དགའ་ལྡན་ཁྲི་རིན་པོ་ཆེ།

10/01/2026

ཕྱི་ལོ་ ༢༠༢༦ ཟླ་ ༡ ཚེས་ ༡༠ ཉིན་གྱི་ཞོགས་པ་གནས་མཆོག་རྡོ་རྗེ་གདན་གྱི་མཆོད་རྟེན་ཆེན་མོའི་བྱང་ཆུབ་ཤིང་དྲུང་དུ་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་དབུ་བཞུགས་ཀྱིས་དགེ་འདུན་ཕོ་མོ་བརྒྱ་ཕྲག་བརྒལ་བས་ཟབ་ལམ་བླ་མ་མཆོད་པའི་སྒོ་ནས་ཚོགས་མཆོད་འབུལ་ལམ་ཞུས་ཤིང་། གྲུབ་མཚམས་ནས་མཆོད་རྟེན་རིན་པོ་ཆེའི་རྟེན་གཙོ་ཐུབ་པའི་དབང་པོའི་སྐུ་མདུན་ཆེད་ཕེབས་ཀྱིས་རྗེའི་གསུང་རྟེན་འབྲེལ་བསྟོད་པ་གསུང་གནང་ཐོག་ཐུགས་སྨོན་མཚམས་སྦྱོར་རྒྱ་ཆེར་མཛད་པ་གནང་།

On Saturday, January 10, 2026, at the sacred site of Bodhgaya, beneath the Bodhi Tree at the Great Stupa, His Holiness the Ganden Tripa Dorjechang Jetsun Lobsang Dorje Palzangpo, the representative of Jamgön Gyalwa (Tsongkhapa), presided over a ceremony where more than a hundred monks and nuns made tsok offerings through the profound practice of Guru Puja (Lama Chöpa). Upon completion, they proceeded especially to the main object of veneration at the precious stupa - before the statue of Lord Buddha Shakyamuni - where His Holiness recited prayers of auspicious connection and extensively offered prayers of aspiration.​​​​​​​​​​​​​​​​

2026年1月10日星期六,在圣地金刚座(菩提伽耶)大佛塔的菩提树下,文殊怙主宗喀巴大师之法嗣——甘丹赤巴金刚持尊者洛桑多杰帕桑波仁波切亲自主持,与逾百位僧尼众通过深奥的上师供养法(《上师荟供》)进行会供。

https://youtu.be/GcJ2tL2ad-c?si=L1wAFY7zqV9ua8JR
བརྙན་ཐུང་ཞལ་བྱང་འདི་ནས་གཟིགས་ཐུབ།

02/01/2026

11/11/2025

བོད་ཟླ་དགུ་པའི་ཚེས་ཉེར་གཉིས་ལ་སྟོན་པ་ཐུབ་པའི་དབང་པོ་འཁོར་དང་བཅས་པ་ལྷ་སུམ་ཅུ་རྩ་གསུམ་གྱི་གནས་ནས་འཛམ་བུའི་གླིང་དུ་བྱོན་པའི་དུས་ཆེན་ལ་མཉམ་མེད་སྟོན་པ་ཆེན་པོའི་རྗེས་འཇུག་ཡོངས་ནས་སྟོན་པའི་བཀའ་དྲིན་རྗེས་སུ་དྲན་དགོས་པ་དང་། སྟོན་པའི་རླབས་ཆེན་གྱི་རྣམ་ཐར་གྱི་རྗེས་སུ་འབད་གལ་ཆེ་བའི་དེ་དོན་ཕྱག་ལེན་ལ་འཁེལ་བའི་གསོལ་བ་འདེབས་པ་ལགས།

སྟོན་པ་བླ་ན་མེད་པའི་བསྟན་པ་དང་། །
མཇལ་བ་འདི་འདྲ་བླ་མའི་དྲིན་ཡིན་པས། །
དགེ་བ་འདི་ཡང་འགྲོ་བ་མ་ལུས་པ། །
བཤེས་གཉེན་དམ་པས་འཛིན་པའི་རྒྱུ་རུ་བསྔོ། །

The unsurpassable teachings of the Teacher,
And the opportunity to encounter them is through the Guru’s kindness.
May this virtue also, for all sentient beings without exception,
Be dedicated as a cause for being held by a holy spiritual Master.

05/11/2025

འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་མཆོག་ནས་དགེ་བཤེས་ལྷ་རམས་པའི་སྔགས་ཀྱི་རྩོད་རྒྱུགས་ཆེན་མོའི་རྒྱུགས་འབྲས་ལེགས་གསོལ་ཀྱི་མཛད་སྒོའི་ཚོགས་མགོན་ཆེད་ཕེབས་མཛད་པ་དང་། བླང་དོར་བཀའ་སློབ་བཀའ་དྲིན་བསྩལ་གནང་མཛད།
༢༠༢༥/ ༡༡/༤ ཉིན།

10/12/2024

On the joyous occasion of the 35th anniversary of the Dalai Lama's Nobel Peace Prize, I respectfully offer congratulations and best wishes. May his Holiness' life be blessed with good health and longevity, and may his noble pursuits flourish.

བོད་ཁ་བ་གངས་ཅན་གྱི་ལྗོངས་ཀྱི་༸ལྷ་སྐལ་འཕགས་མཆོག་སྤྱན་རས་གཟིགས་ཀྱི་སྐུའི་ཕྲེང་བ་འཛིན་པ་༸རྒྱལ་དབང་བསྟན་འཛིན་རྒྱ་མཚོ་མཆོག་གི་ཞལ་སྔ་ནས་ཚེས་སྙན་གྲགས་ཅན་གྱི་ནོ་བྷེལ་ཞི་བདེ་གཟེངས་རྟགས་འབུལ་བཞེས་མཛད་ནས་ལོ་ངོ་ ༣༥ འཁོར་བའི་དུས་དྲན་སྲུང་བརྩིའི་ཉིན་མོར་དགའ་མགུ་ཡི་རྭངས་དང་བཅས་པའི་འཚམ་འདྲི་བཀྲ་ཤིས་བདེ་ལེགས་ཞུ་བ་དང་། མགོན་པོ་མཆོག་བདག་སོགས་བསྟན་འགྲོའི་མགོན་དཔུང་དམ་པར་སྐུ་ཚེ་མི་གཤིགས་རྡོ་རྗེ་ཁམས་སུ་བརྟན་ཅིང་། རླབས་ཆེན་ཐུགས་བཞེད་ཅིས་ནས་ལྷུན་གྲུབ་ཡོང་བའི་སྨོན་འདུན་ཤུགས་དྲག་ཞུ།

🙏🙏🙏🙏🙏

26/11/2024

དེ་རིང་ སྤྱི་ལོ་ ༢༠༢༤ ཟླ་ ༡༡ ཚེས་ ༢༦ གཟའ་སྐར་འཕྲོད་སྦྱོར་དགེ་བའི་ཉིན། ཞྭ་སེར་བསྟན་པའི་གཙུག་རྒྱན་༸འཇམ་མགོན་རྒྱལ་བ་གཉིས་པའི་གདུང་འཚོབ་དགའ་ལྡན་ཁྲི་ཆེན་རྡོ་རྗེ་འཆང་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་འཇམ་མགོན་རྒྱལ་བ་གཉིས་པའི་མི་འཇིགས་སེང་གེ་ཁྲིར་དབང་བསྐུར་བའི་ཁྲི་འདོན་སྐལ་བཟང་དུས་ཀྱི་དགའ་སྟོན་གྱི་ཉིན་མོའི་མཛད་སྒོ་དངོས་གཞིར།ཞོགས་པ་ཆུ་ཚོད་དྲུག་པའི་ཐོག་སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་དགའ་ལྡན་ཕུ་ཁང་ཁང་ཚན་ནས་དབུས་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་དང་ཆོས་རིག་བཀའ་བློན་གཅིག་ལྕོགས་སྐུ་ངོ་སྤེན་པ་ཚེ་རིང་མཆོག་དང་། དགའ་ལྡན་ཕོ་བྲང་གི་སྐུ་ཚབ་ཡང་སྟེང་རིན་པོ་ཆེ། དཔལ་སྐྱ་པའི་སྒྲོལ་མ་ཕོ་བྲང་གི་སྐུ་ཚབ། ཁྲིམས་ཞིབ་པ་གཞན་བསྟན་འཛིན་ལུང་རྟོགས་ལགས། ཤར་བྱང་གྲྭ་ཚང་གཉིས་ཀྱི་སྐྱབས་གནས་མཁན་རིན་པོ་ཆེ་རྣམ་པ་གཉིས་ཀྱི་དབུས་གདན་གསུམ་གྲྭ་ཚང་དྲུག་དང་ཆོས་བཀྲ་ཤིས་ལྷུན་པོ། རྭ་སྟོད་གྲྭ་ཚང་གཙོས་ཆོས་བརྒྱུད་རིས་མེད་ཀྱི་དགོན་སྡེ་ཁག་གི་མཁན་ལས་ཟུར་རྣམ་པ། བོད་མི་མང་སྤྱི་འཐུས་རྣམ་པ་ཁག་ཅིག ལྷོ་སྤྱི་སྐུ་ངོ་དོན་གཅོད། ལྡི་ལི་དོན་གཅོད་ཁང་གི་དྲུང་ཆེ། མོན་གྷོ་ས་གནས་གཞིས་ངོ་། དབུས་ཆུ་བཞི་སྒང་དྲུག་གི་རྒྱུན་ལས། དགོན་སྡེ་གྲྭ་ཚང་སོ་སོའི་འཐུས་མི་སྐུ་ཚབ་རྣམ་པ། གཞན་ཡང་གཞུང་འབྲེལ་མིན་པའི་ཚོགས་སྡེ་ཁག་གི་སྐུ་ཚབ་འཐུས་མི་རྣམ་པ་བཅས་ནས་དུང་རྒྱ་སྤོས་སྣེ་དབུ་གདུགས་དང་བཅས་གསེར་སྦྲེང་ཐོག་དགའ་ལྡན་ཚོགས་ཆེན་དུ་གདན་ཞུ་དང་། ཕེབས་མཚམས་ནས་སྐུ་ཕྱག་དང་ཐུགས་སྨོན་མཚམས་སྦྱར་གྱིས་མཆོད་འབྲས་ཐོར་ཕུལ་གྱི་རྟེན་གཙོ་ཁག་ལ་སྙན་ཤེལ་དང་སྣང་གསལ་མར་མེ་ཞལ་ཁ་ཕྱེད་གནང་མཛད། གྲུབ་མཚམས་ནས་མི་གཇིགས་གདོང་ལྔའི་གཏེགས་པའི་གསེར་གྱི་ཁྲི་འཕང་མཐོན་པོར་གཞུགས་གསོལ་མཛད་ནས་ཚོགས་ཆེན་དབུ་མཛད་ནས་དཔལ་ལྡན་ཡོན་ཏན་དབུ་བསྐུལ་གྱི་གསེར་ཁྲི་མངའ་གསོལ་གྱི་ཁྲི་འདོན་མཛད་སྒོ་དངོས་གཞི་ཚོགས་གནང་བ་བཅས།

09/11/2024

སྤྱི་ལོ་ ༢༠༢༤ ཟླ་ ༡༡ ཚེས་ ༩ སྟེ་ གཟའ་སྐར་འཕྲོད་སྦྱོར་དགེ་བའི་ཉིན་མཚུངས་མེད་ཆོས་རྗེ་རིན་པོ་ཆེ་མཆོག་གི་སྐུའི་བླ་གཟའི་དུས་ཚིགས་ཤིན་ཏུ་ཁྱད་པར་ཅན་འདིར། ༧གོང་ས་རྒྱལ་དབང་ཐུགས་རྗེ་ཆེན་པོས་མཚུངས་མེད་ཤར་པ་ཆོས་རྗེ་རིན་པོ་མཆོག་ལ་འཇམ་མགོན་རྒྱལ་བ་གཉིས་པའི་གདུང་འཚོབ་དགའ་ལྡན་ཁྲི་ཐོག་ ༡༠༥ ཕྱག་རྟགས་འབུལ་བཞེས་ཀྱི་མཛད་སྒོ་དེ་བཞིན་བྷེང་ལོར་དུ་རྟེན་གཞི་བྱས་པའི་སྨན་རྩིས་མཐོ་སློབ་ཁང་དུ་ཚོགས་གནང་ཡོད།

མཛད་སྒོར་མཉམ་བཞུགས་གནང་མཁན། དགའ་ལྡན་ཁྲི་ཐོག་ཁང་དང་རྒྱལ་སྤྱི་དགེ་ལྡན་ལྷན་ཚོགས་ཀྱི་ངེས་སྟོན་པ་སྒོ་མང་མཁན་ཟུར་རིན་པོ་ཆེ་བློ་བཟང་རྒྱལ་མཚན་མཆོག་དང་།
དགའ་ལྡན་བླ་སྤྱིའི་ཕྱག་མཛོད་དགེ་བཤེས་བསྟན་འཛིན་རྣམ་རྒྱལ་ལགས།
འབྲས་སྤུངས་བློ་གསལ་གླིང་གྲྭ་ཚང་གི་ཕྱག་མཛོད་ཁྲི་པ་དགེ་བཤེས་འཇམ་དབང་ཕྱུག་ལགས།
སྨན་རྩིས་ཁང་མཐོ་སློབ་གི་སློབ་སྤྱི་སྨན་རམས་པ་རྡོ་རྗེ་རབ་བརྟན་ལགས།
ཏཱ་ལའི་བླ་མ་མཐོ་སློབ་ཀྱི་འགན་འཛིན་བསྟན་འཛིན་པ་སངས་ལགས།
ཚུལ་ཁང་ཁང་ཚན་དང་གྲགས་པ་ཁང་ཚན་གཉིས་ཀྱི་ཁང་ཚན་རྒན་རྣམ་པ་གཉིས།
སྨན་རྩིས་ཁང་གི་ལས་དྲུང་སྨན་རམས་པ་བསྟན་འཛིན་ཡེ་ཤེས་ལགས།
ཏཱ་ལའི་བླ་མ་མཐོ་སློབ་ཀྱི་འཛིན་སྐྱོང་འགན་འཛིན་ཆོས་རྒྱལ་བཀྲ་ཤིས་ལགས།
གངས་བླ་འབྲེལ་ཡོད་མཐུན་ཚོགས་ཀྱི་རྒྱུན་ལས་དགེ་བཤེས་ཡེ་ཤེས་ཕུན་ཚོགས་བཅས་སྣེ་ཡོད་ཁག་དང་གཞན་ཡང་དགེ་བཤེས་རྣམ་པ་དང་མཐོ་སློབ་ཀྱི་སློབ་ཕྲུག་ཚོ་མཉམ་བཞུགས་གནང་ཡོད།

On November 9, 2024, an auspicious day according to astrological calculations and particularly significant as it marks the soul day of the incomparable Sharpa Choje Rinpoche, His Holiness the Dalai Lama presented Sharpa Choje Rinpoche with the seal of appointment as the 105th Gaden Tri Rinpoche (successor to Je Tsongkhapa) in a ceremony held at the Men-Tsee-Khang (Tibetan Medical and Astrological Institute) in Bangalore.

The ceremony was attended by:
- Geshe Lobsang Gyaltsen, former abbot of Gomang Monastery and advisor to the Gaden Tri Office and International Gelug Foundation
- Geshe Tenzin Namgyal Head Administration of Gaden Lachi
-Geshe Jamyang Phuntsok, treasurer of Drepung Loseling Monastery
- Dr. Dorje Rabten, Principal of Men-Tsee-Khang College
- Dr. Tenzin Pasang, Director of Dalai Lama Institute
- The senior house teachers of both Tsulkhang and Drakpa houses
- Dr. Tenzin Yeshi, Secretary of Men-Tsee-Khang
- Chogyal Tashi, Administrative Director of Dalai Lama Institute
- Geshe Yeshi Phuntsok, Executive Member of Gangla Association

The ceremony was also attended by various other Geshes (Buddhist scholars) and students of the institute.

2024年11月9日，根据占星术计算这是一个吉祥的日子，也是无与伦比的夏巴确杰仁波切的灵魂日。在这个特殊的日子里，达赖喇嘛尊者在班加罗尔的藏医学天文学院（门才康）为夏巴确杰仁波切举行了第105任甘丹赤巴（宗喀巴大师继承人）印信授予仪式。

出席仪式的人员包括：
- 格西洛桑坚赞，贡芒寺前任住持，甘丹赤巴办公室和国际格鲁基金会顾问
- 格西嘉扬珠，甘丹总部财政和哲蚌洛色林寺财政
- 多杰饶丹医师，藏医学院院长
- 丹增帕桑，达赖喇嘛学院院长
- 楚康和扎巴两个堂级的资深堂主
- 丹增益西，藏医学院秘书
- 曲嘉扎西，达赖喇嘛学院行政主任
- 格西益西彭措，岗拉协会执行委员

其他多位格西（佛教学者）和学院学生也参加了仪式。

25/09/2024

རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངོ་རྒོལ་བསྒྲགས་གཏམ།
དེ་ལྟའི་རླབས་ཆེན་སྐྱེས་མཆོག་རང་ཅག་བོད་མིའི་མགོན་སྐྱབས་༸རྒྱལ་དབང་ཡིད་བཞིན་ནོར་བུ་མཆོག་ལ། ཉེ་ལམ་ཨོ་སི་ཊོ་ལི་ཡ་ (Australia) རུ་གནས་སྡོད་བོད་མི་སེང་གེ་ཟེར་བ་འབྱུང་པོས་རྒྱུད་བརླམས་པའི་སྐྱེ་བོ་གང་དེས། སྤྱི་ཚོགས་དྲ་ལམ་ནས་མཚན་སྨད་དང་སྒྲོ་བཀུར་བློ་ཡུལ་ལས་འདས་པ་ཞུས་ཤིང་། ༸རྒྱལ་བའི་སྐུ་ཕྱྭ་ལ་སེམས་འཚབ་སྐྱེ་གཞིའི་འཇིགས་སྐུལ་དང་སྐད་ཆ་ཚབས་ཆེན་བཤད་པ་དང་། དབུས་བོད་མིའི་སྒྲིག་འཛུགས་ལའང་དགྲ་བོའི་འདུ་ཤེས་བཟུང་སྟེ་དྲ་ལམ་དུ་གཏམ་འཆལ་སྣ་ཚོགས་སྤེལ་བ་ལྟ་ཉན་ཙམ་ཡང་བཟོད་དཀའ་བའི་གནས་སུ་འདུག་པ་འདི་དག་ལ་མཐའ་གཅིག་ཏུ་ངོ་རྒོལ་སྐྱོན་བརྗོད་ཡོད།

13/08/2022

དེ་རིང་སྟེ་ཕྱི་ལོ་༢༠༢༢/༨/༡༡ ཉིན་འཇམ་མགོན་བསྟན་པའི་སྲོག་ཤིང་མཚུངས་མེད་ཤར་པ་ཆོས་རྗེ་རིན་པོ་ཆེ་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་བྱང་ཨ་རིར་དགེ་ལྡན་ཆོ་འཕྲུལ་སྨོན་ལམ་ཆེན་མོ་ཐུན་དང་པོའི་ཚོགས་མགོན་དང། བྱང་ཨ་རིགས་ཁུལ་དུ་བོད་རིགས་སྤྱི་མཐུན་ཚོགས་པ་ཁག་དང་། ཆོས་ཚོགས་ཁག་བཅས་ནས་ཇི་ལྟར་གསོལ་བར་བཏབ་པ་བཞིན་་མཛད་འཕྲིན་ཀུན་ལེགས་གྲུབ་ཀྱིས་ཁང་ཚན་དུ་ཕེབས་སྐབས་འདུས་མང་ནས་གསེར་སྦྲེང་དང་བཅས་ཕེབས་་སྟོན་མཛད་སྒོ་སྐབས་རྗེའཇམ་དབྱངས་ཆོས་རྗེ་བཀྲ་ཤིས་དཔལ་ལྡན་གྱི་སྐུ་འི་རྣམ་པ་རོལ་བ་འབྲས་སྤྲངས་ཁྲི་པ་རིན་པོ་ཆེ་རྗེ་བཙུན་དཀོན་མཆོག་དཔག་བསམ་དཔལ་བཟང་པོ་མཆོག་ནས་རྟེན་གསུམ་འབུལ་བ།། 🙏🏻🙏🏻🙏🏻

02/03/2022

གནམ་ལོ་གསར་ཚེས་ལ་བཀྲ་ཤིས་བདེ་ལེགས།