10/02/2025
गणेश भक्तांच्या भावनांवर आघात सहन केला जाणार नाही!
चारकोपमध्ये गणपती विसर्जनाच्या वेळी घडलेला प्रकार अत्यंत निंदनीय आहे. ज्या बाप्पाची भक्तिभावाने स्थापना आणि पूजा केली, त्याच्या विसर्जनात अडथळे निर्माण करणे हा भक्तांच्या श्रद्धेवर प्रहार आहे.
गणेश विसर्जन हा केवळ विधी नसून आपल्या संस्कृतीचा अविभाज्य भाग आहे. इंग्रजसुद्धा जी परंपरा रोखू शकले नाहीत, त्याच परंपरेला आज आव्हान दिले जात आहे, हे दुर्दैवी आहे.
होय, पर्यावरणाचे रक्षण महत्त्वाचे आहे, पण मग मूळ प्रश्न सुटण्याआधी केवळ विसर्जन रोखणे हा अन्याय आहे. पीओपीच्या मूर्तींना बंदी घालण्याआधी शाश्वत आणि व्यवहार्य पर्याय द्यायलाच हवेत.
आज हा प्रश्न गणेशोत्सवाच्या मूर्तींपर्यंत आला आहे, उद्या देवीच्या मूर्तींवरही असेच बंधने येऊ नयेत यासाठी सर्व नवरात्र मंडळांनी सावध राहिले पाहिजे.
-हीच वेळ आहे एकत्र येण्याची!
-हीच वेळ आहे आपल्या धार्मिक आणि सांस्कृतिक परंपरांचे संरक्षण करण्याची!
🚩 सर्व गणेश भक्तांना आवाहन – ११ फेब्रुवारी रोजी महाविसर्जन मिरवणुकीस उपस्थित राहा!
आपल्या संस्कृतीसाठी, आपल्या श्रद्धेसाठी, मोठ्या संख्येने हजेरी लावा!
