Palakkad Temples - പാലക്കാടിലെ ക്ഷേത്രങ്ങൾ, Muttikkulangara, Palghat (2026)

22/08/2021

നെല്ലിക്കുളങ്ങര ഭഗവതി ക്ഷേത്രം
Nellikkulangara Bhagavathy Temple, Nenmmara, Palakkad

പാലക്കാട് ജില്ലയിലെ നെന്മാറയിലാണ് നെല്ലിക്കുളങ്ങര ഭഗവതി ക്ഷേത്രം പാലക്കാടു ജില്ലയിൽ നെല്ലിയാമ്പതി മലനിരകളുടെ താഴെയാണ് കുടകരനാട്. നെന്മാറ, വല്ലങ്ങി, വിത്തന ശ്ശേരി, തിരുവഴിയാട്, അയിലൂർ ദേശങ്ങൾ ചേരുന്ന കുടകരനാട്. പൂർവ നന്മകളെ എന്നും ആചരിക്കുന്ന നാടാണ് കുടകരനാട്. മലയാളമാസം മീനം ഒന്ന് മുതൽ ഇരുപത് വരെ നെന്മാറ-വല്ലങ്ങി ദേശക്കാർക്ക് ഉത്സവങ്ങളുടെ ദിനരാത്രങ്ങളാണ്.ദേശത്തിന്റെ ദേവതയായ നെല്ലികുളങ്ങര ഭഗവതിയെ വണങ്ങുന്ന വേലക്കാലം പൂരങ്ങളുടെ പൂരം എന്ന് തൃശൂർ പൂരത്തെ പറയുന്നത് പോലെ വേലകളുടെ വേലയാണ് നെന്മാറ വല്ലങ്ങി വേല.
മീനമാസം ഒന്നാം തീയതിയോടെ ദേശക്കാരെല്ലാം വേല പെരുമയിൽ ഉണരും ലോകത്തിന്റെ ഏതു ഭാഗത്തു താമസിച്ചാലും നെന്മാറ ദേശക്കാർ നാട്ടിലെത്തും വേലയുടെ നിറവിൽ അവർ അവരെ തന്നെ അടയാളപ്പെടുത്തുകയാണ്. അന്യ ദേശത്തു നിന്നും ആളും ആരവവും വേലകമ്പക്കാരും നെന്മാറയിൽ എത്തുകയായി. ഐതിഹത്തിനപ്പുറം നിൽക്കുന്ന ഒരു സാംസ്കാരികതമഹത്ത്വം കൂടിയാണ് നെന്മാറ വല്ലങ്ങി വേല. ആരോഗ്യകരമായ ഒരു മത്സരചേലോടെ നെന്മാറ ദേശക്കാർ വേലയുടെ ചുമതലകൾ ഏറ്റെടുക്കും .നെന്മാറ ദേശത്തിന്റെ വേലപ്പകർച്ചകൾ മന്നം മൂലസ്ഥാനം വേട്ടക്കൊരുമകൻ ക്ഷേത്രം എന്നി പ്രധാന സ്ഥലങ്ങളിലാണ് നടക്കുന്നത്.ദേശാസ്താനിയായ മൂപ്പിൽ നായർ നെല്ലിക്കുളത്ത് മലയിൽ തപസു ചെയ്തു നേടിക്കൊണ്ട് വന്ന സൗഭാഗ്യമാണ് ഇവിടുത്തെ ദേവീസാന്നിദ്യം എന്നാണ് വിശ്വാസം.സംപ്രീതയായ ദേവി മൂപ്പിൽ നായരുടെ അഭ്യര്ത്ഥന മാനിച്ചു ദേശത്തേക്കു വന്നു തന്റെ കുട കരയിൽ വെച്ച് അടുത്തുള്ള കുളത്തിൽ കുളിക്കാൻ ഇറങ്ങി കുട പൊക്കാൻ ശ്രേമിച്ചെങ്കിലും അത് പൊക്കാൻ കഴിഞ്ഞില്ല പിന്നീട് ദേവപ്രശ്നം നടത്തിയപ്പോൾ ദേവീസാന്നിദ്യം ഉണ്ടെന്നും ദേവിയെ പ്രതിഷ്ഠിക്കണമെന്നും തീർപ്പായി ആ പ്രേദേശമാണ് ഇപ്പോഴുത്ത മൂല സ്ഥാനം.മന്നതും വേട്ടക്കൊരുമകൻ സ്ഥാനത്തും ദേവി സാന്നിദ്യം പ്രസരിക്കുന്നുണ്ട്.മൂലസ്ഥാനത്തെ ദേവിയെ നെന്മാറ നെല്ലിക്കുളങ്ങരയിൽ പുനഃപ്രതിഷ്ടിച്ചതത്രെ അതാണ് ഇപ്പോഴത്തെ നെല്ലിക്കുളങ്ങരെ ദേവിക്ഷേത്രം. വല്ലങ്ങി ദേശത്തിന്റെ വേല തുടങ്ങുന്നത് ശിവക്ഷേത്രത്തിൽ നിന്നാണ് പിന്നീട് പഞ്ചവാദ്യത്തോടെ മന്നതിൽ എത്തിചേരുന്നു തുടർന്ന് കുടമാറ്റം. പിന്നീട് ശ്രി കുറുംബ ഭഗവതിയെ പ്രാർത്ഥിച്ചു നഗര പ്രതിക്ഷണം വെച്ച് പണ്ടിമേളത്തോടെ പന്തലിൽ അണിനിരക്കുന്നു പിന്നീട് കുടമാറ്റം.കുടമാറ്റത്തിനുശേഷം നെല്ലികുളത്തിയമ്മയെ ദർശിക്കാൻ കാവുകയറുകയും പ്രധിക്ഷണം വെച്ച് ആൽത്തറയിൽ എത്തി ചേര്ന്ന് പ്രശസ്തമായ ആൽത്തറ മേളം അരങ്ങേറു കയും ചെയ്യുന്നു.

കൂറയിടിൽ ചടങ്ങോടെയാണ് നെന്മാറ വേലക്ക് തുടക്കം കുറിക്കുന്നത് പിന്നീട് ഉള്ള ഇരുപത് ദിവസവും ദ്വാരകനിഗ്രഹം (കളം) പാട്ടുണ്ടാകും.വനത്തിൽ വെച്ച് ദേവി ദ്വാരികനെ എതിരിട്ടതിന്റെയും ഒടുവിൻ നിഗ്രഹിച്ചതിന്റെയും തുടർന്ന് നടന്ന ആഘോഷങ്ങളുടെയും ഓർമ്മയാണ് നെന്മാറ വേലയുടെ പൊരുൾ. കണ്യർകളിയും ഒൻപതാം നാളിലെ വലിയ കുമ്മാട്ടിയും വേലയുടെ പ്രധാന ചടങ്ങുകളാണ് പത്താം ദിവസമാണ് കരിവേല നടക്കുന്നത്.

25/07/2021

ശ്രീ മേലൂർ തലച്ചിലവൻ ക്ഷേത്രം (കിരാത മൂർത്തി ) പടിഞ്ഞാറെത്തറ,കുത്തനൂർ, പാലക്കാട്‌

SRI MELUR THALACHILAVAN TEMPLE, KUTHANNUR, PALAKKAD

പണ്ട് രാജഭരണമായിരുന്ന കാലത്ത് പാലക്കാട്‌ രാജാവിന്‌ ഏറെ നാൾ സന്താനങ്ങൾ ഇല്ലാതെ വിഷമിച്ചിരുന്നപ്പോൾ ഒരു ദിവസം കൊട്ടാരം ജോല്സ്യൻ രാശി പ്രശ്നം വെക്കുക ഉണ്ടായി. പ്രശ്നത്തിൽ സന്താന ഭാഗ്യത്തിനായി ഒരു കിരാതമൂർത്തി ക്ഷേത്രത്തിൽ ദർശനം നടത്തി പ്രാർത്ഥിക്കണമെന്ന് വിധിയുണ്ടായി അപ്രകാരം രാജാവ് അന്വോഷിച്ചപോൾ അത്തരം ഒരു ക്ഷേത്രം കണ്ടെത്താനായില്ല. തുടർന്നും പ്രശ്നവശാൽ നോക്കിയപ്പോൾ പടിഞ്ഞാറുദിക്കിലായി ഭഗവാന്റെ സാന്നിദ്ധ്യം ഉള്ള ഒരു സ്ഥലം ഉള്ളതായി അറിയാൻ കഴിഞ്ഞു. ഏറെ നാളത്തെ അന്വോഷനത്തിൽ കുത്തനൂർ പടിഞ്ഞറെതറ ദേശത്ത് ചൊക്കത്ത് വീട്ടിൽ ഭഗവാനെ ആരാധിച്ചു വരുന്നതായി അറിഞ്ഞു. ഉടൻ തന്നെ രാജാവ് പത്നീ സമേതനായി വന്ന് പ്രാർത്ഥന നടത്തി. അദേഹത്തിന് ഭഗവാന്റെ അനുഗ്രഹത്താൽ കേമനായ ഒരു പുത്രനെ തന്നെ ലഭിക്കുകയും ചെയ്തു. പിന്നീട് രാജാവ് തനിക്ക് ലഭിച്ച ഈ അനുഗ്രഹം എല്ലാ ജനങ്ങൾക്കും ലഭിക്കണ മെന്ന് വിജാരിച്ച് ഇപ്പോഴുള്ള ക്ഷേത്രം പണിത് മൂലസ്ഥാനത്തുനിന്നും ആവാഹിച്ച് വിഗ്രഹ പ്രതിഷ്ഠ നടത്തിയെന്നുമാണ് ഐതിഹ്യം.

ഈ ക്ഷേത്രത്തോടു ചേർനുള്ള തിരുപുരാക്കൽ ഭഗവതി, മന്നത്ത് ഭഗവതി, ഗണപതി, പരമശിവൻ, സുബ്രഹ്മണ്യൻ, ഭൈരവമൂർത്തി, ഗുരുമൂർത്തി എന്നീ ദേവീ ദേവന്മാരെയും പ്രതിഷ്ഠ നടത്തി മഹാക്ഷേത്രമായി ആരാധിച്ചുവരുന്നു.

ഈ ക്ഷേത്രത്തിൽ നടത്തിവരുന്ന ഏറ്റവും പ്രധാനപെട്ട ഉത്സവമാണ് വിഷു വേല കണ്യാർകളി. മേട മാസം ഒന്നാം തിയ്യതി കൊടിയേറ്റത്തോടെ ഉത്സവം ആരംഭിക്കുനതാണ്. ഒന്നാം തിയ്യതി വിവിധ കലാപരുപാടികളോടെ വേല നടത്തുന്നു. അടുത്ത 5ദിവസം കണ്യാർകളി നടത്തുന്നു.

വെബ്സൈറ്റ്: http://www.srimelurthalachilavantemple.com

https://goo.gl/maps/MsmH874ni7M2

04/05/2021

ശ്രീ പനങ്കുറുശ്ശി ഭഗവതി ക്ഷേത്രം ചെത്തല്ലൂര്, മണ്ണാർക്കാട്, പാലക്കാട്

Sree Panamkurussy Bhagavathy Temple, Mannarkkad, Palakkad

ശ്രീ പനങ്കുറുശ്ശി ഭഗവതി ക്ഷേത്രമാണ് ചെത്തല്ലൂരിലെ പ്രധാനപ്പെട്ട ഒരു ക്ഷേത്രം. എല്ലാ വര്‍ഷവും നടക്കുന്ന പൂരാഘോഷം വളരെ പ്രസിദ്ധമാണ്. നാല്‍പ്പതോളം ആനകള്‍ പങ്കെടുക്കുന്ന പൂരം എഴുന്നള്ളിപ്പ് കാണാന്‍ ദൂരദിക്കുകളില്‍ നിന്നു പോലും ആയിരക്കണക്കിനു പേര്‍ എത്തുന്നു. വർഷത്തില്‍ ആറു മാസം ഭഗവതിക്ക് കളം പാട്ടും ഇവിടെ ഉണ്ട്. മലപ്പുറം ജില്ലയിലെ ആലിപ്പറമ്പ്, പാലക്കാട് ജില്ലയിലെ തച്ചനാട്ടുകര, കരിമ്പുഴ, വെള്ളിനേഴി ഗ്രാമപ്പഞ്ചായത്തുകളില്‍ വ്യാപിച്ചുകിടക്കുന്നതാണ് ഭഗവതിയുടെ എട്ട് തട്ടക ദേശങ്ങള്

25/02/2021

അത്താഴനല്ലൂർ മഹാശിവക്ഷേത്രം, കൊടുന്തിരപ്പുള്ളി, പാലക്കാട്
Athaazanallur Maha Shiva Temple, Kodunthirappully, Palakkad

നൂറ്റിയെട്ട് ശിവാലയങ്ങളിൽ ഒന്നായ പാലക്കാട്കൊടുന്തിരപ്പുളളിയിലെ അത്താഴനല്ലൂർ ശിവക്ഷേത്രത്തിലെ പ്രതിഷ്ഠ ശ്രീ അഗസ്ത്യ മഹർഷി
നടത്തിയതാണെന്നാണ് വിശ്വസിക്കപ്പെടുന്നത്.

താപസ ശ്രെഷ്ടനായ അഗസ്ത്യമഹർഷിയാൽ ദ്വാപരയുഗത്തിൽ പ്രതിഷ്ഠിക്കപ്പെട്ടതും സഹസ്രാബ്ദങ്ങളുടെ പഴക്കമുള്ളതുമായ ശ്രീ അത്താഴനല്ലൂർ മഹാശിവക്ഷേത്രം ഭാരതപുഴയുടെ വടക്കേ കരയിൽ അത്താഴനെല്ലൂരിൽ പടിഞ്ഞാറോട്ട് അഭിമുഖമായി നിലകൊള്ളുന്നു.

108 ശിവാലയങ്ങളിൽ ഒന്നായ ഈ മഹാക്ഷേത്രത്തിൽ 2012 ൽ നടത്തിയ അഷ്ടമംഗല്യ പ്രശ്നവിധി പ്രകാരം ഉള്ള നവീകരണ പ്രവർത്തനങ്ങൾ പൂർത്തീകരിച്ചിരിക്കുന്നു. ശ്രീകോവിൽ, നന്ദി മണ്ഡപം എന്നിവ പൂർണമായും കൃഷ്ണശിലയിൽ നിർമിക്കുകയും ശ്രീകോവിൽ മേൽക്കൂര ചെമ്പു പൊതിയുകയും ചെയ്തിട്ടുണ്ട്, കൂടാതെ നാലമ്പലം പുതുക്കിപ്പണിയുകയും ചെയ്തിട്ടുണ്ട്. ക്ഷേത്ര മതില്കെട്ടിനകത്തു സുബ്രഹ്മണ്യ ക്ഷേത്രം നാഗത്തറ മുതലായവ പുതിയതായി നിർമ്മിക്കുകയും ചെയ്തിട്ടുണ്ട്.

24/07/2020

Aadithyapuram Surya Chandra Temple, Mulayankaavu.

ആദിത്യപുരം സൂര്യചന്ദ്ര ക്ഷേത്രം, മുളയൻകാവ്

വേദകാലത്തെ ആരാധനമൂർത്തികളാണ് സൂര്യചന്ദ്രൻ മാർ. ഈ പ്രത്യക്ഷ മൂർത്തികൾക്ക് ഒത്തൊരുമിച്ചൊരു ക്ഷേത്രം ഭാരതത്തിൽ തന്നെ അപൂർവ്വമായിരിക്കും.
പാലക്കാട് ജില്ലയിലെ പട്ടാമ്പി താലൂക്കിൽ കുലുക്കല്ലൂർ പഞ്ചായത്തിലെ മുളയൻകാവിൽ ആദിത്യപുരം എന്ന പേരിൽ ഇത്തരത്തിലൊരു അപൂർവ്വ ക്ഷേത്രം സ്ഥിതി ചെയ്യുന്നു.

ക്ഷേത്രത്തിലെത്താനുള്ള വഴികൾ:-
ഷൊർണ്ണൂർ - നിലമ്പൂർ പാതയിൽ കുലുക്കല്ലൂർ സ്റ്റേഷനിൽ ഇറങ്ങിയാൽ ക്ഷേത്രത്തിൽ എത്താം.പാലക്കാട് നിന്ന് റോഡുമാർഗ്ഗം വരുന്നവർ ചെർപ്പുളശ്ശേരി-കൊപ്പം റൂട്ടിൽ മുളയൻകാവ് എന്ന സ്ഥലത്ത് ഇറങ്ങുക അവിടെ നിന്നും മപ്പാട്ടുകര റോഡിൽ ഒരു കിലോമീറ്റർ. പട്ടാമ്പി നിന്നും, വളാഞ്ചേരി നിന്നും,,പെരിന്തൽമണ്ണ നിന്നും വരുന്നവർ കൊപ്പം എന്ന സ്ഥലത്ത് ഇറങ്ങി കൊപ്പം ചെർപ്പുളശ്ശേരി റോഡിൽ മുളയൻകാവിലെത്തി ക്ഷേത്രത്തിൽ എത്തിച്ചേരാം.

രാവിലെ 6 മണി മുതൽ 8.30 വരെയാണ് ക്ഷേത്രം തുറന്നിരിക്കുക. എല്ലാ ഞായറാഴ്ചയും വൈകുന്നേരം സാമൂഹ്യരാധനയും, മുപ്പട്ടു ഞായറാഴ്ചകളിൽ മഹാഗണപതിഹോമവും, കർക്കിടക മാസത്തിൽ രാമായണ പാരായണവും ഔഷധസേവ എന്നിവയും നടക്കുന്നു.
ക്ഷേത്രം ഓഫീസ് നമ്പർ :-
ശിവരാമൻ - 9745477017

കടപ്പാട്:രാജൻ വീനസ്

12/07/2020

Pallikkurupp Mahavishnu Temple, Mannarkkad

പള്ളിക്കുറുപ്പ്‌ മഹാവിഷ്ണു ക്ഷേത്രം

പാലക്കാട്‌ ജില്ലയിൽ മണ്ണാർക്കാട് താലൂക്കിൽ പള്ളിക്കുറുപ്പ്‌ എന്ന ഗ്രാമത്തിലാണ് ചരിത്ര പ്രസിദ്ധമായ ഈ ക്ഷേത്രം നിലകൊള്ളുന്നത്.

വനവാസ കാലത്തു ഭഗവാൻ ശ്രീരാമൻ ഇവിടെ പള്ളിക്കുറുപ്പ് ‌ കൊണ്ടതിനാൽ ആണ് ഈ സ്ഥലത്തിന് പള്ളിക്കുറുപ്പ്‌ എന്ന് പേര് വന്നത് എന്ന് ഐതിഹ്യം പറയുന്നു. നൂറ്റാണ്ടുകൾ പഴക്കമുള്ള ഈ ക്ഷേത്രത്തിന്‌ പഴമയുടെ ഭംഗിയും, വാസ്തുവിദ്യയുടെ മേന്മയും ആവോളമുണ്ട്‌ . ഇവിടെ പ്രധാന പ്രതിഷ്ഠയായി പടിഞ്ഞാറോട്ട്‌ മുഖമായി മഹാവിഷ്ണുവും, ചുറ്റമ്പലത്തിന്റെ തെക്ക് ഭാഗത്തു വട്ട ശ്രീ കോവിലിൽ പ്രതിഷ്ഠിച്ച നരസിംഹ മൂർത്തിയും തുല്യ പ്രാധാന്യത്തോടെ സ്ഥിതി ചെയ്യുന്നു . വേട്ടക്കാരൻ, അയ്യപ്പൻ, നാഗങ്ങൾ, ഗണപതി, എന്നി ഉപദേവന്മാരും ഉണ്ട്. ഐതിഹ്യ പ്രകാരം പറയുന്നത്, ആദ്യ പ്രതിഷ്ഠ മുഹൂർത്ത സമയത്തു മയിലിന്റെ സാന്നിധ്യം ഉണ്ടാവും എന്നായിരുന്നു ജോൽസ്യ പ്രവചനം, പ്രതിഷ്ഠ ചടങ്ങുകൾ പൂർത്തിയാക്കി മയിലിന്റെ വരവ് പ്രതീക്ഷിക്കുന്ന സമയത്തു ഒരു സന്യാസി കയ്യിൽ മയിൽ പീലി കെട്ടുമായി എത്തിച്ചേരുകയും മയിലിനു പകരം മയിൽ പീലി കെട്ടു വന്നത് നല്ല ലക്ഷണമായി കരുതി തന്ത്രിമാർ പടിഞ്ഞാട്ടു മുഖമായി മഹാവിഷ്ണുവിനെ പ്രതിഷ്ഠിച്ചു. ആദ്യത്തെ പ്രതിഷ്ഠയുടെ തെക്കുഭാഗത്തു മയിൽ വട്ടം ചുറ്റി പറക്കുകയും ചെയ്തു. ആ സമയം തന്ത്രിമാർ നരസിംഹ ഭാവത്തിൽ മഹാവിഷ്ണുവിനെ പ്രതിഷ്ഠിച്ചു. അതാണ് ഇന്നു കാണുന്ന തെക്കൻ തേവർ എന്ന മൂർത്തി. നരസിംഹ മൂർത്തിയുടെ രൗദ്രം ശമിപ്പിക്കാൻ വേണ്ടി ആണ് പ്രതിഷ്ഠക്കു നേരെ എതിരായി പടിഞ്ഞാറു ഭാഗത്തു കിഴക്കോട്ടു മുഖമായി അയ്യപ്പ സ്വാമിയേ പ്രതിഷ്ഠിച്ചത്. വെയിലും, മഴയും കൊള്ളുന്ന രീതിയിലാണ് പൂർണ്ണ, പുഷ്കല ദമ്പതി സമേതം അയ്യപ്പൻറെ പ്ലാവ് മരത്തിന്റെ ചുവട്ടിൽ ഉള്ള പ്രതിഷ്ഠ. ഗണപതി, നാഗങ്ങൾ കൂടി ഇവിടെ പ്രതിഷ്ഠിച്ചിട്ടുണ്ട്. ഈ പ്ലാവ് പടർന്നു പന്തലിച്ചു ഇപ്പോഴും കാണാം.

ശ്രീരാമൻ പള്ളിക്കുറുപ്പ്‌ കൊണ്ടു എന്ന് പറയപ്പെടുന്ന സ്ഥലത്തു പടിഞ്ഞാറു മുഖമായി ഒരു പ്രതിഷ്ഠ ഉണ്ട്. അതാണ് അനന്തശയനം. ഇളയേടത്ത്‌ മന ശങ്കര നാരായണൻ നമ്പൂതിരിയാണ്‌ ക്ഷേത്ര മേൽശാന്തി . അണ്ടലാടി ശങ്കരൻ നമ്പൂതിരിപ്പാടാണ്‌ തന്ത്രി. ക്ഷേത്ര ഊരാളൻ ഒളപ്പമണ്ണ മനക്കാർ ആണ്‌.

വാസ്തുവിദ്യയുടെ മേന്മ ആവോളം ഉള്ള ഈ ക്ഷേത്രത്തിലെ പുരാതനമായ ചുമരിൽ വരച്ച അനന്തശയനം ചുമർ ചിത്രം ഇപ്പോഴും കാണാം. മരത്തിൽ കൊത്തിയ ദശാവതാര രൂപങ്ങൾ പ്രധാന അമ്പലത്തിലെ മുഖ മണ്ഡപത്തിൽ കാണാം. ആനകൊട്ടിലും ,ഗോപുരവും, വട്ട ശ്രീകോവിലും, പഴമയുടെ മാറ്റുക്കുറയാത്ത ചുറ്റമ്പലവും, നൂറ്റാണ്ടുകൾ പഴക്കമുള്ള പത്തായപ്പുരകളും, ഊട്ടുപുരയും, പടിപ്പുരകളും , ക്ഷേത്രത്തിന്റെ ഭംഗി എടുത്തു കാട്ടുന്നു. പള്ളിക്കുറുപ്പ്‌ ക്ഷേത്രത്തിനു മുന്നിലായി കുളപ്പുരയോട്‌ കൂടിയ മനോഹരമായ വലിയ ഒരു ക്ഷേത്ര കുളവും കാണാം നമുക്ക്. രണ്ട്‌ കൊടിമരങ്ങൾ ഈ അമ്പലത്തിലെ ഒരു പ്രത്യേകതയാണ്‌.അതിന്‌ പിന്നിൽ ഒരു കഥയും ഉണ്ട്.മഹാവിഷ്ണുവിന് കൊടിമരം നിർമ്മിക്കാൻ മുറിച്ച തേക്ക് 50വർഷം പൂർത്തിയാക്കാൻ കഴിയാതെ കിടന്നു. ഒടുവിൽ ദേവ പ്രശ്നം വച്ച്‌ നോക്കിയപ്പോൾ നരസിംഹ മൂർത്തിക്കും, മഹാവിഷ്ണുവിനും തുല്യം പ്രാധന്യമുള്ള കാരണം 2കൊടിമരം വേണം എന്ന് കണ്ടൂ.അതിൻപ്രകാരം 1997ൽ ക്ഷേത്രത്തിൽ 2 ധ്വജപ്രതിഷ്ഠയും, നവീകരണ കലശവും നടത്തി. ഇവിടെ ഉത്സവം രണ്ട് മൂർത്തികൾക്കും ഒപ്പം നടക്കുന്നു.. ധനു മാസത്തിൽ പുണർതം നാളിൽ കൊടിയേറ്റം നടത്തി ഏഴ്‌ ദിനം നീളുന്ന ഉത്സവം നടക്കാറുണ്ട്‌ ഇവിടെ. പണ്ട് 9 ദിവസം ഗംഭീര ഉത്സവം ആയിരുന്നു ഇവിടെ നടന്നിരുന്നത്. ഇടവ മാസത്തിൽ അത്തം നാളിൽ പ്രതിഷ്ഠ ദിനം. മകരത്തിലെ അവസാന ശനി അയ്യപ്പന് താലപ്പൊലി എന്നിവ പ്രധാനം.

ഇവിടുത്തെ പ്രധാന വഴിപാടായി മഹാവിഷ്ണുവിന്‌ പാൽ പായസം , നരസിംഹമൂർത്തിക്ക്‌ പാനകം,കഠിന മധുരം,വേട്ടക്കരന്‌ അപ്പം എന്നിവ ഉദ്ധിഷ്ട കാര്യ സിദ്ധിക്കായി നടത്തുന്നു.തിരുവോണം നാളിൽ കാര്യ സാധ്യ പുഷ്പാഞ്ജലി, ലക്ഷ്മി നാരായണ പൂജ എന്നിവ നടത്തുന്നത്‌ മംഗല്യ യോഗത്തിനും , സന്താന യോഗത്തിനും നല്ലതാണ്‌.

സകല ക്ഷേത്രകലകൾക്കും ഇവിടെ പ്രാധാന്യം നൽകിയിരുന്നു. കലാരംഗത്തെ ഇതിഹാസങ്ങൾ ഇവിടെ നിത്യ അതിഥികൾ ആയിരുന്നു. ചെമ്പൈ ഭാഗവതർ, കഥകളി ആചാര്യൻ പട്ടിക്കാം തൊടി രാവുണ്ണി മേനോൻ, ഗുരു കുഞ്ചു കുറുപ്പ്, കവള പാറ നാരായണൻ നായർ, വെങ്കിട കൃഷ്ണ ഭാഗവതർ, മൂത്തമന നമ്പൂതിരി, വെങ്കിടച്ച സ്വാമി, പൈങ്കുളം രാമചാക്യാർ എന്നീ പ്രമുഖരുടെ നിത്യ അരങ്ങ്‌ തന്നെയായിരുന്നു ഈ ക്ഷേത്രം . ഇവിടുത്തെ കഥകളി പാരമ്പര്യം വളരെ പ്രസിദ്ധമാണ്. ഇതിനെല്ലാം വേണ്ടിയുള്ള വലിയ ഊട്ടുപുര ഇപ്പോഴും നിലനിൽക്കുന്നു. പഴയ പ്രതാപം വിളിച്ചു പറഞ്ഞു കലകൾ അരങ്ങേറുന്ന മതിലകത്തു കൂത്ത് തറ ഇപ്പോഴും ഉണ്ട്.

ഒരു കാലത്ത്‌ 16000 പറ നെല്ല് മിച്ചവാരം പിരിഞ്ഞിരുന്നു . അത്‌ സൂക്ഷിക്കാൻ ഉള്ള പത്തായപ്പുരയും ഇവിടെ ഉണ്ട്‌ . അത്‌ പോലെ ഉത്സവ സമയത്ത്‌ ഊരാളനായ ഒളപ്പമണ്ണ തമ്പുരാന്‌ താമസിക്കാൻ ഉള്ള പത്തായപ്പുരയും പഴമയുടെ പ്രതാപത്തോടെ നിലനിൽക്കുന്നത്‌ അവിടെ ചെന്നാൽ കാണാം. രണ്ട്‌ പത്തായപ്പുരകളും വാസ്തുവിദ്യയുടെ മേന്മ വിളിച്ചോതുന്നവ തന്നെ. റാവു ബഹദൂർ ഒ. എം നാരായണൻ നമ്പൂതിരിപ്പാട്‌ ആണ് ഇന്ന് കാണുന്ന പുതിയ പത്തായ പുര, ഗോപുരങ്ങൾ നിർമ്മിച്ചത്. ഒ. എം വാസുദേവൻ നമ്പൂതിരിപ്പാട്‌, മഹാകവി ഒളപ്പമണ്ണ, ഒ എം സി നാരായണൻ നമ്പൂതിരിപ്പാട്, ഒ എം ശങ്കരൻ നമ്പൂതിരിപ്പാട്‌, ഒ എം കുഞ്ഞൻ നമ്പൂതിരിപ്പാട്‌ തുടങ്ങിയവർ ഭരണ സാരഥ്യം ഏറ്റെടുത്തിട്ടുള്ള ഇപ്പോൾ ജീവിച്ചിരിപ്പില്ലാത്ത മഹാരഥന്മാർ ആണ്. ഒരു കാലത്ത്‌ ധാരാളം ഭൂസ്വത്തുക്കൾ ക്ഷേത്രത്തിന്‌ ഉണ്ടായിരുന്നു . അതിനാൽ അന്ന് ക്ഷേത്ര നടത്തിപ്പെല്ലാം സുഗമമായി നടന്നിരുന്നു . അക്കാലത്ത്‌ രണ്ട്‌ ആനയും ഈ ക്ഷേത്രത്തിന്റേതായി ഉണ്ടായിരുന്നു. ഭൂമിയും മിച്ചവാരവും എല്ലാം കാലക്രമേണ നഷ്ടമായി, വരുമാനം പൂർണമായി നിലക്കുകയും ചെയ്തു. 1940മുതൽ hr&se വകുപ്പിന്റെ കീഴിൽ പ്രത്യേകം തയ്യാറാക്കിയ സ്കീം പ്രകാരം ക്ഷേത്രത്തിൽ ഭരണം നടക്കുന്നു. ക്ഷേത്രത്തിന്‌ നിലവിൽ 20 ഏക്കർ ഭൂമിയുണ്ട്.

പള്ളിക്കുറുപ്പ്‌ മഹാവിഷ്ണു ക്ഷേത്രത്തിന്‌ ഒരുപാട്‌ കഥകൾ പറയാൻ കഴിയും.ടിപ്പുവിന്റ പടയോട്ട കാലത്ത് ഇവിടെ ഉണ്ടായിരുന്ന നമ്പൂതിരി കുടുംബങ്ങളും, മറ്റുള്ളവരും ഭീതിമൂലം നാടുവിട്ടു പോയി. ഇവർ പോയതോടെ ക്ഷേത്ര കാര്യങ്ങൾ നോക്കാൻ ആളില്ലാത്ത അവസ്ഥയായി. ക്രമേണ ക്ഷേത്രത്തിന്റെ ഉടമാവസ്ഥവകാശം ഇവിടുത്തെ പ്രമുഖ ജന്മി കുടുംബമായ ഒളപ്പമണ്ണ മനക്കാർക്കു ലഭിച്ചു. ഇവിടെ ഉണ്ടായിട്ടുള്ള പള്ളിക്കുറുപ്പ് പട എന്നറിയപ്പെടുന്ന കലാപത്തിന്റെ ഫലമായി ക്ഷേത്ര ബിംബത്തിനു സാരമായി കേടുപാടുകൾ സംഭവിക്കുകയും ഇത് പിന്നീട് പുനർ നിർമ്മിക്കുകയും ചെയ്തു. ഇവിടെ നൂറ്റാണ്ടുകൾ പഴക്കമുള്ള പത്തായ പുരയിൽ കലാപകാരികൾ തമ്പടിച്ചു അക്രമം നടത്തുകയും, ഗൂർക്കാ പട്ടാളം പീരങ്കി പടയുമായി വന്നു ഇവരെ കീഴടങ്ങി. അന്ന് പീരങ്കി പ്രയോഗിച്ച അടയാളം ഇന്നും കാണാം.ഇതിന് ചേല കലാപം എന്നറിയപെടുന്നു. ടിപ്പുവിന്റ പടയോട്ടത്തിന് തെളിവാണ് ഇന്ന് ക്ഷേത്രത്തിന്റ മുൻപിലൂടെ പോകുന്ന ടിപ്പു സുൽത്താൻ റോഡ്. 1921ലെ മാപ്പിള കലാപത്തിലും ക്ഷേത്രത്തിനു കേടുപാടുകൾ വന്നിട്ടുണ്ട്.

കടപ്പാട് : സായിനാഥ് മേനോൻ

06/06/2020

തൃപ്പലമുണ്ട മഹാദേവക്ഷേത്രം
Thrippalamunda Mahadeva Temple, Kongad

പാലക്കാട്‌ ജില്ലയിലെ കോങ്ങാട്‌ പഞ്ചായത്തിൽ തൃപ്പലമുണ്ട എന്ന മനോഹരമായ ഗ്രാമത്തിലാണ്‌ തൃപ്പലമുണ്ട മഹാദേവ ക്ഷേത്രം സ്ഥിതി ചെയ്യുന്നത്‌. വള്ളുവനാടിന്റെ സകലഭംഗിയും, നന്മയും ഉൾകൊള്ളുന്ന ഈ ഗ്രാമത്തിന്റെ അധിപനാണ്‌ തൃപ്പലമുണ്ട തേവർ.

സ്വയംഭൂവായ ,പാർവ്വതിസമേതനായ പരമേശ്വരനാണ്‌ ഇവിടുത്തെ പ്രധാന പ്രതിഷ്ഠ.ചെമ്പ്‌ പൊതിഞ്ഞ ശ്രീകോവിലിൽ പടിഞ്ഞാട്ട്മുഖമായി തേവർ കുടികൊള്ളു ന്നു. .ശ്രീകോവിലിൽ ഗംഗാതീർത്ഥ സാന്നിധ്യമുണ്ട്‌. ഉപദേവന്മാരായി ഒക്കത്ത്‌ ഗണപതിയും, അയ്യപ്പസ്വാമിയും, നവഗ്രഹങ്ങളും, നാഗദേവതകളും ,മുഖമണ്ഡപത്തിൽ നന്ദികേശ്വരനും ഉണ്ട്‌ . തൃപ്പലമുണ്ട ശ്രീകുറുംബ ഭഗവതിയുടെ നോട്ടവും ക്ഷേത്രത്തിലേക്ക്‌ ഉള്ളതിനാൽ ഇവിടെ തൊഴാൻ വരുന്ന ഭക്ത ജനങ്ങൾ കുറുംബ ക്ഷേത്രം സ്ഥിതി ചെയ്യുന്ന ദിക്കിലേക്ക്‌ നോക്കി തൊഴുന്നതാണ്‌.മാങ്കുളം മനയ്ക്കലെ ഒരു നമ്പൂതിരി തേവരെ ഭജിച്ച്‌ ദേവനിൽ ലയിച്ചതിനാൽ ആ രക്ഷസ്സിന്റെ സാന്നിധ്യവും ഇവിടെ ഉണ്ട്.ഒരു കാലത്ത്‌ നടുവിൽ മഠം മൂപ്പിൽ സ്വാമിയാരുടെ കീഴിലായിരുന്നു ഈ ക്ഷേത്രം . ഇപ്പോൾ മലബാർ ദേവസ്വത്തിന്റെ കീഴിൽ ഉള്ള ക്ഷേത്രത്തിന്റെ കാര്യങ്ങൾ നടത്തിപോരുന്നത്‌ ട്രസ്റ്റി ബോർഡിന്റെ കീഴിലാണ്‌ . ശ്രീ അണ്ടലാടി പരമേശ്വരൻ നമ്പൂതിരിയാണ്‌ ഇവിടുത്തെ തന്ത്രി . മേൽശാന്തി ശ്രീ ജനാർദ്ദനൻ എമ്പ്രാന്തിരി.

വള്ളുവനാട്ടിലെ തന്നെയുള്ള ശിവക്ഷേത്രങ്ങളിൽ ഏറ്റവും പഴക്കം ചെന്ന ക്ഷേത്രമാണ്‌ തൃപ്പലമുണ്ട മഹാദേവ ക്ഷേത്രം . നാലുഭാഗവും കുന്നുകളാൽ ചുറ്റപ്പെട്ട പാടത്ത്‌ പുല്ലരിയാൻ ഒരു സ്ത്രീ ചെല്ലുകയും, കയ്യിൽ ഉള്ള അരിവാളിന്‌ മൂർച്ചകൂട്ടാൻ കല്ലിൽ ഉരച്ചപ്പോൾ കല്ലിൽ നിന്ന് ചോര ഒഴുകി വരികയും ചെയ്തു എന്നും ,ശിലയിലെ രക്തം കണ്ട്‌ ആ സ്ത്രീ തുപ്പിയപ്പോൾ ആ കല്ലിൽ നിന്നും ആ തുപ്പല്ലെ മുണ്ടെ എന്ന് അശരീരി വരികയും, ആ സ്ത്രീ പേടിച്ച്‌ ഓടിയ സ്ഥലമെല്ലാം തുപ്പല്ലമുണ്ടയായും പിന്നീട്‌ കാലക്രമേണ തൃപ്പലമുണ്ടയായി മാറി എന്നും പറയപ്പെടുന്നു. ചോര വന്ന കല്ലിൽ ശിവചൈതന്യം തിരിച്ചറിഞ്ഞതിൻ പ്രകാരം, അവിടെ തന്നെ ക്ഷേത്രം നിർമ്മിച്ചു എന്നും പറയപ്പെടുന്നു. ഇന്നും ഈ ഐതിഹ്യത്തിന്‌ ശക്തിപകരുന്ന പോലെ പാടത്ത്‌ തന്നെയാണ്‌ ക്ഷേത്രം നില നിൽക്കുന്നത്‌ . ശ്രീകോവിൽ ഇപ്പോഴും ജലസാന്നിധ്യവും കാണാം പാടത്തെ പോലെ. ചരിത്രകാരനായ ശ്രീ ബാലഗംഗാധാരൻ മാഷിന്റെ അഭിപ്രായത്തിൽ തിരു അപ്പിലാണ്ടവൻ അതായത്‌ ജലസമാധിയിൽ വിരാജിക്കുന്നവൻ എന്ന വാക്കാണ്‌ പിന്നീട്‌ തൃപ്പലമുണ്ട മഹാദേവനായി മാറിയതെന്ന് പറയപ്പെടുന്നു. അ ഒരു അർത്ഥത്തിനും പ്രാധാന്യം ഉണ്ട്‌ . ശ്രീകോവിലിന്റെ ഉള്ളിൽ തന്നെ ജലസാന്നിധ്യം ഉണ്ട്‌. അത്‌ കൂടാതെ ശ്രീകോവിലിന്റെ കന്നിമൂലയിൽ ഏത്‌ കാലത്തും വെള്ളം വറ്റാത്ത , കൈകൊണ്ട്‌ വെള്ളം കോരാവുന്ന മണിക്കിണർ ഉണ്ട്‌ . നേദ്യം വയ്ക്കാൻ എല്ലാം വെള്ളം ഇവിടുന്നാണ്‌ കോരുക.അത്‌ പോലെ നാലമ്പലത്തിന്‌ പുറത്തുള്ള തീർത്ഥച്ചാലിൽ ഏത്കാലത്തും വെള്ളം ഒഴുകികൊണ്ടെ ഇരിക്കും. അത്‌ കൂടാതെ ക്ഷേത്രത്തിന്റെ തെക്ക്‌ ഭാഗത്ത്‌ തീർത്ഥ കുളവും, കിഴക്ക്‌ ഭാഗത്ത്‌ പാലക്കുളവും, വടക്ക്‌ ഭാഗത്ത്‌ വലിയ കുളം എന്ന പേരിലും മൂന്ന് കുളം ഉണ്ട്‌. തീർത്ഥകുളം അഗ്രശാലയുടെ ആവശ്യങ്ങൾക്കായും, പാലക്കുളം തന്ത്രിമാർക്ക്‌ ഉപയോഗിക്കാനായും , വലിയകുളം പൊതുജനങ്ങൾക്കായും ഉള്ളതാണ്. ഇങ്ങനെ ചുറ്റുഭാഗം മൊത്തം ജലസമൃദ്ധിയിൽ നിൽക്കുന്ന മഹാദേവൻ കേരളത്തിൽ മറ്റ്‌ എവിടെയെങ്കിലും ഉണ്ടാകുമൊ എന്ന് എനിക്ക്‌ അറിവില്ലാ.

ഒരു കാലത്ത്‌ നടുവിൽ മഠം മൂപ്പിൽ സ്വാമിയാരുടെ അധീനതയിലായിരുന്നു ഈ ക്ഷേത്രമെന്ന് ആദ്യമെ പറഞ്ഞിരുന്നുവല്ലോ. മൂപ്പിൽസ്വാമിയാർമാർ വന്നാൽ താമസം പാലക്കുളത്തിന്‌ മുകളിലുള്ള മഠത്തിലായിരുന്നു. ചാതുർമ്മാസ്യ കാലങ്ങളിൽ മൂപ്പിൽ സ്വാമിയാർ മഠം വക ഏതെങ്കിലും ക്ഷേത്രത്തിൽ തങ്ങുക എന്നൊരു പതിവുണ്ട്‌. കർക്കിടകം മുതൽ തുലാമാസം വരെയുള്ള കാലമാണത്‌. അങ്ങനെയുള്ള സമയങ്ങളിലോ, അല്ലാത്ത സമയത്തോ, ഇവിടെ താമസിച്ച്‌ കൊണ്ടിരിക്കുമ്പോൾ സമാധിയായ എട്ടോളം മൂപ്പിൽ സ്വാമിയാർമാരുടെ സമാധിസ്ഥലങ്ങൾ കാണാം നമുക്കിവിടെ. ഈ സ്മൃതിമണ്ഡപങ്ങൾ വൈഷ്ണവമായി ആരാധിച്ചു വരുന്നു. കൂട്ടാല അമ്പലം, തുപ്പനാട്‌ അമ്പലം, മാമ്പുഴ അമ്പലം എന്നീ ക്ഷേത്രങ്ങൾ ഈ ക്ഷേത്രത്തിന്റെ കീഴേടങ്ങളാണ്‌ . ഒരു കാലത്ത്‌ മലബാറിൽ ഏറ്റവും അധികം ഭൂസ്വത്ത്‌ ഉണ്ടായിരുന്നു അമ്പലമാണിത്‌. പതിനാറായിരം പറ പാട്ടം ഉണ്ടായിരുന്നു ഒരു കാലത്ത്‌ .

കുംഭമാസത്തിലെ ശിവരാത്രി ആറാം ദിവസമായി ഉത്സവത്തിന്‌ കൊടിയേറുന്നു.പിന്നീട്‌ പള്ളിവേട്ടയും ആറാട്ടും നടക്കുന്നു. ഒരു കാലത്ത്‌ ഈ ഏഴ്‌ ദിവസങ്ങളിലായി നടന്നിരുന്ന കഥകളി കേരളത്തിലങ്ങോളമിങ്ങോളം പ്രസിദ്ധി നേടിയിരുന്നു. കഥകളി ലോകത്തെ ഒരുപാട്‌ ഇതിഹാസങ്ങൾ ഇവിടെ കളിച്ചിട്ടുണ്ട്‌. ഇന്ന് ഉത്സവത്തിന്‌ രണ്ട്‌ ദിവസം കഥകളി നടത്തുന്നുണ്ട്‌. മകരമാസത്തിലെ പുണർ തത്തിന്‌ പ്രതിഷ്ഠാദിനമായി കൊണ്ടാടുന്നു. അന്നിവിടെ ഉദയാസ്തമനപൂജയും, കലശാഭിഷേകവും പതിവുണ്ട്‌ .പ്രദോഷം, മുപ്പെട്ട്‌ തിങ്കൾ, തിരുവാതിര, കർക്കിടകമാസ രാമായണമാസാചരണം (കർക്കിടം 15 ദിനങ്ങൾ ഇവിടെ കഞ്ഞിപാർച്ച നടക്കാറുണ്ട് )എന്നിവ പ്രധാനം.ഉദ്ധിഷ്ടകാര്യത്തിന്‌ ശംഖാഭിഷേകം, പിൻ വിളക്ക്‌ , കൂവളമാല, ശ്രീ രുദ്രം ധാര,ചതുശതം എന്നിവ ഭഗവാന്‌ ഇഷ്ട വഴിപാടുകളാണ്‌. സന്താനലബ്ധിക്കായി ഇവിടെ മത്തവിലാസം കൂത്ത്‌ നടത്താറുണ്ട്‌. കന്നിമാസത്തിലെ ആയില്യ മഹോത്സവം , എല്ലാ മുപ്പെട്ട്‌ ശനിയാഴ്ച്ചയും , ഉത്സവത്തിനും നടക്കുന്ന അയ്യപ്പ പൂജ, മീനൂട്ട്‌ എന്നിവയും പ്രധാനം. തിരുവാതിര വാരം ഉണ്ടാവാറുണ്ട്‌. വൃശ്ചിക മാസത്തിൽ ക്ഷേത്രത്തിൽ ശിവപുരാണം ഏകാദശാഹ യഞ്ജവും , കുങ്കുമാർച്ചനയും നടക്കാറുണ്ട്‌.

പഴമയുടെ ഭംഗി ആവോളം ഉള്ളതാണ്‌ തൃപ്പലമുണ്ട മഹാദേവ ക്ഷേത്രത്തിലെ വാസ്തു.മനോഹരമായ ശ്രീകോവിലും, കൊടിമരവും ,പഴമ ആവോളം നിറഞ്ഞു നിൽക്കുന്ന ചുറ്റമ്പലവും, ഒറ്റക്കല്ലിൽ തീർത്ത കവാടമുള്ള ഇരുനില ഗോപുരവും, കരിങ്കല്ലാൽ തീർത്ത തിട്ടും, മരത്തിന്റെ തട്ടും,,അഗ്രശാലയും, പത്തായപ്പുരയും കുളപ്പുരയും എല്ലാം നമുക്ക്‌ ഇവിടെ ചെന്നാൽ കാണാം . പടിഞ്ഞാറെ കുന്നിന്മുകളിൽ നിന്ന് പടികൾ ഇറങ്ങി വന്ന് ഗോപുരം കടന്ന് തേവരെ തൊഴാൻ വരുമ്പോഴേക്കും മനസ്സിൽ ഒരു കുളിർമ്മ തോന്നും നമുക്ക്‌..നാലുഭാഗവും കുന്നുകളാൽ ചുറ്റുമതിൽ തീർക്കപ്പെട്ട , പാടത്തിന്റെ നടുവിൽ ക്ഷേത്രം നിൽക്കുന്ന കാഴ്ച്ച നയനാനന്ദകരമാണ്‌ .പ്രകൃതിദേവതകൾ നൃത്തമാടുന്ന ഭൂമി. നാട്ടുവഴികളും, തണൽമരങ്ങളും, ഈ ക്ഷേത്ര പരിസരത്തിന്‌ ഭംഗി കൂട്ടുന്നു. ശാന്തതയും, പക്ഷികൾ തൻ ഓംകാര ധ്വനിയും നമുക്കാസ്വദിക്കാം ഈ ക്ഷേത്രഭൂമിയിൽ നിന്ന്. മയിലുകൾ തേവർക്ക്‌ വേണ്ടി നൃത്തമാടുന്നിവിടെ. മഞ്ചാടിക്കുരുക്കൾ തപസ്സ്‌ ഇരിക്കുന്നു ഭഗവാന്റെ അനുഗ്രഹത്തിനായീ ഈ പുണ്യ ഭൂമിയിൽ.

ക്ഷേത്രത്തിലേക്ക്‌ പോകുവാൻ ഉള്ള വഴി - പാലക്കാട്‌ നിന്ന് വരുന്നവർ കോങ്ങാട്‌ ചെർപ്പുളശ്ശേരി റോഡിൽ പാറശ്ശേരി നിന്ന് വലത്തോട്ടുള്ള വഴി തിരിഞ്ഞാൽ നേരെ ക്ഷേത്രത്തിലേക്ക്‌ എത്താം. ചെർപ്പുളശ്ശേരി ഭാഗത്ത്‌ നിന്ന് വരുന്നവർ കോങ്ങാട്‌ റോഡിൽ പാറശ്ശേരി നിന്ന് ഇടത്തോട്ട്‌ ഉള്ള വഴി നേരെ ചെന്നാൽ ക്ഷേത്രത്തിലേക്ക്‌ ചെല്ലാം.

കടപ്പാട് : സായിനാഥ്‌ മേനോൻ

12/04/2020

മേലേമമ്പുള്ളി ശിവക്ഷേത്രം, കോങ്ങാട്‌, പാലക്കാട്‌

Melemambulli Shiva Temple, Kongad, Palakkad.

പാലക്കാട്‌ ജില്ലയിലെ കോങ്ങാട്‌ ചല്ലിക്കൽ എന്ന സ്ഥലത്താണ്‌ വള്ളുവനാട്ടിലെ പുരാതന ശിവക്ഷേത്രങ്ങളിലൊന്നായ മേലേ മമ്പുള്ളി ശിവക്ഷേത്രം സ്ഥിതി ചെയ്യുന്നത്‌.കോങ്ങാട്‌ തിരുമാന്ധാംകുന്ന് ക്ഷേത്രത്തിന്റെ കീഴേടം ആണ്‌ മേലേ മമ്പുള്ളി ശിവക്ഷേത്രം.

കിഴക്കോട്ട്‌ അഭിമുഖമായി ശിവ പ്രതിഷ്ഠയാണ്‌ പ്രധാന ശ്രീകോവിലിൽ, കൂടെ പാർവ്വതി സാന്നിധ്യവും ഉണ്ട്‌. ഉപദേവന്മാരായി ഗണപതി, നാഗങ്ങൾ, എന്നീ പ്രതിഷ്ഠകളും ഉണ്ട്‌ . മുരുക സാന്നിധ്യവും ക്ഷേത്രത്തിൽ ഉണ്ട്‌. നിത്യേന രണ്ട്‌ നേരവും പൂജയുണ്ട്‌. ശ്രീ നാരായണ പ്രസാദ്‌ ആണ്‌ മേൽശാന്തി. തന്ത്രി ശ്രീ അണിമംഗലം പരമേശ്വരൻ നമ്പൂതിരിപ്പാടാണ്‌ . ഊരാളൻ ശ്രീ മൊടപ്പിലാപ്പള്ളി മനയ്ക്കലെ ശാസ്തൃശർമ്മൻ നമ്പൂതിരിപ്പാട്‌.മലബാർ ദേവസ്വത്തിന്റെ കീഴിൽ ഉള്ള ക്ഷേത്ര നടത്തിപ്പ് ജനകീയ കമ്മിറ്റിയുടെ കീഴിൽ ആണ് നടക്കുന്നത് .

മേലേ മമ്പുള്ളിയിലെ ശിവരാത്രി കേമാണ്‌. തിരുവാതിര, പ്രദോഷം, വിഷുക്കണി എന്നിവയും .പ്രധാനം.ധാരയാണ്‌ ഭഗവാന്റെ ഇഷ്ട വഴിപാട്‌. ഉമാമഹേശ്വര പൂജയ്ക്കും പ്രാധാന്യം ഉണ്ട്‌ ഇവിടെ . ഒരുപാട്‌ ഭക്ത ജനങ്ങൾക്ക്‌ ഉമാമഹേശ്വര പൂജ ചെയ്തതിൻ ഫലം ലഭിച്ചിട്ടുണ്ട്‌. ഗണപതിയ്ക്ക്‌ മുട്ടറക്കലും,നാഗപൂജയും പ്രധാനം.അമ്പലം തുറക്കുന്ന സമയം പകൽ 5.30-9.30 വൈകുന്നേരം 5.30-7.00
ആയിരം കൊല്ലത്തിലധികം പഴക്കം കാണും മേലേ മമ്പുള്ളി ശിവക്ഷേത്രത്തിന്‌.അതിന്‌ തെളിവ്‌ എന്ന പോലെ ശ്രീകോവിലിന്റെ പടിയ്ക്ക്‌ താഴെ ആയി വട്ടെഴുത്തു ള്ള ഫലകമുണ്ട്‌.കോങ്ങാടിന്റെ സ്വന്തം ചരിത്രകാരൻ ശ്രീ ബാലഗംഗാധരൻ മാഷ്‌,ചരിത്രകാരനും ,പ്രശസ്ത എപ്പിഗ്രാഫിസ്റ്റുമായ ശ്രീ വെളുത്താട്ട്‌ കേശവൻ അദ്ദേഹത്തെ ക്ഷേത്രത്തിലേക്ക്‌ കൊണ്ട്‌ വന്ന് ഈ വട്ടെഴുത്ത്‌ കാണിച്ച്‌ കൊടുക്കുകയും, വട്ടെഴുത്തിന്‌ തന്നെ ആയിരം കൊല്ലം പഴക്കം കാണുമെന്ന് വെളുത്താട്ട്‌ കേശവൻ അദ്ദേഹം അഭിപ്രായപ്പെടുകയും ചെയ്തു. മുഴുവൻ ആയി വട്ടെഴുത്ത്‌ വായിക്കാൻ സാധിച്ചില്ലാ, കാരണം വട്ടെഴുത്തിന്റെ ഭൂരിഭാഗവും ശ്രീകോവിലിന്റെ പടികൾക്ക്‌ അടിയിലാണ്‌ .

ഗ്രാമങ്ങളിൽ മാത്രം കാണുന്ന , ഇന്ന് വളരെ വിരളമായ കാഴ്ച്ചയായ വട്ടശ്രീകോവിലാണ്‌ ഇവിടുത്തേത്‌. പഴമ വിളിച്ചോതുന്ന ചുറ്റമ്പലവും, നമസ്കാര മണ്ഡപവും, മഹാദേവ വാഹനമായ നന്ദികേശ്വരനെയും , പുറത്ത്‌ വലിയ ബലികല്ലും, ആൽത്തറയും കാണാം നമുക്ക്‌.അമ്പലത്തിനോട്‌ ചേർന്ന് പുറത്തായി ഒരു ചെറിയ ശ്രീകോവിൽ കാണാം . അവിടെയും മഹാദേവനാണ്‌ പ്രതിഷ്ഠ . 1835 ഇല്‍‌ കോങ്ങാട്‌ വലിയ നായർ മുൻ കൈ എടുത്ത്‌ നടത്തിയ പ്രതിഷ്ഠ യാണ്‌ ഈ ശ്രീകോവിലിൽ ഉള്ളത്‌. ആദ്യം മേൽപ്പുര ഉണ്ടായിരുന്നില്ലാ ഈ പ്രതിഷ്ഠയ്ക്ക്‌. പിന്നീട്‌ കോങ്ങാട്ടെ പ്രസിദ്ധ സ്വർണ്ണ കച്ചവടക്കാരനായ പുത്തൻ വീട്ടിൽ കുഞ്ചു മൂത്താൻ (1950/51 കാലം) ആണ്‌ ഇപ്പോൾ കാണുന്ന വിധം ശ്രീകോവിൽ നിർമ്മിച്ചത്‌. ഇവിടെയും രണ്ട്‌ നേരം വിളക്ക്‌ വയ്ക്കുന്നുണ്ട്

മേലേമമ്പുള്ളി ശിവക്ഷേത്രം ഒരു കാലത്ത്‌ ഒരുപാട്‌ ഭൂസ്വത്തുള്ള അമ്പലമായിരുന്നു. ഇന്ന് ജനകീയ കമ്മിറ്റിയുടെ നേതൃത്വത്തിൽ ദൈനം ദിന കാര്യങ്ങൾ മുടക്ക്‌ കൂടാതെ വരുന്നുണ്ട്‌ . ക്ഷേത്രത്തിൽ പുനരുദ്ധാരണവും ദ്രവ്യകലശവും നടക്കേണ്ടത്‌ ഉണ്ട്‌. അതിലേക്ക്‌ നല്ലൊരു തുക വേണ്ടി വരികയും ചെയ്യും . നല്ലവരായ ഭക്തജനങ്ങൾ മനസ്സ്‌ വച്ചാൽ മാത്രമെ അതെല്ലാം നടക്കുകയും ചെയ്യുകയുള്ളൂ. ദൂരദേശങ്ങളിൽ ഉള്ളവർക്ക്‌ അമ്പലത്തിലേക്ക്‌ വഴിപാടുകൾ നടത്താൻ ആയി ഈ നമ്പറിൽ 0491 -2845510 വിളിക്കാവുന്നതാണ്

ഇവിടുത്തെ ആൽത്തറയിൽ പോയിരുന്നാൽ ലഭിക്കുന്ന ശാന്തതയും ആ കുളിർ കാറ്റും മഹാദേവന്റെ അനുഗ്രഹം പോലെ മഹത്തരമാണ്‌ . മനസ്സ്‌ ശാന്തമാകാൻ ഇത്തരം ക്ഷേത്രങ്ങളിലേക്ക്‌ ഉള്ള യാത്ര അനിവാര്യമാണ്‌ . പ്രിയരെ ജീവിതത്തിൽ ഒരിക്കൽ എങ്കിലും സമയം കിട്ടുമ്പോൾ ഈ അമ്പലത്തിൽ ഒന്ന് ദർശ്ശനം നടത്തുക . വിളിച്ചാൽ വിളിപ്പുറത്തു ഉള്ള തേവരാണ്‌ . കൈവിടില്ലാ.

കടപ്പാട്‌ : സായിനാഥ്‌ മേനോൻ

28/07/2019

തൃത്താല മഹാദേവക്ഷേത്രം
Thrithala Mahadeva Temple, Thrithala, Palakkad

കേരളത്തിലെ പാലക്കാട് ജില്ലയിലെ തൃത്താല ഗ്രാമത്തില്‍ സ്ഥിതിചെയ്യുന്ന അതിപുരാതന ക്ഷേത്രമാണ് തൃത്താല മഹാദേവക്ഷേത്രം. പരശുരാമനാല്‍ പ്രതിഷ്ഠിക്കപ്പെട്ടു എന്ന് ഐതിഹ്യമുള്ള ക്ഷേത്രമാണിത്. പുരാതന കേരളത്തിലെ 108 ശിവക്ഷേത്രങ്ങളില്‍ പറയുന്ന ഈ മഹാദേവക്ഷേത്രത്തിലെ തേവര്‍ 'തൃത്താലയപ്പന്‍' എന്ന പേരില്‍ അറിയപ്പെടുന്നു.

പാലക്കാട് ജില്ലയിലെ തൃത്താലയിലെ ശിവക്ഷേത്രം പെരുമ കൊണ്ട് ഭാരത പ്രശസ്തി നേടിയ ക്ഷേത്രങ്ങളില്‍ ഒന്നാണ്. പരശുരാമ പ്രാതിഷ്ഠിതമെന്നു പറയപ്പെടുമ്പോഴും കൂടുതല് വിശ്വാസ്യമായ പ്രചാരത്തിലുള്ള ക്ഷേത്രോത്പത്തി സംബന്ധമായ ഐതിഹ്യം ഇപ്രകാരമാണ്. പന്തിരുകുലത്തിലെ പ്രഥമ ഗണ്യനായ മേഴത്തൂര്‍ അഗ്‌നിഹോത്രിയുടെ കുട്ടിക്കാലത്ത് ഒരിക്കല്‍ അദ്ദേഹം കുളിക്കാനായി എണ്ണ നിറച്ച ഒരു കിണ്ണവുമായി ഭാരതപ്പുഴയിലേക്ക് പോകുകയും, എണ്ണതേച്ചു കഴിഞ്ഞപ്പോള്‍ കിണ്ണത്തില്‍ നനഞ്ഞ മണ്ണു വച്ച് ശിവലിംഗമുണ്ടാക്കുകയും പിന്നീട് അത് കരയ്ക്കു വച്ച് പുഴയില്‍ കുളിക്കാനിറങ്ങുകയും ചെയ്തു. കുളി കഴിഞ്ഞ് പോകാന്‍ നേരം അദ്ദേഹം കിണ്ണം എടുക്കാന്‍ ശ്രമിച്ചുവെങ്കിലും ഉയര്ത്താ്ന്‍ കഴിഞ്ഞില്ല. അതില്‍ വന്ന ശിവചൈതന്യം അദ്ദേഹം മനസ്സിലാക്കുകയും പിന്നീട് അവിടെ ശിവക്ഷേത്രം നിര്മ്മി ക്കുകയും ചെയ്തുവെന്നും ഐതിഹ്യം. തിരുത്താലത്തിലപ്പന്‍ എന്നായിരുന്നുവത്രേ ക്ഷേത്രേശന്റെ ആദ്യത്തെ പേര്. പിന്നീട് ആ പേരു ലോപിച്ച് തൃത്താലയപ്പന്‍ എന്നാവുകയും, ആ ദേശം തൃത്താല എന്നറിയപ്പെടുകയും ചെയ്തു. ഒന്പാതാം നൂറ്റാണ്ടില്‍ നിര്മ്മി ക്കപ്പെട്ട ശിവക്ഷേത്രമാണിത്. ശ്രീകോവിലും ശിവലിംഗവും സാമാന്യം വലുതാണ്. ദേവദര്ശ്നം കിഴക്കോട്ടാണ്; കിഴക്കേ നടയില്‍ സാമാന്യം വലിയ ഗോപുരം പണിതീര്ത്തിപട്ടുണ്ട്. ക്ഷേത്രത്തിലെ വിഗ്രഹം ഉറപ്പിച്ചിരിക്കുന്ന പ്രതലം മണല്‍ കൂട്ടിയതിനു സമാനമായാണ് ഇരിക്കുന്നത്. പണ്ട് വേമഞ്ചേരി മനയിലെ അഗ്‌നിഹോത്രി പുഴയിലെ മണലിനാല്‍ തീര്ത്തട ശിവലിംഗമായതിനാലാണ് ഇങ്ങനെയെന്നും ഐതിഹ്യം.

എല്ലാ മഹാക്ഷേത്രത്തിലുള്ളതു പോലെ ഇവിടെയും അഞ്ചു പൂജകളായിരുന്നു പണ്ട് നിത്യേന പതിവുണ്ടായിരുന്നത്. പക്ഷേ കാലാന്തരത്തിലുണ്ടായ മാറ്റത്തില്‍ അതു നിന്നുപോകുകയും ഇപ്പോള്‍ നിത്യേന മൂന്നു പൂജകള്‍ പതിവുമുണ്ട്. കാലടി പടിഞ്ഞാറേടത്ത് മനയ്ക്ക് നിക്ഷിപ്തമാണ് തൃത്താല ക്ഷേത്ര തന്ത്രം. മഹാവിഷ്ണു, ശ്രീകൃഷ്ണന്‍, ഗണപതി, അയ്യപ്പന്‍, ഭഗവതി എന്നിവരാണ് ഉപദേവന്മാര്‍. മഹാവിഷ്ണുവിനെ പ്രത്യേകം ശ്രീകോവിലിലാണ് പ്രതിഷ്ഠിച്ചിരിക്കുന്നത്. തെക്കുകിഴക്കേ കോണിലാണ് വിഷ്ണുക്ഷേത്രം നിര്മ്മി ച്ചിരിക്കുന്നത്. ധനു മാസത്തിലെ തൃത്താല ഉത്സവം കേള്വിവകേട്ടതാണ്. പത്തു ദിവസം നീളുന്ന ഉത്സവത്തിലെ മുഖ്യമായ വിശേഷ ദിവസങ്ങള്‍ തിരുവാതിരയും ആറാട്ടുമാണ്.

തൃശ്ശൂരില്‍ നിന്നും കുന്നംകുളം വഴി എടപ്പാളിലേക്കുള്ള വഴി തൃത്താല പട്ടാമ്പി റൂട്ടില്‍ തൃത്താല സ്‌റ്റോപ്പിലിറങ്ങിയാല്‍ ക്ഷേത്രത്തില്‍ എത്തിച്ചേരാം. ഇവിടെ തൃത്താലയില്‍ അല്പം കിഴക്കു മാറി ഭാരതപ്പുഴയുടെ കരയിലാണ് ക്ഷേത്രം സ്ഥിതിചെയ്യുന്നത്.

28/06/2019

പട്ടിശ്ശേരി ശ്രീ വിഷ്ണു ക്ഷേത്രം, ചാലിശ്ശേരി, പാലക്കാട്‌
Pattissery Sree Vishnu Temple, Chalissery, Palakkad

പാലക്കാട്‌ ജില്ലയിലെ ചാലിശ്ശേരി പഞ്ചായത്തില്‍ പടിഞ്ഞാറെ പട്ടിശ്ശേരി എന്ന ഗ്രാമത്തില്‍ ആണ് ഈ ക്ഷേത്രം സ്ഥിധി ചെയുനത് ശ്രീ മഹാവിഷ്ണു ആണ് ഇവിടുത്തെ പ്രതിഷ്ഠ കൂടാതെ ശ്രീ മഹാഗണപതി , ശ്രീ ധര്‍മശാസ്താവ്,ശ്രീ വനധുര്ഗ , രക്ഷസ് തുടങ്ങി ഒരു ക്ഷേത്രത്തിനു വേണ്ട എല്ലാ ശക്തികളെയും ഇവിടെ പ്രതിഷ്ടിച്ചു ആരാധിച്ചു വരുന്നുണ്ട്.

ഗുരുവായൂര്‍ ശ്രീ കൃഷ്ണ ക്ഷേത്രവും ഈ ക്ഷേത്രവും തമ്മില്‍ അബെധമായൊരു ബന്ധം ഉണ്ട് .മലബാര്‍ ദേവസ്വം ബോര്‍ഡ്‌ നു കീഴില്‍ ആണ് ഈ ക്ഷേത്രം ഇപ്പോള്‍.

ദര്‍ശന സമയം
രാവിലെ 5,00 മുതല്‍ 9,00മണി വരേയു
വൈകിട്ട് 5.30 മുതല്‍ 8.00 മണി വരെ

08/04/2019

കല്ലേക്കുളങ്ങര ശ്രീ മാരിയമ്മൻ ഭഗവതി ക്ഷേത്രം, അകത്തേത്തറ, പാലക്കാട്

Kallekkulangara Mariyamman Temple, Akathethara, Palakkad.

Video : https://youtu.be/I_5hn5unYL4

പാലക്കാട് ജില്ലയിലെ അകത്തേത്തറ പഞ്ചായത്തിൽ കല്ലേക്കുളങ്ങര എന്ന സ്ഥലത്തായി ഒലവക്കോട് റെയിൽവേ സ്റ്റേഷന് 2 കിലോമീറ്ററിനുള്ളിൽ ക്ഷേത്രം സ്ഥിതിചെയ്യുന്നു. തമിഴ്നാട്ടിലെ തിരുച്ചിറപ്പള്ളിയിലെ സമയപുരം മാരിയമ്മൻ ക്ഷേത്രത്തിന്റെ സങ്കല്പമായാണ് കരുതപ്പെടുന്നത്.

ചരിത്രം

കല്ലേക്കുളങ്ങരയിൽ താമസിച്ചുപോരുന്ന തമിഴ് പാരമ്പര്യമുള്ള കുടുംബങ്ങളിൽ പെട്ട ഒരാൾ എല്ലാ വർഷവും സമയപുരം മാരിയമ്മൻ ക്ഷേത്രത്തിൽ ദർശനം നടത്തുക പതിവായിരുന്നു, പല കാരണങ്ങളാലും ദർശനം നടത്താൻ പറ്റാതെ വന്നതോടുകൂടി ദുഖിതനാവുകയും പോംവഴിക്കായി പ്രാർത്ഥിക്കുകയും ചെയ്തു. ഒരുനാൾ സ്വപ്നത്തിൽ ഭഗവതി പ്രത്യക്ഷപ്പെടുകയും അടുത്തുതന്നെ ക്ഷേത്രം നിർമ്മിക്കുവാനുള്ള സ്ഥലം കണ്ടെത്തുവാൻ ആവശ്യപ്പെടുകയുണ്ടായി, അതനുസരിച്ചു സ്ഥലം കണ്ടെത്തി കുഴിക്കുവാൻ ആരംഭിച്ചപ്പോൾ മണ്ണിൽ നിന്നും പാൽ വരികയും അവിടെ അരളി തൈ നടുകയും പിന്നീട് അവിടെ ആരാധിച്ചുപോരുകയും ചെയുന്നു എന്നാണ് ഐതീഹ്യം.

02/04/2019

വളയപുള്ളി ഭഗവതി ക്ഷേത്രം, വള്ളിക്കോട്‌, പാലക്കാട്
Valayapully Bhagavathy Temple, Vallikkode, Palakkad

പാലക്കാട് ടൗണിൽ നിന്നും ഏകദേശം 9 കിലോമീറ്റർ അകലെയായി പാലക്കാട് - കോഴിക്കോട് ദേശീയപാതയിൽ വള്ളിക്കോട്‌ എന്ന സ്ഥലത്തായാണ് ക്ഷേത്രം സ്ഥിതിചെയ്യുന്നത്. പാട്ടുതാലപ്പൊലി ദേശവിളക്ക്, പ്രതിഷ്ടാദിനം എന്നിവയാണ് പ്രധാന വിശേഷ ദിനങ്ങൾ.

ചരിത്രം

നൂറ്റാണ്ടുകൾക്ക് മുൻപ് കൂട്ടാല കുടുംബത്തിലെ ഒരു ശ്രീ രാമ ഭക്തയായ വയസ്സായ സ്ത്രീ വള്ളിക്കോട്‌ മലനിരകൾക്കടിയിൽ വസിച്ചുപോന്നിരുന്ന സമയം രണ്ട് ബ്രാഹ്മണ ബാലന്മാർ ഭവനത്തിലേക്ക് വരികയും വളരെ വിശക്കുന്നുവെന്നും ഭക്ഷണം നൽകണം എന്നും ആവശ്യപ്പെടുകയുണ്ടായി, ആ ബാലന്മാരിൽ എന്തോ ദിവ്യ ശക്തി തോന്നിയ സ്ത്രീ അവർക്കു ഭക്ഷണം നൽകുകയും ചെയ്തു. ഭക്ഷണ ശേഷം വളരെ സന്തോഷവാന്മാരായ അവർ സ്ത്രീയോട് പറഞ്ഞു, നിങ്ങൾ ആരാധിക്കുന്ന ദൈവം നിങ്ങളെ കടാക്ഷിക്കും എന്ന്. അന്ന് രാത്രി കണ്ട സ്വപ്നത്തിൽ ആ സ്ത്രീ തന്റെ ആരാധനാമൂർത്തികളായ ശ്രീ രാമനും ലക്ഷ്മണനായും ആണ് ആ ബാലകരെ കണ്ടത്.

ഏകദേശം 800 വർഷം പഴക്കമുള്ള ക്ഷേത്രമായി കരുതപ്പെടുന്നു, വടക്കോട്ട് ദർശനമായാണ് പ്രതിഷ്ഠ്.

Location : https://goo.gl/maps/3uCocqJnqgD2

Palakkad Temples - പാലക്കാടിലെ ക്ഷേത്രങ്ങൾ

22/08/2021

25/07/2021

04/05/2021

25/02/2021

24/07/2020

12/07/2020

06/06/2020

12/04/2020

28/07/2019

28/06/2019

08/04/2019

02/04/2019

Address

Telephone

Website

Alerts

Contact The Place Of Worship

Shortcuts

Share

Category