Vallicode Thrikkovil Temple തൃക്കോവിൽ ശ്രീ പത്മനാഭസ്വാമി മഹാക്ഷേത്രം

തിരുവനന്തപുരം ശ്രീ പത്മനാഭസ്വാമി ക്ഷേത്രത്തിനു ശേഷം ഇതേ ഗണത്തിൽ ഉൾപ്പെടുന്ന രണ്ടാമത്‌ ശ്രീ പത്മനാഭസ്വാമി ക്ഷേത്രം.വൈഷ്ണവ-ശൈവ ചൈതന്യങ്ങളുടെ സംഗമ ഭൂമി.

പത്തനംതിട്ട ജില്ലയിലെ കൈപ്പട്ടൂരിൽ നിന്നും രണ്ടര കിലോമീറ്റർ അകലെയായി പന്തളം - കോന്നി പാതയ്ക്ക് സമീപം വള്ളിക്കോട് ഗ്രാമ പഞ്ചായത്തിലാണ് ക്ഷേത്രം സ്ഥിതി ചെയ്യുന്നത്.

ചതുർബാഹുവായ ശ്രീ പത്മനാഭസ്വാമി പ്രധാന പ്രതിഷ്ഠയായ ക്ഷേത്രത്തിൽ, പ്രധാന പ്രതിഷ്ഠയ്ക്ക് തുല്യമായ പ്രാധാന്യത്തോടെ ശങ്കരമുകുന്ദവും, ഗണപതി, ദേവി, നാഗരാജാവ്-നാഗയക്ഷി, ബ്രഹ്മരക്ഷസ്, മാടസ്വാമി തുടങ്ങിയ ഉപപ്രതിഷ്ഠകളുമുണ്ട്.

ഐതിഹ്യം
----------------
ക്ഷേത്രോൽപ്പത്തിയെ പറ്റി കൃത്യമായ കാലഗണനയില്ലെങ്കിലും ശിലാഖണ്ഡങ്ങളിലുള്ള ശില്പങ്ങൾ ക്ഷേത്രത്തിന്റെ പഴമ വിളിച്ചോതുന്നു. ഗുരുവായൂരപ്പന്റെ അതീവ ഭക്തനായ വില്വമംഗലം സ്വാമിയാർ അനന്തൻകാട് തേടിയുള്ള മാർഗമദ്ധ്യേ വള്ളിക്കോട് ദേശത്തെത്തുകയും, വിശ്രമിക്കാനായി പ്രദേശത്തെ ഒരു തറവാട്ടിൽ തങ്ങുകയും ചെയ്തു. അന്നു രാത്രിയിൽ വില്വമംഗലം സ്വാമിയാർക്ക് സ്വപ്നത്തിൽ ദർശനമുണ്ടാകുകയും അതിൻ പ്രകാരം ഇപ്പോൾ ക്ഷേത്രം കുടികൊള്ളുന്ന സ്ഥലത്ത് ഗുരുവായൂരപ്പ ചൈതന്യത്തോട് കൂടി ശ്രീ പത്മനാഭ പ്രതിഷ്ഠ നടത്തുകയും ചെയ്തു.

അപൂര്‍വ്വങ്ങളില്‍ അപൂര്‍വ്വമെന്നു വിശേഷിപ്പിക്കപ്പെടുന്ന ശങ്കര മുകുന്ദ പ്രതിഷ്ഠയാണ് ക്ഷേത്രത്തിന്‍റെ മറ്റൊരു പ്രത്യേകത. ശൈവ-വൈഷ്ണവ ചൈതന്യങ്ങളുടെ സംഗമ ഭൂമിയായ ഈ ക്ഷേത്രത്തിന്, തൊട്ടടുത്തുള്ള തൃപ്പാറ മഹാദേവ ക്ഷേത്രവുമായി അഭേദ്യമായ ബന്ധമാണുള്ളത്.

അൻപതോളം ശ്രീമദ് ഭാഗവത സപ്താഹ യജ്ഞങ്ങൾ നടന്ന പെരുമ വള്ളിക്കോട് തൃക്കോവിൽ ശ്രീ പത്മനാഭസ്വാമി ക്ഷേത്രത്തിന് അവകാശപ്പെടാനുണ്ട്. എല്ലാ വർഷവും ക്ഷേത്രത്തിലെ സപ്താഹ യജ്ഞത്തോടനുബന്ധിച്ച് നടത്തിവരാറുള്ള ദശാവതാര ചാർത്താണ് ക്ഷേത്രത്തിലെ പ്രധാനപ്പെട്ട വഴിപാടുകളിലൊന്ന്. The temple is situated near Mayalil junction. 2.5 K.m away from kaipattoor in Pandalam-Konni Road.