MulanthuruthyPally

01/06/2026

അഭി. അലക്സിയോസ് മാർ യൗസേബിയോസ് മെത്രാപ്പോലീത്ത കണ്ടനാട് കർമ്മേൽ ദയറ സന്ദർശിച്ച് പ്രാർത്ഥന നടത്തി.

01/06/2026

01/06/2026

സ്ക്രീൻടൈം കുറയ്ക്കാം പഠിച്ച് വളരാം

അറിവാകട്ടെ ലഹരി

പ്രിയപ്പെട്ട കുഞ്ഞുങ്ങളെ,

പ്രതീക്ഷയോടെയും പ്രത്യാശയോടെയും പുതിയ ഒരു അധ്യയന വർഷത്തിലേക്ക് പ്രവേശിക്കുന്ന എന്റെ കുഞ്ഞുമക്കൾക്ക് സ്നേഹാശംസകൾ. അറിവിന്റെ അക്ഷരലോകത്ത് ആത്മവിശ്വാസത്തോടെ മുന്നേറാൻ ഏവർക്കും കഴിയട്ടെ. പാഠപുസ്തകങ്ങളിൽ നിന്ന് ആർജ്ജിക്കുന്ന അറിവ് മാത്രമല്ല, സാമൂഹികമായി നാം കണ്ടും കേട്ടും അറിഞ്ഞും പഠിക്കുന്ന എല്ലാ നല്ല സന്ദേശങ്ങളും ജീവിതത്തിലുടനീളം പുലർത്തുന്ന നല്ല മക്കളായി വളരാൻ ശ്രമിക്കണം. ലഹരി മയക്കുമരുന്നുകളുടെ കരാളഹസ്തങ്ങൾ നമുക്കു ചുറ്റുമുണ്ടെന്ന തിരിച്ചറിവിൽ അറിവാകണം നിങ്ങൾക്ക് ലഹരി. ഭാവിയുടെ തലമുറയെ വാർത്തെടുക്കുവാൻ ഒരുങ്ങുന്ന മുഴുവൻ അധ്യാപകർക്കും പ്രാർത്ഥനാശംസകൾ. ഒപ്പം പ്രിയ മാതാപിതാക്കളെ, കുട്ടികൾക്ക് വീടുകളിൽ മികച്ച പഠനാന്തരീക്ഷം ഒരുക്കേണ്ടതും അവരെ ചേർത്തുപിടിക്കേണ്ടതും നിങ്ങളോരുരുത്തരുമാണ്. അവർക്ക് നിങ്ങളാകണം മാതൃക. മൊബൈൽ ഫോൺ ഉപയോ​ഗം പഠനാവശ്യങ്ങൾക്ക് മാത്രമായി പരിമതപ്പെടുത്തി സ്ക്രീൻടൈം കുറച്ച് പഠനത്തിൽ ശ്രദ്ധകേന്ദ്രീകരിക്കണം. പഠിച്ചും വായിച്ചും അറിവ് ആർജ്ജിച്ചും നൂറ്മേനി വിളയുന്ന നല്ല വിത്തുകളായിത്തീരാൻ സർവ്വേശ്വരൻ കൃപചൊരിയട്ടെ എന്ന് പ്രാർത്ഥിക്കുന്നു. ഏവർക്കും ഒരിക്കൽക്കൂടി തിരുമേനി അപ്പച്ചന്റെ ഹൃദയം നിറഞ്ഞ പ്രാർത്ഥനാശംസകൾ.

-ബസേലിയോസ് മാർത്തോമ്മാ മാത്യൂസ് തൃതീയൻ✍️

31/05/2026