രൂഷകൾ മലങ്കര ഓർത്തഡോക്സ‌് സുറിയാനി സഭയുടെ വലിയ മെത്രാപ്പോലിത്ത അഭി. കുറിയാക്കോസ് മാർ ക്ലീമ്മീസ് തിരുമേനിയുടെ മുഖ്യ കാർമ്മികത്വത്തിലും വന്ദ്യ വൈദിക ശ്രേഷ്ഠരുടെ സഹകാർമ്മികത്വത്തിലും പൂർവ്വാധികം ഭംഗിയായി നടത്തപ്പെടുന്നതാണ്.

പരിശുദ്ധ പരുമല തിരുമേനിയുടെ മദ്ധ്യസ്ഥതയിൽ അഭയം പ്രാപിച്ചുകൊണ്ട് പ്രസ്തുത പെരുന്നാൾ ആചരണത്തിൽ സംബന്ധിച്ച് അനുഗ്രഹം പ്രാപിക്കുവാൻ ഏവരേയും കർത്തൃനാമത്തിൽ സ്വാഗതം ചെയ്യുന്നു.