Jacobites Mulanthuruthy

30/09/2026

കോതമംഗലം ചെറിയപള്ളിയിൽ കബറടങ്ങിയിരിക്കുന്ന പരിശുദ്ധനായ
യൽദോ മാർ ബസേലിയോസ് കബറിലേക്കുള്ള 43-ാം മത് കാൽനട തീർത്ഥയാത്ര കോവിൽകടവ് സെൻ്റ് ജോർജജ് യാക്കോബായ സുറിയാനി ആരംഭിച്ചു.....

27/09/2026

26/09/2026

കൂദാശ കർമ്മം നിർവഹിച്ചു....
ആലാട്ടുചിറ : യാക്കോബായ സുറിയാനി സഭയുടെ അങ്കമാലി ഭദ്രാസനത്തിലെ പെരുമ്പാവൂർ മേഖലയിൽപ്പെട്ട ആലാട്ടുചിറ സെൻ്റ് മേരിസ് യാക്കോബായ സുറിയാനി പള്ളിക്ക് കീഴിലുള്ള സെൻ്റ് മേരിസ് യൂത്ത് അസോസിയേഷൻ നിർമ്മിച്ചു നൽകുന്ന ഭവനത്തിന്റെ കൂദാശ കർമ്മം ഇടവക വികാരി മൂലേക്കുടിയിൽ ബഹു. നെൽസൺ ജോയി കശ്ശീശയും, സഹവികാരി ബഹു.ബേസിൽ പൊട്ടയ്ക്കൽ കശ്ശീശയും ചേർന്ന് നിർവ്വഹിച്ചു.... യൂത്ത് അസോസിയേഷൻ പ്രവർത്തകരും ഭാരവാഹികളും ചടങ്ങിൽ സന്നിഹിതരായിരുന്നു

26/09/2026

പരി.അമ്മയുടെ കാരുണ്യം നിറയും
*ആലാട്ടുചിറ പള്ളി ....*

വിശുദ്ധനായ മോർ തോമാ ശ്ലീഹായുടെ പാദസ്പർശമേറ്റയിടമെന്ന്
കേരളത്തിലെ ക്രൈസ്തവർ വിശ്വാസിക്കുന്ന മലയാറ്റൂർ മലനിരകളുടെ താഴ്‌വരയിൽശാന്ത സുന്ദരമായ ഒഴുകുന്ന പെരിയാറിന്റെ തീരത്ത് സ്ഥിതി ചെയ്യുന്ന പരിശുദ്ധ യാക്കോബായ സുറിയാനി സഭയുടെ അങ്കമാലി ഭദ്രാസനത്തിലെ പെരുമ്പാവൂർ മേഖലയിൽ ഉൾപ്പെടുന്ന പുണ്യ ദൈവാലയമാണ് ആലാട്ടുചിറ ബെത്‌ലഹേം സെൻറ് മേരീസ് യാക്കോബായ സുറിയാനി പള്ളി.... കഴിഞ്ഞ 85 ൽ പരം വർഷമായി ആലാട്ടുചിറ ദേശത്തിൻ്റെ പ്രഭയും കെടാവിളക്കും നാനാജാതി മതസ്ഥരായ ആലാട്ടു ചിറ നിവാസികളുടെ ആശ്രയവും അഭയകേന്ദ്രവുമാണ് ആലാട്ടുചിറ പള്ളി ...

കൊല്ലവർഷം1115മീനമാസം 28-ാം തിയ്യതി2474 ധനാധാര പ്രകരം ഇലഞ്ഞിക്കമാലി മാത്യൂ പൈലി ദാനമായി നൽകിയ സ്ഥലത്ത് ഒരു ദൈവാലയം സ്ഥാപിക്കാനുള്ള അനുമതി തേടി ആലാട്ടു ചിറയിലെ യാക്കോബായ വിശ്വാസികൾ അന്നത്തെ യാക്കോബായ സുറിയാനി സഭയുടെ അന്നത്തെ അങ്കമാലി ഭദ്രാസനാധിപനായിരുന്ന പൗലോസ് മോർ അത്തനാസിയോസ് വലിയ തിരുമേനിയെ സമീപിക്കുകയും തുടർന്ന് പിതാവ് നൽകിയ 1940 ഒക്ടോബർ 12 -ാം തിയ്യതിയിലെ 117-ാം നമ്പർ അനുവാദ കൽപന പ്രകാരം ഇടവകാംഗങ്ങൾ ബഹു ഗവൺമെൻ്റിൽ അപേക്ഷ സമർപ്പിച്ചതിൻപ്രകാരം .....1116.5.27 ലെ 7412 ലെ 40ാം നമ്പർ ഉത്തരവ് പ്രകാരം ദൈവാലത്തി നുള്ള അനുമതി ലഭിക്കുകയും ... തുടർന്ന് അഭി. പിതാവിൻ്റെ 1941 ലെ ജനുവരി 25 ലെ രണ്ടാം നമ്പർ കൽപന പ്രകാരം 1941 ജനുവരി 28 ന് വി. സ്ലീബാ സ്ഥാപിച്ച് തബലീത്ത വെച്ച് തെക്കെക്കര ബഹു . മാത്തു യാക്കോബ് കശ്ശീശ ദൈവാലയത്തിൽ പ്രഥമ ദിവ്യബലിയർപ്പിച്ചു...
1943 മാർച്ച് മാസം 17ാം - തിയ്യതി ബഹു.കണക്കമ്മാവുകുടി ഔസേഫ് കശ്ശീശാ ശിലാ സ്ഥാപനം നടത്തി നിർമ്മിച്ച ദൈവാലയം 1994-98 കാലയളവിൽ പുതുക്കി പണിയുകയും 1998 നവംബർ 17, 18 തിയ്യതികളിൽ അന്നത്തെ അങ്കമാലി ഭദ്രാസന മെത്രാപ്പോലീത്തയായിരുന്ന
നി. വ. ദി ശ്രീ ഡോ. തോമസ്സ് മോർ ദിവന്ന്യാസിയോസ് മെത്രാപ്പൊലീത്ത (കാലം ചെയ്ത പുണ്യശ്ലോകൻ ഡോ. മോർ ബസേലിയോസ് തോമസ് പ്രഥമൻ ബാവ)യുടെ മുഖ്യ കാർമ്മീകത്വത്തിലും സഭയിലെ അഭിവന്ദ്യ പിതാക്കന്മാരുടെ സഹകാർമ്മീകത്വത്തിലും ദൈവാലയത്തിൻ്റെ മൂറോൻ കൂദാശ നിർവഹിക്കപ്പെട്ടു....

_ത്രോണോസുകൾ_

ദൈവാലയത്തിലെ പ്രധാന ത്രോണോസ് തമ്പുരാനെ പെറ്റ ശുദ്ധിമതിയായ വി. ദൈവമാതാവിൻ്റെ നാമത്തിലാണ്

_കുരിശും തൊട്ടികൾ_
ആലാട്ടുചിറയിലും പുലിയണിക്കാ പറയ്ക്കു സമീപവും അശ്വാരൂഢനായ വിശുദ്ധ ഗീവർഗീസ് സഹദായുടെ നാമത്തിലും, കാഞ്ഞിരക്കുന്നിൽ താപസശ്രേഷ്ഠനായ വി.പരുമല തിരുമേനിയുടെ നാമത്തിലും, പുലിയണിക്കാ പാറയ്ക്ക് സമീപം മോർ കൗമാ പിതാവിൻ്റെ നാമത്തിലും, പാണം കുഴിയിൽ വി. യൽദോ മോർ ബസേലിയോസ് ബാവയുടെ നാമത്തിലും കാപ്രിക്കാട് വി. ദൈവമാതാവിൻ്റെ നാമത്തിലും കൂടാതെ പള്ളിയുടെ പടിഞ്ഞാറ് വശത്ത് വി.പത്രോസ് പൗലോസ് ശ്ലീഹേന്മാരുടെ നാമത്തിലും കുരിശും തൊട്ടികൾ സ്ഥാപിച്ചിരിക്കുന്നു.....

_ചാപ്പലുകൾ_
പുതുമനയിൽ വി. മോർ ഇഗ്നാത്തിയോസ് ഏലിയാസ് തൃതീയൻ ബാവായുടെ നാമത്തിൽ സ്ഥാപിച്ചിരുന്ന കുരിശും തൊട്ടി പിന്നീട് ചാപ്പലായി ഉയർത്തി ..... പ്രസ്തുത ചാപ്പലിൻ്റെ അടിസ്ഥാനശില അന്നത്തെ എപ്പിസ്കോപ്പൽ സുന്നഹദോസ് സെക്രട്ടറി നി.വ.ദി ശ്രീ ജോസഫ് മോർ ഗ്രിഗോറിയോസ് തിരുമനസ് ( മോർ ബസേലിയോസ് ജോസഫ് കാതോലിക്ക ബാവ )കൊണ്ട് ആശീർവദിച്ച് നൽകുകയും 2013 ഫെബ്രുവരി 11-ാം തിയ്യതി അങ്കമാലി ഭദ്രാസനം പെരുമ്പാവൂർ മേഖല മെത്രാപ്പോലീത്ത അഭി. മാത്യൂസ് മാർ അപ്രേം തിരുമനസ് കൊണ്ട് ശിലാ സ്ഥാപനം നടത്തുകയും നിർമ്മാണ പ്രവർത്തനം പൂർത്തീകരിച്ച ചാപ്പലിന്റെ കൂദാശ കർമ്മം....പിതാവുകൊണ്ട് 2018 സെപ്റ്റംബർ എട്ടാം തീയതി നിർവഹിക്കുകയും ചെയ്തു...

_തിരുശേഷിപ്പ് സ്ഥാപനം_

മലങ്കരയിൽ സമാധാനം സ്ഥാപിക്കുനായി പരിശുദ്ധ അന്ത്യോക്യാ സിംഹാസനത്തിൽ നിന്നും മലങ്കരയിലേക്ക് എഴുന്നള്ളി വന്ന് മഞ്ഞിനിക്കരയിൽ കബറടങ്ങിയിരിക്കുന്ന പുണ്യവാനും വിശുദ്ധനുമായ വി.മോർ ഇഗ്നാത്തിയോസ് ഏലിയാസ് തൃതീയൻ ബാവായും തിരുശേഷിപ്പ് 2012 നവംബർ മാസം 18 -ാം തീയതി സഭയുടെ അന്നത്തെ പ്രാദേശിക തലവനും ശ്രേഷ്ഠ കാതോലിക്കയുമായിരുന്ന ആബൂൻ മോർ ബസേലിയോസ് തോമസ് പ്രഥമൻ ബാവ തിരുമനസ്സുകൊണ്ട് .... ഈ ദൈവാലയത്തിൽ സ്ഥാപിച്ചു...

_ആധ്യാത്മിക സംഘടനകൾ_

പെരുമ്പാവൂർ സബ് രജിസ്ട്രാർ ഓഫീസിൽ113/75-ാം നമ്പറായി രജിസ്റ്റർ ചെയ്യപ്പെട്ട ഭരണഘടന പ്രകാരവും പ്രസ്തുത ഭരണഘടനാ നിശ്ചയ പ്രകാരവും ഭരിക്കപ്പെടുന്ന ദൈവാലയം .... പരിശുദ്ധ അന്ത്യോഖ്യാ സിംഹാസനത്തോട് കൂറും വിധേയത്വവുമുള്ള 492 ൽ പരം ഇടവക ഭവനങ്ങളിൽപ്പെട്ട 1600 ൽ അധികം ഇടവകാംഗങ്ങളുണ്ട്... സൺഡേ സ്കൂൾ വനിതാ സമാജം എൽഡേഴ്സ് ഫോറം കുടുംബയൂണിറ്റുകൾ യൂത്ത് അസോസിയേഷൻ എന്നീ പ്രസ്ഥാനങ്ങളും സംഘടനകളും ഇടവകയുടെ ആധ്യാത്മിക വളർച്ചയ്ക്കായി എണ്ണയിട്ട യന്ത്രം പോലെ പ്രവർത്തിച്ച് വരുന്നു ...

_പെരുന്നാളുകൾ_

പുണ്യ ശ്ലോകനും വിശുദ്ധനുമായ പൗലോസ് മാർ അത്താനാസിയോസ് വലിയ തിരുമേനിയുടെ അനുവാദ കൽപ്പനയോടുകൂടി വിശുദ്ധ സ്ലീബാ സ്ഥാപിച്ച് പ്രഥമ ബലിയർപ്പണം നടത്തിയ ദിനമായ മകരം 15നാണ് ആദ്യകാലത്ത് ദൈവാലയത്തിന്റെ കല്ലിട്ട പെരുന്നാളായി ആഘോഷിച്ചിരുന്നത് എന്നാൽ അത് പിന്നീട് വൃശ്ചികം 5 മാറ്റുകയായിരുന്നു .....ആണ്ടുതോറും വൃശ്ചികം അഞ്ചാം തീയതി ദൈവാലയത്തിന്റെ കല്ലിട്ട പെരുന്നാളായി ആഘോഷിക്കപ്പെടുന്നു.... കൂടാതെ വിശുദ്ധനായ മോർ ഈഗ്നാത്യോസ് ഏലിയാസ് തൃതീയൻ ബാവായുടെ നാമത്തിൽ സ്ഥാപിതമായിരിക്കുന്ന ആണ്ടുതോറും ഫെബ്രുവരി മാസം രണ്ടാമത്തെ ശനിയാഴ്ച പെരുന്നാൾ ആചരിച്ചു വരുന്നു ......

_ദൈവാലയ പുന: നിർമ്മാണവും മുറോൻ കൂദാശയും_

കർത്താവിൻ്റെ അളവറ്റ കരുണയായാലും ...പരിശുദ്ധ അമ്മയുടെ മഹാമാധ്യസ്ഥതയാലും ദൈവകൃപയാൽ
ഇടവകയുടെ അതിവേഗം വളർച്ച പ്രാപിച്ചു വരുന്നു .... തുടർന്ന് ദൈവാലയം പുനർനിർമ്മിക്കാൻ തീരുമാനമാകുകയും ...
2025സെപ്തംബർ മാസം 7 തിയ്യതി അങ്കമാലി ഭദ്രാസനം പെരുമ്പാവൂർ മേഖല മെത്രാപ്പോലീത്ത നി .വ.ദി ശ്രീ. മാത്യൂസ് മോർ അപ്രേം മെത്രാപ്പോലീത്ത തിരുമനസ്സുകൊണ്ട്ശിലാസ്ഥാപനം നടത്തി നിർമ്മാണം പൂർത്തീകരിച്ച ദൈവാലയത്തിന്റെ വി. മൂറോൻ അഭിഷേക കുദാശയും, ബലിയർപ്പണവും 2026 സെപ്റ്റംബർ 26, 27 (ശനി, ഞായർ) തീയതികളിൽ ശ്രേഷ്ഠ കാതോലിക്ക ആബൂൻ മോർ ബസ്സേലിയോസ് ജോസഫ് ബാവായുടെ മുഖ്യകാർമ്മികത്വത്തിലും, അഭിവന്ദ്യ മെത്രാപ്പോലീത്തന്മാരുടെ സഹകാർമ്മികത്വത്തിലും നടത്തപ്പെടുന്നു.....

*വി. കുർബ്ബാന സമയം*

ഞായറാഴ്ച

രാവിലെ 6.15 നും , 8 മണിക്കും

_ബുധനാഴ്ച_

രാവിലെ 7 മണിക്ക്

21/09/2026

സെൻട്രൽ ഗവൺമെൻറ് അഡീഷണൽ സ്റ്റാൻഡിങ് കൗൺസൽ ആയി നിയമിതനായ പരിശുദ്ധ യാക്കോബായ സുറിയാനി സഭയുടെ വർക്കിംഗ് കമ്മിറ്റി മെമ്പറുമായ അഡ്വക്കറ്റ്. എം കെ വർഗീസ് മുല്ലശ്ശേരിക്ക് അഭിനന്ദനങ്ങൾ

19/09/2026

*എടപ്പങ്ങാട്ടിൽ വല്ല്യച്ചൻ്റെ ഓർമ്മകൾക്ക് അൻപതാണ്ട്*
ചില വ്യക്തിത്വങ്ങൾ അങ്ങിനെയാണ് കാലമേറെ കഴിഞ്ഞാലും അവരുടെ ഓർമ്മകൾ എന്നും പൊതു സമൂഹത്തിൽ നിറഞ്ഞു നിൽക്കും... അതിനുകാരണം അവർ തങ്ങളുടെ ജീവിതകാലത്ത് നടത്തിയ സൽകർമ്മങ്ങൾ തന്നെയാണ് .....അത്തരത്തിൽ

ജനകീയതയുടെയു, വിശ്വാസധീരതയും , ധീരപ്രവർത്തിയുടെയും സർവ്വോപരി പരി. അന്ത്യോഖ്യാ സിംഹാസനത്തോടുള്ള കൂറിൻ്റെയും ഭയഭക്തി ബഹുമാനാദരവിൻ്റെയും പര്യായമായിരുന്നു യാക്കോബായ ക്കാരന്റെ തറവാടും , പരി.സഭയുടെ ഉരുക്കു കോട്ടയുമായ മുളന്തുരുത്തിയിലെ ഒരു തലമുറ ഏറെ അഭിമാനത്തോടെ ഓർക്കുന്ന വൈദീക ശ്രേഷ്ഠൻ ദിവംഗതനായ എടപ്പങ്ങാട്ടിൽ വന്ദ്യ . യാക്കോബ് കോർഎപ്പിസ്കോപ്പ അഥവാ എടപ്പങ്ങാട്ടിൽ വല്യച്ചൻ

വൈദീകൻ , അധ്യാപകൻ, സഹകരണ സംഘം പ്രസിഡന്റ് എന്നീ വ്യത്യസ്ഥങ്ങളായ മേഖലകളിൽ തന്റെ തായ വ്യക്തിമുദ്ര പതിപ്പിച്ച അച്ചൻ വിടവാങ്ങിയിട്ട് 50 വർഷങ്ങൾ പിന്നിടുകയാണ്.... എങ്കിലും ഇന്നും മുളന്തുരുത്തി നിവാസികളുടെ മനസിൽ മായാത്ത മറയാത്ത ദീപമായ ഓർമ്മയാണ് ഇന്നും ഇടപ്പങ്ങാട്ടിൽ വല്ല്യച്ചൻ ....

1903 മാർച്ച് 29 ന് മുളന്തുരുത്തി ദേശത്ത് ഇടപ്പങ്ങാട്ടിൽ ഡാനിയേലിൻ്റെയും ചെറുമക്കട ചാച്ചിയുടെയും മകനായി ജനിച്ച ഇ.ഡി.യാക്കോബിൻ്റെ ജീവിതം ബാല്യം മുതൽ തന്നെ വെല്ലുവിളികൾ നിറഞ്ഞതായിരുന്നു .... ബാല്യത്തിൽ തന്നെ മാതാവ് മരണപ്പെട്ടതിനാൽ പിന്നീടുള്ള കാലം പിതൃ സഹോദരന്റെ സംരക്ഷണത്തിലാണ് യാക്കോബ് വളർന്നത്... പഠിക്കാൻ മിടുക്കനും ഗണിത ശാസ്ത്രത്തോട് താൽപര്യവുമുണ്ടായിരുന്ന യാക്കോബ് S.S.L.C വിദ്യാഭ്യാസവും T.T.C യും പാസായ ശേഷം ദൈവവിളിക്ക് ചെവി കൊടുക്കുകയായിരുന്നു.... തുടർന്ന് വൈദീകവിദ്യാഭ്യാസം പൂർത്തിയാക്കി..

1931 ൽ വി. മോർ ഇഗ്നാത്തിയോസ് ഏലിയാസ് തൃതീയൻ ബാവായിൽ (ഓമല്ലൂർ ബാവയിൽ ) നിന്നും വൈദിക പട്ടം സ്വീകരിച്ചു.... സഭാ തർക്കം അതീവ ഗുരുതരമായ സ്ഥിതിയിലുടെ കടന്ന് പോയ കാലഘട്ടമായിരുന്നു അത് ... തൻമൂലം അച്ചന് പള്ളിയിൽ വീതം നിക്ഷേധിക്കുകയും ഓമല്ലൂർ ബാവ പട്ടം നൽകിയതിനാൽ

*"ശീമക്കാരന്റെ* *കൈയ്യിൽ നിന്നും പട്ടം* *മേടിച്ചാൽ ശീമയിൽ പോയി* *കുർബ്ബാന*

*ചൊല്ലണം* എന്ന അധിക്ഷേപ വാക്ക് മറുവിഭാഗത്തോട് കൂറുണ്ടായിരുന്ന മുളന്തുരുത്തിയിലെ വളരെ മുതിർന്നഒരു വൈദീകനിൽ നിന്നും അച്ചന് നേരെ ഉണ്ടാവുകയും ചെയ്തു ... എന്നാൽ അത്തരം വാക്കുകൾക്ക് അർഹിക്കുന്ന അവഗണ നൽകിയ അച്ചൻ നിയമ പോരാട്ടത്തിലൂടെ തന്റെ വീതം നേടിയെടുത്തു ....

സ്വന്തം കുടുംബത്തിൽ നിന്നു വെല്ലുവിളികൾ ഉണ്ടായിട്ടു പോലും അടിപതറാതെ അന്ത്യോഖ്യാ സിംഹാസനത്തിൻ കീഴിൽ ഉറച്ച് നിന്ന് മുളന്തുരുത്തിലെ സത്യവിശ്വാസികൾക്ക് നേത്യത്വവും ബലവും നൽകി നയിച്ച് സുറിയാനി സഭയുടെ മുളന്തുരുത്തിയിലെ മുഖമായി മാറുകയും ..... ദീർഘകാലം മുളന്തുരുത്തി പള്ളിയുടെ ഇടവക വികാരിയായി ചുമതല വഹിക്കുകയും ചെയ്തുവെന്നത് യാഥാർത്ഥ്യം... സഭയുടെ ചട്ടക്കൂടിൽ ഉറച്ച് നിന്ന് വേദവിപരീതികളോട് സന്ധിയില്ലാ പോരാട്ടം നയിച്ചത് അച്ചൻ്റെ നിലപാടുകൾക്ക് .....ഇന്നീ ദിനങ്ങളിൽ ഏറെ പ്രസക്തിയുണ്ട്....

തന്നെ പേര് ചൊല്ലി വിളിച്ച് വൈദീക സ്ഥാനത്തേക്കുയർത്തിയ

പരി. മോറാനിൽ വലിയ ഭക്തിയും വിശ്വാസവുമുണ്ടായിരുന്നു അച്ചന്. ഓമല്ലൂർ കബറിങ്കലേക്കുള്ള കാൽനട തീർത്ഥയാത്ര മണീട് നിന്നും പുറപ്പെടുന്നതിന് മുൻപ് എല്ലാ വർഷവും നടത്തപ്പെടുന്ന വി.കുർബ്ബാന അക്കാലഘട്ടത്തിൽ പലവർഷങ്ങളിലും അർപ്പിച്ചിരുന്നത് അച്ചനായിരുന്നു ...ബാവായോടുള്ള നന്ദി സൂചകമായും മോറാന്റെ പാവനമായ ഓർമ്മ നിലനിർത്താനുമായാണ് അച്ചൻ തന്റെ മൂത്തമകന് ഏലിയാസ് എന്ന് പേര് നൽകിയത്.... അച്ചന്റെ ആരാധനാ ഏറെ ഹൃദയസ്പർശിയും സ്വർഗ്ഗീയ അനുഭൂതി നൽകുന്നതുമാണെന്ന കാര്യം പ്രത്യേകം പരാമർശിക്കേണ്ടതാണ്(പ്രത്യോകിച്ച് കഷ്ടാനുഭവ ആഴ്ചകളിലെത്)ഹൃദയ സ്പർശിയായിരുന്നുവെന്ന് മുൻ തലമുറക്കാർ പറഞ്ഞ് കേട്ടിട്ടുണ്ട്.

പനങ്ങനാട് സനാധന ധർമ്മ

സ്കൂളിലെ അധ്യാപകനായി തന്റെ ഔഗ്യോഗിക ജീവിതം ആരംഭിച്ച വന്ദ്യ .അച്ചൻ പിന്നീട് മുളന്തുരുത്തിCGLP സ്കൂളിന്റെ അധ്യാപകനായി ചുമതലയേറ്റൂ.....പ്രധാന അധ്യാപകനായാണ് സർവ്വീസിൽ നിന്നും വിരമിച്ചത് ....

ഇതിനിടെ മുളന്തുരുത്തി സഹകരണ സംഘം പ്രസിഡന്റായും സേവനമനുഷ്ഠിച്ചു...ഒരു ഇടവക വികാരി എന്നതിനപ്പുറം മുളന്തുരുത്തിയിലെ ഓരോ വിശ്വാസിയോടും ഒപ്പം മുളന്തുരുത്തി നിവാസികളുമായി ഹൃദ്യമായവ്യക്തിബന്ധം കാത്തു സൂക്ഷിച്ച അച്ചനെതിരെ ആരും അക്കാലത്ത് സഹകരണ സംഘം തെരെഞ്ഞെടുപ്പിൽ മത്സരിക്കില്ലായിരുന്നു ... മുളന്തുരുത്തി ഇടവകയിലും ദേശത്തും അത്രയേറെ ജനകീയനായിരുന്നു എടപ്പങ്ങാട്ടിൽ വല്യച്ചൻ....

പെരുമ്പിള്ളി സെന്റ് ജോർജ് സിറിയൻ സിംഹാസനപ്പള്ളിയുടെ സ്ഥാപനത്തിനായുള്ള പ്രവർത്തനങ്ങളിൽ പങ്കാളിയായിരുന്നത് കൂടാതെ ..... പെരുമ്പിള്ളി പള്ളിയിൽ ആദ്യ ബലിയർപ്പിച്ചതും അച്ചനാണ് ..... പെരുമ്പിളളി പള്ളിയിൽ ദീർഘകാലം വികാരിയായി ശുശ്രൂഷ നിർവ്വഹിക്കുകയും ചെയ്തിട്ടുമുണ്ട് ... വന്ദ്യ അച്ചൻ

70 കളിലെ പ്രതിസന്ധി നിറഞ്ഞ കാലഘട്ടത്തിൽ മുളന്തുരുത്തിയിലെ പരി. അന്ത്യോഖ്യാ സിംഹാസന വിശ്വാസികളുടെ നേതാവ് , മുന്നണി പോരാളി... പ്രധാന മുഖമായിരുന്നു എടപ്പങ്ങാട്ടിലച്ചൻ

വളരെ ചെറിയ പ്രായത്തിൽ തന്നെ ഉണ്ടായ സഹധർമ്മിണിയുടെ വിയോഗം മൂലം

വ്യക്തിപരമായി ഏറെ വിഷമതകളും ദുഃഖങ്ങളും അച്ചനെ ഉണ്ടായിരുന്നു എങ്കിൽ പോലും എല്ലാം ഉള്ളിലൊതുക്കി ചെറിയ പുഞ്ചിരിയോടെയും നർമം കലർന്നതും സ്നേഹ നിർഭരവുമായതുമായ പെരുമാറ്റത്തിലൂടെയുമാണ് വിശ്വാസികളോട് പെരുമാറിയിരുന്നത്.

72കളിലെ പരി. സഭയുടെ പ്രതിസന്ധി ഘട്ടത്തിൽ തന്റെ വ്യക്തി ജീവിതത്തിൽ തന്നെ ഉണ്ടായ നഷടങ്ങളെ അവഗണിച്ച് , തന്റെ കൂടെ പ്രവർത്തിച്ചവർ ചിലർ മറുവിഭാഗത്തിലേക്ക് ചേക്കേറിയിട്ട് കൂടി സഭ തന്നെ ഏൽപിച്ച ദൗത്യം സത്യവിശ്വാസത്തിൽ നിന്ന് ഒരു കണിക പോലും വ്യതിചലിക്കാതെ മുടക്കപ്പെട്ട വേദവിപരീതികൾക്ക് മുൻപിൽ സത്യവിശ്വാസത്തെ അടിയറവ് വെയ്ക്കാൻ സമ്മതിക്കാതെ മുളന്തുരുത്തിലെ സത്യവിശ്വാസികൾക്ക് നേതൃത്വം നൽകി അവർ ചിതറിപ്പോകാതെ വഴി നടത്തിയ ഇടപ്പങ്ങാട്ടിലെ വല്ല്യച്ചനെ *1974 ൽ ശ്രേഷ്ഠ മോർ ബസേലിയോസ് പൗലൂസ് രണ്ടാമൻ കാതോലിക്ക ബാവയുടെ മുഖ്യ കാർമ്മീകത്വത്തിലും , നിരണം, കൊല്ലം , തുമ്പമൺ, കോട്ടയം, കൊച്ചി ഭദ്രാസനങ്ങളുടെ പിതാവായിരുന്ന അഭി ഡോ.ഗീവർഗ്ഗീസ് മോർ ഗ്രീഗോറിയോസ് തിരുമേനിയുടെ (പെരുമ്പിള്ളി തിരുമേനി ) സഹകാർമ്മീകത്വത്തിലും നടത്തിയ ശുശ്രൂഷയിൽ കോർ എപ്പിസ്കോപ്പ സ്ഥാനം നൽകി ആദരിച്ചു .....*

വ്യക്തിപരമായ ബന്ധങ്ങളെക്കാൾ താൻ പഠിച്ചതും പാലിച്ചതുമായ സത്യവിശ്വാസത്തിനും തന്നെ വിളിച്ച് ദൈവം വിളിച്ച് ഭരമേൽപ്പിച്ച സുവിശേഷ ദൗത്യത്തിനും ഏറെ പ്രാധാന്യവും മുൻഗണനയും നൽകിയ വൈദീക ശ്രേഷ്ഠൻ കൂടിയാണ് അച്ചൻ..... ഇന്ന് പലരും വിശ്വാസത്തിൽ നിന്നും വ്യക്തിപരമായ ബന്ധങ്ങളുടെ പേരിലും സൗകര്യങ്ങളുടെ പേരിലും വിട്ടു പോകുന്നവരുണ്ട് എന്ന് വ്യക്തിപരമായ ബന്ധങ്ങൾ വിശ്വാസകാര്യങ്ങളിൽ ഒരിക്കലും ഒരു തടസ്സം ആകുന്നില്ല എന്നുള്ള ഒരു മാതൃക കൂടി നമുക്ക് മുന്നിൽ വയ്ക്കുന്നുണ്ട് വന്ദ്യ അച്ചൻ ..

അന്ത്യോഖ്യായുടെയും കിഴക്കൊക്കെ യുടെയും പരി. പത്രോസിന്റെ ശ്ലൈഹീക സിംഹാസനാധികാരിയും അന്ത്യോഖ്യായുടെ പാത്രീയർക്കീസും പുണ്യവാനും വിശുദ്ധനുമായ മോർ ഇഗ്നാത്തിയോസ് ഏലിയാസ് തൃതീയൻ ബാവാ യിൽ നിന്നും പൗരോഹിത്യം സ്വീകരിക്കാൻ ഭാഗ്യം ലഭിച്ച ആ പുണ്യജന്മം 1976 സെപ്തംബർ മാസം 21 ന് തൻ്റെ 73-ാം വയസ്സിൽ ഭൂമിയിലെ തന്റെ സുവിശേഷ ദൗത്യം പൂർത്തിയാക്കി... തന്റെ നാഥന്റെ സവിധേയ്ക്ക് വാങ്ങിപ്പോയി...

പടതോട്ടത്തിൽ കുഞ്ഞാമ്മയായിരുന്നു അച്ചൻ്റെ സഹധർമ്മിണി .. മക്കൾ സാറായി ,K.J.ഏലിയാസ്, റവ. ഫാ.K.J കുര്യാക്കോസ് , K.J. ഡേവിഡ് ( ബേബിച്ചൻ), തങ്കച്ചി,റവ. ഫാ. K.J.ഡാർലി എടപ്പങ്ങാട്ടിൽ ... എന്നിവരാണ്



അച്ചൻ വിടവാങ്ങിയിട്ട് 50 വർഷം പിന്നിട്ടിട്ടും അച്ചനെ ഓർക്കുന്നവർ മുളത്തുരുത്തിയിൽ ഇന്നുമുണ്ടെന്നത് ഇടപ്പങ്ങാട്ടിൽ വല്യച്ചൻ ജനഹൃദയങ്ങളിൽ ഇന്നും ജീവിക്കുന്നു എന്നതിന്റെ വലിയ തെളിവാണ്. ....

വന്ദ്യ ഇടപ്പങ്ങാട്ടിൽ വല്യച്ചന്റെ ദീപ്തമായ ഓർമ്മകൾക്കു മുൻപിൽ പ്രണമിച്ച് കൊണ്ട്

12/09/2026

ശ്രീമതി. കുഞ്ഞമ്മ യോഹന്നാൻ കർത്താവിൽ നിദ്രപ്രാപിച്ചു ....

മുളന്തുരുത്തി: മുളന്തുരുത്തി സ്രാമ്പിക്കൽ ചാമക്കാലയിൽ കുഞ്ഞമ്മ യോഹന്നാൻ കർത്താവിൽ നിദ്ര പ്രാപിച്ചു ....വെരി.റവ.ബേബി ചാമക്കാല കോർഎപ്പിസ്കോപ്പാ മകനാണ് ...

സംസ്‌കാരം: 14/09/2026 തിങ്കളാഴ്ച രാവിലെ 10.30 ന് ഭവനത്തിലെ ശുശ്രൂഷകൾക്ക് ശേഷം മുളന്തുരുത്തി മാർത്തോമൻ യാക്കോബായ കത്തീഡ്രൽ സെമിത്തേരിയിൽ

07/09/2026

വി. ദൈവമാതാവെ! ഞങ്ങൾക്കു വേണ്ടി അപേക്ഷിക്കേണമേ.... എന്ന.... പ്രാർത്ഥനാ .... മുഖരിതമായ അന്തരീക്ഷത്തിൽ ആകമാന സുറിയാനി ഓർത്തഡോക്സ് സഭയുടെ ആഗോള മരിയൻ തീർത്ഥാടന കേന്ദ്രമായ മണർകാട് വി. മർത്ത മറിയം കത്തീഡ്രലിലെ വി. ദൈവമാതാവിൻ്റെ ഛായാചിത്രം ആലേഖനം ചെയ്ത നടതുറന്നു .....

06/09/2026

8 നോമ്പിൻ്റെ പ്രാരംഭ കേന്ദ്രവും ആകമാന സുറിയാനി ഓർത്തഡോക്സ് സഭയുടെ ആഗോള മരിയൻ തീർത്ഥാടന കേന്ദ്രവുമായ മണർകാട് വി.മർത്തമറിയം കത്തീഡ്രലിൽ....8 നോമ്പിന്റെ ആറാം ദിവസമായ ഇന്ന് (6/09/26) പൗരസ്ത്യ സുവിശേഷ സമാജ ത്തിൻ്റെ അഭി. ഡോ. മർക്കോസ് മോർ ക്രിസോസ്റ്റ്മോസ് മെത്രാപ്പോലീത്ത കുർബ്ബാന അർപ്പിച്ചു.......