Dzongkar Choede Monastery

03/10/2026

༄༅། །འདི་གའི་གཞུང་ཆེན་སློབ་གཉེར་བ་རྣམ་པས་ལྷག་བསམ་དང་འབད་བརྩོན་ཆེན་པོས་གཞུང་ཆེན་སློབ་གཉེར་ལ་བརྩོན་བཞིན་པ་དང་། ལྷག་པར་ཡོང་ལ་ཉེ་བའི་གཞུང་ཆེན་མོའི་ལོ་འཁོར་རྩོད་རྒྱུགས་དང་། རྒྱུགས་སྤྲོད་གལ་ཆེན་ཁག་གི་ཆེད་དུ། འཛིན་གྲྭའི་ནང་ཁུལ་དུ་བགྲོ་གླེང་དང་། སྐྱར་སྦྱོང་སོགས་རྒྱ་ཆེར་གནང་བཞིན་པ།

30/09/2026

ཐོག་མར་ཕྱི་ལོ་ ༢༠༢༦ ལོའི་ཟླ་ ༣ ཚེས་ ༡༢ ཉིན་རྒྱ་ནག་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་ཐོག 《མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས》 ཞེས་པའི་ཁྲིམས་ཡིག་ཅིག་གཏན་འབེབས་བྱས་ཏེ་དངོས་སུ་ལག་བསྟར་འགོ་འཛུགས་ཟིན་པའི་དོན་ཚན་བཅོ་ལྔ་པར།

“རྒྱལ་ཁབ་ཀྱིས་ཕྱོགས་ཡོངས་ནས་རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱབ་གདལ་དུ་གཏོང་རྒྱུ། རྩ་འཛུགས་གང་དང་མི་སྒེར་སུ་ཞིག་ཡིན་རུང་སྤྱི་དམངས་ཀྱིས་རྒྱལ་ཁབ་ཀྱི་སྤྱི་སྤྱོད་སྐད་ཡིག་སློབ་སྦྱོང་དང་བཀོལ་སྤྱོད་བྱེད་པར་འགོག་རྐྱེན་བཟོས་མི་ཆོག
སློབ་གྲྭ་དང་དེ་བཞིན་སློབ་གསོའི་སྒྲིག་གཞི་གཞན་དག་གིས་རྒྱལ་ཁབ་ཀྱི་སྤྱི་སྤྱོད་སྐད་ཡིག་ནི་སློབ་གསོ་དང་སློབ་ཁྲིད་དུ་སྤྱོད་པའི་གཞི་རྩའི་སྐད་དང་ཡི་གེར་འཛིན་རྒྱུ། རྒྱལ་ཁབ་ཀྱིས་སློབ་ལོ་མ་སོན་པའི་བྱིས་པས་སྤྱི་སྐད་ཤེས་པ་དང་། འོས་འགན་སློབ་གསོ་ལེགས་འགྲུབ་བྱུང་བའི་གཞོན་ནུ་དང་ལོ་ཆུང་གིས་རྒྱལ་ཁབ་ཀྱི་སྤྱི་སྤྱོད་སྐད་ཡིག་གཞི་རྩའི་ཆ་ནས་ཁོང་དུ་ཆུད་པར་སྐུལ་འདེད་གཏོང་རྒྱུ།”

ཞེས་པའི་སྲིད་བྱུས་ངན་པ་འདི་དག་གིས་བོད་མི་རིགས་ཀྱི་ངོ་བོའི་སྲོག་རྩ་བོད་ཀྱི་སྐད་ཡིག་ཉམས་རྒུད་དང་རྩ་བརླག་ཏུ་འགྲོ་རྒྱུ་གཏན་འཁེལ་བར་སོང་། ཉེ་ལམ་བཀའ་སྤྱི་ཐུན་མོང་ནས་གདོང་ལེན་བྱེད་པའི་ལམ་སྟོན་གྱི་ཆ་ཤས། “བོད་མི་རིགས་ཀྱི་ངོ་བོ་གཅེས་སྲུང་གི་གཟའ་འཁོར” ཞེས་ལོ་ལྟར་ཕྱི་ཟླ་ ༩ པའི་ཟླ་མཇུག་གི་གཟའ་འཁོར་ ༡ རིང་ཆེད་དུ་སྤེལ་རྒྱུར་བོད་མིའི་འདུས་སྡོད་ཀུན་ལ་གསལ་བསྒྲགས་གནང་བ་ལྟར། ཕྱི་ལོ་ ༢༠༢༦ ཟླ་ ༩ ཚེས་ ༣༠ རེས་གཟའ་ལྷག་པའི་ཉིན་འདི་ག་རྫོང་དཀར་ཆོས་སྡེ་འབྲིང་རིམ་སློབ་གྲྭའི་སློབ་ཕྲུག་ཐུན་མོང་ནས་བོད་མི་རིགས་ཀྱི་ངོ་བོ་གཅེས་སྲུང་གི་ཆེད་དུ་འགྲེམ་སྟོན་ཞིག་བཤམས་སྟོན་གནང་ཡོད།

༡༽ འཛིན་རིམ་བཅུ་པས། བོད་ཀྱི་བཙན་པོའི་གདུང་རྒྱུད་དང་འབྲེལ་བའི་ངོ་སྤྲོད།
༢༽ འཛིན་རིམ་དགུ་པས། ཆོས་ལུགས་དང་འབྲེལ་བའི་ཡུལ་སྲོལ་གོམས་གཤིས།
༣༽ འཛིན་རིམ་བརྒྱད་པས། བོད་ཀྱི་གནས་ཆེན།
༤༽ འཛིན་རིམ་བདུན་པས། བོད་ཀྱི་ཁ་ཟས།
༥༽ འཛིན་རིམ་དྲུག་པས། བོད་ཀྱི་ཆས་གོས།
༦༽ འཛིན་རིམ་ལྔ་པས། བོད་ཀྱི་ཡིག་གཟུགས་འདྲ་མིན།
༧༽ འཛིན་རིམ་གསུམ་པ་དང་བཞི་པས། རྩམ་པ་ (སྤགས་) ཟ་སྟངས་དང་བོད་ཀྱི་སེམས་ཅན།
༨༽ འཛིན་རིམ་དང་པོ་དང་གཉིས་པས། གླང་ཆེན་ས་ཞགས་དང་ཐག་འཐེན་རྩེད་མོ་བཅས།།

29/09/2026

༄༅།།རྫོང་ཆོས་དགའ་ལྡན་འཕེལ་རྒྱས་གླིང་གྲྭ་ཚང་གི་འབྲིང་རིམ་སློབ་གྲྭའི་ངོས་ནས་བོད་ཀྱི་སྐད་དང་རིག་གཞུང་། ངོ་བོ་བཅས་གཅེས་སྲུང་གི་ཆེད་བོད་ཀྱི་ཉིན་མོ་སྲུང་བརྩིའི་འགྲེམ་སྟོན་ལ་ཕེབས་པར་དགའ་བསུ་ཞུ།

On behalf of Dzongchoe Secondary School, we warmly welcome you to this exhibition celebrating Tibetan Day. This special occasion is dedicated to preserving and promoting the Tibetan language, culture, heritage, and identity for generations to come.

28/09/2026

ཁ་ཉིན་སྦེང་ལོར་ (Bengaluru) དུ་གྲངས་ཉུང་མི་རིགས་ཀྱི་ལྷན་འཛོམས་ཐོག ཀར་ན་ཊ་ཀའི་མངའ་སྡེ་བློན་ཆེན་ D.K. ཤི་བ་ཀུ་མཱར་མཆོག་དང་། གྲངས་ཉུང་མི་རིགས་ལས་ཁུངས་ཀྱི་བློན་ཆེན་ཟ་མིར་ཨཱ་ཧ་མེད་ཁཱན་ མཆོག་རྣམ་གཉིས་དང་ལྷན་དུ། འདི་ག་རྫོང་ཆོས་གྲྭ་ཚང་གི་དགེ་འདུན་པ་ ༡༣ ཙམ་མཉམ་ཞུགས་གནང་ཞིང་། བློན་ཆེན་གཉིས་ལ་འཚམས་ཞུའི་མཇལ་དར་དང་གྲངས་ཉུང་མི་རིགས་བློན་ཆེན་ལ་༧གོང་ས་མཆོག་གི་བཀའ་རྩོམ་བོད་དང་བོད་མིའི་མགྲིན་ཚབ་ཅེས་པའི་ཕྱག་དེབ་ཕུལ།

The day before yesterday in Bengaluru, around 13 monks from Dzongchoe Monastery attended a minority community gathering alongside the Chief Minister of Karnataka, D.K. Shivakumar, and the Minister for Minority Welfare, Zameer Ahmed Khan. During the event, the monks presented ceremonial scarves (khata) to both ministers and gifted a book titled Voice for the voiceless by His Holiness the Dalai Lama to the Minority Welfare Minister.

26/09/2026

20/09/2026

སྟོད་ཡིག་ཚང་ཆེན་མོ་ལེགས་གྲུབ་ཀྱི་དབུ་འབྱེད།

ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་རྩོམ་རིག་སློབ་དཔོན་འབུམ་ར...

18/09/2026

ཀཐ་མན་གྲུའི་དགོན་སྡེ་ཁག་ཏུ་ཡོད་པའི་ཆུ་ལོག་གནོད་ཐེབས་ཁྱིམ་ཚང་མང་པོ་ཞིག་ལ་རོགས་སྐྱོར་ལས་དོན་གནང་བཞིན་པ།
Dzongkar Choede Monastery expresses its heartfelt appreciation to all the generous donors, dedicated monks and nuns, volunteers, and everyone who contributed their time, compassion, and support to provide relief assistance to the flood-affected families staying at monasteries in Kathmandu. Your kindness has brought comfort, hope, and relief to those in need.