पालीचा बल्लाळेश्वर

01/04/2018

20/01/2018

माघ मासोत्सव २०१८

02/02/2017

28/01/2017

आज माघ शुद्ध प्रतिपदा म्हणजेच आपल्या माघ उत्सवाचा पहिला दिवस. त्या दिवशी देवळाजवळ केलेली हि नयनरम्य रोषणाई!!!

27/01/2017

माघी उत्सवाची तयारी

01/01/2013

सर्व गणेश भक्तांना अंगारकी चतुर्थीच्या हार्दिक शुभेच्छा.....

13/11/2012

सर्व गणेश भक्तांना दीपावलीच्या हार्दिक शुभेच्छा

24/08/2012

श्री बल्लाळेश्वर व धुंडीविनायक यांचे होणारे उत्सव

श्री बल्लाळेश्वराचे प्रामुख्याने भाद्रपदी व माघी असे दोन जन्मोत्सव साजरे केले जातात. भाद्रपदी उत्सव (भाद्रपद शु. प्रतिपदा ते भाद्रपद शु. पंचमी) असा, तसेच माघी उत्सव (माघ शु. प्रतिपदा ते माघ शु. पंचमी) असे पाच दिवस साजरे केले जातात. स्थानिक विद्वानांच्या उपस्थितीत पुण्याहवाचन होऊन महोत्सवास प्रारंभ होतो. रोज रात्री किर्तन होते. महोत्सवाचे दरम्यान श्री बल्लाळेश्वरासमोर गायन, प्रवचन, भजन आदि कला सादर केल्या जातात. शु. चतुर्थीला जन्माचे आख्यान होते. सायंकाळी श्रींची पालखी मिरवणूक निघते. सदर मिरवणुकीसमोर वारकरी भजन, स्थानिक एकादशी मंडळाचे भजन, लेझीम, नाचणारे घोडे, नाशिक बाजा व बँड इत्यादी सेवेकरी भक्त असतात. चतुर्थीच्या दिवशी नेत्रदिपक विद्यूत रोषणाई करण्यात येते. संपूर्ण पाली गावामध्ये ही पालखी मोठय़ा उत्साहाने फिरवली जाते. रात्री पालखी संपल्यानंतर उपस्थितांना चहापान व श्रीफलरूपी श्रींचा प्रसाद देऊन मिरवणुकीचा क्रार्यक्रम संपतो.

महानैवेद्य

चतुर्थीच्या दिवशी रात्री श्रींसमोर महानैवेद्य दाखवला जातो. हा महानैवेद्य पहाण्यासाठी लाखो श्रद्धाळू भाविक उपस्थित असतात. दोन दिवस माघ उत्सवात जत्रा भरते व भाविकांची अक्षरश: रिघ लागलेली असते. पंचमीला उत्तररात्रौ लळिताचे कीर्तन होते व महोत्सवाचा कार्यक्रम संपतो. पंचमीला दिवसा श्री बल्लाळेश्वराच्या सर्व भक्तांना भोजनाचा महाप्रसाद दिला जातो. पंचमीस रात्री श्री बल्लाळेश्वर देवस्थानाशी संलग्न असणा-या श्री गणेश मंडळ या संस्थेतर्फे लळिता निमित्त तीन अंकी नाटकाचा प्रयोग सादर केला जातो. महोत्सवानिमित्त सर्व मंदिर परिसरात नयनरम्य रोषणाई करण्यात येते. श्रींचे दर्शन घेण्यासाठी अंदाजे १ लाख भाविक हजेरी लावतात.

धुंडी विनायक उत्सव

जेष्ठ शु. प्रतिपदा ते शु. पंचमी असा पाच दिवस उत्साहात साजरा केला जातो. पुण्याहवाचन, किर्तन, जन्माख्यान, महानैवेद्य, लळिताचे किर्तन, लळितानिमित्त स्थानिक कलाकारांचा गायनाचा तसेच विविध कला सादरीकरणाचा श्री गणेश मंडळातर्फे कार्यक्रम, महाप्रसाद असा भरगच्च कार्यक्रम याही वेळी सादर होतो.

23/08/2012

दैनंदिन कार्यक्रम: -
श्री बल्लाळेश्वर मंदिर पहाटे ५ वा. दर्शनासाठी उघडले जाते व रात्री ठिक १०.३० वाजता बंद होते व त्यानंतर पहाटे ५ खेरीज कोणत्याही परिस्थितीत उघडले जात नाही. प्रतिदिनी मंदिरात धुपारती, नित्यपूजा नैवेद्य, प्रत्येक चतुर्थीला सायंकाळी पालखी, कार्तिक महिन्यात काकड आरती दर एकादशीला स्थानिक मंडळाचे भजन सणावार रात्री देवाचे जागरण, गोकूळ अष्टमी उत्सव, माघी, भाद्रपदी उत्सवानिमित्त कीर्तन व लळीतानिमीत्त गणेश मंडळ देऊळवाडा यांचे तर्फे नाटक सादर केले जाते इ. कार्यक्रम होतात.

भाविकांना पहाटे ५.०० ते सकाळी ११.३० पर्यंत सोवळ्याने आतील गाभा-यात जाऊन स्वहस्ते ट्रस्टमार्फत नेमलेल्या भिक्षूकांकरवी पूजा करता येते. व चतुर्थीच्या दिवशी फक्त सदर पूजा सकाळी ६.०० ते सकाळी ९.०० पर्यंतच करता येते.

दर चतुर्थीला सायंकाळी पंचामृती स्नानानंतर पोषाख, नैवेद्य, आरती, श्रींची पालखी, मंत्रपुष्प असा क्रार्यक्रम होतो.

श्री बल्लाळेश्वर मंदिरात परंपरेनुसार आषाढ शु. एकादशी ते कार्तिकशुद्ध एकादशी असे चार महिने विविध विषयांवर प्रवचन केले जाते. कार्तिक शुद्ध एकादशीला ग्रंथाची मिरवणूक होऊन प्रवचन समाप्ती होते.

21/08/2012

श्री. बल्लाळेश्वर मंदिर व सभामंडप प्रशस्त असून सभामंडपात भाविकांच्या देणगी स्विकारणेसाठी कार्यालय आहे.

श्री. बल्लाळेश्वर मंदिराच्या नजीकच प्रशस्त धर्मशाळा असून भाविकांना जेवण बनविण्याची सोय व्हावी म्हणून पाकशाळा आहे.

भाविकांची वाढती संख्या लक्षात घेता भाविकांच्या निवासासाठी प्रशस्त खोल्या (संडास, व बाथरूम सहित), एक हजार माणसे राहतील असे प्रशस्त सभागृह, स्वयंपाकघर, दहा हजार माणसांचा स्वयंपाक होईल इतकी भांडी, खुर्च्या टेबले इ. साहित्य उपलब्ध आहेत.

भक्तनिवास क्र १ समोरही एक प्रशस्त सभागृह बांधण्यात आले आहे.

भक्तनिवास क्र. १ दिवसेंदिवस अपुरा पडत असल्यामुळे भक्तनिवास क्र.२ मंदिराजवळील जागेत बांधण्यात आला आहे.

भक्तजनान्नसाठी सुविधा:-

भाविकांचे वाहनासाठी सुरक्षित असे मोफत वाहन तळ स्वच्छतागृहासह भक्तनिवास क्र.१ जवळ उपलब्ध आहे.

श्री बल्लाळेश्वर मंदिर पाली, ता. सुधागड, जि. रायगड येथे येण्यासाठी मुंबई, पुणे, अलिबाग, पेण, कर्जत, खोपोली, महाड, रोहा येथून थेट गाडय़ा पालीपर्यंत आहेत.

संस्थेमार्फत भाविकांनी देणगीरूपाने अर्पण केलेली वस्त्रे, चांदीची उपकरणे ही भाविकांना प्रसादरूपाने खरेदी करण्यासाठी उपलब्ध आहेत. तसेच सौलतीच्या दरात माहीती पुस्तके उपलब्ध आहेत.

भाविकांसाठी देवस्थानच्या आवारात व भक्तनिवासांमध्ये एस.टी.डी. व लोकल फोनची सुविधा आहे.

श्री बल्लाळेश्वर देवस्थानतर्फे विविध विषयांवरची पुस्तके असणारे वाचनालय नाममात्र शुल्क घेऊन चालविण्यात येते.

भाविकांच्या सोयीसाठी देवस्थानाच्या आवारात एक पिण्याच्या पाण्याची टाकी व थंड पाण्यासाठी दोन कुलर बसविण्यात आले आहेत.

विद्युत पुरवठय़ाची नियमित गैरसोय लक्षात घेता देवस्थानतर्फे दोन जनरेटर बसविण्यात आले आहेत.

भक्त निवास फोन : (०२१४२) २४११२९