03/04/2024
विश्व हिंदू परिषद, अहिल्यानगर विभाग बैठक नेवासा येथे मंगळवार दि. ०२ एप्रिल २०२४ रोजी संपन्न झाली...
श्री.समर्थ सदगुरू किसनगिरीजी बाबा पुण्यतिथि निमित्त विश्व हिंदू परिषदेचे केंद्रीय संघटन महामंत्री मिलिंद परांडे यांनी बाबाजी यांच्या समाधीचे दर्शन घेतले. यावेळी महंत गुरूवर्य भास्करगिरीजी महाराज व महंत स्वामी प्रकाशनंदगिरीजी महाराज यांची भेट घेवुन आशीर्वाद घेतले. त्यावेळी संस्थानच्या वतीने त्याचा सन्मान करण्यात आला.
हिंदू समाजातील शक्तीच्या जोरावर हिंदूराष्ट्र टिकून आहे. असे प्रतिपादन विश्व हिंदू परिषदेचे अखिल भारतीय संघटन महामंत्री मिलिंदजी परांडे यांनी केले.
मिलिंद परांडे यांनी म्हटले आहे की, हिंदू मंदिरांच्या कामकाजात प्रत्येक जाती आणि समुदायाने सहभाग घेतला पाहिजे.
विहिंपच्या स्थापनेला ६० वर्षे पूर्ण होत आहेत. विहिंप संघटनेच्या विस्तारासोबत सामाजिक समरसता आणि सेवेच्या कामावर भर देणार आहे. जन्माष्टमीपर्यंत आपले कार्य एक लाख ठिकाणी नेण्याचा संस्थेचा प्रयत्न आहे. बजरंग दलाची शौर्य जागरण यात्रा आणि राम मंदिर गृह संपर्क अभियान यामुळे संघटनेचा विस्तार होण्यास मदत झाली आहे.
हिंदू मंदिरे हिंदू समाजानेच चालवली पाहिजेत. मिलिंद परांडे म्हणाले की, तामिळनाडू राज्यात २०,००० पुजारी प्रशिक्षण व भारतात पहिल्यांदा महिला पुजारी प्रशिक्षण नुकतेच महाराष्ट्रात संपन्न झाले. सध्या आमचे देशात सेवाकार्य ५००० ठिकाणी सुरू आहे.
प्रभू राम आयुष्यभर अन्यायाविरुद्ध लढत राहिले. त्यांनी जनजागृती केली. अन्यायाविरुद्ध उभे राहण्याची हिंमत प्रत्येकामध्ये असली पाहिजे.
विहिंपचे मिलिंदजी परांडे म्हणाले की, प्रभू रामाच्या जीवनात सामाजिक समरसता आहे. ते आदिवासी भागात आणि वनवासी समाजात गेले. त्यांनी प्रत्येक जाती, समाजातील लोकांना आपल्या हृदयात घेतले. हा हिंदूंचा दृष्टिकोन आहे. त्यांनी कर्तव्याला प्राधान्य दिले. रामजींचे कर्तव्य जीवन कठोर होते. त्यांच्या आयुष्यात कोणताही चमत्कार नाही. माणसाने आपले जीवन कसे जगावे, याचा आदर्श त्यांनी मांडला...
बैठकीदरम्यान संघटन मंत्री अनिरुद्धजी पंडित, प्रांत सहमंत्री ॲड.सतीशजी गोरडे, प्रांत विश्वस्त प्रभाकरजी शिंदे, विभाग मंत्री सुनिलजी खिस्ती, उत्तर नगर जिल्हा मंत्री श्रीकांतजी नळकांडे, दक्षिण नगर जिल्हा मंत्री श्री.गजेंद्रजी सोनवणे सहित समस्त आहील्यानगर जिल्ह्यातील विश्व हिंदू परिषद, दुर्गा वाहिनी - बजरंग दलाचे अनेक पदाधिकारी तसेच कार्यकर्ते उपस्थित होतें...
~ विश्व हिंदू परिषद, दुर्गा वाहिनी - बजरंग दल
प्रचार प्रसार विभाग, उत्तर नगर जिल्हा
Vishva Hindu Parishad -VHP विश्व हिंदू परिषद, पश्चिम महाराष्ट्र प्रांत Bajrang Dal Durga Vahini Milind Parande VHP Social Media VHP In News