07/11/2025
आज दिनांक ०७-११-२०२५, रोजी उत्कर्ष नगर विकास मंडळातील पदाधिकारी आणि स्थानिक कार्यसम्राट आमदार मा. श्री. अशोक दादा पाटील यांची बृहन्मुंबई महानगरपालिकेचे DMC (Deputy Municipal Commissioner), वार्ड अधिकारी आणि इतर संबंधित अधिकारी यांच्यासोबत, *उत्कर्ष नगर च्या प्रवेशद्वारावरील कचरापेटी हटवण्याबद्दल सविस्तर चर्चा* करण्यात आली.
मागील अनेक वर्षांपासून मंडळ या कचरापेटीच्या विषयाबद्दल सर्वतोपरी पाठपुरावा करत आहे. *ती कचरापेटी हटवण्याचे सर्व शर्तीचे प्रयत्न मंडळ करत आहे.* विभागामधील नागरिकांना होणारा त्रास आणि त्या कचऱ्यामुळे होणारे आजार याचा बृहन्मुंबई महानगरपालिकेच्या आरोग्य विभागाने तसेच घनकचरा व्यवस्थापन विभागाने गांभीर्याने विचार करावा अशी मंडळातर्फे विनंती करण्यात आली.
तसेच *ती कचरापेटी तेथून हटवण्याबद्दल बृहन्मुंबई महानगरपालिकेला, कार्यसम्राट आमदार मा. श्री. अशोक दादा पाटील यांच्या मार्गदर्शनाखाली मंडळातर्फे निवेदन देण्यात आले.*
त्याच सोबत मागील काही दिवस विभागांमध्ये *कमी दाबाने पाणीपुरवठा होत आहे* . या विषयाबद्दलही बृहन्मुंबई महानगरपालिकेतील अधिकाऱ्यांचे लक्ष वेधण्यात आले. *हा पाणीपुरवठा लवकरात लवकर सुरळीत करावा असे निवेदन देखील देण्यात आले.*
सदर सभेला *मंडळाचे सेक्रेटरी श्री विलासभाई मर्गज , भांडुप विधानसभेचे कार्यसम्राट आमदार मा. श्री. अशोकदादा पाटील तसेच बृहन्मुंबई महानगरपालिकेचे DMC (Deputy Municipal Commissioner)*, वार्ड अधिकारी आणि इतर सर्व अधिकारी उपस्थित होते.
