MJSC - Malankara Jacobite Syrian Christians

05/10/2026

02/10/2026

കർത്താവിൽ പ്രീയരെ,
പരിശുദ്ധ ഗ്രീഗോറിയോസ് കൊച്ചുതിരുമേനി തൻ്റെ ബാല്യകാലത്ത് വന്നിരുന്ന് പ്രാർത്ഥിച്ചിരുന്നതും നിലത്തെഴുത്ത് അഭ്യസിച്ചിരുന്നതുമായ പുണ്യഭൂമിയിൽ പരിശുദ്ധൻ്റെ നാമധേയത്തിൽ പുണ്യശ്ലോകനായ പെരുമ്പള്ളി തിരുമേനിയാൽ സ്‌ഥാപിതമായിട്ടുള്ളതും, അപേക്ഷിച്ചാൽ ഉപേക്ഷിക്കാത്തവനായ വിശുദ്ധ ഗീവർഗീസ് സഹദായുടെ തിരുശേഷിപ്പിനാൽ അനുഗ്രഹീതമായതും, ജീവിത പ്രതിസന്ധികളിൽ പ്രയാസങ്ങളിൽ രോഗാവസ്‌ഥയിൽ അനുതാപത്തോടും കണ്ണുനീരോടും വന്നു യാചിക്കുന്നവർക്ക് ആശ്വാസത്തിന്റെയും സമാധാനത്തിന്റെയും അനുഗ്രഹത്തിൻ്റെയും ഉറവയായി പരിലസിക്കുന്നതുമായ മോർ ഗ്രീഗോറിയോസ് സ്‌മാരക കുരിശുപള്ളിയുടെ 63 ാം വാർഷികവും പരിശുദ്ധ ചാത്തുരുത്തിൽ മോർ ഗ്രീഗോറിയോസ് കൊച്ചുതിരുമേനിയുടെ ഓർമ്മ പെരുന്നാളും 2026 നവംബർ 1 ഞായറാഴ്ച്ച വൈകിട്ട് 6.30 മുതൽ ഭക്ത്യാദരപൂർവ്വം കൊണ്ടാടുവാൻ പ്രത്യാശിക്കുന്നു.

പരിശുദ്ധവും പരിപാവനവുമായ ഈ കുരിശുപള്ളിയിൽ എഴുത്തിനിരുന്ന് വിദ്യാരംഭം കുറിച്ചിട്ടുള്ളവരും, പ്രദേശവാസികളായ നാനാജാതി മതസ്‌ഥരും ചേർന്നാണ് ഈ പെരുന്നാൾ നടത്തുന്നത്. നവംബർ മാസം ഒന്നാം തീയതി വൈകിട്ട് നടക്കുന്ന പെരുന്നാൾ ചടങ്ങുകളിലേക്ക് വിശ്വാസികളേവരേയും പെരുന്നാൾ ആഘോഷ കമ്മിറ്റിക്ക് വേണ്ടി ഹൃദയപൂർവ്വം ക്ഷണിക്കുന്നു.

ആഘോഷ കമ്മിറ്റിക്ക് വേണ്ടി

വികാരി - ഫാ.ബാബു ഏലിയാസ്
തെക്കുംപുറത്ത്.
ജനറൽ കൺവീനർ.
റിബു വർഗീസ്

30/09/2026

ഹൈറേഞ്ച് മേഖല കോതമംഗലം തീർത്ഥയാത്ര 2026 ഒക്ടോബർ 1 വ്യാഴം ഉച്ചയ്ക്ക് 12 30ന് കല്ലാർ സെന്റ് മേരീസ് യാക്കോബായ സുറിയാനി പള്ളിയിൽ നിന്നും ആരംഭിക്കുന്നു

22/09/2026

MJSSA ഭദ്രാസനതല മത്സരത്തിൽ മുളന്തുരുത്തി സൗത്ത് ഡിസ്റ്റിക് മൂന്നാം സ്ഥാനം കരസ്ഥമാക്കി. പെരുമ്പള്ളി മോർ ഇഗ്നാത്തിയോസ് സൺഡേസ്കൂൾ ഏറ്റവും കൂടുതൽ പോയിൻറ് ലഭിച്ച സൺഡേ സ്കൂൾ ആയി തിരഞ്ഞെടുക്കപ്പെട്ടു.
പെരുമ്പള്ളി മോർ ഇഗ്നാത്തിയോസ് സൺഡേ സ്കൂൾ വിദ്യാർത്ഥി സിറിൾ മാത്യു ബേസിൽ, സീനിയർ വിഭാഗം പ്രസംഗമത്സരത്തിലും, സാമുവൽ ജോൺ ബേസിൽ തങ്കവാക്യ മത്സരത്തിലും ഒന്നാം സ്ഥാനം കരസ്ഥമാക്കി അഖില മലങ്കരയിലേക്കുള്ള മത്സരത്തിലേക്ക് തിരഞ്ഞെടുക്കപ്പെട്ടു. പങ്കെടുത്ത എല്ലാ വിദ്യാർത്ഥികൾക്കും, ഇതിനുവേണ്ടി കുട്ടികളെ പ്രാപ്തരാക്കിയ വൈദികർക്കും, രക്ഷിതാക്കൾക്കും, അദ്ധ്യാപകർക്കും പ്രത്യേകം അഭിനന്ദനങ്ങൾ...

19/09/2026

കൊറേ- എപ്പിസ്കോപ്പ സ്ഥാനത്തേക്ക് ഉയർത്തപ്പെട്ടതിനുശേഷം ആദ്യമായി തൻ്റെ ഇടവകയായ പെരുമ്പള്ളി സെൻറ് ജോർജ് സിറിയൻ സിംഹാസന പള്ളിയിൽ വന്ദ്യ. ജേക്കബ് കുരുവിള കോറോപ്പിസ്കോപ്പ 20.09.26 ഞായറാഴ്ച വിശുദ്ധ കുർബാന അർപ്പിക്കുന്നു.

18/09/2026

കന്നി 20 പെരുന്നാൾ തീർത്ഥാടന വിളംബര ഘോഷയാത്ര നടത്തപ്പെട്ടു

കോതമംഗലം: മാർ തോമ ചെറിയ പള്ളിയിൽ കബറടങ്ങിയിരിക്കുന്ന പരിശുദ്ധ യൽദോ മോർ ബസേലിയോസ് ബാവയുടെ 341-ാം ഓർമ്മ പെരുന്നാളിന് തുടക്കം കുറിച്ചുകൊണ്ടുള്ള
വിളംബര ഘോഷയാത്ര നടത്തപ്പെട്ടു. പരിശുദ്ധ ബാവാ മലങ്കരയിൽ എഴുന്നള്ളി വന്നപ്പോൾ പ്രഥമ ബലി അർപ്പിച്ച പള്ളിവാസലിലെ അള്ളാ കോവിലിൽ നിന്നും കോതമംഗലം മാർ തോമ ചെറിയ പള്ളിയിലേക്ക് ആണ് ഘോഷയാത്ര നടത്തപ്പെട്ടത്. ഹൈറേഞ്ച് മേഖല മെത്രാപ്പോലീത്ത ഡോ. ഏലിയാസ് മോർ അത്താനാസി യോസ് മെത്രാപ്പോലീത്ത ഘോഷയാത്ര ഫ്ലാഗ് ഓഫ് ചെയ്തു. ഹൈറേഞ്ചിലെ വിവിധ ദൈവാലയങ്ങൾ സന്ദർശനം നടത്തി. കോതമംഗലത്തിലെ വിവിധ ദൈവാലയങ്ങൾ സന്ദർശിച്ച ഘോഷയാത്രയെ കോതമംഗലം മുനിസിപ്പൽ ഓഫീസിന് മുമ്പിൽ MLA ഷിബു തെക്കുംപുറം, മുൻ MLA ആന്റണി ജോൺ, ബ്ലോക്ക്‌ പഞ്ചായത്ത് പ്രസിഡന്റ്‌ ജെസ്സി സാജു, ചെയർ പേഴ്സൺ ഭാനുമതി രാജു, വൈസ് ചെയർമാൻ പ്രിൻസ് വർക്കി, പ്രതിപക്ഷ നേതാവ് CPS ബാലൻ, വ്യാപാരി വ്യവസായി ഏകോപന സമിതി, മറ്റ് കൗൺസിൽ മെമ്പേഴ്സ് എന്നിവർ ചേർന്ന് സ്വീകരിച്ചു. തുടർന്ന് പള്ളി വക സ്ഥാപനങ്ങളിലെ സെക്രട്ടറിമാർ മാനേജർ തുടങ്ങിയവരും , മറ്റ് രാഷ്ട്രീയ സാമൂഹിക സാമുദായിക നേതാക്കൾ എന്നിവർ ചേർന്ന് ഹാരാർപ്പണം നടത്തി തീർത്ഥാടന വിളംബര ഘോഷയാത്രയെ സ്വീകരിച്ചു. പള്ളിയിൽ എത്തിച്ചേർന്ന ഘോഷയാത്രയെ മേഖല മെത്രാപ്പോലീത്ത അഭിവന്ദ്യ ഏലിയാസ് മോർ യൂലിയോസ് തിരുമേനി ആശിർവദിച്ചു. വിളംബര ഘോഷയാത്രയ്ക്ക് വികാരി ഫാ. സാജു ജോർജ്, സഹ വികാരിമാരായ ഫാ. സിബി ഇടപ്പുളവൻ, ഫാ. എൽദോസ് ചെങ്ങമനാട്ട്, ഫാ. നോബി വെട്ടിച്ചിറ, ഫാ. അമൽ കുഴികണ്ടത്തിൽ, ഫാ. സിച്ചു രാജു, തന്നാണ്ട് ട്രസ്റ്റിമാരായ ബേബി പാറേക്കര , ബിനോയ്‌ മണ്ണഞ്ചേരി, വർക്കിംഗ് കമ്മിറ്റി അംഗങ്ങൾ, മാനേജിങ് കമ്മിറ്റി അംഗങ്ങൾ നേതൃത്വം നൽകി. 100 കണക്കിന് വിശ്വാസികളും ആദിയോടന്തം ഘോഷയാത്രയിൽ പങ്കുചേർന്നു.

I