26/07/2026
ഭക്ത ജനങ്ങളെ...,
ആശ്രിത വത്സലയും,അഭയവരദായികയുമായ അമ്മ #ശ്രീചക്ര വാസിയായി കുടികൊള്ളുന്ന ചെറുമുഖ പുത്തൻകാവിൽ ശ്രീ ദേവീ ക്ഷേത്ര സന്നിധിയിൽ 1202 ആണ്ട് ചിങ്ങം 1 തിങ്കളാഴ്ച(2026 ആഗസ്റ്റ് 17) വൈകിട്ട് 5.30 മുതൽ ക്ഷേത്രതന്ത്രി ബ്രഹ്മശ്രീ സി.പി.എസ് പരമേശ്വരൻ ഭട്ടതിരിയുടെ മുഖ്യ കാർമ്മികത്വത്തിൽ അതിവിശിഷ്ടമായ #മഹാത്രിപുരസുന്ദരീ പൂജ നടത്തപ്പെടുകയാണ്.
ആദിപരാശക്തിയുടെ ഏറ്റവും ശക്തവും അനുഗ്രഹപ്രദവുമായ ഭാവമാണ് #ത്രിപുരസുന്ദരി. ഇന്ദ്രാദി ദേവതകളാൽ വരെ പൂജിക്കപ്പെടുന്ന അതുല്യഭാവം.
#ശ്രീചക്രരാജ സിംഹാസനത്തിൽ ഉപവിഷ്ടയായ ഈ ത്രിപുരസുന്ദരിദേവിയുടെ അനുഗ്രഹം ലഭിക്കുക എന്നതിനേക്കാൾ ശ്രേഷ്ഠമായി ഇഹലോകജീവിതത്തിൽ മറ്റൊന്നുമില്ല. ആപത്തിൽപ്പെടാതെ എപ്പോഴും രക്ഷിക്കുന്ന, ആശ്രയിക്കുന്നവർക്ക് സർവ്വ സൗഭാഗ്യങ്ങളും അരുളുന്ന ത്രിപുരസുന്ദരീദേവിയുടെ നാമജപതിലൂടെ, പൂജയിലൂടെ നമ്മുടെ സർവ്വ പാപങ്ങളും നശിക്കുന്നു. മംഗല്യദോഷം, ഭാഗ്യക്കുറവ്, കുടുംബത്തിലെ അനൈക്യം, ബുദ്ധിമുട്ടിക്കുന്ന ബാദ്ധ്യതകൾ തുടങ്ങി നിത്യജീവിതത്തിലെ എല്ലാ ദുരിതങ്ങളിൽനിന്നും മോചിതമാകാൻ ത്രിപുരസുന്ദരിദേവിയുടെ അനുഗ്രഹം ഒന്നുമാത്രം മതി.
#ശ്രീചക്രവാസിയായി അമ്മ കുടികൊണ്ട് സർവ്വ അനുഗ്രഹങ്ങളും ചൊരിയുന്ന തിരുസന്നിധിയിൽ നടത്തപ്പെടുന്ന ഈ പുണ്യകർമ്മത്തിൽ പങ്കാളികളാകുവാൻ ഏവരെയും ദേവീ നാമത്തിൽ സ്വാഗതം ചെയ്തു കൊള്ളുന്നു.
