Pudhuppariyaram Sri Cheruppil Bhagavathy Temple

25/06/2026

നമസ്കാരം..
പുതുപ്പരിയാരം നായർ സമാജം ഹാളിൽ വെച്ച് പുതുപ്പരിയാരം നായർ സമാജത്തിന്റെയും KMNM ക്ലബ്ബിന്റെയും DHK ഡോണേഴ്സ് ഹബ് കേരളയുടെയും നേതൃത്വത്തിൽ ജൂലൈ 12 ഞായറാഴ്ച സംഘടിപ്പിക്കുന്ന സൗജന്യ നേത്ര പരിശോധന ക്യാമ്പിലും, രക്തദാന ക്യാമ്പിലും എല്ലാ അംഗങ്ങളും, അംഗങ്ങളുടെ ബന്ധുമിത്രാദികളും പങ്കെടുത്ത് ഈ സുവർണാവസരം പ്രയോജനപ്പെടുത്തണമെന്ന് അഭ്യർത്ഥിക്കുന്നു. ഇങ്ങനെയുള്ള സൗജന്യ ക്യാമ്പുകളുടെ വിജയം ജനപങ്കാളിത്തമാണ്.
ജൂലൈ 12ന് രാവിലെ 9 മണി മുതൽ ഉച്ചക്ക് 1 മണിവരെയാണ് സമയം. പങ്കെടുക്കാൻ താല്പര്യമുള്ള എല്ലാവരും കൃത്യ സമയത്ത് തന്നെ എത്താൻ താല്പര്യപ്പെട്ടുകൊള്ളുന്നു.

24/06/2026

ആന കേരളത്തിന്റെ ഒരു യുഗം അവസാനിച്ചു 🙏🏻 ആദരാഞ്ജലികൾ 🙏🏻

24/05/2026

നെല്ലിയാമ്പതിയുടെ കാവൽക്കാരന് ആദരാഞ്ജലികൾ 🙏🏻

24/04/2026

ആകാശത്ത് വിസ്മയങ്ങൾ തീർക്കുന്ന ആ വർണ്ണവിളക്കുകൾക്ക് പിന്നിൽ എരിഞ്ഞുതീരുന്ന ചില ജീവിതങ്ങളുണ്ട്. കരിമരുന്നിന്റെ ഗന്ധമുള്ള ആ പാവം മനുഷ്യരുടെ സ്വപ്നങ്ങളും പ്രതീക്ഷകളുമാണ് നിനച്ചിരിക്കാതെ പൊലിഞ്ഞുപോയത്. പ്രിയപ്പെട്ടവരുടെ വേർപാടിൽ നീറുന്ന ആ മനസ്സുകൾക്കൊപ്പം ചേരുന്നു. ആ പുണ്യാത്മാക്കൾക്ക് നിത്യശാന്തി നേരുന്നു.

പ്രണാമം!

11/02/2026

ഗുരുവായൂർ ക്ഷേത്രത്തിൽ പുലർച്ചെ 3 ന് നാഴികമണി 3 അടിച്ചാൽ നിർമാല്യത്തിന് നട തുറക്കും. നൂറ്റാണ്ടുകളായി ഇതാണ് രീതി. 6 പതിറ്റാണ്ടിനിടെ ഒരു ദിവസം മാത്രം മണി അടിക്കാൻ 2 മിനിറ്റ് വൈകി. ഉത്തരവാദിക്കെതിരെ ശിക്ഷാ നടപടി എടുത്തു.

കടുകിടെ വ്യത്യാസമില്ലാതെ ആ ചടങ്ങുകൾ ഇന്നും നടക്കുന്നു എന്നതാണ് ഗുരുവായൂർ ക്ഷേത്രത്തിൻ്റെ സവിശേഷത, ഭക്തജന പ്രവാഹത്തിൻ്റെ അടിസ്ഥാനം. ഇവിടെ ആരും ആർക്കു വേണ്ടിയും കാത്തു നിൽക്കാറില്ല. ഗുരുവായൂരപ്പനാണ് പ്രധാനം.

3 ന് നടതുറന്നാൽ നിർമാല്യം, തൈലാഭിഷേകം, വാകച്ചാർത്ത്, സപ്തശുദ്ധി അഭിഷേകം എന്നിവ കഴിഞ്ഞാൽ വിഗ്രഹത്തിന് കിരീടം ചാർത്തും. കിരീടം വച്ചാൽ ഉടൻ മലർ നിവേദ്യം എന്നത് നിയമമാണ്.

എണ്ണ തേച്ചുകുളി കഴിഞ്ഞ ഉണ്ണിക്കണ്ണൻ വിശന്നാണ് നിൽപ്. ഉടൻ നേദ്യം വേണം.
നേദ്യം കഴിഞ്ഞേ ചന്ദനം ചാർത്തലും ആടയാഭരണങ്ങൾ അണിയിക്കലും പാടുള്ളു. അത്ര തിരക്കിൽ വേണം നേദ്യം. ഈ സമയം ശ്രീലകത്ത് മേൽശാന്തി, ഓതിക്കൻ, കീഴ്ശാന്തിയായി ആറോ ഏഴോ പേർ ഉണ്ടാകും. കിരീടം വച്ചാൽ വാതിലിന് അടുത്ത് ആരാണോ അവർ വാതിൽ അടയ്ക്കണം. ഇതാണ് അവരെ പഠിപ്പിച്ചിട്ടുള്ളത്. പുറത്ത് ആളുണ്ടോ എന്നത് നോക്കേണ്ടതില്ല.

2025 ഒക്ടാബർ 20 ന് മലർനിവേദ്യത്തിന് കിരീടം വച്ച സമയത്ത് വാതിലടച്ചു. അപ്പോൾ ഒരു ഭരണസമിതിയംഗത്തിന് വേണ്ടപ്പെട്ടവർ പുറത്തുണ്ടായിരുന്നു.
അവർക്ക് തോന്നി, വാതിൽ കൊട്ടിയടച്ചത് തങ്ങൾക്ക് നേരെയാണെന്ന്.
മെമ്പർ വിഷയം ഭരണ സമിതിയിലെത്തിച്ചു. 55 കൊല്ലമായി ക്ഷേത്രത്തിൽ ജോലി ചെയ്യുന്ന രാമൻ നമ്പൂതിരിയെ സസ്പെൻസ് ചെയ്തു. ഇന്ന് 99 ദിവസം കഴിഞ്ഞു.

കീഴ്ശാന്തിക്കാർക്ക് അനുവദിക്കാറുള്ള പ്രത്യേക വഴിയിലൂടെ അദ്ദേഹത്തെ തൊഴാൻ വിടരുതെന്നും നിർദ്ദേശിച്ചു. ശമ്പളമില്ല, നേദ്യച്ചോറില്ല, ഗുരുവായൂരപ്പനെ തൊഴാൻ വിടുന്നില്ല.

ചെയർമാനും പരാതി റിപ്പോർട്ട് ഭരണസമിതിയംഗവും കാലാവധി കഴിഞ്ഞ് മാർച്ച് 13 ന് പുറത്തു പോകും. അതു വരെ രാമൻ നമ്പൂതിരി അകത്തു കയറണ്ട എന്നാണത്രേ ഭരണ സമിതി തീരുമാനം.

ശബരിമല സ്വർണപ്പാളി കേസിൽ പ്രതിയായ ഉണ്ണിക്കൃഷ്ണൻ പോറ്റി പോലും 90 ദിവസം കഴിഞ്ഞ് ജയിലിൽ നിന്നിറങ്ങി.

ഗുരുവായൂരിൽ 99 ദിവസം കഴിഞ്ഞിട്ടും 65 വയസ്സെത്തിയ ഒരു ഉപാസകൻ ഗുരുവായൂരപ്പനെ തൊഴാൻ കഴിയാതെ പുറത്തു നിൽക്കുന്നു.

ആരോടും പരാതി പറയാതെ. എല്ലാം ഗുരുവായൂരപ്പൻ തീരുമാനിക്കട്ടെ എന്ന് വിശ്വസിച്ചു.

'ജനാധിപത്യം' എത്ര മഹത്തരമായ പദം....... വി.പി. ഉണ്ണിക്കൃഷ്ണൻ.

14/01/2026

2025 കുമ്മാട്ടിക്ക് നമ്മുടെ ദേശത്ത് എഴുന്നള്ളിപ്പിൽ പങ്കെടുത്ത ബാലുശ്ശേരി ഗജേന്ദ്രൻ ചരിഞ്ഞു.. ഗജരാജന് ആദരാഞ്ജലികൾ..💐

01/01/2026