19/12/2019
അയ്യനെ കാണാന് പുഷ്പരഥത്തില് പതിനഞ്ചംഗ സംഘം
തിരുവനന്തപുരം : കാട്ടാക്കടയിലെ കുറ്റിച്ചല് പച്ചക്കാട് നിന്ന് വിവിധ മേഖലയില് ജോലി നോക്കുന്നവരും വിദ്യാര്ത്ഥികളും ഉള് പ്പെടെ വിവിധ പ്രായത്തിലെ പതിനഞ്ച് അംഗ സംഘം പുഷ്പരഥത്തില് അയ്യനെ കാണാന് ശബരിമലയിലേക്ക്. കഴിഞ്ഞ അഞ്ചു വര്ഷമായി അയ്യപ്പസ്വാമി സംഘം അരുണിന്റെ നേതൃത്വത്തില് തോവാളയില് നിന്നും എത്തിക്കുന്ന അരളിയും റോസയും താമര പൂവ് ഉള്പ്പടെ ചേര്ത്തു അയ്യന്റെ മനോഹര രൂപം വാഹനത്തിനു മുകളിലായി നിര്മ്മിക്കും പുറമെ കരിക്കിന്കുല, കാമുകിന് കുല, വാഴക്കുല, എന്നിവയും വാഹനത്തിന്റെ ഇരുവശവും അയ്യപ്പന്റെ വിഗ്രഹവും വച്ചു വാഹനത്തെ അലങ്കരിച്ചാണ് രഥം ഒരുക്കുന്നത്. ഒരുമാസം മുന്പേ വ്രതംനോറ്റ് യാത്രക്കുള്ള ഒരുക്കങ്ങള് തുടങ്ങും.
