01/06/2026
അകപറമ്പ് : മോർ ശാബോർ അഫ്രോത്ത് യാക്കോബായ സുറിയാനി കത്തീഡ്രൽ വലിയപള്ളിയുടെ കീഴിൽ പ്രവർത്തിക്കുന്ന യൂത്ത് അസ്സോസിയേഷന്റെയും, ജീവ കാരുണ്യ സമിതിയുടെയും ആഭിമുഖ്യത്തിൽ വിദ്യാരംഭത്തോടനുബന്ധിച്ചു വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു. വികാരി മാരായ റവ. ഫാ. ഗീവർഗീസ്. വി. അരീയ്ക്കൽ, റവ. ഫാ.എൽദോ വർഗീസ് തൈപറമ്പിൽ എന്നിവർ സന്നിഹിതർ ആയിരുന്നു . ട്രസ്റ്റിമാരായ എ. വി. ജോൺസൻ, ജോസ്.പി.വർഗീസ്, സമിതി സെക്രട്ടറി എം. വി. വർഗീസ്, പി. വി. തരിയൻ, യൂത്ത് അസോസിയേഷൻ സെക്രട്ടറി ഡോൺ ഡേവിഡ് , പി. വി. എൽദോ, നിനോ തോമസ് എന്നിവർ നേതൃത്വം നൽകി.
