https://www.facebook.com/217684391703078/

Thalai Kristian Pawl Khuanghlum Unit, Pangzawl (2026)

30/10/2020

ONLINE QUIZ 2020-IN A VAWRTAWP A THLENG TA E

Theitawp chhuaha member ten thahnem ngai taka kan beih 2020 October chhunga TKP Khuanghlum unit Online Quiz zan 7 neih chu zanin a tawp kan khar fel ta.

Member 22 Point Score Table-ah kan hming a lang a, hemi zingah hian Pu B Lalsiamkima chuan Point 265 hmunin Pakhatna dinhmun a hauh a, Tv B Lalvensanga’n Point 220 hmuin pahnihna a hauh a, nl J Lalhriatpuii’n pathumna hauhin Point 195 a hmu a ni.

Cosololation Prize dawng tur hi mi 8 awmin, Pen Rs 50 man dawng tur hi 7 an awm a, Rs 30 man dawng tur member 4 an awm bawk a ni.

Online Quiz a hlawhtlinna tura hun, tha leh zung sengtu zawng zawngte chungah executive Committee chuan lawmthu a sawi tak meuh meuh a ni.

Mihring kan nih avangin engkim a fel ber duh mah ila, tihsual kan nei ang tih kan ring, hetiang a awm a nih chuan member te hriatthiamna leh ngaihdamna kan dil tak meuh meuh a ni.

Pathian min hruaina changin kan quiz hlawhtling takin kan khar thei a, kan va lawm tak em!! Member ten kan hlawkpui ngei kan beisei a ni.

Min hruaitu Lalpa chu fakin awm rawh se!

Krista leh Kohhran tan

29/12/2018

K*mtawp Inpumkhatna Programme Zan 1 - Na

22/02/2017

TKP INKHAWM VAWI 2-NA HIGHLIGHT
20/02/2017

Hruaitu : Pu C Laltlanthianghlima
Thuchah : Pu B Lalfakmawia

Attendence:
Gideona Group – 10
Jephtha Group – 12
Samsona Group – 15
Sr Adviser – 1

Hruaitu Pu C Tlana’n Sam 103: 1 – 6, Gal 6:1 – 5 leh Ephesi 2:10 te chhiarin thalaite rawngbawlna hlen chhuak tura theihtawp chhuah turin leh member te intichaktawn tur kan nih thu te a sawi a ni.

Hringnun kan zinkawngah hian tih hla Tv Zorama hla thlan sain thawhlawm khawn a ni a, kan thawhlawm hi 375 a ni.

Sharing: Sharing-ah hian Pu Kimtea chauh a ding a, a ni hian ringtu nun belhchian dawl nei tura fuihna thu sawiin, Ringtu kan nihna min hliah theih thil te thinthlak a tul thin thu tukin TKP Hnatlang-a Bel nawh tehkhin thu nen a sawi zawm a ni.

Group Zai - Samsona Group atangin ‘Mi thianghlim te u, en teh u’ tih hla kan ngaithla a, Member min-in a a tan tir a lak sual avangin boruak a kang thei lo… Marawhchu, soprano lam insum theihna a fakawm, a ngaihnawm hle.

Solo - Zaithiam chuai thei lo leh nupui a neih hma - vul zel tur Tv Taitea’n ‘Sual sipai te leh Ramhuai te’n, nitin zantin min bei thin a’ tih hla sain, Hnehthu Isua chu engkim-a min hneh saktu a nih zia a tarlang a, ngaihthlak a nuam vawng vawng hle thin mai.

Bible Chang sawi: Nik*m lama kan practice tawh Bible chang sawi chu chhunzawm leh a ni a, tun tumah hian Nl Tetei, Pu LH Rova leh Rbt PC Chuaua ten an sawi a, a lawmawm hle. Member te tih leh hunah chuan sawi theuh kan tum dawn nia.

Thuchah : Pu B Lalfakmawia
Thupui : Lal Isua hi Lungawina leh Damna famkim a ni.
Marka 2:1 – 12

‘Lal Isua Kapernaum-a a awm laiin in pakhat-ah a awm tih hriain zeng pakhat chu in chung verh pawp atanga thlak a ni Lal Isua tihdamna a chang a ni’ Hemi thu atang hian thuchah hetiangin kan ngaithla.

1 Kan nunah Lal Isua hi kan awmtir tlat tur a ni, In pakhat-ah khan Lal Isua kha lo awm ta lo se chuan buaina a awm ang, harsatna a thleng ngei ang; sawisel tur leh dem tur kan zawng ang am ringtu nun buai tak kan ni ringawt dawn a ni.Chuvangin kan nunah hian Lal Isua kan lal tir tur a ni.

2 Lal Isua hian taksa damna aiin thlarau damna a ngai pawimawh zawk a, zeng pawh kha a sual a ngaidam hmasa a ni. Kan thlarau nun damna tur hian Lal Isua kan pan tur a ni a, amahah hian taksa leh thlarau damna famkim a awm a ni tih kan hrereng tur a ni.

3 Damna famkim chang tur hian tih tur kan nei ve a, kan chet chhuah ve a ngai a, min tihnawk thei thil lakah kan inthiarfihlim tlat tur a ni a, Lal Isua hi kan pan hmasak a ngai a ni.

Thuchah nung leh tha tak kan ngaithla a, a lawmawm takzet a ni.

‘A sawm reng che’ tih hla sain, hun kan khar a, zai a nuam hle bawk.

NOTE
Kan member thenkhat te lo hal avanga inkhawm thei lo kan awm avangin attendence kan phai deuh a, inkhawm leh hunah chuan hma sawn beisei ang.

Zai hruai turte a theih hram chuan kan hunah kal hma a, dar rik rual a, zai hman tura inbuatsaih nise a va lawmawm dawn em.

Kan Senior Advise Rbt Mawitea’n min ho thei a, a thlamuanthlak thin.

Kan chanvo te tha taka kan tihhlawhtling thin hi a va lawmawm em! I chhunzawm zel ang u.

22/02/2017

1st TKP FELLOWSHIP 2017
19 Feb 2017 (Pathianni Fellowship)
Hruaitu : Tv LP Rosangpuia
Attendence
Gideona – 13
Jephtha - 12
Samsona – 15
Total – 40

Vawiin tlai Dar 1:45-a tanin Fellowship hlimawm tak mai kan nei. Tv Cpa’n hun a hruai a, ‘Mite aia vanduai nia kan inhriat chuan he hla thu hi kan thinlungah hre nawn thar ila tiin, ‘Van lawmna kim ka neih theih nan, lei lawmna hi min thiah sak a; Van nun hlut zia ka hriat theih nan, hringnun nep zia min hriattir thin’ tih hla thu a sawi chhuak a, rilru a hneh hle.

SHARING:
Sharing neih a ni a, Pu Kimtea hnen atangin Kan rawngbawlna atana infuihna ngaihthlak a ni a, rawngbawlna hlen chhuak tura theihtawp chhuah fuihna thu a sawi a ni. Pu Chuaua lo ding lehin MTKP Rorelna report tlem a pe a, ei leh in a tui thu a sawi uar hle a, TKP hun lal nei sela chuan kal zel a chak thu a sawi. Pu Siama lo ding lehin Group YMA Conference kan neih zawh taka member te mawi taka kan chetna avangin lawmthu a sawi a ni.

Nl Rinngheti hla thlan ‘Hringnun kan zinkawngah hian kan ngai che, Thlarau Thianghlim’ tih hla chu hlim takin kan sa.

CHARACTER STUDY:
Nl Manuni hnen atangin character study kan nei a, Nl Manuni hian hetiang ang hian a rawn point out a ni:
1 Daniela leh a thian te : Pathian tana an inserhhranna Lal chaw leh uain a hnarna te kha kan entawn tur a ni a, chutianga Lalpa lama kan tan chuan kan chan tur emaw kan tih pawh kan hmu let zawk dawn a ni.

2 Daniela : Pathian nena an inzawmna nun, Pathian tana hun a pek nasat zia te kan entawn a pawimawh hle. Ni khat-ah vawi Pathian nena inpawlna nung neih kan tum tlat tur a ni.

3 Lal Isua : Lal Isua khan kawng tam takin harsatna a tawk a, mahse dawhthei thakin a paltlang a ni. Thiamthu a sawi ve lova, keini pawh miin kan chungchang a chhe zawng emaw a diklo in sawi mahse, tlawm taka awm hi ka tihtur a ni.

Nl Manuni hian hun a hmang tha hle a, a damloh lain ‘Arbawm a tah mai mai lo’ tih a lang. A tha thlawt a ni. Member hetiang hun hmang leh tur tan model a tling a ni.

QUIZ – Tv K Kimtea
Tv Kimtea kaihhruaina hnuaiah Quiz hlimawm tak kan nei a, Jeptha Group-in risk huai man-ah pakhat dinhmun an hauh a, Gideona Group in dawtin, Samsona Group ten hnu an khar. Prez Pu B Faka’n Thomas Cup Badminton tournament a ni tih a ni tih a risk fuh kha chuan ‘tun k*m hi Jephtha Group – champion k*m a ni dawn aniang a’ tih min ngaihtuah tir tlat.

Lalpa i rawngbawl-a min koh hi tih hla sain kan fellowship chu kan tin ta a ni.

Kan fellowship vawi 1-na a member 40 zet kan kalkhawm thei hi a va lawmawm em!!Member ten i chhunzawm zel ang u.Chanvo neitu te pawhin kan chanvo kan hlenchhuak tha takzet a, a lawmawm takzet a ni

KRISTA LEH KOHHRAN TAN

22/02/2017

Dt.6th.February.2017
ȚKP Inkhawm Vawi 1-Na Review

Zaiho: 'Lalpa I rawngbawla min ko hi' tih hla sak ho a ni a, Nl Piani'n hlachang a sawi a, hlim takin kan zai ho.

ȚANNA: Hruaitu Pu Roa alo ding a, he hun hmang tura Committee-in a ruat chu huphurh viau mahse lawmawm a tih thu a sawi a, he inkhawm tur puala vawi tam tak Pathian hnenah țawngțaia a thlen thu a sawi a, Secretary thupuang turin sawm zui nghal.

SECY THUPUAN: Pu Kimtea, Secy chu an School lamah Study Camp awmpui a ngaih avangin Asst Secy Pu Siama alo ding a. Group inchhiarna neih hmasak ber niin Inkhawm zawng zawng 40, Bible keng 22 leh Kristian Hlabu keng 20 kan awm a ni. (Group mal anga attendance hi puan zar a ni lo a, kei lah pek cguan ka lo zawt lo bawk nen..sorry!!)Hemi zawh hian Member ten kan hriat tur pawimawh tak tak puanna a nei nghal bawk a ni.

Tin, hemi zawh hian Hruaitu, Pu Roa lo ding lehin Pathian Thu Jeremia 17:5-10 chhiarin, mihring chakna ring a rawngbawl mai nge, Lalpa rinchhantu dik tak kan nih in enfiah tur te, kan thinlunga Lalpa duh tak takna nei chung zel a kan thawhrah te lawm taka seng tu ni thei tura bei turin min sawm a, țawngțairualna neih chhunzawm nghal a ni.

HLA SAKHO: Tv Siampuia hla thlan KHB 200 _'Hneh theih loh nun ka nei'_tih hla tui takin kan sa a, Nl Nuni leh Khumtei ten thilpek min lak khawm sak a, he kan thilpek hi Tv Mamuana'n Pathian hnenah min hlan sak a ni. (Kan thawhlawm hi ₹410 a ni)

MEMBER THAR LAWMLUH:
President, Pu Faka lo dingin Pathianin ȚKP huanga rawngbawlpui tur mi 9 lai min pek thar te zinga inkhawm mi 6 te din tirin, Kei leh ka ȚKP Member pui te hian kan lo lawm che u a, ȚKP activities leh rawngbawlna hrang hrangte hi in rawngbawlna tur a ni a, amaherawhchu sang zawka rawng in bawl theihna tur atana pawimawh tak zirna thlahthlam lo a ȚKP huanga inthlahrung lo leh țhahnemngai taka rawngbawl turin a sawm a, dinga ȚKP Thutiam kan sawi rual zawh ah Pathian hnena țawngțaina a nei zui nghal a ni.

THUCHAH: Sr Adviser Rbt J.Lalhmingmawia lo ding ve lehin Pathian thu I Kor 9:24-27, Tita 2:7-8, Thufingte 25:28 te chhiarin mahni rilru thunun zo lo pawi zia, kulh bang neilo ang mai a hlauhawm a nih thu sawiin kan rilru leh thinlung thunun tlat turin min chah a, Paula'n Timothea hnena Lehkha a thawn a kan hmuh angin Krista hnena midangte hruai turin mahni inthunun tlat chunga kan rawngbawlna hlen țheuh turin thuchah tawi min hrilh a ni.

ZAIHO & SOLO: Ding chungin KHB 530 _'Kan zinkawng khawhar takah hian'_ tui takin kan sa ho a. Kan zai zawh hian Nl Tetei lo ding chhuak ve lehin fakna hla 'Pathian hnaih hi a țha a ni.......ka lungawi zel ang engpawh thleng se......'tih hla nalh takin a sa a, a zai a mawi piah lamah hian nidanga a zai ang bawkin a nung tel. Ngaihthlak a hahdam țhin sawng sawng teh e.

THUCHHIAR INCHHAWN:
Țum danga kan tih ngai pawh a ka hriat loh kan hruaitu Pu Roa kaihhruaina hnuaiah keinin mipui chan chhiarin KHB Phek 655 'XII KRISTIANTE INPUMKHATNA' kan chhiar a, a tawp ah mipuiin 'Amen' tiin kan khar a ni.

TAWPNA:KHB 182 'I su I thianghlim e' tih hla tui taka kan sak zawh hnuin Kan Kohhran Chairman, zanin inkhawm min uap lum tu Upa J.Lalramzauva Pathian hnenah a țawngțaia, k*min a kan inkhawm hmasa ber chu kan țin ta ni.

Inkhawm banah Tv Dinpuia leh Tv Mahmunsiam thingpui lum tui tak kan in ho a, Nula chhelo k*t zungțang thliaka chhiar nghauh2 pah leh Online a phone bih ngur ngur pah a thingpui lum ka hriat ah chuan ala tui ber awm e.😊

11/01/2017

Vawiin Missionary Day hnah kan pu chu a khawharthlak ang reng hle mai. Mahse, member awm ang ang thahnem ngai takin kan kal chhuak thin a, a hlimawm viau zel mai... Tv Marama'n tawh sual a tawh palhna hmun chu 'Marama Liam Kawn' tiin a hming kan phuah a, hemi thlang ami hi Hnah kan la.

Member te missionary day chibai vek ule. Hmangaih vanga min tlan tu LALPA chu fakin awm se. Mizo kan ni a, pian tirh ata Kristian chhungkua-a kan piang hi i lawm ang u.

Chanchin Tha kan hriatna tura Lalpa hmanrua Pu Buanga leh Sap Upa te rilru in a hrereng a, kan va lawm tak em!

Kan member, Pu FP Lalthathanga leh kan member lo ni tawh thin Pu C Lalhriatpuia te, thinlung-ah he missionary Day ah hian in cham reng a, Unit TKP chuan a chhuang takzet che u a, Lalpa tana in rawngbawlna-ah malsawmna duhawm tak changa hlim taka chhungkua awm zel turin Duhsakna kan hlan mawlh mawlh a che u.

05/01/2017

Kan member duhawm tak tak te Tv C Dartluanga leh Pu C Lalzaipuia te kan member Ramrikawn-a min pem san ta Pu S Zodingliana te chu Parva-a rawngbawlna nei turin tukin Dar 9:30 khan an chhuak ta.

Biak In wiring leh Mission school wiring te. Solfa training te an zuk khawih dawn a ni.
Member te'n theihtawpin I tawngtaipui ang u. Unit TKP chuan Duhsakna kan hlan e.

04/01/2017

HMUN DANGA MEMBER AWMTE THLAHNA PROGRAMME
04/01/017 7:30 – 9:45pm
Attendence : 51 (A hmun nghak : 33 Hmundanga kal tur : 18)

Hmun danga zirna leh hnathawhna avanga awm kan member kalchhuak leh turte thlahna hun hlawkthlak tak chu hman a ni.

Tanna : Tv Mammuana’n tanna hun a hmang a, member te’n thahnemngaihna leh hnathawh avanga lawmthu sawina te neiin, Pathian hnaih-a awm reng turin fuihna thu a sawi bawk a ni.

Pu Kimtea, lo ding ve lehin Lalpa’n a rawngbawl tura mi tawmkai lo leh tling lo min thlang thin hi lawm ila, min kohna zawn zelah rinawm takin a rawng i bawl tlat ang u tiin thuchah tawi a sawi bawk.

Nl Dartei (Kolasib) hnen atangin zai mawi tak ngaihtlak a ni a, ‘Aw ka dam lai tuipui fawn, sual thlipui hrang karah hian’ tih hla mawi takin a sa a ni.

Rbt PC Chauudingliana hnen atangin thuchah tawi ngaihthlak leh a ni a, hengte hi thusawi points a ni.
i) I vanglai hian i siamtu hrereng rawh
ii) Thim-a awmte hnenah Krista eng i enchhuahtir ang u.
iii) Rilru thianghlim puin nun thianghlim i nei talt ang u.
iv) Kan dinchhan – Kristian tha tak ni tura buatsaih tih hi tihlawhtling turin tan i la tlat ang u.

HMUN NGHAK TE ATANGA THLAHNA THU:
Pu B Faka : Tangkai taka mahni awmna hmun theuha awm turin fuihna thu a sawi a, UD&PA Slogan’ Keep the Faith, Be clean’ tih thu sawi langin, rinawm taka awm tlat turin min chah a ni.

Pu LH Rova : Pathian laka rinawm turin min chah a,rinna kawngah midang kawhhmuhtu ni turin fuihna thu a sawi bawk a ni. ‘Tin, hetiang programme buatsaih chhan tlak ka ni em?” tih mahni in enfiah turin min sawm bawk a ni.

Pu C Marama : Zaikhawmna hmuna hmun danga kan member awmte kal tha a tih thu leh theihtawp chhuaha inhmang zel turin fuihna thu a sawi bawk.

Nl Chamchami zai ngaihnawm tak ngaihtlak leh a ni a, a ni hian misual ngaidam duhtu Lalpa hian min nghak reng a ni tih hla in a puang chhuak, a ropui hle.

HMUN DANGA AWM TE THU :
Tv J Marama : An tel lova unit-in thahnemngai taka hma an lakna-ah lawmthu a sawi a, Sumthawh chhuah kawngah phei chuan khawpui unit lian ai pawha kan tih that zawk thu a sawi lang a ni. Tin, Hnahlak hnatlang-a tawhsual a tawh chungchanga lawmthu sawina a nei bawk. (Tv Marama, unit TKP thiltih hi kan vaia thawhrah vek a ni e.)

Tv Tluanga : ‘Hmun danga awm te hian inti hmun dang awm lo ang u’ tiin thu a tan a, Naktuk-a Parva-a an work camp tur a highlight a, hemi kawnga Pathian-in Ama chakna rinchhana chhuak tura a buatsaih dan testemony a sawi a, a ropui hle.

Pu Mazuia : Lalpa hman theih turin ama hnaiha i awm ang u. Eng ang pawhin thiam inti-in thei inti mah ila, amah kan hnaih loh chuan min hmang chuang lovang. Amah hnaitu te hi a hmang mai thin a ni tiin fuihna thu a sawi.

Hemi hnu hian Special Invitee Pu Tiama lo ding lehin, Pa- ei chi loh a rawn sawi leh a, Duhsakna nen hmun danga kal chhuak tur leh helai-a hmun nghak tur te min thlah a ni.

Hemi hnu-ah hian zai mawi tak, Tv Taite hnen atangin ngaihthlak a ni a, ‘A laiah Isua tih’ hla a rawn sa a ni.

‘Damchhungin i thawk thuai ang u’ tiin Inthlahna programme chu kan thlah ta a ni. A lunglen thlak hle mai.

FACTS
Thusawi ngaihthlak a hlawkthlak hlawm hle
Boruak a cool em em a, kan nghilh dup mai niin a lang
Thingpui a tui em em a, Mama leh Mimi kan hmeh kha a cial lutuk. A tumtu Tv Ruata hnenah lawmthu kan sawi tak meuh.

03/01/2017

02/01/2017
K*m 2017 K*m thar Ruai Hnah lak Hnatlang neih a ni a, member 50 chuang teh meuh kan thawk chhuak. Naupang 6 an tel bawk. A va han hlimawm tak em!
Marama'n minor accident a tawk erawh a pawi hle mai. Mahse LALPA zarah na lutuk a ni lo ve.

Thalai Kristian Pawl Khuanghlum Unit

30/10/2020

29/12/2018

22/02/2017

22/02/2017

22/02/2017

11/01/2017

05/01/2017

04/01/2017

03/01/2017

Address

Website

Alerts

Shortcuts

Share

Category