Irumpil mudipura

🕉ഇരുമ്പിൽ പുളിയിൻകീഴ് ശ്രീഭദ്രകാളി ദേവീക്ഷേത്രം 🕉️
ഇരുമ്പിൽ മുടിപ്പുര എന്നറിയപ്പെടുന്ന ഇരുമ്പിൽ പുളിയിൻകീഴ് ശ്രീഭദ്രകാളി ദേവീക്ഷേത്രം നെയ്യാറ്റിൻകര ഠൗണിൽ നിന്നും 2 കി.മി ഉള്ളിലോട്ട് നെയ്യാറിൻ തീരത്ത് ഇരുമ്പിൽ എന്ന ഗ്രാമത്തിൽ സ്ഥിതി ചെയ്യുന്നു.
🕉️പ്രതിഷ്ഠകൾ🕉️
രണ്ട് തിരുമുടി കളിലായി ശ്രീഭദ്രകാളി ദേവി കുടികൊള്ളുന്നു. ഇതുകൂടാതെ ക്ഷേത്ര ചുറ്റമ്പലത്തിനകത്ത് തന്നെ മഹാഗണപതിയുടെയും അയ്യപ്പസ്വാമിയുടെയും പ്ര

തിഷ്ഠയു ണ്ട്. ചുറ്റമ്പലത്തിന് പുറത്ത് ആയിട്ട് ബാണലിംഗവും നാഗരും കുടികൊള്ളുന്നു
🕉️ഐതിഹ്യം🕉️
ക്ഷേത്രത്തിന്റെ തുടക്കത്തെകുറിച്ചോ മൂത്ത തിരുമുടി എപ്പോൾ നിർമിച്ചു എന്നതിനെക്കുറിച്ചോ പ്രത്യേകിച്ച് തെളിവുകളൊന്നും ലഭ്യമല്ല. ഇവിടെ നിലനിൽക്കുന്ന ഒരു ഐതിഹ്യം ചുവടെ ചേർക്കുന്നു.
രണ്ടു വൃദ്ധയായ അമ്മമാർ നെയ്യാറിൽ കുളിക്കാൻ പോവുകയും അവർക്ക് അവിടെ നിന്ന് ഒരു പാക്ക് ലഭിക്കുകയുണ്ടായി. കുളിച്ചു മടങ്ങിയപ്പോൾ ഒരു സ്ത്രീ ആ പാക്ക് തന്നെ വീട്ടിൽ കൊണ്ടു പോവുകയും ചെയ്തു. തുടർന്ന് ഇവർ ഈ പാക്ക് മുറിക്കുക ഉണ്ടായി അപ്പോൾ അതിനുള്ളിൽ നിന്നും രക്തം പുറത്തുവന്നു എന്നു പറയപ്പെടുന്നു. ഇതേ തുടർന്ന് ദേവപ്രശ്നം വയ്ക്കുകയും പാക്കിൽ ശ്രീ ഭദ്രകാളി ദേവി കുടികൊള്ളുന്നു എന്ന് അറിയുകയും ചെയ്തു.
ഇതേതുടർന്ന് തിരുമുടി പണികഴിപ്പിക്കുകയും ശ്രീഭദ്രകാളി ദേവിയെ അവിടെ കുടിയിരുത്തുകയും ചെയ്തു. ഇവിടമാണ് ഇപ്പോൾ ക്ഷേത്രത്തിന്റെ മൂലസ്ഥാനമായ അറിയപ്പെടുന്നത്.
ഇവിടെ നിന്നും പിന്നീട് ഈഴാഞ്ഞി എന്ന സ്ഥലത്തേക്ക് തിരുമുടി മാറ്റുകയുണ്ടായി.തുടർന്നാണ് ഇന്നുകാണുന്ന സ്ഥാനത്ത് മുടിപ്പുര പണികഴിപ്പിക്കുകയും തിരുമുടി അങ്ങോട്ടു മാറ്റുകയും ചെയ്തത്. ഈഴാഞ്ഞി തെക്കതായി മാറുകയും ചെയ്തു. ഇവിടെയാണ് ദേവിയുടെ ഉടവാൾ സൂക്ഷിച്ചിരിക്കുന്നത്. തൂക്ക് താലപ്പൊലി കുത്തിയോട്ട നേർച്ചക്കാർ ചമയുന്നത് ഇവിടെനിന്നാണ്. ഇന്ന് കാണുന്ന സ്ഥാനത്ത് മുടിപ്പുര മാറിയതിനു ശേഷമാണ് ഇളയ തിരുമുടി നിർമ്മിച്ചത്.
🕉️പുളിയിൻകീഴ് എന്ന പേരുവന്നതിനു പുറകിലുള്ള ഐതിഹ്യം🕉️
ഒരുനാൾ ക്ഷേത്രത്തിൽ കവർച്ചാശ്രമം നടക്കുകയുണ്ടായി. അന്നേരം ക്ഷേത്രത്തിൽനിന്നും കുറച്ചകലെയുള്ള ഒരു പുളിമരത്തിൽ നിന്നും ഒരു സ്ത്രീ ക്ഷേത്രത്തിൽ കള്ളൻ കയറി എന്ന് ഉച്ചത്തിൽ വിളിച്ചു പറയുകയുണ്ടായി. ഇതു കേട്ടുണർന്ന നാട്ടുകാർ കള്ളനെ പിടികൂടി. തുടർന്ന് നടന്ന ദേവപ്രശ്നത്തിൽ ഇത് ദേവിയാണെന്ന് തെളിയുകയും ചെയ്തു. ഇതിനുശേഷമാണ് ഇരുമ്പിൽ ശ്രീഭദ്രകാളി ദേവീക്ഷേത്രം ഇരുമ്പിൽ പുളിയിൻകീഴ് ശ്രീഭദ്രകാളി ദേവീക്ഷേത്രം എന്ന് അറിയപ്പെട്ടു തുടങ്ങിയത്.
🕉️പ്രധാന ഉത്സവങ്ങൾ 🕉️
വർഷംതോറും നടക്കാറുള്ള മീനഭരണി തൂക്കമഹോത്സവം.
ആറു വർഷത്തിലൊരിക്കൽ നടക്കാറുള്ള കാളിയൂട്ട് പറണേറ്റ്മഹോത്സവം.
എഴുന്നെള്ളത്തോടുകൂടി സമാപിക്കുന്ന 41 ദിവസത്തെ മണ്ഡല ചിറപ്പ് മഹോത്സവം.
അരുമാനൂർ കോയിക്കവിളാകം ശ്രീ ഭദ്രകാളി ക്ഷേത്രത്തിൽ ആറു വർഷത്തിലൊരിക്കൽ മാത്രം നടക്കുന്ന ത്രിശക്തി സംഗമവും പറണേറ്റ് മഹോത്സവും.
🕉️മീനഭരണി നേർച്ച തൂക്കത്തിന്റെ പ്രത്യേകതകൾ 🕉️
തൂക്ക നേർച്ച നടക്കുന്ന വേറൊരു ക്ഷേത്രത്തിലും ഇല്ലാത്ത ഒരു പ്രത്യേകത ഇരുമ്പിൽ മുടിപ്പുരയിലുണ്ട്. നേർച്ച തൂക്കം നടത്തുന്ന തൂക്കവില്ല് നെയ്യാറിൽ ആണ് സൂക്ഷിച്ചിരിക്കുന്നത്. നേർച്ച തൂക്കത്തിന് നോയ്മ്പു നിർത്തുന്ന ദിവസം ഇത് നെയ്യാറിൽ നിന്നും എടുക്കുകയും വാദ്യമേളങ്ങളുടെ അകമ്പടിയോടെ ക്ഷേത്ര സന്നിധിയിലേക്ക് എത്തിക്കുകയും ചെയ്യുന്നു. ഇന്നേ ദിവസം തന്നെയാണ് തൂക്ക് താലപ്പൊലി കുത്തിയോട്ട നേർച്ചകളുടെ രജിസ്ട്രേഷനും നറുക്കെടുപ്പും നടക്കുന്നത്.
ചോറൂണ് കൊടുക്കുന്നതിനു മുന്നേവേണം പിള്ളതൂക്കം നടത്തുവാൻ എന്ന ഒരു ആചാരവും നിലനിൽക്കുന്നു.
🕉️പൂജകൾ🕉️
എല്ലാദിവസവും സന്ധ്യാപൂജ ഉണ്ടായിരിക്കുന്നതാണ്.
ചൊവ്വാഴ്ചയും വെള്ളിയാഴ്ചയും ഉച്ചപൂജ ഉണ്ടായിരിക്കുന്നതാണ്.
ആയില്യം നാളിൽ ആയില്യപൂജ ഉണ്ടായിരിക്കുന്നതാണ്.
എല്ലാ ഭരണിനാളിലും പ്രത്യേക പൂജയും അന്നദാനവും ഉണ്ടായിരിക്കുന്നതാണ്.