ll अवघ्या कांजूरची शान रायझिंग स्टारचा गणपती दिसतो किती छान ll
महाराष्ट्राच्या राजधानीत ,मराठी माणसाच्या महानगरी मुंबई मध्ये एक छोटेसे उपनगर ,कांजुरमार्ग .याच कांजूरगावात आमचे “रायझिंग स्टार मित्र मंडळ” हे मंडळ .
रायझिंग स्टार मित्र मंडळ, जुने इंदिरा कॉंग्रेस ऑफिसच्या मागे, पोलिस चौकी जवळ, कांजुरमार्ग पूर्वेला कार्यरत असलेले मंडळ आहे. रायझिंग स्टार मित्र मंडळाच्या “माघी गणपती उत्सवाची ” स्थापणा
सन २००९ साली झाली.मध्यमवर्गीय लोकवस्ती असलेल्या एका छोट्याश्या चाळीमधील जागेवर माघी गणेशोत्सव सुरु झाला. आता मंडळला १२ वर्षे पूर्ण झाली आहेत. ह्या माघी जयंती मध्ये गणेशोत्सवाचा मंडप बांधण्यापासून ते गणपती विसर्जन होई पर्यंत जी कामे असतील ती सर्व मंडळाचे सभासदच करतात.फक्त मोजक्या खोल्यांची वर्गणी आणि बाजारपेठ यांच्या जोमावर माघी गणेशोत्सव साजरा होतो.
मंडळाची धुरा पुढे यशस्वीरित्या वाहुन नेण्यासाठी तरुण कार्यकर्त्याची मोठी शक्ती आज मंडळाकडे आहे.आपल्या छोट्याश्या जागे मध्ये गणपती बाप्पाचा सेवेसाठी”माघी गणेशोत्सव ” आणि त्याच बरोबर सत्यनारायणाची पूजा होते.
सत्यनारायणाच्या पूजे मधील बनवलेले “नक्षीदार व सुंदर मकर” हे आमच्या मंडळातील माघी गणेशोत्सवाचे प्रमुख आकर्षण आहे.
आधुनिकतेच्या या जगात आपल्या ही मंडळाची माहिती संगणकाद्वारे सर्वांना मिळावी या संकल्पनेतून,आपल्या हिंदू वर्षातील पहिला दिवस व साडेतीन मुहूर्तांपैकी एक मुहूर्त असलेल्या गुढीपाडव्याच्या मुहूर्तावर म्हणजेच ११ एप्रिल २०१३ रोजी www.risingstarmitramandal.com
ही वेबसाईट सुरु केली. मंडळाचे सन्माननीय सदस्य श्री. रोहित आयरे यांच्या संकल्पतेने व प्रयत्नाने ही वेबसाइट तयार झाली. मंडळाची माहिती, मंडळाचे सामाजिक उपक्रम व माघी गणपती उत्सवाचे छायाचित्रे या सर्वा उपक्रमांची माहिती आपल्या मुख्य पानावरील आमचे उपक्रम या विभागातच उपलब्ध आहेत.
आपल्या मंडळाच्या भाविकांसाठी ही वेबसाईट फारच उपयुक्त आहे.
गणरायच्या कृपेने आज मंडळाला अनेक मान्यवर लाभले आहेत.या सर्व प्रवासात ज्यांनी आम्हाला (मग ती कोणत्या हि प्रकारे असो )मदत केली त्यांचे ,सतत आम्हाला मार्गदर्शन करणारे कार्यकर्ते असो ,किंवा विभागातील मंडळी ,या सर्वांचे आम्ही ऋणी आहोत.असेच प्रेम व अपुलकी सदेव आम्हावर राहूदे हीच परमेश्वराकडे प्राथना .
