Old Nohay

03/02/2026

Wiladat - Imam E Zamana Hazrat Mahdi (as) Mubarak!

20/01/2026

Wiladat Janab e Zainab sa bint Maula Ali as aap sab ko bohut mubarak ho!

02/01/2026

WILADAT MAULA ALI as MUBARAK HO!

18/11/2025

https://youtu.be/4EM2lCTXnMg

RO KE ZAINAB NE KAHA, AAO NAJAF SE MURTAZA.
Kalaam: Janab MAHIR LUCKNOWI Saheb
Anjuman: Abbasiya, Kathra Abuturab Khan, Lucknow
===
Ro Ke Zainab ne kaha, Aao Najaf se Murtaza
Katta hai Shah ka gala, Aao Najaf se Murtaza
Ro Ke Zainab ne kaha, Aao Najaf se Murtaza

Jal gaye khaime, Sakeena ke Gauhar bhi chhin gaye
Lutt gayi Sar se rida, Aao Najaf se Murtaza
Ro Ke Zainab ne kaha, Aao Najaf se Murtaza

Khaak par baithe hueN hain, Ahlebait e Mustafasa
Woo hui ham par jafa, Aao Najaf se Murtaza
Ro Ke Zainab ne kaha, Aao Najaf se Murtaza

Ab na koi moonis o yawar, na Nasir rah gaya
Chhah gayi gham ki ghata, Aao Najaf se Murtaza
Ro Ke Zainab ne kaha, Aao Najaf se Murtaza

Abid e Beemaar ko zanjeer pahnayi gayi
Tauq mein jakda gala, Aao Najaf se Murtaza
Ro Ke Zainab ne kaha, Aao Najaf se Murtaza

Taziyane iss qadar maare Sitagamgar ne mujhe
Kul badan zakhmi hua, Aao Najaf se Murtaza
Ro Ke Zainab ne kaha, Aao Najaf se Murtaza

BazooN mein hai rasan aur sar par chadar bhi nahin
Phir rahin hoon jabaja, Aao Najaf se Murtaza
Ro Ke Zainab ne kaha, Aao Najaf se Murtaza

Eik rasan mein iss tarah jakdi gayin Saidanyaan
Zulm ki hai intehaa, Aao Najaf se Murtaza
Ro Ke Zainab ne kaha, Aao Najaf se Murtaza

Mai bhare darabaar meiN namehramoN ke saamne
Aa rahi hooN berida,Aao Najaf se Murtaza
Ro Ke Zainab ne kaha, Aao Najaf se Murtaza

Har qadam Zainab ki thi faryaad Mahir* baad e Sheh
Sher e haq Mushilkusha, Aao Najaf se Murtaza
Ro Ke Zainab ne kaha, Aao Najaf se Murtaza

Ro Ke Zainab ne kaha, Aao Najaf se MurtazaKalaam: Janab Mahir Lucknowi SahebAnjuman: Abbasiya, Kathra Abuturab Khan, Lucknow===Ro Ke Zainab ne kaha, Aao Naja...

13/11/2025

https://www.youtube.com/watch?v=QfaWmHDtV10

Kaisa manzar baad e qatl e Hazrat e Shabbier hai
Kalaam: Mirza Raza Ali Khan Lucknowi Saheb
Awaaz: Ghadeer Fatima (Kashish)

Kaisa manzar baad e qatl e Hazrat e Shabbier haiKalaam: Mirza Raza Ali Khan Lucknowi SahebAwaaz: Ghadeer Fatima (Kashish)=====Zulm ki tarikiyoN meiN Waris-e-...

04/11/2025

https://youtu.be/-YXhIHXVFlk

NEEND TURBAT MEIN AAYEGI KYUNKAR
Kalam: Janab Mahir Lucknowi Saheb
Anjuman: Kazmia Abdia, Lucknow - Janab Taqi Mirza Saheb
=====
Neend Turbat meiN aayegi kyuNkar
Kah rahiN thiN Rabab ro ro kar

Loot kar hum ko jaa chuka lashkar
Chah gaya hai sakoot sahera par
Dil hilata hai asr ka manzar
Neend Turbat meiN aayegi kyuNkar
Aao goodi meiN soo raho Asghar

Nannha dil kaise chhain paye ga
Kaun jhoola tumhe jhulaye ga
Tumko Maa ka khayaal aaye ga
Hoo ka aalam bohut daraye ga
Neend Turbat meiN aayegi kyuNkar

Dil ki raaheN talaash kartiN haiN
Tumko aakheN talaash kartiN haiN
Sard aaheN talaash kartiN haiN
Meri BaaheN talaash kartiN haiN
Neend Turbat meiN aayegi kyuNkar

Shah ne markad kahaN banaya hai
Chand Mera kahan chupaya hai
Tum se Jangal kahan basaya hai
Haye Tumko kahaN sulaya hai
Neend Turbat meiN aayegi kyuNkar

Gham ki duniya na yaad aayi gi
Kya tumhe Maa na yaad aaye gi
Meri mamta na yaad aayegi
Kya Sakeena na yaad aaye gi
Neend Turbat meiN aayegi kyuNkar

Kaise dekhooN yeh qabr ka manzar
WahaN takiya hai aur na hai bistar
Wahan PhupiyaN haiN aur na hai Khawar
Wahan jhoola hai aur na hai Madar
Neend Turbat meiN aayegi kyuNkar

Bada aaraam Mamta de gi
Phaye zakhmoN pe bhi laga di gi
Doodh utra hua pila de gi
LooriyaN de ke Maa sula de gi
Neend Turbat meiN aayegi kyuNkar

Khoon rooteN haiN dil ke sab chhale
Ho kahaN meri mannatoN wale
Do sada mujhko naaz ke paalo
Thay yeh Mahir* Rabaab ke naale
Neend Turbat meiN aayegi kyuNkar
Aao goodi meiN soo raho Asghar

Neend Turbat meiN aayegi kyuNkarKalam: Janab Mahir Lucknowi SahebAnjuman: Kazmia Abdia, Lucknow - Janab Taqi Mirza Saheb=====Neend Turbat meiN aayegi kyuNkar...

28/10/2025

Wiladat Janab e Zainab as, binte Hazrat Ali as Mubarak ho!

11/10/2025

https://youtube.com/-quotes?si=oHGMYYY-ZAyNOEd8

Please follow my Wisdom Of Islam channel on YouTube for Islamic quotes!
Jazakallah

WISDOM OF ISLAM: Inspiring Islamic Quotes to Uplift Your Spirit. Embark on a journey of inspiration with the Wisdom of Islam channel! Here, you'll discover authentic quotes from the Holy Quran, Prophet Muhammad (ﷺ), and the Ahl al-Bayt (a.s.). Dive into bite-sized wisdom nuggets in videos just 2-3...

02/09/2025

EID E ZAHERRA SA MUBARAK!

31/08/2025

https://www.youtube.com/watch?v=WdVEpW6esf0&list=PLO9wlKqMxRwj18Oq-zUeE7LTUJZi9FBMb&pp=gAQB

PLAYLIST - QADEEMI ALWIDAI NAUHE

Ai Hussain e Karbala Ai Mehmaan-e-LucknowOld Nauha from Lucknow Poet: Janab Sadiq Hussain (Shaheed* Lucknowi)Anjuman: Zafarul Iman LucknowRecited by: Afzal M...

31/08/2025

https://youtu.be/SEz0dljTHUM
ChaleN haiN Karbala Sarwar, Aza ka aakhri din hai
Kalaam: Janab Sultan Suroor Lucknowi Saheb
Anjuman: Dasta e Hussaini, Lucknow
=====
ChaleN haiN Karbala Sarwar, Aza ka aakhri din hai
Azakhana badhaya jaa raha hai, Dil pareshaN hai
MaiN kin aakhoN se dekhooN ghar, Aza ka aakhri din hai
ChaleN haiN Karbala Sarwar, Aza ka aakhri din hai

HameN jo zinda rakkhe tha, usi MehmaaN ki rukhsat hai
Jiyen ge saal bhar kyunkar, Aza ka aakhri din hai
ChaleN haiN Karbala Sarwar, Aza ka aakhri din hai

Hamari maaN Ali Ashgar ka gahwara badhati hai
Badhati hai Alam bahar, Aza ka aakhri din hai
ChaleN haiN Karbala Sarwar, Aza ka aakhri din hai

Na ghar hi achcha lagta hai, Na duniya achchi lagti hai
Yeh dil roota hai ro ro kar, Aza ka aakhri din hai
ChaleN haiN Karbala Sarwar, Aza ka aakhri din hai

GharoN se Taziyea ki shakl meiN, Shabbir jaateN hain
Qayamat ka hai yeh manzar, Aza ka aakhri din hai
ChaleN haiN Karbala Sarwar, Aza ka aakhri din hai

AzadaroN ke chheroN par, udaasi hi udaasi hai
Likha hai sab ke chheroN par, Aza ka aakhri din hai
ChaleN haiN Karbala Sarwar, Aza ka aakhri din hai

Abhi kuch deir meiN, Farsh e Aza bhi utthne wala hai
ZameeN roti hai yeh kah kar, Aza ka aakhri din hai
ChaleN haiN Karbala Sarwar, Aza ka aakhri din hai

MaiN Baba ko Tumhare, kis tarah rukhsat karooN ghar se
Sahara do Ali Akbar, Aza ka aakhri din hai
ChaleN haiN Karbala Sarwar, Aza ka aakhri din hai

Suroor* agle baras tak, Zinda rahne ki dua maango
Qayamat aa gayi sar par, Aza ka aakhri din hai
ChaleN haiN Karbala Sarwar, Aza ka aakhri din hai

ChaleN haiN Karbala Sarwar, Aza ka aakhri din haiKalaam: Janab Sultan Suroor Lucknowi SahebAnjuman: Dasta e Hussaini, Lucknow=====ChaleN haiN Karbala Sarwar,...

27/08/2025

https://youtu.be/ntnYna7P5Zo

UJDA MAKAAN HAMARA, MEHMAAN JA RAHA HAI
Kalaam: Janab Jafar Saheb
Anjuman: Guldasta e Islam. Lucknow
=====
Ujda makaN hamara, Mehman ja raha hai
ShioN ka hai yeh nauha, Mehmaan jaa raha hai
Har simt hai andhera, Mehman ja raha hai
Ujda makaN hamara, Mehman ja raha hai

MayusiooN ne hum ko qaidi bana liya hai
Deewar o dar pa gham ka sannata chha raha hai
Sab ko yehi hai sadma, Mehman ja raha hai
Ujda makaN hamara, Mehman ja raha hai

AsooN baha baha kar, Farsh e aza bichaoo
Khud ro lo Shah ke gham meiN, auroN ko bhi rulaoo
Kahta hai yeh sawera, Mehmaah jaa raha hai
Ujda makaN hamara, Mehman ja raha hai

AayiN hai Fatima bhi, is rukhsat e aza meiN
AshkoN ke phool bhar do, Rumaal e Sayyeda meiN
Yeh farz hai hamara, Mehman ja raha hai
Ujda makaN hamara, Mehman ja raha hai

Duniya hamari ujjdi, Shabbir jaa raheN haiN
Ahle aza yeh nauha, apna suna raheN haiN
Ghar lag raha hai soona, Mehman ja raha hai
Ujda makaN hamara, Mehman ja raha hai

Ujde hue makaan ko, phir se basana Maula
Is gulshan e aza ko, phir se sajana Maula
Sar ko jhuka ke kahna, Mehman ja raha hai
Ujda makaN hamara, Mehman ja raha hai

Shamme aza ki Jafar*, lau tharthara rahi hai,
Ro ro ke shaam e gham yeh, Nauha suna rahi hai
Phale ga ab andhera, Mehman ja raha hai
Ujda makaN hamara, Mehman ja raha hai

Ujda makaN hamara Mehman ja raha haiKalaam: Janab Jafar SahebAnjuman: Guldasta e Islam. Lucknow=====Ujda makaN hamara, Mehman ja raha haiShioN ka hai yeh nau...