15/09/2025
धनगर समाजाच्या Scheduled Tribe (ST) आरक्षणाची अंमलबजावणी कधी होणार?
डॉ. बाबासाहेब आंबेडकर यांनी धनगर समाजाला घटनेत अनुसूचित जमातीचे (Scheduled Tribe) आरक्षण दिले होते. मात्र, आजवर ७०+ वर्षे उलटूनही त्याची अंमलबजावणी झालेली नाही! या कालावधीत समाजाचे मोठे नुकसान झाले, परंतु त्याकडे कोणाच्याही लक्ष गेले नाही. आजही धनगर समाजाला हक्काचे ST आरक्षण मिळाले नाही, यामागे राजकीय अनास्था व जाणूनबुजून केलेला विलंब दिसून येतो.
सध्या Scheduled Tribe मधील जमातींसाठी लोकसंख्येनुसार ३५ मतदारसंघ राखीव आहेत. जर धनगर समाजाची ST आरक्षण अंमलबजावणी झाली, तर आणखी ३० ते ३५ मतदारसंघ राखीव होऊ शकतात. हाच राजकीय आरक्षणाचा भीतीदायक मुद्दा पुढे करून धनगर समाजाच्या हक्काची अंमलबजावणी थांबवली जाते, अशी चर्चा आहे. मग प्रश्न उपस्थित होतो की – जर सर्वच राजकीय पक्ष धनगर समाजाच्या ST आरक्षणाला पाठिंबा देत असतील, तर आजवर हा प्रश्न सुटला का नाही?
या विलंबामुळे धनगर समाजाला प्रचंड नुकसान सहन करावे लागले आहे. IIT, IIM, इंजिनिअरिंग, मेडिकल यांसारख्या उच्च शिक्षण क्षेत्रात आणि इतर सर्वच क्षेत्रात समाज मागे पडला आहे. काहीजण स्वतःच्या कष्टाने प्रगती करत असले तरी बहुसंख्य धनगर समाज आजही मागासलेलाच आहे. वस्तुतः, हा समाज इतरांपेक्षा तब्बल ७० वर्षे मागे राहिला आहे.
म्हणूनच, खरा प्रश्न असा आहे की, जर खरोखरच सर्व पक्ष व त्यांच्या नेत्यांनी धनगर समाजाच्या ST आरक्षणाला पाठिंबा दिला असेल, तर आजवर याची अंमलबजावणी का झाली नाही?
#धनगरसमाज ्षण #आरक्षणहक्क #धनगरआरक्षण #70वर्षांचाअन्याय #धनगरआंदोलन #आरक्षणअंमलबजावणी #धनगरएकता #धनगरविकास #धनगरमागासलेपण #आरक्षणलढा
