16/10/2025
ఈ లోకములో ఏ ఒక్కరూ ఏ అంశములోను పరిపూర్ణులు కాదు, ప్రతి ఒక్కరూ ఆయా రంగములలో ఇంకా నేర్చుకుంటున్నావారే.
మనము నేర్చుకున్న స్థాయిలలో వ్యత్యాసాలు ఉండొచ్చు, కానీ మనం ఇంకా పరిపూర్ణతకు దూరంగా ఉన్నామని గుర్తించాలి. మనము చేసిన పనిని మనకంటే ఇంకా బాగా చేయగలిగిన వారు ఖచ్చితంగా ఉన్నారు ఉంటారు అనే జ్ఞాపకం మనకు ఉండాలి.
ఈ జ్ఞాపకము మనలో తగ్గింపును తీసుకురావడం మాత్రమే కాకుండా, ఇతరులతో మనము మంచిగా వ్యవహరించునట్లు సహాయం చేస్తుంది.
మనము పరిపూర్ణులము కాము అనే జ్ఞాపకం కలిగినవారమై మన స్నేహితులెవరైనా ఏదైనా ఒక పని చేసినప్పుడు (అందులో లోపాలు వెతకడం సులభమే గాని) వారిని పరిపూర్ణతలోనికి నడిపించగలుగునట్లు వారిని అభినందిస్తూ మరింత మంచిగా చేయడానికి సలహాలు ఇచ్చే ప్రయత్నం చేద్దాం.
మనము పరిపూర్ణులమని భావించుకుంటూ ఇతరులలో తప్పులు మాత్రమే వెతికే స్వభావాన్ని విడిచిపెడదాం.
దేవా ఈ అంశంలో ఇప్పటి వరకు తప్పిపోయిన విధానాన్ని బట్టి క్షమించండి.
