Delhi Presbyterian Church - PCI(R)

11/01/2026

Delhi Presbyterian Church - PCI(R) saptuam kem dia hong thak Pastor K Goukhansiam Guite vaidawnna program, January 11, 2026, Nipini in nuam leh thupi tak ki zang zou hi. Outgoing local pastor, Pastor K Muanlal leh Incoming pastor, Pastor GK Siam Guite apan saptuamte kepna leh etkaina ding ah saptuam ten kithuahpihna ban zak dia chialna banah 2026 kumthupi pansan a kilamthak ding a saptuamte chialna tomkim nei uhi.

Ruth Muannem, Lalmin Samte, leh Nemsiam & partner te apan phatna laa nuamtak leng ngaihkhiak ahi.

25/12/2025

Delhi Presbyterian Church - PCI(R) in Christmas 2025, thupi "Naungek Jesu Krist a Ki-Lamthakna" (Mathai1:21) pansan in nuamtak mai ki-zang zou hi.

Thugentu Rev.(Dr.) G. Pau Muanthang, Principal, ReST in Neungek Jesu veh a kuan mipil (wise men, magi) te apan ki-lamthak nang sinlai thum; (1) Chihtakna a ki-lamthakna, (2) Ki-pumpiakna a ki-lamthakna, leh (3) Ki-pahna a ki-lamthakna, taitak leh tomkimtak in saptuamte hasotna nei hi. Huan, amah (Rev G Pau Muanthang) laa phuah, Pastor K Muanlal in akaih/tune abawl, leh Delhi PYF in asak laa/video, "A Ta leh Tualsung Mi" honna thupitak leng om hi.

Biakna hunsung in laasiam tuamtuam, tualsung apan leh khual apan hong kuan, Artist Zenngaihsang, Rev.Pau Muanthang & Family, Pastor Muanlal & family, Siamte Valte, Ruth Nuamnem, Lallunmang, Session, leh Delhi PYF te apan phatna laa tuamtuam nuamtak ngiahkhiak ahi.

Delhi Presbyterian Church - PCI(R) sung a Nipi Skul (piching & naupang) te lak a Honors certificate mute, kaitam-pente, marks tam mupen te, tangvom genzel te, leh sinsaktute kipah-pihna thilpiak piak ahi.

Christmas zang, Delhi a member omsa leh Lamka apan Delhi a tate kiang a Christmas hong zang, mikhual melthak, nu-le-pa, leh tanau laina kiang hong bel mithak hunkhop in leng hiai hun nuam leh manpha hong uap ziak un I ki-paak mahmah a, Toupa min I phat ahi.

Biakna zoh in laasak/leng-khawmna hun nuamtak zat ahi. Nitak annkuang dak 7:30PM apan ne in, lungkimtak a ki khen phot ahi.

Tuni a ki released Delhi Presbyterian Youth Fellowship (DPYF) te Phatna laasakna video https://youtu.be/tB4y6Z4_RHI

Facebook: https://www.facebook.com/share/p/1GSvvVAyBn/

20/10/2025

Delhi PYF Day October 19, 2025, Nipini
Message: Rev(Dr) Khen P Tombing
Chief Coordinator, PCIR

20/10/2025

DELHI PYF DAY OBSERVANCE 2025
October 19, 2025, Nipini (Sunday)
Speaker/Message: Rev(Dr) Khen P Tombing
Chief Coordinator, PCIR
YouTube: https://youtu.be/ZIwUaIbe3jQ

Delhi Presbyterian Church - PCI(R) in PYF Day Outdoor sports leh Indoor activity tuamtuam 18-19 October 2025 sung in, lohching tak in ki zou thei hi. Speaker Rev (Dr) Khen P Tombing, Chief Coordinator in Kahlate 3: 27 "Tuailai Lai A Hakkol Puak Ahoih Hi' chih pansan in tuailaite hasotna thumanpha tak nei. Tua khit in Local Pastor leh Moderator, Pastor K Muanlal in tuailaite adia thuumsakna hun zang in hun masa zoh ahi. Hun nihna ah Heutunu Rith Tombing in Tuailaite Haksatna apan Thathak laa ding leh siatna omte nungngatsan a kuhkaltak a pang ding in chouna thupitak bawl hi. Kitaitehna tuamtuam in zom a, nitakann- voksa leh aaksa limtak- paikhom mipi te'n ne in programme zoh/khak ahi.

12/10/2025

Delhi Presbyterian Church - PCI(R) in Pastor's Appreciation Sunday, October 12, 2025, Nipini (Sunday) in lohching leh nuamtak in ki-zang hi. Elder Chinthang apan thutak genna, Pastor te, Toupa' sapna, chialna tang leh Pathian apan mohpuakna piak a omte, phat leh pahtoi tuak mah ahi uh, achih banah, saptuam mipi te'n leng Pastor te nasepna nungthuap, thudot, anuam leh haksa hunte ah kipahman leh lunghimohna I neihte, zasak leh thumsak dia nget zel ding. Pastor te thuhilhna nasep (teaching ministry) mohpuakna piak ahih bang un, hilh a om saptuam te thuman ki-sin kisam hi, chi hi. Phatna laa sakna Delhi PYF apan, Pastor pa phuah ngat, laapawl ki lawmtak mai banah lasiam tuamtuam apan leng laa tamtak ngaih khiak ahi.

Tuateng banah, Department tuamtuam (PCF, PWF, PMF, leh Session in saptuam mipi s*k in) ki-pahpihna thu tomnou leh thilpiak piakna ki-nei hi.

Pastor K Muanlal apan in, innkuan kim a zat khom khak louh poi asak thu leh a sung/family te apan saptuamte vaidawna/muakna nei a, chit leh bukim ziak hi masalou in, hiai Pastor's Appreciation zatna ah, a seppih Pastor dangte nasep thupitaktak te kipahpihna a taklat banah, fellouhna tuamtuam om kha omleh saptuamte'n ngaihdamna ngen in, maban ki-nungthuap ding in chialna leh hiai program thupitak ziak in ki-paak mahmah kahi, chi hi.

03/08/2025

Delhi Presbyterian Church - PCI(R) in
ReST Sunday, (August 3, 2025, Nipini) lohchingtak in ki zangkhin hi.
Reformed Worship nuamtak mai neih ahi a, ReST nasep leh masawnna Mr V. Songgoupiang (MFC Student) apan report video leh athu a ngaihkhiak khit in, Phatna lapawl nuamtak mai Delhi PYF te apan om a, Phamta Pa Chin David (MFC Student) suunna Pastor in makaih in, huaikhit Thugenna leh Thugin Sinsakna Elder MK Lal Gualnam apan ngaihkhiak khit in ReST Sunday program zoh ahi.

Program zatna limlak khenkhat muh theih ding in I taklang ahi.

27/07/2025

Tuni, Nipini, July 27, 2025 Haithak zatna limlaak khenkhat na en ni.

https://youtu.be/Afhft1ybJ30?feature=shared

https://youtu.be/8cPv-O4FUGo?feature=shared

https://www.facebook.com/share/p/15u53WMcek/

Thutak genna YouTube link awl in.

20/07/2025

20/07/2025

PYF (youth group) after song practice today July 20, 2025

15/06/2025

Delhi Presbyterian Church - PCI(R) in Father's Day nuamtak in zang. Pate pahtoina thilpiak, pate adia ngetsakna Rev(Dr) G Pau Muanthang apan, leh Sam23 apan 'Pathian Gingtu A Nei Pa' chih thupi pansan thutak
Nu Chiin Hoihkim apan ngaih khiak ahi.

Biakna zoh seminar, 'Growing Godly Family (Pathian limsak innkuan bawl)' thupi pansan Rev(Dr) G Pau Muanthang, Principal, ReST Mata apan ngaih khiak ahi.

PS: thugente(audio) ngaih theih din koih I sawm ding.

https://youtu.be/98aXm3ejbkg