https://www.facebook.com/101932212218169/

Lehar Sikhi Di Chandigarh, Mohali (2026)

01/01/2026

🙏

28/11/2024

ਇਕ ਬਾਬਾ ਅਕਾਲ ਰੂਪੁ ਦੂਜਾ ਰਬਾਬੀ ਮਰਦਾਨਾ ॥

ਸੱਜਣ ਮੇਰੇ ਰੰਗੁਲੇ ਜਾਇ ਸੁਤੇ ਜੀਰਾਣਿ ॥
ਹੰ ਭੀ ਵੰਞਾ ਡੁਮਣੀ ਰੋਵਾ ਝੀਣੀ ਬਾਣਿ ॥
ਭਾਈ ਮਰਦਾਨਾ ਜੀ ਨੇ ਮਨੁੱਖਤਾ ਦੇ ਰਹਿਬਰ ਧੰਨ ਧੰਨ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਉਮਰ ਭਰ ਸੰਗ ਮਾਣਿਆ, ਉਨ੍ਹਾਂ ਨੂੰ ਸਮੁੱਚੇ ਸਿੱਖ ਜਗਤ ਅੰਦਰ ਸਤਿਕਾਰ ਨਾਲ ਯਾਦ ਕੀਤਾ ਜਾਂਦਾ ਹੈ । ਗੁਰੂ ਸਾਹਿਬ ਨਾਲ ਚਾਰ ਉਦਾਸੀਆਂ ਦਾ ਪੈਂਡਾ ਤਹਿ ਕਰਦਿਆਂ ਭਾਈ ਮਰਦਾਨਾ ਜੀ ਰਬਾਬ ਛੇੜ ਦੇ ਅਤੇ ਗੁਰੂ ਸਾਹਿਬ ਇਲਾਹੀ ਬਾਣੀ ਦਾ ਉਚਾਰਨ ਕਰਦੇ ।
ਭਾਈ ਮਰਦਾਨਾ ਜੀ ਨਾਲ ਆਪਣੀ ਸਾਰੀ ਉਮਰ ਦੀ ਸਾਂਝ ਰਾਹੀਂ ਪਾਤਸ਼ਾਹ ਜੀ ਨੇ ਮਨੁੱਖਤਾ ਨੂੰ ਊਚ-ਨੀਚ ਤੇ ਜਾਤਾਂ ਪਾਤਾਂ ਵਰਗੇ ਵਖਰੇਵੇਂ ਤਿਆਗ ਕੇ ਸਾਂਝੀਵਾਲਤਾ ਦਾ ਸੁਨੇਹਾ ਦਿੱਤਾ। ਅੱਜ ਭਾਈ ਮਰਦਾਨਾ ਜੀ ਦੇ ਜੋਤੀ ਜੋਤਿ ਦਿਵਸ ਮੌਕੇ ਕੋਟਾਨਿ-ਕੋਟਿ ਪ੍ਰਣਾਮ ।
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

01/11/2024

*_💥✨🪔🚦HaPpY DiWaLi & HaPpY BaNdI ChOd DiWaS🚦🪔✨💥_*
_Bandi Chod Diwas and Diwali are separate festivals and the events actually fall on different days but are celebrated on the same day. For this reason, many people often think of these events as if they are the same. On Bandi Chod Diwas, the long imprisoned Sixth Guru Hargobind Sahib Ji on the order of Jahagir was released from Gwalior, taking with him 52 long imprisoned Hindu Rajas, whose release was a result of the Guru's wit. The Guru Hargobind Sahib Ji released from jail with 52 Hindu Kings by wearing Traditional kurta specializes with 52 kali's (decorative hangings) & All 52 Kings catches it and came out of jail. In the real terms the day of release was actually few days before Diwali in the year 1619. All Sikhs together celebrated the release of Guru Sahib at Sri Harimandir Sahib Amritsar with Full Lighting (Deepmala) & Chanting Gurbani Kirtan._
_Waheguru Always Bless All of you with health,wealth , happiness,peace , prosperity and togetherness._
🙏🙏🙏🙏🙏🙏🙏
ਸਤਿਗੁਰੁ ਬੰਦੀਛੋੜੁ ਹੈ ਜੀਵਣ ਮੁਕਤਿ ਕਰੈ ਓਡੀਣਾ ॥
ਸਮੂਹ ਸੰਗਤਾਂ ਨੂੰ ਬੰਦੀ ਛੋੜ ਦਿਵਸ ਦੀਆਂ ਲੱਖ ਲੱਖ ਮੁਬਾਰਕਾਂ ਹੋਵਣੁ ਜੀ ।
🙏🙏🙏🙏🙏🙏🙏
ਸਿੱਖ ਧਰਮ ਅੰਦਰ ਬੰਦੀ ਛੋੜ ਦਿਵਸ (ਦੀਵਾਲੀ) ਦਾ ਪਿਛੋਕੜ ਮੀਰੀ-ਪੀਰੀ ਦੇ ਮਾਲਕ ਛੇਵੇਂ ਪਾਤਸ਼ਾਹ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੇ ਗਵਾਲੀਅਰ ਕਿਲ੍ਹੇ ਵਿੱਚੋਂ ਰਿਹਾਅ ਹੋਣ ਨਾਲ ਜੁੜਿਆ ਹੋਇਆ ਹੈ। ਰਿਹਾਈ ਮਗਰੋਂ ਇਸ ਦਿਨ ਜਦੋਂ ਗੁਰੂ ਸਾਹਿਬ ਸ੍ਰੀ ਅੰਮ੍ਰਤਿਸਰ ਪੁੱਜੇ ਸਨ ਤਾਂ ਸੰਗਤਾਂ ਵੱਲੋਂ ਦੀਪਮਾਲਾ ਕਰਕੇ ਖ਼ੁਸ਼ੀਆਂ ਮਨਾਈਆਂ ਗਈਆਂ। ਗੁਰੂ ਸਾਹਿਬ ਨੇ ਗਵਾਲੀਅਰ ਕਿਲ੍ਹੇ ਵਿੱਚੋਂ ਬਾਹਰ ਆਉਣ ਸਮੇਂ ਆਪਣੇ ਨਾਲ ਉਨ੍ਹਾਂ ਰਾਜਿਆਂ ਦੀ ਵੀ ਖਲਾਸੀ ਕਰਵਾਈ ਜੋ ਉੱਥੇ ਜਹਾਂਗੀਰ ਵੱਲੋਂ ਕੈਦੀ ਬਣਾ ਕੇ ਰੱਖੇ ਗਏ ਸਨ। ਸਿੱਖ ਇਤਿਹਾਸ ਦੇ ਇਹ ਪੰਨੇ ਕੂੜ ਉੱਪਰ ਧਰਮ ਅਤੇ ਸੱਚਾਈ ਦੀ ਜਿੱਤ ਦੇ ਪ੍ਰਤੀਕ ਹਨ।

ਬੰਦੀ ਛੋੜ ਦਿਵਸ ਸਾਨੂੰ ਸੱਚ ਦੀ ਆਵਾਜ਼ ਬਣਨ ਅਤੇ ਜ਼ੁਲਮ ਦੇ ਸਤਾਏ ਹੋਏ ਲੋਕਾਂ ਦੇ ਹੱਕ ਵਿੱਚ ਅੱਗੇ ਆਉਣ ਦੀ ਪ੍ਰੇਰਨਾ ਦਿੰਦਾ ਹੈ। ਸਿੱਖੀ ਦੇ ਮੁੱਢਲੇ ਅਸੂਲਾਂ ਵਿੱਚ ਨਿਆਂ ਅਤੇ ਪਰਉਪਕਾਰ ਮੋਹਰੀ ਹੈ। ਇਸੇ ਤਹਤਿ ਸਿੱਖ ਗੁਰੂ ਸਾਹਿਬਾਨ ਨੇ ਹਰ ਪੀੜਤ ਧਿਰ ਨਾਲ ਖੜ੍ਹਦਿਆਂ ਜ਼ੁਲਮਾਂ ਵਿਰੁੱਧ ਆਵਾਜ਼ ਬੁਲੰਦ ਕੀਤੀ ਅਤੇ ਹੱਕ, ਸੱਚ ਤੇ ਨਿਆਂ ਨੂੰ ਪ੍ਰਮੁੱਖਤਾ ਨਾਲ ਉਭਾਰਿਆ। ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੀ ਅਦੁੱਤੀ ਸ਼ਹਾਦਤ ਤੋਂ ਬਾਅਦ ਇਹ ਗੱਲ ਸਪੱਸ਼ਟ ਹੋ ਗਈ ਸੀ ਕਿ ਜ਼ਾਲਮਾਂ ਦੇ ਜ਼ੁਲਮ ਨੂੰ ਠੱਲ੍ਹ ਪਾਉਣ ਲਈ ਸ਼ਸਤਰਧਾਰੀ ਹੋਣਾ ਪਵੇਗਾ। ਇਸੇ ਲਈ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਨੇ ਗੁਰਗੱਦੀ ’ਤੇ ਬਿਰਾਜਮਾਨ ਹੋਣ ਮੌਕੇ ਮੀਰੀ ਤੇ ਪੀਰੀ ਦੀਆਂ ਦੋ ਕਿਰਪਾਨਾਂ ਧਾਰਨ ਕੀਤੀਆਂ ਅਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਜੀ ਦੀ ਸਿਰਜਣਾ ਕਰਵਾਈ। ਗੁਰੂ ਸਾਹਿਬ ਨੇ ਸਿੱਖਾਂ ਨੂੰ ਚੰਗੀ ਨਸਲ ਦੇ ਘੋੜੇ ਅਤੇ ਸ਼ਸਤਰ ਲਿਆਉਣ ਦਾ ਹੁਕਮ ਕੀਤਾ। ਇਸ ਤਰ੍ਹਾਂ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਨੇ ਸਿੱਖਾਂ ਨੂੰ ‘ਸੰਤ ਸਿਪਾਹੀ’ ਬਣਾ ਦਿੱਤਾ ਸੀ। ਵਕਤ ਦੀ ਸ਼ਕਤੀਸ਼ਾਲੀ ਮੁਗਲੀਆ ਹਕੂਮਤ ਦੇ ਦੌਰ ਵਿੱਚ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਨੇ ਆਪਣੀ ਫ਼ੌਜ ਨਾਲ ਜਿੰਨੀਆਂ ਵੀ ਲੜਾਈਆਂ ਲੜੀਆਂ, ਸਾਰੀਆਂ ਵਿੱਚ ਉਹ ਜੇਤੂ ਰਹੇ। ਪਰ ਇਸ ਦੇ ਚੱਲਦਿਆਂ ਹਕੂਮਤ ਨੇ ਗੁਰੂ-ਘਰ ਦੇ ਕੁਝ ਦੋਖੀਆਂ ਦੀਆਂ ਚੁਗਲੀਆਂ ਅਤੇ ਕੱਟੜਪੰਥੀ ਮੁਸਲਮਾਨ ਨੇਤਾਵਾਂ ਦੇ ਕੁਝ ਬਹਾਨਿਆਂ ਨੂੰ ਮੁੱਦਾ ਬਣਾ ਕੇ ਗੁਰੂ ਸਾਹਿਬ ਨੂੰ ਗਵਾਲੀਅਰ ਦੇ ਕਿਲ੍ਹੇ ਵਿੱਚ ਨਜ਼ਰਬੰਦ ਕਰ ਦਿੱਤਾ। ਗੁਰੂ ਸਾਹਿਬ ਦੀ ਗ੍ਰਿਫ਼ਤਾਰੀ ਸੁਣ ਕੇ ਸੰਗਤਾਂ ਵਿਆਕੁਲ ਹੋਣ ਲੱਗੀਆਂ। ਸੰਗਤਾਂ ਸ੍ਰੀ ਅੰਮ੍ਰਤਿਸਰ ਤੋਂ ਗਵਾਲੀਅਰ ਪੁੱਜਦੀਆਂ, ਪਰ ਗੁਰੂ ਸਾਹਿਬ ਦੇ ਦਰਸ਼ਨ ਨਾ ਹੋਣ ਕਾਰਨ ਕਿਲ੍ਹੇ ਦੀ ਪਰਿਕਰਮਾ ਕਰਕੇ ਵਾਪਸ ਆ ਜਾਂਦੀਆਂ। ਗੁਰੂ ਸਾਹਿਬ ਦੀ ਆਭਾ ਅਤੇ ਸੰਗਤ ਦੀ ਭਾਵਨਾ ਵੇਖ ਕੇ ਜਹਾਂਗੀਰ ਨੂੰ ਸਮਝ ਪੈ ਗਈ ਕਿ ਇਸ ਲਹਿਰ ਨੂੰ ਬਹੁਤੀ ਦੇਰ ਨਹੀਂ ਦਬਾਇਆ ਜਾ ਸਕਦਾ। ਉਸ ਨੇ ਗੁਰੂ ਜੀ ਨਾਲ ਸੁਲ੍ਹਾ ਕਰਨੀ ਹੀ ਠੀਕ ਸਮਝੀ ਤੇ ਗੁਰੂ ਜੀ ਦੀ ਰਿਹਾਈ ਦੇ ਹੁਕਮ ਭੇਜੇ, ਪਰ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਨੇ ਇਕੱਲਿਆਂ ਕਿਲ੍ਹੇ ਵਿੱਚੋਂ ਰਿਹਾਅ ਹੋ ਕੇ ਬਾਹਰ ਆਉਣਾ ਸਵੀਕਾਰ ਨਾ ਕੀਤਾ ਅਤੇ ਉੱਥੇ ਬੰਦੀ ਬਣਾਏ ਰਾਜਪੂਤ ਰਾਜਿਆਂ ਆਦਿ ਦੀ ਰਿਹਾਈ ਦੀ ਹਕੂਮਤ ਨਾਲ ਗੱਲਬਾਤ ਵੀ ਤੋਰੀ ਅਤੇ ਗੁਰੂ ਸਾਹਿਬ ਜੀ ਦੀ ਸੂਝਬੂਝ ਸਦਕਾ ਕੈਦੀ ਰਾਜਿਆਂ ਨੂੰ ਵੀ ਬੰਦੀਖਾਨੇ ਤੋਂ ਮੁਕਤੀ ਮਿਲੀ। ਸਿੱਖ ਪਰੰਪਰਾਵਾਂ ਅਨੁਸਾਰ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਨੇ ਬਵੰਜਾ ਕਲੀਆਂ ਵਾਲਾ ਇੱਕ ਖ਼ਾਸ ਚੋਲਾ ਪਹਿਨਿਆ ਸੀ ਅਤੇ ਉਨ੍ਹਾਂ ਬਵੰਜਾ ਰਾਜਪੂਤ ਰਾਜਿਆਂ ਨੇ ਗੁਰੂ ਜੀ ਦਾ ਲੜ ਫੜਕੇ ਗਵਾਲੀਅਰ ਦੇ ਕਿਲ੍ਹੇ ਦੀ ਕੈਦ ਤੋਂ ਛੁਟਕਾਰਾ ਹਾਸਲ ਕੀਤਾ ਸੀ। ਇਸ ਤਰ੍ਹਾਂ ਇਸ ਦਿਨ ਤੋਂ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਨੂੰ ‘ਬੰਦੀ-ਛੋੜ’ ਦਾਤਾ ਦੇ ਨਾਮ ਨਾਲ ਜਾਣਿਆ ਜਾਣ ਲੱਗਾ।

‌ਧੰਨ ਧੰਨ ਗੁਰੂ ਗ੍ਰੰਥ ਸਾਹਿਬ ਜੀ ਸਭ ਸੰਸਾਰ ਤੇ ਕਿਰਪਾ ਕਰਨੀ ਜੀ,ਸਭ ਦੀਆ ਮਨੋਕਾਮਨਾਵਾਂ ਪੂਰੀਆ ਕਰਨੀਆ ਜੀ,ਸਭ ਦੇ ਪਰਿਵਾਰਾ ਚ ਸੁੱਖ ਸਾਂਤੀ ਰੱਖਣੀ ਜੀ,ਦੁੱਖਾ ਕਲੇਸਾਂ ਦਾ ਨਾਸ਼ ਕਰਨਾ ਜੀ,ਕੰਮਾ ਕਾਰੋਬਾਰਾ ਵਿੱਚ ਵਾਧਾ ਕਰਨਾ ਜੀ,ਦਿਨ ਦੁਗਣੀ ਰਾਤ ਚੌਗਣੀ ਤਰੱਕੀ ਬਖਸਿਸ਼ ਕਰਨੀਜੀ, ਸੇਵਾ ਤੇ ਸਿਮਰਨ ਦੀਆਂ ਦਾਤਾਂ ਬਖਸ਼ਨਿਆ ਜੀ, ਸਭਨਾਂ ਨੂੰ ਗੁਰਬਾਣੀ ਨਾਲ ਜੋੜਨਾ ਜੀ , ਪਤਿਤਪੁਣੇ ਤੋਂ ਬਚਾਉਣਾ ਜੀ, ਗੁਰਸਿੱਖੀ ਜੀਵਨ ਬਖਸ਼ਣਾ ਜੀ। ਵਾਹਿਗੁਰੂ ਅੰਗ ਸੰਗ ਜੀ।
🌹🌻🌹🌻🌹🌻🌹
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

18/10/2024

ਧੰਨੁ ਧੰਨੁ ਰਾਮਦਾਸ ਗੁਰੁ ਜਿਨਿ ਸਿਰਿਆ ਤਿਨੈ ਸਵਾਰਿਆ ॥

ਧਨੁ ਧੰਨੁ ਪਿਤਾ ਧਨੁ ਧੰਨੁ ਕੁਲੁ ਧਨੁ ਧਨੁ ਸੁ ਜਨਨੀ ਜਿਨਿ ਗੁਰੂ ਜਣਿਆ ਮਾਇ ॥

ਸ੍ਰੀ ਗੁਰ ਰਾਮਦਾਸ ਜਯੋ ਜਯ ਜਗ ਮਹਿ ਤੈ ਹਰਿ ਪਰਮ ਪਦੁ ਪਾਇਯਉ ॥੨॥

ਸੋਈ ਰਾਮਦਾਸੁ ਗੁਰੁ ਬਲ੍ਹ ਭਣਿ ਮਿਲਿ ਸੰਗਤਿ ਧੰਨਿ ਧੰਨਿ ਕਰਹੁ ॥
*ਬੈਠਾ ਸੋਢੀ ਪਾਤਿਸਾਹੁ*
*ਰਾਮਦਾਸੁ ਸਤਿਗੁਰੂ ਕਹਾਵੈ ।*
*ਪੂਰਨ ਤਾਲ ਖਟਾਇਆ*
*ਅੰਮ੍ਰਿਤਸਰ ਵਿਚਿ ਜੋਤਿ ਜਗਾਵੈ ।*
*ਪਿਤਾ: ਹਰਿਦਾਸ ਜੀ*
*ਮਾਤਾ: ਦਇਆ ਕੌਰ ਜੀ*
*ਜਨਮ ਸਥਾਨ: ਚੂਨਾ ਮੰਡੀ, ਲਾਹੌਰ*
*ਜਨਮ: ੧੫੩੪*
*ਪਤਨੀ: ਮਾਤਾ ਭਾਨੀ ਜੀ*
*ਸੰਤਾਨ: ਪ੍ਰਿਥੀ ਚੰਦ, ਮਹਾਂਦੇਵ ਜੀ ,ਅਰਜਨ ਸਾਹਿਬ ਜੀ*
*ਉਮਰ: ੪੭ ਸਾਲ*

*ਧੰਨ ਧੰਨ ਸ੍ਰੀ ਗੁਰੂ ਰਾਮਦਾਸ ਸਾਹਿਬ ਜੀ ਦੇ ਪ੍ਰਕਾਸ਼ ਪੁਰਬ ਦੀਆਂ ਸਮੂੰਹ ਸਾਧ ਸੰਗਤਾਂ ਨੂੰ ਕਰੋੜ ਕਰੋੜ ਵਧਾਈਆਂ ਹੋਣ ਜੀ। ਆਉ ਸਾਰੇ ਮਿਲ ਕੇ ਗੁਰੂ ਸਾਹਿਬ ਦੇ ਉਪਦੇਸ਼ਾਂ ਅਨੁਸਾਰ ਆਪਣਾ ਜੀਵਨ ਬਨਾਈਏ ਅਤੇ ਸਿੱਖੀ ਦਾ ਬੂਟਾ ਪ੍ਰਫੁੱਲਤ ਕਰੀਏ।*
🙏🙏🙏🙏🙏🙏🙏

*ਵਾਹਿਗੁਰੂ ਜੀ ਕਾ ਖਾਲਸਾ*
*ਵਾਹਿਗੁਰੂ ਜੀ ਕੀ ਫਤਿਹ।।*
🙏🙏🙏🙏🙏🙏🙏
*ਵਾਹਿਗੁਰੂ ਜੀ ਬੇਨਤੀ ਹੈ ਜੀ ਸਾਡਾ ਗੁਰੂ ਗੁਰਸ਼ਬਦ ਹੈ (ਧੰਨ ਧੰਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ) । ਕਿਰਪਾ ਕਰਕੇ ਗੁਰੂ ਸਾਹਿਬਾਨ ਜੀ ਦੀਆਂ ਝੂਠੀਆਂ ਤਸਵੀਰਾਂ ਕਲਾਕਾਰਾਂ ਦੀ ਕਲਪਨਾ ਦੁਆਰਾ ਬਣਾਇਆ ਗਈਆਂ ਹਨ ਅਗੇ ਨਾ ਸ਼ੇਅਰ ਕਰਿਆ ਕਰੋ ਜੀ।* *ਇੰਨਾ ਵਿੱਚ ਕੋਈ ਸਚਾਈ ਨਹੀ ਹੈ। ਗੁਰੂ ਸਾਹਿਬ ਜੀ ਸਾਰੀ ਕੌਮ ਨੂੰ ਸੁਮੱਤ ਬਖਸ਼ਣ, ਸੇਵਾ , ਸਿਮਰਨ , ਨਾਮ ਬਾਣੀ , ਅਮ੍ਰਿਤ ਦੀਆਂ ਅਤੇ ਸਿੱਖੀ ਸਰੂਪ ਦੀਆਂ ਦਾਤਾਂ ਬਖਸ਼ਣ ਜੀ।*

👉ਆਪਣੇ ਨਾਮ ਨਾਲ *ਸਿੰਘ ਅਤੇ ਕੌਰ* ਹਮੇਸ਼ਾਂ ਲਗਾੳ ਜੀ।

#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

27/09/2024

*ਗੁਰੁ ਨਾਨਕੁ ਜਿਨ ਸੁਣਿਆ ਪੇਖਿਆ ਸੇ ਫਿਰਿ ਗਰਭਾਸਿ ਨ ਪਰਿਆ ਰੇ ॥੪॥*

*ਮੋਹਿ ਬੈਰਾਗੁ ਭਇਓ ॥ ਇਹੁ ਜੀਉ ਆਇ ਕਹਾ ਗਇਓ ॥੧॥*

*ਜਿਉ ਜਲ ਮਹਿ ਜਲੁ ਆਇ ਖਟਾਨਾ* *॥ ਤਿਉ ਜੋਤੀ ਸੰਗਿ ਜੋਤਿ ਸਮਾਨਾ ॥*

*ਜੋਤੀ-ਜੋਤ ਪਾਤਸ਼ਾਹੀ : ੧ ਸਾਹਿਬ ਸ਼੍ਰੀ ਗੁਰੂ ਨਾਨਕ ਸਾਹਿਬ ਜੀ (੧੪੬੯- ੧੫੩੯)*

*'ਸਿੱਖ ਧਰਮ ਦੇ ਮੋਢੀ,ਕਿਰਤ ਕਰੋ, ਨਾਮ ਜਪੋ ਅਤੇ ਵੰਡ ਛਕੋ' ਦੇ ਅਲੌਕਿਕ ਸਿਧਾਂਤ ਰਾਹੀਂ ਸਮੁੱਚੇ ਸੰਸਾਰ ਦਾ ਮਾਰਗ ਦਰਸ਼ਨ ਕਰਨ ਵਾਲੇ ਪਹਿਲੇ ਪਾਤਸ਼ਾਹ ਜਗਤ ਗੁਰੂ ਧੰਨ ਧੰਨ ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ ਦੇ ਜੋਤੀ-ਜੋਤਿ ਪੁਰਬ 'ਤੇ ਗੁਰੂ ਚਰਨਾਂ 'ਵਿਚ ਸੀਸ ਝੁਕਾਉਂਦੇ ਹਾਂ।*
ਗੁਰੂ ਨਾਨਕ ਸਾਹਿਬ ਜੀਆ ਦੇ ਪੈਰੋਕਾਰ ਹਿੰਦੂ,ਸਿੱਖ ਤੇ ਮੁਸਲਮਾਨ, ਪਠਾਨ ਸਾਰੇ ਸਨ। ਜਦ ਗੁਰੂ ਜੀ ਜੋਤੀ ਜੋਤ ਸਮਾ ਗਏ ਤਾ ਇਕ ਮਸਲਾ ਖੜਾ ਹੋ ਗਿਆ ਹਿੰਦੂ ਤੇ ਸਿੱਖ ਸਸਕਾਰ ਕਰਨਾ ਚੁਹੰਦੇ ਸਨ, ਤੇ ਮੁਸਲਮਾਨ, ਪਠਾਨ ਦਫਨਾਉਣਾ ਚੁਹੰਦੇ ਸਨ। ਸਿਆਣਿਆ ਨੇ ਚਾਦਰ ਚੁੱਕੀ ਤਾ ਉਥੇ ਫੁਲ ਹੀ ਸਨ। ਗੁਰੂ ਜੀ ਸਣੇ ਦੇਹੀ ਸੱਚਖੰਡ ਗਏ ਸਨ। ਚਾਦਰ ਵੰਡ ਲਈ ਗਈ ਜਿਸ ਦਾ ਰਾਵੀ ਕੰਡੇ ਸਸਕਾਰ ਕੀਤਾ ਤੇ ਮੁਸਲਮਾਨ, ਪਠਾਨਾ ਨੇ ਦਫਣਾ ਦਿਤੀ ਕੁਝ ਸਮੇ ਬਾਅਦ ਰਾਵੀ ਦਾ ਪਾਣੀ ਉਹਨਾ ਦੋਹਾ ਸਥਾਨ ਨੂੰ ਰੋੜ ਲੈ ਗਿਆ। ਗੁਰੂ ਜੀ ਬਾਬਤ ਕਵੀ ਨੇ ਕੁਝ ਇਸ ਤਰਾ ਲਿਖਿਆ
ਬਾਬਾ ਮੜੀ ਨੇ ਗੋਰ (ਕਬਰ) ਗੁਰੂ ਅੰਗਦ ਕੇ ਹੀਏ (ਹਿਰਦੇ) ਮੇ। ਭਾਵ ਗੁਰੂ ਜੀ ਨਾ ਮੜੀ ਵਿੱਚ ਹਨ ਤੇ ਨਾ ਕਬਰ ਵਿੱਚ ਹਨ ਉਹ ਤਾ ਗੁਰੂ ਅੰਗਦ ਸਾਹਿਬ ਜੀਆ ਦੇ ਹਿਰਦੇ ਵਿੱਚ ਹਨ।
ਗੁਰੂ ਨਾਨਕ ਸਾਹਿਬ ਜੀ ਦੀ ਮਹਾਨ ਘਾਲਣਾ ਨੂੰ ਕੋਟਿਨ ਕੋਟਿ ਪ੍ਰਣਾਮ।
_ਆਓ ਗੁਰੂ ਸਾਹਿਬ ਜੀ ਦੇ ਦੱਸੇ ਮਾਰਗ ਤੇ ਚੱਲਕੇ ਜੀਵਨ ਸਫਲਾ ਕਰੀਏ ਅਤੇ ਵਹਿਮਾਂ, ਭਰਮਾਂ , ਵਰਤਾਂ , ਸ਼ਰਾਦਾਂ , ਧਾਗੇ , ਤਵੀਤਾਂ , ਡੇਰਿਆਂ ਅਤੇ ਮਨਮਤਾਂ ਦਾ ਤਿਆਗ ਕਰੀਏ ਜੀ ਗੁਰਸ਼ਬਦ ਦੇ ਲੜ ਲੱਗੀਏ ਜੀ।_

🚩🚩🚩🚩🚩🚩🚩
ਵਾਹਿਗੁਰੂ ਜੀ ਕਾ ਖਾਲਸਾ
ਵਾਹਿਗੁਰੂ ਜੀ ਕੀ ਫਤਿਹ।।
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

23/09/2024

ਸੂਫ਼ੀ ਦਰਵੇਸ਼ਾਂ ਵਿਚ ਸ਼੍ਰੋਮਣੀ, ਮਨੁੱਖਤਾ ਨੂੰ ਪਿਆਰ ਕਰਨ ਵਾਲੇ ਬਾਬਾ ਸ਼ੇਖ਼ ਫ਼ਰੀਦ ਜੀ ਦੇ ਆਗਮਨ ਪੁਰਬ ਦੀਆਂ ਬੇਅੰਤ ਵਧਾਈਆਂ। ਪੰਜਾਬੀ ਦੇ ਮੋਢੀ ਅਧਿਆਤਮਿਕ , ਰੂਹਾਨੀ ਕਵੀ ਭਗਤਾਂ ਦੀ ਬਾਣੀ ਵਿੱਚ ਇੱਕੋ ਇੱਕ ਬਾਬਾ ਫਰੀਦ ਜੀ ਹਨ ਜਿਨ੍ਹਾਂ ਦੇ ਨਾਮ ਨਾਲ ਸ਼ੇਖ ਲਿਖਿਆ ਹੈ ।ਫ਼ਰੀਦ-ਉਦ-ਦੀਨ ਮਸੂਦ ਗੰਜਸ਼ਕਰ (੧੧੭੩–੧੨੬੬) ਨੂੰ ਬਾਬਾ ਸ਼ੇਖ ਫ਼ਰੀਦ ਜਾਂ ਬਾਬਾ ਫ਼ਰੀਦ ਜੀ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਆਪ ਬਾਰ੍ਹਵੀਂ ਸਦੀ ਦੇ ਚਿਸ਼ਤੀ ਸਿਲਸਿਲੇ ਦੇ ਸੂਫ਼ੀ ਸੰਤ ਅਤੇ ਪ੍ਰਚਾਰਕ ਸਨ। ਆਪ ਦਾ ਜਨਮ ਮੁਲਤਾਨ (ਪਾਕਿਸਤਾਨ) ਤੋਂ ਦਸ ਕਿਲੋਮੀਟਰ ਦੂਰ ਪਿੰਡ ਕੋਠੀਵਾਲ ਵਿਖੇ ਹੋਇਆ। ਆਪ ਦੇ ਪਿਤਾ ਜੀ ਜਮਾਲ-ਉਦ- ਦੀਨ ਸੁਲੇਮਾਨ ਅਤੇ ਮਾਤਾ ਜੀ ਮਰੀਅਮ ਬੀਬੀ (ਕਰਸੁਮ ਬੀਬੀ) ਸਨ। ਆਪ ਜੀ ਨੂੰ ਪੰਜਾਬੀ ਬੋਲੀ ਦੇ ਪਹਿਲੇ ਕਵੀ ਵਜੋਂ ਜਾਣਿਆ ਜਾਂਦਾ ਹੈ।
ਰੱਬ ਮਿਲਣ ਦੀ ਤਾਂਘ, ਨਿਮ੍ਰਤਾ, ਸਾਦਗੀ ਅਤੇ ਮਿਠਾਸ, ਭਰੀ ਆਪ ਜੀ ਦੀ ਬਾਣੀ ਦੇ *ਚਾਰ ਸ਼ਬਦ ਅਤੇ ੧੧੨ ਸਲੋਕ* ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿੱਚ ਦਰਜ਼ ਹਨ।
🚩🚩🚩🚩🚩🚩🚩
ਵਾਹਿਗੁਰੂ ਜੀ ਕਾ ਖਾਲਸਾ
ਵਾਹਿਗੁਰੂ ਜੀ ਕੀ ਫਹਿਤ।।
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

10/09/2024

*ਹਰਿ ਪ੍ਰਭਿ ਕਾਜੁ ਰਚਾਇਆ ॥ ਗੁਰਮੁਖਿ ਵੀਆਹਣਿ ਆਇਆ ॥*
*ਵੀਆਹਣਿ ਆਇਆ ਗੁਰਮੁਖਿ ਹਰਿ ਪਾਇਆ ਸਾ ਧਨ ਕੰਤ ਪਿਆਰੀ ॥*

*ਵਿਆਹ ਪੁਰਬ ਸ਼੍ਰੀ ਗੁਰੂ ਨਾਨਕ ਸਾਹਿਬ ਜੀ।*

_ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ ਤੇ ਮਾਤਾ ਸੁਲੱਖਣੀ ਜੀ ਦੇ ਵਿਆਹ ਪੁਰਬ ਦੀਆਂ ਆਪ ਸਭ ਨੂੰ ਲੱਖ-ਲੱਖ ਵਧਾਈਆਂ। ਸੁਲਤਾਨਪੁਰ ਲੋਧੀ ਤੋਂ ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ ਦੀ ਬਰਾਤ ਚੱਲ ਕੇ ਬਟਾਲਾ ਪਹੁੰਚੀ ਸੀ ਤੇ ਜਿਸ ਜਗ੍ਹਾ ਬਰਾਤ ਦਾ ਠਹਿਰਾਅ ਸੀ ਉੱਥੇ ਅੱਜ ਕੱਲ ਗੁਰਦੁਆਰਾ ਸ੍ਰੀ ਕੰਧ ਸਾਹਿਬ ਸੁਸ਼ੋਭਿਤ ਹੈ। ਜਿਸ ਸਥਾਨ ’ਤੇ ਗੁਰੂ ਜੀ ਤੇ ਮਾਤਾ ਸੁਲੱਖਣੀ ਜੀ ਦੇ ਫੇਰੇ ਹੋਏ ਉਥੇ ਗੁਰਦੁਆਰਾ ਡੇਹਰਾ ਸਾਹਿਬ ਸਥਿਤ ਹੈ ।_

*ਧੰਨ ਧੰਨ ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ ਨੇ ਸਾਨੂੰ ਵਹਿਮਾਂ ਭਰਮਾਂ ਤੋਂ ਦੂਰ ਉਸ ਸੱਚੇ ਅਕਾਲ ਪੁਰਖ ਦੀ ਮਨੋਂ ਸੇਵਾ ਕਰਨ ਦਾ ਹੁਕਮ ਦਿੱਤਾ ਹੈ I ਵਹਿਮਾਂ ਭਰਮਾਂ ਤੇ ਕਰਮ ਕਾਂਡਾਂ ਦੇ ਜਾਲ ਚੋਂ ਕੱਢ ਕੇ ਵਾਹਿਗੁਰੂ ਜੀ ਦੇ ਲੜ ਲਾਇਆ ਹੈ ਸੋ ਆਪਣੇ ਮਨ ਅੰਦਰ ਹੀ ਵਾਹਿਗੁਰੂ ਜੀ ਦੇ ਨਾਂ ਦੀ ਜੋਤ ਜਗਾਓ, ਸਭ ਦੁੱਖਾਂ ਦਾ ਹਨੇਰਾ ਦੂਰ ਹੋ ਜਾਵੇਗਾ I ਅੱਜ ਦੇ ਸ਼ੁਭ ਦਿਹਾੜੇ ਤੇ ਆਓ ਸਾਰੇ ਰਲ ਕੇ ਗੁਰੂ ਸਾਹਿਬ ਦੇ ਦੱਸੇ ਮਾਰਗ ਤੇ ਚੱਲਣ ਦਾ ਯਤਨ ਕਰੀਏ । ਗੁਰੁ ਸਾਹਿਬ ਜੀ ਨੇ ਵਹਿਮਾਂ ਭਰਮਾਂ ਤੋਂ ਦੂਰ ਰਹਿਣ ਅਤੇ ਕਿਰਤ ਕਰੋ ਨਾਮ ਜਪੋ ਅਤੇ ਸਾਨੂੰ ਸ਼ਬਦ ਗੁਰੂ ਦੇ ਲੜ ਲੱਗਣ ਦਾ ਉਪਦੇਸ਼ ਦਿੱਤਾ।*

*ਕਿਰਪਾ ਕਰਕੇ ਗੁਰੂ ਸਾਹਿਬਾਨ ਜੀ ਦੀਆਂ ਝੂਠੀਆਂ ਅਤੇ ਗਲਤ ਤਸਵੀਰਾ ਨਾ ਪਾਉ ਜੀ ਅਤੇ ਅਗੇ ਸ਼ੇਅਰ ਕਰੋ ਜੀ।ਇਹ ਤਸਵੀਰਾਂ ਕੇਵਲ ਕਲਾਕਾਰਾਂ ਦੀਆਂ ਕਲਪਨਾ ਹਨ ਇਹਨਾਂ ਵਿਚ ਕੋਈ ਸਚਾਈ ਨਹੀ ਹੈ ਜੀ। ਗੁਰੂ ਨਾਨਕ ਸਾਹਿਬ ਜੀ ਨੇ ਧਾਗੇ, ਤਵੀਤ, ਜੇਨੳ, ਵਰਤਾਂ , ਥਿਤਾਂ ਵਾਰਾਂ , ਡੇਰੇਆਂ ਅਤੇ ਵਹਿਮਾਂ ਭਰਮਾਂ ਦਾ ਖੰਡਨ ਕੀਤਾ ਸੀ ਅਤੇ ਸਾਨੂੰ ਸਭ ਨੂੰ ਇੱਕ ਅਕਾਲ ਪੁਰਖ / ਗੁਰਸ਼ਬਦ ਦੇ ਲੜ ਲਾਇਆ ਸੀ। ਅਜ ਗੁਰੂ ਨਾਨਕ ਸਾਹਿਬ ਜੀ ਦੇ ਵਿਆਹ ਪੁਰਬ ਮੋਕੇ ਅਸੀ ਸਭ ਪ੍ਰਣ ਕਰੀਏ ਦਾਜ ਦਹੇਜ ਦੇ ਲੋਭ ਲਾਲਚ ਤੋੰ ਬਾਹਰ ਨਿਕਲੀਏ ਅਤੇ ਨਾ ਦਾਜ ਲਈਏ ਨਾ ਦਈਏ। ਗੁਰੂ ਨਾਨਕ ਦੀ ਸੋਚ ਤੇ ਪਹਿਰਾ ਦਈਏ ਤੇ ਗੁਰੂ ਦੇ ਬਚਨ ਕਮਾਈਏ ਗੁਰੂ ਦੇ ਲੜ ਲੱਗੀਏ ਖੰਡੇ ਬਾਟੇ ਦੀ ਪਾਹੁਲ ਛਕ ਅਮ੍ਰਿਤ ਦੇ ਧਾਰਨੀ ਬਣੀਏ।*

_ਨਾਨਕ ਨਾਮ ਚੜ੍ਹਦੀ ਕਲਾ_
_ਤੇਰੇ ਭਾਣੇ ਸਰਬੱਤ ਦਾ ਭਲਾ_
(ਹਰਮਿੰਦਰ ਸਿੰਘ ਖਾਲਸਾ)
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

*👉ਕਿਰਪਾ ਕਰਕੇ ਵੱਧ ਤੋਂ ਵੱਧ ਸ਼ੇਅਰ ਕਰੋ ਜੀ। ਤਸਵੀਰ ਗੁਰੂ ਨਹੀਂ ਸ਼ਬਦ ਗੁਰੂ ਹੈ ਜੀ।*

06/09/2024

ਅੱਜ ਦੇ ਦਿਨ 1740 ਈ ਨੂੰ ਭਾਈ ਸੁੱਖਾ ਸਿੰਘ ਮਹਿਤਾਬ ਸਿੰਘ ਜੀ ਨੇ ਮੱਸੇ ਰੰਘੜ ਦਾ ਸਿਰ ਵੱਢ ਕੇ ਸ੍ਰੀ ਦਰਬਾਰ ਸਾਹਿਬ ਦੀ ਬੇਅਦਬੀ ਦਾ ਬਦਲਾ ਲਿਆ ਸੀ।
🙏🙏🙏🙏🙏🙏🙏🙏
ਪ੍ਰਸ਼ਨ ਭਾਈ :- ਸੁਖਾ ਸਿੰਘ ਮਹਿਤਾਬ ਸਿੰਘ ਕੌਣ ਸਨ ?

ਉੱਤਰ :- ਭਾਈ ਸੁਖਾ ਸਿੰਘ ਜੀ ਮਾੜੀ ਕਮਬੋਕੀ ਜ਼ਿਲਾ ਅਮ੍ਰਿਤਸਰ ਦੇ ਰਹਿਣ ਵੇਲ ਸਨ।....... ਭਾਈ ਮਹਿਤਾਬ ਸਿੰਘ ਜੀ ਮੀਰਾਂ ਕੋਟ ਜ਼ਿਲਾ ਅਮ੍ਰਿਤਸਰ ਦੇ ਰਹਿਣ ਵੇਲ ਸਨ ।

ਮੱਸਾ ਰੰਘੜ ਨੇ ਦਰਬਾਰ ਸਾਹਿਬ ਅਮ੍ਰਿਤਸਰ ਪ੍ਰਕਰਮਾ ਵਿਚ ਘੋੜੇ ਬਨ ਕੇ ਹਰਮਂਦਿਰ ਸਾਹਿਬ ਦੇ ਅੰਦਰ ਪਲਂਗ ਡਾਹ ਕੇ ਹੂਕਾ ਪੀਂਦਾ ਅਤੇ ਕੰਜ਼ਰੀਆਂ ਦਾ ਮੁਜਰਾ ਕਰਓਂਦਾ ਸੀ । ਜਦ ਇਹਨਾਂ ਦੋ ਸਿੰਘਾਂ ਨੂੰ ਖਬਰ ਬੀਕਾਨੇਰ ਵਿਚ ਮਿਲੀ ਤਾਂ ਭਾਈ ਮਹਿਤਾਬ ਸਿੰਘ ਨੇ ਕਿਹਾ ਕੇ ਮੈਂ ਮੱਸੇ ਰੰਘਰ ਦਾ ਸਿਰ ਤਲਵਾਰ ਨਾਲ ਕੱਟ ਕੇ ਲ ਕੇ ਆਓਂਦਾ ਹਾ ।

ਆਪ ਜੀ ਨੇ ਦੋ ਬੋਰੀਆਂ ਠੀਕਰੀਆਂ ਦੀਆਂ ਭਰ ਕੇ ਅਗੇ ਕਾਠੀ ਉਪਰ ਰਖ ਲਈਆਂ ਅਤੇ ਮੁਸਲਮਾਨ ਨਾਂਬੇਰਦਾਰਾਂ ਵਾਲਾ ਭੇਸ ਬਣਾ ਲਿਆ ਤਾਂ ਕਿ ਇਹ ਲਗੇ ਕੇ ਮੁਸਲਮਾਨ ਨਾਂਬਰਦਾਰ ਮਾਮਲਾ ਲੇ ਕੇ ਆਇਆ ਹੈ। 1740 ਵਿਚ ਦੋਨੋਂ ਸਿੰਘ ਅਮ੍ਰਿਤਸਰ ਪਹੁੰਚੇ ਸਨ। ਦੋਨੋਂ ਦਰਬਾਰ ਸਾਹਿਬ ਦੇ ਅੰਦਰ ਚਲੇਗੇ। ਸੁਖਾ ਸਿੰਘ ਨੇ ਠੀਕਰਆਂ ਦੇ ਭਰੇ ਬੋਰੇ ਮੱਸੇ ਦੇ ਪਲੰਘ ਹੇਠਾਂ ਸੁਟ ਦਿੱਤੇ ਜਦ ਉਸਨੇ ਨਿਓਂ ਕੇ ਉਹਨਾ ਵਲ ਦੇਖਿਆ ਤਾਂ ਮਹਿਤਾਬ ਸਿੰਘ ਨੇ ਤਲਵਾਰ ਨਾਲ ਉਸਦਾ ਸਿਰ ਲਾਹ ਦਿਤਾ ਅਤੇ ਬਰਸ਼ੇ ਉਪਰ ਟੰਗ ਕੇ ਬੀਕਾਨਰ ਲੈ ਕੇ ਚਲੇਗੇ ।

ਮੱਸੇ ਦੀ ਮੌਤ ਦੀ ਖਬਰ ਸੁਣ ਕੇ ਯਕਰੀਆ ਖ੍ਹਾਨ ਲੋਹਾ ਲਾਖਾ ਹੋ ਗਿਆ। ਹਰਭਗਤ ਨਿਰੰਨਜਨੀਏ ਨੇ ਭਾਈ ਸੁਖਾ ਸਿੰਘ ਅਤੇ ਮਹਿਤਾਬ ਸਿੰਘ ਦੀ ਮੁਖਬਰੀ ਕਰਕੇ ਗ੍ਰਿਫਤਾਰ ਕਰਵਾਇਆ ਸੀ । ਨੁਰਦੀਨ ਫੌਜਦਾਰ ਨੇ ਮੀਰਾਂ ਕੋਟ ਤੋਂ ਮਹਿਤਾਬ ਸਿੰਘ ਨੂੰ ਉਸ ਵੇਲੇ ਗ੍ਰਿਫਤਾਰ ਕੀਤਾ ਸੀ ਜਦ ਉਹ ਆਪਣੇ ਪੁਤਰ ਨੂੰ ਮਿਲਣ ਲਈ ਪਿੰਡ ਆਏ ਸਨ। ਗ੍ਰਿਫਤਾਰੀ ਸਮੇ ਭਾਈ ਮਹਿਤਾਬ ਸਿੰਘ ਨੇ ਆਪਣੇ ਪੁਤਰ ਰਾਏ ਸਿੰਘ ਦੀ ਬਾਂਹ ਪਿੰਡ ਦੇ ਪੰਚ ਨਥ੍ਹੇ ਖਹਿਰੇ ਦੇ ਹਾਥ ਦੇਕੇ ਉਸਦੀ ਦੇਖ ਭਾਲ ਦੀ ਜਿਮੇਵਾਰੀ ਸੌਪੀ ਸੀ । ਨਥ੍ਹੇ ਖਹਿਰੇ ਅਤੇ ਉਸਦੇ ਸਾਥੀਆਂ ਨੇ ਮਹਿਤਾਬ ਸਿੰਘ ਦੇ ਪੁਤਰ ਨੂੰ ਬਚਾਓਦੇਂ ਹੋਏ ਸ਼ਹੀਦੀ ਪਾ ਦਿਤੀ ਸੀ।
ਭਾਈ ਮਹਿਤਾਬ ਸਿੰਘ ਜੀ 1745 ਗ੍ਰਿਫਤਾਰ ਹੋ ਗਏ ਸਨ।

ਪ੍ਰਸ਼ਨ :- ਭਾਈ ਸੁਖਾ ਸਿੰਘ ਮਹਿਤਾਬ ਸਿੰਘ ਜੇ ਦੀ ਸ਼ਹੀਦੀ ਤੋਂ ਸਾਨੂ ਕੀ ਸਿਖਿਆ ਮਿਲਦੀ ਹੈ ?

ਉੱਤਰ :- ਸਿੰਘ ਗੁਰਧਾਮਾ ਦੀ ਬਿਆਦਬੀ ਦਾ ਬਦਲਾ ਜਾਨ ਤੇ ਖੇਡ ਕੇ ਵੀ ਲੈ ਲੈਂਦੇ ਹਨ।
📝🙏ਭੁੱਲ ਚੁੱਕ ਦੀ ਖਿਮਾਂ
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

06/09/2024

*ਜੋਤੀ ਜੋਤਿ ਪੁਰਬ - ਧੰਨ ਸ੍ਰੀ ਗੁਰੂ ਰਾਮਦਾਸ ਸਾਹਿਬ ਜੀ।*

_ਸੂਰਜ ਕਿਰਣਿ ਮਿਲੇ ਜਲ ਕਾ ਜਲੁ ਹੂਆ ਰਾਮ।।_
_ਜੋਤੀ ਜੋਤਿ ਰਲੀ ਸੰਪੂਰਨ ਥੀਆ ਰਾਮ।।_

ਗੁਰੂ ਰਾਮਦਾਸ ਜੀ ਦਾ ਜਨਮ ਚੂਨਾ ਮੰਡੀ ਲਾਹੌਰ ਦੇ ਵਸਨੀਕ ਪਿਤਾ ਹਰਦਾਸ ਜੀ ਦੇ ਘਰ ਮਾਤਾ ਦਇਆ ਕੌਰ ਜੀ ਦੀ ਪਾਵਨ ਕੁੱਖੋਂ 1534 ਈ: ਨੂੰ ਹੋਇਆ। ਮਾਪਿਆਂ ਦਾ ਵੱਡਾ ਸਪੁੱਤਰ ਹੋਣ ਕਰਕੇ ਆਪ ਜੀ ਨੂੰ ਜੇਠਾ ਕਿਹਾ ਜਾਣ ਲੱਗਾ। ਅੰਮ੍ਰਿਤਸਰ ਦੇ ਪਿੰਡ ਬਾਸਰਕੇ ਆਪ ਜੀ ਦੇ ਨਾਨਕੇ ਹੋਣ ਕਾਰਨ ਆਪ ਜੀ ਦਾ ਆਉਣਾ ਜਾਣਾ ਬਣਿਆ ਰਹਿੰਦਾ ਸੀ। ਮਾਤਾ-ਪਿਤਾ ਦੇ ਪ੍ਰਲੋਕ ਗਮਨ ਤੋਂ ਬਾਅਦ ਆਪ ਜੀ ਗੋਇੰਦਵਾਲ ਸਾਹਿਬ ਆ ਗਏ।

ਜੇਠਾ ਜੀ ਨੇ ਗੁਰੂ ਅਮਰਦਾਸ ਜੀ ਦੀ ਅਥਾਹ ਸੇਵਾ ਕੀਤੀ ਤੇ ਇਸ ਸੇਵਾ ਨਿਮਰਤਾ ਨੂੰ ਦੇਖਦਿਆਂ ਗੁਰੂ ਅਮਰਦਾਸ ਜੀ ਨੇ ਆਪਣੀ ਸਪੁੱਤਰੀ ਬੀਬੀ ਭਾਨੀ ਦਾ ਵਿਆਹ ਭਾਈ ਜੇਠਾ ਜੀ ਨਾਲ ਕਰ ਦਿੱਤਾ ਤੇ ਆਪਣੇ ਪਰਿਵਾਰ ਦਾ ਇਕ ਹਿੱਸਾ ਬਣਾ ਲਿਆ।

ਗੁਰੂ ਸਾਹਿਬ ਦੇ ਜੀਵਨ ਤੇ ਝਾਤ ਪਾਈਏ ਤਾਂ ਪਤਾ ਲੱਗਦਾ ਹੈ ਕਿ ਆਪ ਜੀ ਸੇਵਾ ਸਹਿਣਸ਼ੀਲਤਾ ਤੇ ਆਗਿਆਕਾਰੀ ਸੁਭਾਅ ਦੇ ਮਾਲਕ ਸਨ। ਗੁਰੂ ਸਾਹਿਬ ਨੇ ਰੂੜੀਵਾਦੀ ਪਰੰਪਰਾਂ ਨੂੰ ਤੋੜਦਿਆ ਸਿੱਖ ਧਰਮ ਨੂੰ ਸਭ ਤੋਂ ਵੱਡਮੁੱਲੀ ਦੇਣ 4 ਲਾਂਵਾਂ ਦੇ ਰੂਪ ਵਿੱਚ ਦਿੱਤੀ।

ਜਿਸ ਤੋਂ ਬਾਅਦ ਸਿੱਖ ਧਰਮ ਦੇ ਵਿਚ ਇਕ ਹੋਰ ਵਿਲੱਖਣਤਾ ਆ ਗਈ। ਇਸੇ ਤਰ੍ਹਾਂ ਆਪ 1581 ਈ: ਨੂੰ ਜੋਤੀ ਜੋਤਿ ਸਮਾਂ ਗਏ।
ਗੁਰੂ ਸਾਹਿਬ ਜੀ ਦੇ ਜੋਤੀ-ਜੋਤ ਸਮਯ ਦੀ ਘਟਨਾ:
_ਮਮ ਪਾਛੈ ਭਜਨ ਕੀਰਤਨ ਕਰਨਾ।।_
_ਸ਼ੋਕ ਬਿਓਗ ਮਨ ਕੋ ਨਹੀਂ ਕਰਨਾ।।_

ਸ੍ਰੀ ਅਰਜਨ ਕੋ ਆਗੈ ਕਰੇ।।
ਲੀਨ ਉਠਾਇ ਕੰਧ ਪਰ ਧਰੇ।।
ਕਹੈ ਅਪਨਪੋ ਸਫਲ ਬਿਸਾਲਾ ।।
ਲਗੇ ਬਿਮਾਨ ਸਾਥ ਸਿਖ ਜਾਲਾ ।।

ਜਦੋਂ ਗੁਰੂ ਰਾਮਦਾਸ ਸਾਹਿਬ ਜੀ ਦੇ ਪਾਵਨ ਸਰੀਰ ਦਾ ਅੰਤਿਮ ਸੰਸਕਾਰ ਕਰਨ ਚੱਲੇ ਤਾਂ ਗੁਰੂ ਅਰਜਨ ਸਾਹਿਬ ਜੀ ਨੇ ਆਪ ਮੁਹਰਲੇ ਪਾਸੇ ਹੋ ਕੇ ਕੰਧਾ ਦਿੱਤਾ। ਅਤੇ ਸਾਰੇ ਗੁਰਸਿੱਖ ਕੀਰਤਨ ਕਰਦੇ ਜਾ ਰਹੇ ਹਨ।
ਇਸ ਪ੍ਰਕਾਰ ਗੁਰੂ ਰਾਮਦਾਸ ਜੀ ਪ੍ਰਮੇਸ਼ਰ ਸਰੂਪ ਉਹ ਪ੍ਰਮੇਸ਼ਰ ਵਿੱਚ ਸਮਾ ਗਏ।

ਸਤਿਗੁਰੂ ਸਾਹਿਬ ਜੀ ਸਾਡੇ ਜੀਵਾਂ ਉੱਪਰ ਰਹਿਮਤ ਕਰਨ ਕਿ ਅਸੀਂ ਉਹਨਾਂ ਦੇ ਪਵਿੱਤਰ ਜੀਵਨ ਤੋਂ ਸਿਖਿਆ ਪ੍ਰਾਪਤ ਕਰਕੇ ਆਪਣੇ ਜੀਵਨ ਵਿੱਚ ਅਮਲੀ ਰੂਪ ਵਿੱਚ ਲਾਗੂ ਕਰਨ ਦਾ ਯਤਨ ਕਰੀਏ ਸਿੱਖੀ ਸਰੂਪ ਦੀ ਸੰਭਾਲ ਅਤੇ ਬਾਣੀ ਬਾਣੇ ਨਾਲ ਜੁੜੀਏ ਜੀ।
*📝🙏ਭੁੱਲ ਚੁੱਕ ਦੀ ਖਿਮਾਂ*
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

05/09/2024

*ਤਖਤਿ ਬਹੈ ਤਖਤੈ ਕੀ ਲਾਇਕ॥*
_ਤਖਤਿ ਰਾਜਾ ਸੋ ਬਹੈ ਜਿ ਤਖਤੈ ਲਾਇਕ ਹੋਈ ॥_
*ਤਤੁ ਬਿਚਾਰੁ ਯਹੈ ਮਥੁਰਾ ਜਗ ਤਾਰਨ ਕਉ ਅਵਤਾਰ ਬਨਾਯਉ ॥*
*ਜਪੑਉ ਜਿਨੑ ਅਰਜੁਨ ਦੇਵ ਗੁਰੂ ਫਿਰਿ ਸੰਕਟ ਜੋਨਿ ਗਰਭ ਨ ਆਯਉ ॥*

'ਸ਼ਹੀਦਾਂ ਦੇ ਸਿਰਤਾਜ' ਵਜੋਂ ਸਤਿਕਾਰੇ ਜਾਂਦੇ, ਪੰਜਵੇਂ ਪਾਤਸ਼ਾਹ ਸ੍ਰੀ ਗੁਰੂ ਅਰਜਨ ਸਾਹਿਬ ਜੀ ਦੇ ਗੁਰਗੱਦੀ ਦਿਵਸ ਦੀ ਸਮੂਹ ਸੰਗਤ ਨੂੰ ਲੱਖ-ਲੱਖ ਵਧਾਈ। ਅੱਜ ਦੇ ਦਿਨ ਸ੍ਰੀ ਗੁਰੂ ਅਰਜਨ ਸਾਹਿਬ ਜੀ ਗੁਰਤਾਗੱਦੀ ਤੇ ਬਿਰਾਜਮਾਨ ਹੋਏ ਸਨ।

ਸੁਖਮਨੀ ਸਾਹਿਬ ਜੀ ਦੀ ਸੁਖਦਾਈ ਬਾਣੀ ਦੇ ਰਚਨਹਾਰ ਸਤਿਗੁਰਾਂ ਦੇ ਚਰਨਾਂ ਵਿੱਚ ਨਿਮਰਤਾ ਸਹਿਤ ਕੋਟਾਨ-ਕੋਟਿ ਪ੍ਰਣਾਮ।
*ਅਸੀਂ ਅਰਦਾਸ ਕਰਦੇ ਹਾਂ ਕਿ ਗੁਰੂ ਸਾਹਿਬ ਸਮੁੱਚੀ ਸਿੱਖ ਕੌਮ ਨੂੰ ਸਿੱਖੀ ਕੇਸਾਂ ਸੁਆਸਾਂ ਸੰਗ ਨਿਭਾਉਣ ਦਾ ਬਲ ਤੇ ਬੁੱਧੀ ਬਖਸ਼ਣ ਅਤੇ ਨਾਮ ਸਿਮਰਨ ਦੀਆਂ ਦਾਤਾਂ ਬਖਸ਼ਣ ਜੀ।*
ਵਾਹਿਗੁਰੂਜੀਕਾਖਾਲਸਾ
ਵਾਹਿਗੁਰੂਜੀਕੀਫ਼ਤਿਹ।।
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

04/09/2024

🌼🌼🌸🌸🌺🌺🌼🌼
ਸੰਤਾ ਕੇ ਕਾਰਜਿ ਆਪਿ ਖਲੋਇਆ ਹਰਿ ਕੰਮੁ ਕਰਾਵਣਿ ਆਇਆ ਰਾਮ ॥
ਧਰਤਿ ਸੁਹਾਵੀ ਤਾਲੁ ਸੁਹਾਵਾ ਵਿਚਿ ਅੰਮਿ੍ਤ ਜਲੁ ਛਾਇਆ ਰਾਮ ॥
ਅੰਮਿ੍ਤ ਜਲੁ ਛਾਇਆ ਪੂਰਨ ਸਾਜੁ ਕਰਾਇਆ ਸਗਲ ਮਨੋਰਥੁ ਪੂਰੇ ॥
ਜੈ ਜੈ ਕਾਰੁ ਭਇਆ ਜਗ ਅੰਤਰਿ ਲਾਥੇ ਸਗਲ ਵਿਸੂਰੇ ॥
ਪੂਰਨ ਪੁਰਖ ਅਚੁਤ ਅਬਿਨਾਸੀ ਜਸੁ ਵੇਦ ਪੁਰਾਣੀ ਗਾਇਆ ।।
ਅਪਨਾ ਬਿਰਦੁ ਰਖਿਆ ਪਰਮੇਸਰਿ ਨਾਨਕ ਨਾਮੁ ਧਿਆਇਆ ॥

🙏🏾 *ਧੁਰ ਕੀ ਬਾਣੀ ਆਈ ਤਿਨਿ ਸਗਲੀ ਚਿੰਤ ਮਿਟਾਈ।।*🙏🏾

*ਸਤਿਗੁਰ ਕੀ ਬਾਣੀ ਸਤਿ ਸਰੂਪ ਹੈ ਗੁਰਬਾਣੀ ਬਣੀਐ।।*

ਐਸੇ ਦੀਨ ਦਿਆਲ ਸਤਿਗੁਰੂ,
ਗੁਰ ਨਾਨਕ ਦੇਵ ਗੋਵਿੰਦ ਰੂਪ,
ਹਾਜਰਾ ਹਜੂਰਿ, ਸਰਬ ਕਲਾ ਭਰਪੂਰ ਬਾਣੀ ਕੇ ਬੋਹਿਥ, ਨਾਮ ਕੇ ਜਹਾਜ਼,
ਹਲਤ ਪਲਤ ਕੇ ਰਖਿਅਤ,
ਧੰਨ ਧੰਨ ਪਿਤਾ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਮਹਾਰਾਜ ਜੀ ਦੇ ਪਹਿਲੇ ਪ੍ਰਕਾਸ਼ ਪੁਰਬ ਦੀਆਂ ਬੇਅੰਤ ਬੇਅੰਤ ਵਧਾਈਆਂ ਹੋਣ ਜੀ।
ਸ਼ਬਦ ਗੁਰੂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਹਿਲੇ ਪ੍ਰਕਾਸ਼ ਪੁਰਬ ਦੀ ਸਮੂਹ ਸੰਗਤ ਨੂੰ ਲੱਖ-ਲੱਖ ਵਧਾਈ। ਅਰਦਾਸ ਹੈ ਕਿ ਕੁੱਲ ਮਨੁੱਖਤਾ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਅਧਿਆਤਮਕ, ਸਮਾਜਿਕ ਤੇ ਧਾਰਮਿਕ ਗਿਆਨ ਦੇ ਪ੍ਰਕਾਸ਼ 'ਚ ਅੱਗੇ ਵਧੇ, ਅਤੇ ਸੰਸਾਰ 'ਚ ਸ਼ਾਂਤੀ, ਭਾਈਚਾਰੇ ਤੇ ਸਦਭਾਵਨਾ ਦਾ ਚਾਨਣ ਫ਼ੈਲੇ ਅਤੇ ਸਿੱਖ ਕੌਮ ਆਪਣੇ ਸਰੂਪ ਤੇ ਗੁਰਸ਼ਬਦ ਨਾਲ ਜੁੜੇ ਵਿਹਮ ਭਰਮ ਤਿਆਗੇ ਜੀ।
🌹ਗੁਰੂ ਅੰਗ ਸੰਗ🌹
#ਲਹਿਰ #ਸਿੱਖੀ #ਦੀ #ਚੰਡੀਗੜ੍ਹ

Lehar Sikhi Di Chandigarh

01/01/2026

28/11/2024

01/11/2024

18/10/2024

27/09/2024

23/09/2024

10/09/2024

06/09/2024

06/09/2024

05/09/2024

04/09/2024

Address

Telephone

Website

Alerts

Shortcuts

Share

Category