Sri Rajagopala swami Temple Narsapur

07/01/2026

07/01/2026

స్వామివారి ఆలయంలో వైభవంగా జరిగిన శ్రీ భూ వరాహ సహిత మహా శాంతి హోమ కార్యక్రమం

10/12/2025

పరమ పవిత్రమైన మరియు అత్యంత శక్తివంతమైన ఈ శ్రీ భూ వరాహ సహిత మహా శాంతి హోమ కార్యక్రమంలో పాల్గొని స్వామివారి దివ్య అనుగ్రహానికి పాత్రులు కావాల్సిందిగా కోరుచున్నాము .
ఈ హోమం లో కూర్చునే భక్తులు లేదా మీ గోత్రనామాలతో క్రింది తెలుపబడిన 14 హోమాలు చేయించుకునే భక్తులు జనవరి ఒకటో తారీకు లోపు మీ యొక్క గోత్రనామాలు కింద ఇవ్వబడిన నెంబర్ ద్వారా అర్చక స్వామి వద్ద నమోదు చేసుకోగలరు.

01/11/2025

ఏకాదశి సందర్భంగా ఈరోజు స్వామివారి దివ్యదర్శనం

31/10/2025

భక్తులందరికీ ఆహ్వానం

30/10/2025

🚩బుధవారం సందర్భంగా ఈరోజు స్వామివారి దివ్యదర్శనం.
🚩"శ్రీ అష్ట బుధవార ప్రదక్షిణ దీక్ష" కార్యక్రమంలో భాగంగా ఈరోజు సుమారు 60 మంది భక్తులు స్వామివారికి ప్రదక్షిణలు చేసి మొక్కులు తీర్చుకోవడం జరిగింది.
🚩 మొదటి బుధవారం ప్రదక్షిణలు ప్రారంభించిన వారికి ఈ బుధవారంతో 8 బుధవారాలు పూర్తి అవ్వడంతో , భక్తులు స్వామివారికి అటుకులు బెల్లం తులసిమాల సమర్పణ చేసి శ్రీ అష్ట బుధవార ప్రదక్షిణ దీక్షను స్వామి దివ్య అనుగ్రహంతో పూర్తి చేశారు.

🚩భక్తులకు గమనిక🚩
శ్రీ అష్ట బుధవార ప్రదక్షిణ దీక్ష కొత్తగా ప్రారంభించే వారికి.
🚩 అష్ట కష్టాలతో సతమతమవుతున్న వారు మరియు ఏదైనా ఒక మంచి సంకల్పం లేదా కోరిక నెరవేరాలి అనుకునేవారు, వివాహము సంతానం ఆలస్యం అవుతున్నవారు, వ్యాపార, ఉద్యోగ, ఆర్థిక పరంగా, ఇబ్బంది పడుతున్నవారు, ఎవరు ఏ కష్టంతో సతమతమవుతున్న స్వామికి భక్తి పూర్వకముగా మన కోరిక తెలియజేసుకుని ఎనిమిది బుధవారాలు దీక్షగా మొక్కుకుని, ప్రతి బుధవారం 8 ప్రదక్షిణలు చేసి దీక్ష పూర్తి చేసిన ఎడల సకల సంకల్పములు నెరవేరును.
🚩1. దీక్ష ప్రారంభించే మొదటి బుధవారం ముందుగా సంకట మోచన ఆంజనేయ స్వామి వారికి , ధ్వజస్తంభమునకు నమస్కారం చేసుకొని ప్రదక్షిణములు చేయవలెను.
2. 8 ప్రదక్షిణములు పూర్తి అయ్యాక స్వామివారికి మొదటి వారం కొబ్బరికాయ నైవేద్యంగా సమర్పణ చేసి దర్శనం చేసుకోవలెను.
3. ప్రతి బుధవారం కచ్చితంగా తల స్నానం చేసి ఈ యొక్క దీక్షలో పాల్గొనవలెను.
4. దీక్ష పూర్తి అయ్యేంతవరకు ప్రతి బుధవారం మాంసాహారం , మద్య పానీయాలు స్వీకరించరాదు.
5. ప్రతి బుధవారం 8 ప్రదక్షిణలు పూర్తి అయ్యేంతవరకు ఏ విధమైన ఆహార పదార్థాలు తీసుకోరాదు, (కాఫీ, టీ, మంచినీళ్లకు ఇబ్బంది లేదు), ఒకవేళ ఎవరికైనా ఆరోగ్య పరంగా ఇబ్బంది ఉంటే మాత్రం అన్నంతో వండిన పదార్థం కాకుండా మిగిలినది ఏదైనా అల్పాహారంగా తీసుకోవచ్చు.
6. ఎనిమిదవ బుధవారం 8 ప్రదక్షిణములు పూర్తి అయ్యాక స్వామివారికి అటుకులు, బెల్లం, తులసిమాల సమర్పణ చేసి హారతి తీసుకుని దీక్ష ముగించవలెను.
7. ఒకవేళ మధ్యలో ఏదైనా బుధవారం ఆటంకం వచ్చిన ఎడల తర్వాత బుధవారం చేసుకోవచ్చు ఇబ్బంది లేదు.
8. ఒకవేళ వరుసగా "మూడు" బుధవారాలు కుదరనీయడల తిరిగి మళ్లీ ఒకటవ బుధవారం నుంచి దీక్ష ప్రారంభం చేసుకోవలెను.
9. ప్రదక్షిణములు చేస్తున్నంతసేపు స్వామివారి నామస్మరణ చేస్తూ ఉండవలెను.

17/10/2025

చాతుర్మాస ఏకాదశి మహోత్సవ దీక్షా కార్యక్రమంలో భాగంగా ఎనిమిదవ ఏకాదశి అయిన రమ ఏకాదశి పురస్కరించుకుని స్వామివారికి ఈరోజు విశేష పంచామృత అభిషేక కార్యక్రమం, సహస్రనామ పుష్పార్చన పూజ, పంచ హారతుల కార్యక్రమం అత్యంత వైభవంగా జరిగాయి. ఈ సందర్భంగా ఈరోజు స్వామివారి దివ్యదర్శనం