02/10/2025
ಎಲ್ಲ ಆಸ್ತಿಕ ಬಂಧು ಬಾಂಧವರಿಗೆ ವಿಜಯದಶಮಿ (ವಿದ್ಯಾ ದಶಮಿ) ಹಬ್ಬದ ಶುಭಾಶಯಗಳು...
ವಿಜಯ (ವಿದ್ಯಾ) ದಶಮಿ ಅತ್ಯಂತ ಪವಿತ್ರದಿನವಾಗಿದೆ. ಒಂಭತ್ತು ದಿನಗಳ ಕಾಲ ಮಹಿಷಾಸುರನ ವಿರುದ್ಧ ಯುದ್ಧ ಮಾಡಿದ ಚಾಮುಂಡೀ ದೇವಿಯು ಮಹಿಷನನ್ನು ಕೊಂದು ವಿಜಯವನ್ನು ಪಡೆದ ದಿನವೇ ವಿಜಯ ದಶಮಿ.
ಹತ್ತು ತಲೆಯ ರಾವಣಾಸುರನ ವಿರುದ್ಧ ಭಗವಾನ್ ಶ್ರೀರಾಮಚಂದ್ರನು ವಿಜಯವನ್ನು ಪಡೆದ ದಿನವೇ ಈ ವಿಜಯದಶಮಿ.
ಈ ದಿನದಂದೇ ಅಜ್ಞಾತವಾಸವನ್ನು ಮುಗಿಸಿ ಶಮೀ ವೃಕ್ಷವನ್ನು ಪೂಜಿಸಿದ ಪಾಂಡವರು ಸೀಮೋಲ್ಲಂಘನ ಮಾಡಿದ್ದರು.
ಶಮೀ ಶಮಯತೇ ಪಾಪಂ ಶಮೀ ಶತ್ರು ವಿನಾಶಿನಿ !
ಅರ್ಜುನಸ್ಯ ಧನುರ್ಧಾರೀ ರಾಮಸ್ಯ ಪ್ರಿಯದರ್ಶಿನಿ !!
ಅಮಂಗಲಾನಾಂ ಶಮನೀಂ ಶಮನೀಂ ದುಷ್ಕೃತಸ್ಯ ಚ |
ದುಸ್ವಪ್ನನಾಶಿನೀಂ ಧನ್ಯಾಂ ಪ್ರಪದ್ಯೇಹಂ ಶಮೀಂ ಶುಭಾಂ ||
‘ ಅಮಂಗಲಗಳನ್ನು ನಿವಾರಿಸುವ, ಪಾಪಗಳನ್ನು ಹೋಗಲಾಡಿಸುವ, ದುಸ್ವಪ್ನಗಳನ್ನು ನಿವಾರಿಸುವ ಮಂಗಳರೂಪಿಯಾದ ಶಮಿಯನ್ನು ಶರಣು ಹೊಂದುತ್ತೇನೆ ’ ಎಂದು ಭಕ್ತಿಯಿಂದ ಶಮೀ ವೃಕ್ಷವನ್ನು ವಿಜಯದಶಮಿಯ ದಿನ ಪೂಜೆ ಮಾಡುತ್ತಾರೆ.
ವಿಜಯದಶಮಿಯು ವರ್ಷದ ಅತ್ಯಂತ ಪವಿತ್ರವಾದ ದಿವಸಗಳಲ್ಲಿ ಒಂದು. ಈ ದಿನ ಸೀತಾರಾಮರನ್ನೂ ಪೂಜಿಸುತ್ತಾರೆ. ವಿಶೇಷವಾಗಿ ಸರಸ್ವತೀ ಪೂಜೆ ಮತ್ತು ವಿದ್ಯಾರಂಭವನ್ನು ವಿಜಯದಶಮಿಯಂದೇ ಮಾಡುತ್ತಾರೆ.
‘ ಸರಸ್ವತಿ ನಮಸ್ತುಭ್ಯಂ ವರದೇ ಕಾಮರೂಪಿಣಿ|
ವಿದ್ಯಾರಂಭಂ ಕರಿಷ್ಯಾಮಿ ಸಿದ್ಧಿರ್ಭವತು ಮೇ ಸದಾ ||
ಸುರಾsಸುರಾಸೇವಿತಪಾದಪಂಕಜಾ
ಕರೇ ವಿರಾಜತ್ಕಮನೀಯಪುಸ್ತಕಾ |
ವಿರಿಂಚಿಪತ್ನೀ ಕಮಲಾಸನಸ್ಥಿತಾ
ಸರಸ್ವತೀ ನೃತ್ಯತು ವಾಚಿ ಮೇ ಸದಾ ||
ಯಾ ಕುಂದೇಂದುತುಷಾರಹಾರಧವಲಾ ಯಾ ಶುಭ್ರವಸ್ತ್ರಾನ್ವಿತಾ ಯಾವೀಣಾವರದಂಡಮಂಡಿತಕರಾ ಯಾ ಶ್ವೇತಪದ್ಮಾಸನಾ |
ಯಾ ಬ್ರಹ್ಮಾಚ್ಯುತಶಂಕರಪ್ರಭೃತಿಭಿರ್ದೇವೈ: ಸದಾ ಪೂಜಿತಾ ಸಾ ಮಾಂ ಪಾತು ಸರಸ್ವತೀ ಭಗವತೀ ನಿ:ಶ್ಶೇಷಜಾಡ್ಯಾಪಹಾ || ’
ಎಂದು ದೇವತೆಗಳೂ ಆರಾಧಿಸುವ ಭಗವತಿ ಶಾರದೆಯನ್ನು ಸೇವಿಸುವ, ಪೂಜಿಸುವ ದಿನ.
“ತಮಸೋ ಮಾ ಜ್ಯೋತಿರ್ಗಮಯ” ಕತ್ತಲೆಯಿಂದ ಬೆಳಕಿನೆಡೆಗೆ ಸಾಗೋಣ - ಎಂಬ ಉಪನಿಷತ್ತಿನ ಮಾತಿನಂತೆ ಎಲ್ಲರೂ ಮಹಾಸರಸ್ವತಿಯಾದ ಭಗವತಿಯ ಅನುಗ್ರಹದಿಂದ ಜ್ಞಾನ-ವಿಜ್ಞಾನಗಳಿಗೆ ಯೋಗ್ಯ ಅಧಿಕಾರಿಗಳಾಗಿ ಶ್ರೇಯಸ್ಸನ್ನು ಹೊಂದಲಿ.
#ನವರಾತ್ರಿ #ವಿಜಯದಶಮಿ
