22/09/2026
MJSSA മൂവാറ്റുപുഴ മേഖലാ കലോത്സവം 21/09/2026 തിങ്കളാഴ്ച കാരക്കുന്നം സെന്റ് മേരീസ് യാക്കോബായ സുറിയാനി പള്ളിയിൽ വച്ച് നടന്നു.
MJSSA മേഖലാ ഡയറക്ടർ, സെക്രട്ടറി, ജില്ലാ ഇൻസ്പെക്ടർമാരായ ജെയ്സൺ വർഗീസ്, ജെയ്സൺ ജോൺ, പോൾ സി. വർഗീസ്, എം.സി. മാത്യൂസ് എന്നിവരുടെ സാന്നിധ്യത്തിൽ MJSSA വൈസ് പ്രസിഡന്റ് ബഹു. ആകാശ് കുര്യൻ അച്ചൻ പതാക ഉയർത്തി. രാവിലെ 9.30ന് ആരംഭിച്ച കലോത്സവം വളരെ വിജയകരമായി നടത്തുവാൻ കഴിഞ്ഞതിൽ ദൈവത്തെ മഹത്വപ്പെടുത്തുന്നു.
വിവിധങ്ങളായ മത്സരങ്ങളിൽ പങ്കെടുത്ത കുട്ടികൾ, സൺഡേ സ്കൂൾ ഡയറക്ടർമാർ, അവരെ പ്രാപ്തരാക്കിയ അധ്യാപകർ, അധ്യാപകർ, മാതാപിതാക്കൾ, മേഖലയുടെ ബഹുമാനപ്പെട്ട വൈദിക ശ്രേഷ്ഠർ എന്നിവരെ വളരെ സന്തോഷത്തോടെ അഭിനന്ദിക്കുന്നു.
മത്സരാവസാനം 2.30ന് കൂടിയ സമാപന സമ്മേളനത്തിൽ MJSSA മേഖലാ വൈസ് പ്രസിഡന്റ് ബഹു. ആകാശ് കുര്യൻ അച്ചൻ അധ്യക്ഷത വഹിച്ചു. മേഖലാ ഡയറക്ടർ ശ്രീ സജി പൗലോസ് സ്വാഗതം ആശംസിച്ചു. മേഖലാ മെത്രാപ്പോലീത്ത അഭി. ഗബ്രിയേൽ മോർ ഗ്രിഗോറിയോസ് തിരുമേനി യോഗം ഉദ്ഘാടനം ചെയ്ത് സംസാരിച്ചു. MJSSA ജനറൽ സെക്രട്ടറി ശ്രീ എൽദോസ് ഐസക് മുഖ്യപ്രഭാഷണം നടത്തി.
ആശംസകൾ അറിയിച്ചുകൊണ്ട് കാരക്കുന്നം പള്ളി വികാരിമാരായ Rev. Fr. ഷിതിൻ രാജു പണ്ടാരക്കുന്നേൽ, Rev. Fr. എൽദോസ് പാറയ്ക്കപ്പുത്തൻപ്പുര, MJSSA എക്സിക്യൂട്ടീവ് അംഗം ശ്രീ പി.വി. ഏലിയാസ്, സെൻട്രൽ കമ്മിറ്റി അംഗങ്ങളായ Adv. ഷെവ. കെ.ഒ. ഏലിയാസ്, ശ്രീ ജെയ്സൺ ജോൺ, ശ്രീ കുര്യൻ വർഗീസ്, അങ്കമാലി ഭദ്രാസന സെക്രട്ടറി ശ്രീ എൻ.സി. പൗലോസ്, മേഖലാ ഹെഡ്മാസ്റ്റർ പ്രതിനിധി ശ്രീ സാബു വർഗീസ്, മേഖലാ അധ്യാപക പ്രതിനിധിയും കലോത്സവ ജനറൽ കൺവീനറുമായ ശ്രീ ജോർജ് ജോസഫ്, ട്രസ്റ്റിമാരായ ശ്രീ എം.സി. ജോൺ മാർക്കരയിൽ, ശ്രീ കെ.ഇ. മാത്യൻ കൊട്ടപ്പിള്ളിൽ, കാരക്കുന്നം ഡിസ്ട്രിക്ട് ഇൻസ്പെക്ടർ ശ്രീ ജെയ്സൺ വർഗീസ്, കാരക്കുന്നം സൺഡേസ്കൂൾ ഹെഡ്മാസ്റ്റർ ശ്രീ ഷെറിൻ ജേക്കബ് എന്നിവർ സംസാരിച്ചു.
കലോത്സവത്തിൽ മുടവൂർ ഡിസ്ട്രിക്ട് 169 പോയിന്റ് നേടി ഒന്നാം സ്ഥാനവും, 106 പോയിന്റ് നേടി മൂവാറ്റുപുഴ ഡിസ്ട്രിക്ട് രണ്ടാം സ്ഥാനവും, 96 പോയിന്റ് നേടി കാരക്കുന്നം ഡിസ്ട്രിക്ട് മൂന്നാം സ്ഥാനവും കരസ്ഥമാക്കി.
ബെസ്റ്റ് സൺഡേസ്കൂളായി 104 പോയിന്റോടെ സെന്റ് മേരീസ് വാഴപ്പിള്ളിയും, 50 പോയിന്റോടെ സെന്റ് മേരീസ് പോത്താനിക്കാടും, 28 പോയിന്റോടെ സെന്റ് മേരീസ് കാരക്കുന്നവും ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി.
സബ് ജൂനിയർ വിഭാഗത്തിൽ കാലമ്പൂർ സൺഡേസ്കൂളിലെ ഇവാ മറിയം ഗ്രയിസ്, വാഴപ്പിള്ളി സൺഡേസ്കൂളിലെ ആഗ്നെ മറിയം ലിൻസ് എന്നിവർ കലാതിലകം പട്ടം കരസ്ഥമാക്കി.
ജൂനിയർ വിഭാഗത്തിൽ പോത്താനിക്കാട് സൺഡേസ്കൂളിലെ ജോവാന സാറാ എൽദോ, സീനിയർ വിഭാഗത്തിൽ വാഴപ്പിള്ളി സൺഡേസ്കൂളിലെ അന്ന വർഗീസ്, സൂപ്പർ സീനിയർ വിഭാഗത്തിൽ ഷെബ് ആന്റി അബി എന്നിവർ കലാതിലകം പട്ടം സ്വന്തമാക്കി.
നാലു ഡിസ്ട്രിക്ടുകളിലെ ഡിസ്ട്രിക്ട് ഇൻസ്പെക്ടർമാർ, അധ്യാപകർ, മാതാപിതാക്കൾ, കുട്ടികൾ എല്ലാവരുടെയും സാന്നിധ്യത്തിൽ മേഖലാ സെക്രട്ടറി നന്ദി അറിയിക്കുകയും യോഗം അവസാനിപ്പിക്കുകയും ചെയ്തു.
ഒരിക്കൽ കൂടി എല്ലാവരെയും അഭിനന്ദിക്കുകയും പ്രാർത്ഥിക്കുകയും ചെയ്യുന്നു.
മൂവാറ്റുപുഴ മേഖലക്കു വേണ്ടി
വൈസ് പ്രസിഡന്റ് / ഡയറക്ടർ / സെക്രട്ടറി
