shree_dattguru

shree_dattguru श्री गुरुदेव दत्त
कृष्णा सुपंचगंगा अनादी संगमी| राहे यतिवर तरूतळी| तो हा माझा कुळस्वामी||

29/07/2026

श्री गुरुदेव दत्त

Follow:- श्री_दत्तगुरु

प्रेतं विप्रं जीवयित्वा S स्तजूर्तिंयश्चक्रे दिक्शालिनीं स्वीय कीर्तिं llविस्मृत्यास्मान् किं स गाढं निदद्रौश्रीपादद्रौ ...
03/07/2026

प्रेतं विप्रं जीवयित्वा S स्तजूर्तिं

यश्चक्रे दिक्शालिनीं स्वीय कीर्तिं ll

विस्मृत्यास्मान् किं स गाढं निदद्रौ

श्रीपादद्रौ वापदाहा निदद्रौ ll

वल्लभेश ब्राह्मण उदरनिर्वाहाकरिता व्यापार करीत असे .श्रीपाद श्रीवल्लभांचा भक्त अशा त्याने एके वर्षी मनात संकल्प केला कि यावर्षी व्यापारात फायदा झाल्यास मी सहस्त्र ब्राह्मण भोजन घालेन . व्यापारार्थ तो जिथे जाईल तिथे त्याला पुष्कळ नफा झाला आणि संकल्पपूर्तीकरिता तो द्रव्य घेऊन कुरवपुरास निघाला . त्याच्याकडील धनाच्या लोभाने तीन चोर सोबत निघाले . एके दिवशी पहाटे त्या चोरांनी द्रव्य हिरावून घेत त्या वल्लभेशाला ठार केले . मरताना त्याने श्रीपादांचा धावा केला आणि तात्काळ श्रीपाद श्रीवल्लभ तिथे प्रकट झाले . दोघां चोरांना क्षणात ठार करून ते तिसऱ्याकडे वळले असता तो पाया पडून म्हणाला ,मी मारण्याकरिता आलो नव्हतो . क्षमा करा . तेव्हा त्याला विभूती देऊन वल्लभेशाला ती विभूती लावावयास सांगून ते गुप्त झाले . वल्लभेश सजीव होताच वृत्तांत समजला आणि श्रीपाद चोराच्या दृष्टीला पडले पण आपल्याला नाही म्हणून वाईट वाटले आणि पुढे संकल्प पूर्ती करिता झाला .

 

तेच दयार्द्र श्रीपाद आमच्यासारख्या अनाथ, दीन, दुबळ्या लोकांना विसरून दूर असलेल्या पर्वतावर किंवा घनदाट छायायुक्त औदुंबर किंवा अश्वत्थाखाली निजलेत काय ?? नाहीतर आमची आर्द्रवाणी ऐकून आमच्यावरही कृपा केली असती. श्रीगुरुदेव दत्त !!!---अभय आचार्य

Follow:- श्री_दत्तगुरु

08/05/2026

जोडुनीया कर चरणी ठेविला माथा
परिसावी विनंती माझी सदगुरु नाथा !! !!

असो नसो भाव आलो तुझीया ठाया!
कृपादुष्टी पाहे मजकडे सदगुरु राया!! !!

अखंडीत असावे ऐसे वाटते पायी !
सांडुनी संकोच ठाव थोडासा देई!! !!

तुका म्हणे माझी सेवा वेडी वाकुडी !
नामे भवपाश हाती आपुल्या तोडी !! !!

Follow:-

25/01/2026

भगवती श्री कृष्णावेण्णा उत्सव आरंभ, श्री नृसिंहवाडी

Follow -

आणखीन कोणतेही उपचार नसोत ,शीतल जल हि ज्याची आवड आहे ,स्मरण करणारा कोणीही असो त्याची भक्त म्हणून निवड आहे ,नित्य स्मरणकर्...
30/12/2025

आणखीन कोणतेही उपचार नसोत ,शीतल जल हि ज्याची आवड आहे ,स्मरण करणारा कोणीही असो त्याची भक्त म्हणून निवड आहे ,नित्य स्मरणकर्त्याचा योगक्षेम चालावा म्हणून अहोरात्र धडपड आहे ,ज्याला कोणाचा आधार नाही अशा भक्तांचा जो आधारवड आहे ,भक्तकाजाकरिता अन्य कामे बाजूस ठेऊन ज्याला सवड आहे ,शत्रू भयात आपल्या भक्तांची जो कड घेतो ,नित्य आपले भक्त आपल्या सन्निध असावेत हि ज्याला निकड वाटते ,अडचणीत असलेला भक्त पाहून आपले अश्रू लपवणे ज्याला जड आहे ,मुमुक्षूंना ज्याचे स्थान म्हणजे मैलाचा दगड आहे ,नृसिंहवाडी हा ज्याच्या राजधानीचा गड आहे ,भयाला भय रुपी अग्नीची चूड लावणारा , अशा दत्त महाराजांना आमचे वंदन असो .

एके जागी स्थिर नसलेला असा तो आपल्या भक्तांचे चित्त आपल्यापाशी स्थिर राहावे म्हणून भक्तांच्या हृदयात स्थिर असतो . भक्तांसाठी अत्यंत कनवाळू असे ते अभक्तांसाठी मात्र वज्राहून कठोर भासतात . दंड आणि कमंडलू हाती घेत अभक्तांना भयाने नित्य स्मरण करावयास लावून मुक्ती देतात .रोग परिहार हि लीला का ? तर कोणत्याही पीडेमध्ये ,वेदनेमध्ये माझे स्मरण कठीण आहे तेव्हा रोगमुक्ती देऊन या भक्तांना सेवेची संधी द्यावी या विचाराने हि लीला दाखवली आहे . माध्यान्हाला कधी जोंधळ्याच्या कण्या ,कधी घेवड्याच्या उकडलेल्या शेंगा तर कधी केवळ तापवलेले दूध असे भक्तांच्या दारिद्र्य दोषासहित स्वीकारतात आणि 'इह' प्राप्तीचा वर देऊन 'पर' करिता आपल्या स्वरूपाच्या उपासनेची संधी देतात .

काय केले असता माझी प्राप्ती होईल ? या प्रश्नाचे उत्तर दत्त महाराजांनी केवळ नमस्कार रुपी स्मरणाने इतकेच दिले आहे . मोठे यज्ञ याग केले नसतील ,मोजून केलेल्या यात्रांची संख्या हाती नसेल ,गीर्वाण भाषेचे ज्ञान नसल्याने स्तोत्र मंत्र आदी माहीत नसतील तरी केवळ भावाने हाक मारणारा माझा भक्त आहे आणि त्याचा योगक्षेम मी चालवेन हे दत्त महाराजांचे वचन आहे .

या वचनाला जागत सत्यसंध असे ते आम्हाला सांभाळून घेत आहेत ,पुढेही अशीच कृपा राहो हो नमस्कार रुपी प्रार्थना ! श्रीगुरुदेव दत्त !!!---अभय आचार्य
Follow:-

23/12/2025

श्री गुरुदेव दत्त....

Follow:-

22/12/2025

श्री नृसिंह सरस्वती स्वामी महाराजांचा जन्मकाळ श्री क्षेत्र गाणगापूर येथे माध्यान्हकाळी संपन्न झाला.
Follow:-

Vd from what's all

आराध्य श्री नृसिंह सरस्वती स्वामी दत्त महाराजांचा जन्मकाळ....||विजयते श्रीनृसिंह सरस्वती स्वामी महाराज||Follow:- ...
21/12/2025

आराध्य श्री नृसिंह सरस्वती स्वामी दत्त महाराजांचा जन्मकाळ....
||विजयते श्रीनृसिंह सरस्वती स्वामी महाराज||
Follow:-

21/12/2025

श्रीक्षेत्र नृसिंहवाडी येथील श्रीमहाराजांचा जन्मकाळ दुपारी 12 वाजता संपन्न झाला
Follow:-

दत्त महाराजांचे आपल्या भक्तांकडे नित्य अगदी बारीक लक्ष असते ,केवळ भक्तच नाहीत तर त्यांच्या मुलाबाळांचा योगक्षेम उत्तम ...
20/12/2025

दत्त महाराजांचे आपल्या भक्तांकडे नित्य अगदी बारीक लक्ष असते ,केवळ भक्तच नाहीत तर त्यांच्या मुलाबाळांचा योगक्षेम उत्तम चालला आहे ना हे ते आवर्जून पाहत असतात . आता इथे प्रश्न असा आहे कि असं काही वावगं वाटल्यास किंवा काही गरज असल्यास महाराज सांगत असतील का ? तर योग्यता असल्यास प्रत्यक्ष सांगतात आणि काहींना अप्रत्यक्ष सांगणे अथवा सूचित करणे मात्र अवश्य होते.

काही प्रत्यक्ष सूचित करण्याची उदाहरणे पाहता थोरल्या महाराजांची नृसिंहवाडी भेट पाहता येईल . वेषभूषेवरून थोरल्या महाराजांचे विषयी किंतु उत्पन्न होऊन पाणी घालू दिले नाही आणि तसेच थोरले महाराज घाट चढून वर येऊ लागले . त्याच वेळी गोविंदस्वामी महाराज वरती पोथी वाचत होते ,त्यांना दत्त महाराज म्हणाले, पोथी वाचण्याचे सोडून खाली काय चालले आहे ते पहा . लगेच पोथी वाचन थांबवून गोविंदस्वामी महाराज खाली घाटावर आले आणि आपला दंड थोरल्या महाराजांचे हाती देऊन त्यांना पाणी घालण्याकरता घेऊन गेले ,

दुसरे उदाहरण म्हणजे नारायणस्वामी महाराजांचे . आपल्या दोन्ही कन्यांना एका आप्तांकडे ठेऊन नारायणस्वामी महाराज नृसिंहवाडीला दत्त महाराजांचे सेवेत होते . एक दिवस दत्त महाराज नारायण स्वामी महाराजांना म्हणाले कि मुलांचे संगोपन जसे माता पित्याकडून होते तसे आप्त स्वकीयांकडून होतेच असे नाही तेव्हा दोन्ही मुलींना इथे आपलेपाशी घेऊन यावे . इथे गोविंद स्वामी महाराज आणि नारायण स्वामी महाराज हे अधिकारी होते त्यामुळे दत्त महाराज आणि त्यांचा थेट संवाद झाल्यास वावगे वाटणार नाही पण इतर अनेकांना महाराज कसे सूचित करत असतील ?

दत्त महाराज माध्यम रूपाने अनेकदा आपला मनोदय व्यक्त करतात ,याचे उदाहरण म्हणजे गर्ग मुनींनी कार्तवीर्याला केलेले मार्गदर्शन ,किंवा गुरुचरित्रात मांडीवर फोड झालेल्या बादशहाला झालेले मार्गदर्शन हे ह्याचेच उदाहरण आहे . अलर्काला वाटेत साधू कुठे भेटतील हे सांगणारा मार्गदर्शक कोणाच्या इच्छेने हे सांगत होता ? मनाचे कारक आणि बुद्धीचे प्रेरक दत्त महाराज आहेत . हे सर्व माध्यमरूपातून झालेले उपदेश म्हणजे दत्त महाराजांनी केलेली योजना होती असं म्हणायला हरकत नाही .

आपल्यासारख्या सामान्यांना देखील अनेकदा असे मार्गदर्शन होत असते पण मनाच्या कवाडांना बंद करून बसलेलो आम्ही ते ओळखू शकत नाही मग पुन्हा हात जोडून प्रार्थना करत म्हणतो ते मन निष्ठुर न करी आता!! श्री गुरुदेव दत्त
-अभय आचार्य
Follow:-

Address

Nanded
431604

Website

Alerts

Be the first to know and let us send you an email when shree_dattguru posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to shree_dattguru:

Shortcuts

Share

Category