Discussion with my Guru:

Discussion with my Guru: I have started this page to share the discussion with my guru, teacher

06/09/2023

എന്റെ ചോദ്യം : എല്ലാ ഗുരുക്കന്മാരും പറയുന്നു സമർപ്പിക്കാൻ , പക്ഷേ എന്താ ഞാൻ സമർപ്പിക്കുക , എന്റെതായിട്ട് എന്തെങ്കിലും ഉണ്ടെങ്കിൽ അല്ലേ സമർപ്പിക്കാൻ പറ്റു ??
ശ്രീഗുരു :- നല്ല ചോദ്യമാണ് ചോദിച്ചത്. നിന്റെതായിട്ട് ഒന്നുമില്ലല്ലോ നീ പറഞ്ഞല്ലോ അതാർക്കാണ് തോന്നിയത് , അത് പറയാമോ ?
ഞാൻ:- അത് എനിക്ക് .
ശ്രീഗുരു:- ആ തോന്നിയതും തോന്നിപ്പിച്ചതിനെയും അമ്മയിൽ സമർപ്പിക്കുക. മനസിലായില്ല അല്ലേ !!
കുഞ്ഞേ ! നിനക്ക് അങ്ങനെ തോന്നിയത് തെറ്റല്ല, പക്ഷേ ആ തോന്നൽ വന്നത് നിന്റെ മനസിൽ നിന്നാണ് , സൂക്ഷ്മമായ അഹത്തിൽ നിന്നാണ്. അത് കൊണ്ടാണ് ആ തോന്നലിനെയും അത് തോന്നിപ്പിച്ച ആളിനെയും സമർപ്പിക്കാൻ പറഞ്ഞത്.
എന്റെ ചോദ്യം :- അതെങ്ങനെയാ അഹത്തിന്റെ ആവുന്നത്, പറഞ്ഞത് സത്യമല്ലേ ? അഹം എപ്പോഴും നുണയല്ലേ പറയു ??
ശ്രീഗുരു :- മനസ് അഥവാ അഹം ചിലപ്പോൾ ബോധത്തെ പോലെ നമ്മോട് സംസാരിക്കും , സത്യങ്ങൾ പറയുന്ന പോലെ തോന്നും . പക്ഷേ യഥാർത്ഥത്തിൽ നീ ഉണ്മയാണെന്ന് തിരിച്ചറിയുന്ന വേളയിൽ നിന്നിൽ ഇത്തരം ചിന്തകളോ, തോന്നലുകളോ ഉണ്ടാവാതെ നീ ആ ആനന്ദമായി മാറും. അത്രയേ ഉള്ളു

30/03/2021

ബ്രഹ്മത്തെ കുറിച്ചോ മോക്ഷത്തെ കുറിച്ചോ ഒന്നും പറഞ്ഞിട്ട് കാര്യമില്ല, കാരണം അത് നാം സങ്കൽപ്പിച്ച് ഉണ്ടാക്കും. ഈ നിമിഷം ആനന്ദമായി ഇരിക്കുവാൻ സാധിക്കുമോ എന്നതിലാണ് കാര്യം.
സ്നേഹം ഒന്നിനും വേണ്ടിയല്ലാത്ത സ്നേഹം , യാതൊരു വ്യവസ്ഥകളുമില്ലാത്ത സ്നേഹം ഉണ്ടെങ്കിൽ ആനന്ദമായിരിക്കാം. ഒരു വ്യക്തി എങ്ങനെയാണോ അദ്ദേഹത്തെ അങ്ങനെ തന്നെ സ്നേഹിക്കുക. തിരിച്ച് സ്നേഹമോ,മറ്റെന്തെങ്കിലുമോ ആഗ്രഹിക്കുന്നു എങ്കിൽ അത് വെറും വ്യാപാരം മാത്രമാണ് . നമ്മളിൽ ഒട്ടുമിക്ക ആൾക്കാരും നല്ല വ്യാപാരികളാണ്. നാം ആരെയും നിരുപാധികമായി സ്നേഹിക്കാറില്ല.( മക്കളെ പോലും ) എന്നാൽ എപ്പോൾ മുതൽ നാം അതിന് ശ്രമിക്കുന്നുവോ നാം ഒറ്റയ്ക്കാവുന്നു, ഒറ്റയ്ക്കാണെന്ന തിരിച്ചറിവ് നമ്മുക്കുണ്ടാവുന്നു. ഇത് നമ്മളെ വേദനിപ്പിക്കുമെങ്കിലും അതാണ് സത്യം . നമ്മുക്ക് സത്യങ്ങളെ ഇഷ്ടമല്ല. അത് കൊണ്ട് തന്നെ നമ്മുക്ക് (നിരുപാധികമായ) സ്നേഹം, ഏകാന്തത, മരണം ഒന്നും ഇഷ്ടമല്ല. കാരണം ഇവയെല്ലാം നമ്മുടെ ശിവബോധത്തെ ഉണർത്തുന്നു.
പ്രകൃതിയിൽ സമുഹമായി ജീവിക്കുന്ന
മനുഷ്യൻ ഒഴിച്ച് മറ്റ് ജീവികളിൽ ഇത് എല്ലാം പ്രകൃത്യാലുള്ളതാണ്. അത് കൊണ്ട് തന്നെ അവർ എന്തിനെയും അതിവർത്തിക്കുന്നു. അവർ അതിനെ കുറിച്ച് ബോധവാന്മാരല്ല എന്നേയുള്ളു. നമ്മുക്ക് നമ്മുടെ ബുദ്ധിമുട്ടുകളെ , കഷ്ടപ്പാടുകളെ ഒക്കെ ഭയങ്കര ഇഷ്ടമാണ്. ചിലപ്പോൾ നാം എല്ലാം കളഞ്ഞിട്ട് എങ്ങൊട്ടെങ്കിലും പോയാൽ മതി പറയുമെങ്കിലും അങ്ങനെ ഒരു സാഹചര്യം വന്നാൽ നാം നമ്മുടെ ബന്ധങ്ങൾ തുടങ്ങും, ഉത്തരവാദിത്വങ്ങളെ കുറിച്ച് വാചാലരാകും. ഇതെല്ലാം വെറും തട്ടിപ്പാണ്.
നമ്മുക്ക് വേണ്ടത് കഷ്ടപ്പെടാതെ എല്ലാം കിട്ടണം.
ഒന്നും ചെയ്യാതെ ആനന്ദം ലഭിക്കില്ല. ആനന്ദം ലഭിക്കണമെങ്കിൽ അത് നാം കണ്ടെത്തണം ,അത് നമ്മുടെ ഉള്ളിലാണെന്ന് അറിഞ്ഞാൽ എല്ലാവരുടെ ഉള്ളിലും ആ ആനന്ദത്തിന്റെ കണങ്ങളെ നമ്മുക്ക് കാണാൻ സാധിക്കുകയും ,അങ്ങനെ ആനന്ദം മാത്രമാണ് ഇവിടെയുള്ളതെന്നും , ഭേദചിന്തയാണ് ആ ആനന്ദത്തെ ഇല്ലാതെയാക്കുന്നതെന്നും ബോദ്ധ്യപ്പെടുന്നു.
അവനവന്റെ ഉള്ളിലെ ആനന്ദത്തെ അറിയാൻ ആദ്യമായി നമ്മളെ തന്നെ നിരുപാധികം സ്നേഹിക്കുക, അംഗീകരിക്കുക. നമ്മുടെ കഴിവുകളെയും കുറവുകളെയും അറിയുക, അംഗീകരിക്കുക.
നമ്മുക്ക് നമ്മളെ തന്നെ സ്നേഹിക്കാനായില്ലെങ്കിൽ, അംഗീകരിക്കാനാവുന്നില്ലയെങ്കിൽ പിന്നെ എങ്ങനെ മറ്റുള്ളവരെ സ്നേഹിക്കും, അംഗീകരിക്കും.
ഈ ജീവിതയാത്ര മോക്ഷത്തിനോ മുക്തിക്കോ ഒന്നിനും വേണ്ടിയല്ല, ആനന്ദം കണ്ടെത്താനാണ്. ആനന്ദത്തിൽ ലയിച്ചവരെയാണ് മുക്തി കിട്ടിയെന്നും മോക്ഷം ലഭിച്ചുവെന്നും ഒക്കെ പറയുന്നത്
കടപ്പാട് :ശ്രീഗുരു

ചോദ്യം: കാളി, ലളിത, ദുർഗ്ഗ ഇവയിൽ ആരാണ് കൂടുതൽ ശക്തിയുള്ളവൾ ? ശ്രീഗുരു: ഇവർക്കെല്ലാം ഒരേ ശക്തി തന്നെയാണ് . വ്യത്യാസം നമ്...
17/01/2021

ചോദ്യം: കാളി, ലളിത, ദുർഗ്ഗ ഇവയിൽ ആരാണ് കൂടുതൽ ശക്തിയുള്ളവൾ ?

ശ്രീഗുരു: ഇവർക്കെല്ലാം ഒരേ ശക്തി തന്നെയാണ് . വ്യത്യാസം നമ്മളിലാണ്. നമ്മുടെ ഗുണത്രയങ്ങളുടെ വ്യത്യാസമനുസരിച്ച് നാം ഒരേ ശക്തിയെ പല നാമങ്ങളിൽ വിളിക്കുന്നു.
ചോദ്യം : അതെങ്ങനെ ??? ചിലർ പറയാറുണ്ടല്ലോ , ആ ഭഗവതി വിളിച്ചാൽ വിളി പുറത്താണ് എന്നൊക്കെ !!!
ശ്രീഗുരു : അവിടെയും വിളിക്കുന്ന ആളിനാണ് പ്രത്യേകത , ഒരോർത്തരുടെയും ഭക്തിയുടെ വ്യത്യാസത്തിൽ വരുന്ന കാര്യമാണ് . ശ്രദ്ധിച്ചാൽ മനസിലാവും.
ചോദ്യം : അപ്പോൾ വേവേറേ നാമങ്ങളിൽ വിളിക്കുന്നത് ???
ശ്രീഗുരു : വെള്ളത്തിനെ water എന്ന് പറഞ്ഞാലും പാനി എന്ന് പറഞ്ഞാലും തണ്ണി എന്ന് പറഞ്ഞാലും ഒന്ന് എന്നത് പോലെയേ ഉള്ളു. ഇവിടെ വെള്ളത്തിനല്ല മാറ്റം വന്നത് മാറ്റം ഉണ്ടായത് നമ്മുക്കാണല്ലോ !!!
ചോദ്യം : അങ്ങനെയെങ്കിൽ ഇത് പോലെ തന്നെ ആയിരിക്കുമോ ശിവശക്തിയും
ശ്രീഗുരു: അതെ, എന്നാൽ അവിടെ വളരെ വളരെ നേർത്ത ഒരു വ്യത്യാസം ഉണ്ട് . ശിവം എന്നത് പൂർണ്ണമായും നിശ്ചലാവസ്ഥയാണ്. ശക്തിയിലൂടെയാണ് നാം ശിവത്തെ അറിയുന്നത് .
ചോദ്യം: അതെങ്ങനെ ??
ശ്രീഗുരു : ശക്തിയെ നിരാകരിച്ച് നമ്മുക്ക് ശിവാവസ്ഥയിൽ എത്തുക കഠിനമാണ് . ഈ കാണുന്നതൊക്കെയും മിഥ്യയായി കണ്ട്, എല്ലാത്തിനെയും ഇതല്ല ഇതല്ല സത്യം എന്ന് കണ്ട് മുന്നേറുന്ന വഴി. അവിടെ എല്ലാത്തിനെയും നിരാകരിക്കുന്നത് കൊണ്ട് സത്യത്തെ സങ്കൽപിക്കേണ്ടി വരുന്നു. ഇത് വഴി മായയിൽ പ്പെടാനുള്ള സാഹചര്യം കുടുതലാണ് .
മറ്റൊന്ന് എല്ലാം ശക്തിയുടെ കലകൾ ആയി കണ്ട് പോവുന്ന രീതി. ഈ പ്രപഞ്ചത്തിൽ പ്പെട്ടിരിക്കുന്ന പ്രാണികൾക്ക് അതിനെ തരണം ചെയ്യാനുള്ള ഏക വഴി ഈ ശക്തിയാണ് .എല്ലാ ജീവികളെയും കർമ്മനിരതരാക്കുന്നത് ഈ ശക്തിയാണ്.
ഇവിടെ ആർക്ക് ഏത് രീതി വേണമെന്നത് തീരുമാനിക്കുന്നത് നമ്മുടെ ഗുണത്രയങ്ങളാണ്.

ചോദ്യം:ശിവനും ശക്തി ഒന്നാണ് എന്ന് പറഞ്ഞുവല്ലോ , അത് ഒന്ന് വിശദികരിച്ച് പറയാമോ ???

ശ്രീഗുരു : ശക്തി ഈ പ്രപഞ്ചത്തിൽ എല്ലായിടവും വ്യാപിച്ചിരിക്കുന്നു.
ഇച്ഛയായും ജ്ഞാനമായും, ക്രിയയായും ഈ പ്രപഞ്ചത്തിൽ വിലാസിക്കുന്നു.
എല്ലാ രൂപങ്ങളും ആ ശക്തിയിൽ ഉൾകൊള്ളുന്നു. അനാദിയായ ഈ ശക്തി എപ്പോഴും ശിവനെ പ്രകാശിപ്പിക്കുന്നു.
ഈ പ്രപഞ്ചം മുഴുവനും ശിവശക്തികളുടെ ആവിഷ്കാരമാണ്.
ആ ശക്തി ഒരേ സമയം വിവേചികയും , ആവരണിയുമാണ്. ആ ശക്തി പരമാനന്ദം ആഗ്രഹിക്കുന്നവർക്ക് അത് നൽകുന്നു.
രണ്ടാമത്തേത് മറ്റുള്ളവർക്കും നൽകുന്നു. ജ്ഞാനരൂപയായും ഗുണാതീതയായും ആയ ശക്തി അനേകം യോഗത്താൽ അനേകം രൂപമെടുത്ത് ശിവനിൽ രമിക്കുന്നു.
ശിവന്റെ ജ്ഞാനസ്വരൂപമാണ് ശക്തി.
ശക്തി തന്നെയാണ് ശിവൻ അഥവാ ശിവൻ തന്നെയാണ് ശക്തി.

21/11/2020

ഒന്നും എന്റെ കൈയ്യിൽ അല്ല, പിന്നെ എന്തിന് വിഷമിക്കണം
എന്റേത് എന്ന് പറയാൻ ഒന്നുമില്ല, പിന്നെ എന്തിന് വിഷമിക്കണം
സ്ഥായിയായി ഒന്നും ഇല്ല , പിന്നെ എന്തിന് വിഷമിക്കണം
സ്ഥായിയായി ഞാൻ മാത്രമേയുള്ളു , പിന്നെ എന്തിന് വിഷമിക്കണം
കടപ്പാട് :ശ്രീഗുരു

ഞാൻ ആദ്യകാലങ്ങളിൽ ശ്രീഗുരുവിന്റെ അടുത്ത് ചെല്ലുമ്പോൾ ചോദിക്കുമായിരുന്ന ചില ചോദ്യങ്ങളും അതിന് അദ്ദേഹം നൽകിയിരുന്ന മറുപടിക...
06/10/2018

ഞാൻ ആദ്യകാലങ്ങളിൽ ശ്രീഗുരുവിന്റെ അടുത്ത് ചെല്ലുമ്പോൾ ചോദിക്കുമായിരുന്ന
ചില ചോദ്യങ്ങളും അതിന് അദ്ദേഹം നൽകിയിരുന്ന മറുപടികളും

ചോദ്യം : എനിക്ക് എന്തൊക്കെയോ പ്രത്യേകതകൾ ഉള്ളതായി തോന്നുന്നു ശരിയാണോ? , പക്ഷേ അതെന്താണെന്ന് അറിയാനും പറ്റുന്നില്ല എന്താ സംഭവം ???
ശ്രീഗുരു: ശരിയാണ് , നിനക്ക് ഒരുപാട് പ്രത്യേകതകൾ ഉണ്ട് . പക്ഷേ എല്ലാവരിലും പ്രത്യേകതകൾ ഉണ്ട് .

ചോ: മനസിലായില്ല ?
ശ്രീഗുരു: കുഞ്ഞേ , നീ ഉദ്ദേശിക്കുന്ന പ്രത്യേകത സിദ്ധികളല്ലേ , സംസാരിക്കാൻ കഴിയുന്നതും കേൾക്കാൻ കഴിയുന്നതും നടക്കാൻ കഴിയുന്നതും കാണാൻ പറ്റുന്നതും ഒക്കെ സിദ്ധികളാണ് , കാരണം ഇതൊന്നും പറ്റാത്തവരും ഈ ലോകത്ത് ഉണ്ട് . ഇനി എല്ലാവരിലും സിദ്ധികൾ ഉണ്ട് എന്ന് പറഞ്ഞത് ഒാരോ വ്യക്തികൾക്കും ഒാരോ കാര്യങ്ങളിലായിരിക്കും കഴിവ് , ഈ കഴിവ് തന്നെയാണ് അവരുടെ സിദ്ധി. അത് ആരും ആരെക്കാൾ മുകളിലും അല്ല താഴെയുമല്ല. ഒാരോ വ്യക്തികളും അമൂല്യമാണ് അതുല്യമാണ് .
നാം നമ്മുക്ക് പ്രത്യേകത കൽപിക്കുന്നത് മനസിന്റെ തൃപ്തിക്ക് വേണ്ടിയാണ് അഥവാ നമ്മുടെ അഹങ്കാരത്തിന്റെ തൃപ്തിക്ക് വേണ്ടിയാണ് .
നമ്മൾ വ്യത്യസ്തത ആഗ്രഹിക്കുന്നതും അഹങ്കാരത്തിന്റെ തൃപ്തിക്ക് വേണ്ടിയാണ്.
അതിനെ തിരിച്ചറിയുക .
അതിനെ അതിവർത്തിക്കുക.
എപ്പോൾ നാം അങ്ങനെ ചിന്തിക്കുന്നുവോ അപ്പോൾ മുതൽ നാം പ്രകൃതിയിൽ നിന്നും/ അഖണ്ഡബോധത്തിൽ നിന്നും അകലാൻ തുടങ്ങുന്നു.
അതിനാണ് തന്റെ ഉള്ളിലും എല്ലാവരിലും ഈശ്വരനെ കാണാൻ ശ്രമിക്കാൻ പറയുന്നത് .

03/10/2018

വേദന എന്നത് ഒരു അനുഭവമാണ് .അത് അവനവന്റെ ശരീരത്തിന് ഉണ്ടാവുമ്പോൾ സത്യസന്ധമായ അനുഭവമാണ് . അപ്പോഴാണ് നാം ശരീരത്തെ ശ്രദ്ധിക്കുവാൻ പോലും തുടങ്ങുക.
അവിടെ വേദാന്തം പറയുന്ന ശരീരം നശ്വരമാണ് ,അതിന് പ്രാധാന്യം കൊടുക്കേണ്ടതില്ല എന്ന വാക്കുകൾ വിലപോവില്ല, കാരണം അത് അസത്യമായത് കൊണ്ടല്ല, നമ്മൾ ആ തലത്തിലേക്ക് ഉയർന്നിട്ടില്ല എന്നത് കൊണ്ടാണ് . അവിടെ ഭഗവത് ഗീത പറയുന്ന ഈ ശരീരത്തെ ക്ഷേത്രമായി കണ്ട് പരിപാലിക്കു എന്നതെ ശരിയാവുകയുള്ളു.
എന്നാൽ നമ്മുടെ ബാക്കി വരുന്ന എല്ലാ വേദനകളും മനോനിർമ്മിതമാണ് . നമ്മുടെ സ്വത്ത് നഷ്ടപ്പെടുമ്പോളോ, നമ്മുടെ ആരെങ്കിലും മരിക്കുമ്പോൾ ഉണ്ടാവുന്ന വേദന എല്ലാം തന്നെ നമ്മുടെ പ്രതീക്ഷകളിൽ നിന്നും അല്ലെങ്കിൽ എന്റെ സ്വത്ത് /എന്റെ ബന്ധു എന്ന തോന്നലിൽ നിന്നും ഉണ്ടാവുന്നതാണ് . വെറും വൈകാരികമായ അവസ്ഥയാണ്.
ഇനി ഏത് തരം വേദനാനുഭവവും നല്ലതുമാണ് ചീത്തയുമാണ്. ചീത്തയാണ് എന്ന് പറയുന്നത് അത് നമ്മളിലെ ഉറങ്ങി കിടങ്ങുന്ന എല്ലാ നെഗറ്റീവ് വിചാരങ്ങളെയും ഉണർത്താൻ സാധ്യതയുണ്ട് .
വേദന നല്ലതാണെന്ന് പറയാൻ കാരണം അത് നമ്മളിലെ പോസീറ്റിവിനെ ഉണർത്തുന്നു.
ഒരേ വേദന രണ്ട് തരം വികാരങ്ങൾക്കും കാരണമാവുന്നു.
വേദന ഊർജ്ജമാണ് , അത് നെഗറ്റിവോ പോസിറ്റിവോ അല്ല , നാം അതിനെ എങ്ങനെ സ്വികരിക്കുന്നു എന്നതിന് അനുസരിച്ചാണ് അതിന്റെ ബാക്കി ഭാഗം വരുന്നത് .
നല്ല ദാഹമുള്ളപ്പോൾ വെള്ളം കുടിച്ചാൽ കിട്ടുന്ന ആശ്വാസം പോലെ തന്നെയാണ്
വേദനയിൽ നിന്നും മുക്തി കിട്ടുമ്പോളുണ്ടാവുന്ന ആശ്വാസം.
ഇതെല്ലാം ശരീരവുമായി ബന്ധപ്പെടുത്തിയാണ് പറയുന്നത് . ഇനി ശരീരത്തിന്റെ ഏതെങ്കിലും ഒരു ഭാഗം മുറിച്ച് കളയേണ്ടി വന്നാലും അപ്പോഴും ആശ്വസിക്കാം ജീവൻ പോയില്ലല്ലോയെന്ന് , തീർച്ചയായും ആ ഒരു ഭാഗത്തിന്റെ കുറവ് ഉണ്ടായിരിക്കും പക്ഷേ നമ്മൾ തകർന്ന് പോവരുത് .
വേദന എത്ര തന്നെ വലുതാണെങ്കിലും അതിനെക്കാൾ വലുതാണ് അഖണ്ഡബോധം അഥവാ ശിവത്വം. കടുത്തശരീര വേദന നമ്മുടെ അഹത്തെ ഇല്ലാതാക്കുന്നു അഥവാ നമ്മെ ആത്മസമർപ്പണത്തിൽ എത്തിക്കുന്നു. ആ ആത്മസമർപ്പണം എന്നത് ഇല്ലാത്തത് കൊണ്ടാണ് നമ്മളിൽ നിത്യമായി വിളങ്ങുന്ന ശിവത്വത്തെ നാം അറിയാതെ പോവുന്നത് . അതാണ് ശക്തിയുടെ പ്രധാനജോലിയും, നമ്മളെ ആത്മസമർപ്പണത്തിലെത്തിക്കുക.
നാം എത്രമാത്രം അഹത്തിൽ നിൽക്കുന്നവോ/കള്ളത്തിൽ നിൽക്കുന്നവോ /അധർമ്മത്തിൽ നിൽക്കുന്നവോ
അതിന്റെ ചിലപ്പോൾ ഇരട്ടി വേദന സഹിക്കേണ്ടി വരും, അപ്പോഴെ നാം ആത്മസമർപ്പണത്തിന് സജ്ജമാവു. എപ്പോൾ നാം ആത്മസമർപ്പണം നടത്തുന്നുവോ
അപ്പോൾ മുതൽ നാം പ്രകൃതിയുമായി വേറിട്ട് നിൽക്കുന്നില്ല , അതിന് അനുസരിച്ച് ജീവിക്കുന്നവനാകുന്നു. നമ്മളിൽ ശിവത്വം ഉണർന്നിരിക്കുന്നു.
വേദന നമ്മളിലെ ശിവത്വത്തെ അറിയാനുള്ള ആദ്യപടിയാണ് . അത് കൊണ്ട് അതിനെ പോസിറ്റീവായി സ്വികരിക്കുക
കടപ്പാട് : ശ്രീഗുരു

ചോദ്യം : എല്ലാവരിലും ഒരേ ചൈതന്യമുണ്ടായിട്ടും എന്താണ് കുറച്ച് പേർ കുറ്റവാളികളാവുന്നത് ?ശ്രീഗുരു : എല്ലാവരിലും ഒരേ ചൈതന്യമ...
21/03/2018

ചോദ്യം : എല്ലാവരിലും ഒരേ ചൈതന്യമുണ്ടായിട്ടും എന്താണ് കുറച്ച് പേർ കുറ്റവാളികളാവുന്നത് ?
ശ്രീഗുരു : എല്ലാവരിലും ഒരേ ചൈതന്യമാണ് ഉള്ളതെങ്കിലും , എല്ലാവരുടെയും ബോധം നിൽക്കുന്നത് ഒരേ തലത്തിൽ അല്ല. ചിലരുടെ ബോധം ഗുണങ്ങളാൽ നിയന്ത്രിക്കപ്പെടുമ്പോൾ , മറ്റ് ചിലരുടെ ഗുണങ്ങൾ ബോധത്താൽ നിയന്ത്രിക്കപ്പെടുന്നു. അതായത് ബോധം ഗുണങ്ങളുടെ താഴെ വരുമ്പോൾ മിക്കവാറും നാം പെരുമാറുന്നത് വികാരത്തിന് അടിമപ്പെട്ടായിരിക്കും . കുറ്റവാളികളിൽ ബോധം രജോഗുണത്തിന്റെയും തമോഗുണത്തിന്റെയും നിയന്ത്രണത്തിലായതിനാൽ കുറ്റകൃത്യങ്ങൾ ചെയ്യുന്നു.
ചോദ്യം : പിന്നെ നമ്മളെന്താ കുറ്റകൃത്യങ്ങൾ ചെയ്യാത്തത് ? നമ്മളിൽ സാത്വീക ഗുണം ഉള്ളത് കൊണ്ടാണോ ?
ശ്രീഗുരു : അവരിലും സാത്വീകഗുണങ്ങൾ ഒക്കെയുണ്ട് . നമ്മൾ കുറ്റകൃത്യങ്ങൾ ചെയ്യാത്തത് നമ്മുക്ക് അത് ചെയ്യാനുള്ള സാഹചര്യം വരാത്തത് കൊണ്ടാണ് . നമ്മളിൽ പലരും മാനസീകമായി എത്രയോ വട്ടം കുറ്റകൃത്യങ്ങൾ ചെയ്ത് കൊണ്ടിരിക്കുന്നു. നാം കുറ്റവാളികളേക്കാൾ വലിയ കുറ്റക്കാരാണ് . അവർ അത് പ്രകടിപ്പിച്ചപ്പോൾ നാം അത് സമർത്ഥമായി മറച്ച് പിടിക്കുന്നു, നമ്മളിൽ നിന്ന് പോലും നാം മറച്ച് പിടിക്കുന്നു.
ചോദ്യം: അപ്പോൾ കുറ്റകൃത്യങ്ങൾ നടക്കുന്നത് ?
ശ്രീഗുരു : നേരത്തേ പറഞ്ഞല്ലോ ബോധം ഗുണങ്ങൾക്ക് താഴെ വരുമ്പോൾ എന്ന്
"രജോഗുണം" കാരണമാണ് രാഗദ്വേഷങ്ങളും കാമക്രോധങ്ങളുമാകുന്ന വികാരങ്ങളൊക്കെതന്നെ ഉണ്ടായത്. എല്ലാവിധ കുറ്റകൃത്യങ്ങളെ ചെയ്യിക്കുന്നതും ഈ രജോഗുണമാണ്.
തമോഗുണം തമോഗുണം ഒരുവന്‍റെ മനുഷ്യസാധാരണമായ ബുദ്ധിവിശേഷത്തെ മൂടുപടംകൊണ്ടെന്നപോലെ മറയ്ക്കുന്നു. അതു അജ്ഞാനത്തിന്‍റെ കാതലാണ്. തമോഗുണത്താല്‍ നമ്മൾ ഭ്രമിച്ച് എന്തു കര്‍മ്മവും ചെയ്യാന്‍ തയ്യാറാവുന്നു. തമോഗുണത്തിന്‍റെ നിര്‍വിചാരഭാവം കൊണ്ട് അവിവേകമാണ് ഉണ്ടാവുന്നത് . തമോഗുണം വര്‍ദ്ധിക്കുന്ന ജീവജാലങ്ങളില്‍ മറ്റൊന്നിനും വളരാന്‍ അവസരമില്ല. അത് ഇന്ദ്രിയങ്ങള്‍ക്കു ജഡത്വം സംഭവിപ്പിക്കുയും മനസ്സില്‍ മൂഡത നിറയ്ക്കുകയും ചെയ്യുന്നു; അവയവങ്ങളെ ആലസ്യ വിധേയമാക്കുന്നു. എന്തെങ്കിലും ജോലി ചെയ്യുന്നതിന് അവനെ നിര്‍ബന്ധിച്ചാല്‍ അവന്‍ കോപാകുലനാകും. തമോഗുണത്തിൽ നാം ദേഷ്യത്തോടും ആവേശത്തോടും കൂടി ജോലി ചെയ്യാന്‍ ആരംഭിച്ചാല്‍ എന്തു പ്രവര്‍ത്തിക്കുമെന്ന് ആര്‍ക്കും അറിയാന്‍ സാദ്ധ്യമല്ല. അവന് ഇപ്പോള്‍ എന്തു വേണമെന്നോ ആരോട് എപ്രകാരം സംസാരിക്കണമെന്നോ മറ്റുള്ളവരോട് എങ്ങനെ പെരുമാറണമെന്നോ അറിവില്ല. ഒരു കാര്യത്തിന്‍റെ സാദ്ധ്യാസാദ്ധ്യങ്ങളെപ്പറ്റി ചിന്തിക്കാതെ അസാധ്യമായ കാര്യങ്ങള്‍ ചെയ്യുന്നതിന് അവന്‍ ഒരുംബെടും. സാധാരണക്കാരന്‍ ചെയ്യാന്‍ മടിക്കുന്ന കൃത്യങ്ങളിലേക്ക് അവന്‍ തുനിഞ്ഞിറങ്ങും. . എന്നിട്ട് 8ന്റെ പണി കിട്ടുകയും ചെയ്യും
ചോദ്യം : ഇതിൽ നിന്ന് എങ്ങനെ രക്ഷപ്പെടാം ?
ശ്രീഗുരു : ആദ്യമായി സാത്വീകതയിൽ വന്നിട്ട് അവിടെ നിന്ന് ഗുണാതീതനാവണം അപ്പോൾ പ്രകൃതി നമ്മളിലൂടെ പ്രവർത്തിക്കാൻ തുടങ്ങും
ചോദ്യം : അതെന്താ സാത്വീകതയല്ലേ നല്ലത് ? ഗുണാതീത്വം എന്താണ് ?
ശ്രീഗുരു: മറ്റ് ഗുണങ്ങളേക്കാൾ നല്ലത് സാത്വീകത തന്നെയാണ് .എന്നാൽ അതും ഒരു ബന്ധനം തന്നെയാണ് .
ഗുണാതാതീത്വം എന്നാൽ ബോധം ഗുണങ്ങളെ നിയന്ത്രിക്കുന്ന അവസ്ഥയായി കണ്ടാൽ മതി.
ആ തലത്തിൽ നിൽക്കുമ്പോൾ അവിടെ നാം എന്നത് വ്യക്തിതലത്തിൽ ഉണ്ടാവുകയില്ല. പ്രകൃതിനിയമങ്ങൾക്കനുസരിച്ച് നാം അനുനിമിഷം ജീവിക്കും അഥവാ അപ്പോൾ മാത്രമാണ് നാം ജീവിക്കുന്നത് .

04/11/2017

സത്യത്തെ അന്വേഷിച്ചുള്ള യാത്രയിൽ എന്താണ് പലരും അതിലെത്താതെ പോവുന്നത് ?

ശ്രീഗുരു : സത്യത്തെ അന്വേഷിച്ചുള്ള യാത്രയിൽ നാം സത്യത്തെ മുറുകെ പിടിച്ചാലെ സത്യത്തിൽ എത്തുകയുള്ളു.
അതായത് നമ്മുടെ കള്ളത്തരങ്ങൾ കൊണ്ടാണ് നാം ആ സത്യത്തിൽ എത്താതെ പോവുന്നത് .
സത്യത്തിലൈക്കുള്ള യാത്രയിൽ പലപ്പോഴും തടസ്സമായി വരുന്നത് നാം നമ്മോട് തന്നെ പറയുന്ന ലക്ഷകണക്കിന് കള്ളങ്ങളാണ് .
ഭയം, അഹങ്കാരം, മോഹം ഇവയെല്ലാം കള്ളത്തരത്തിന്റെ ലക്ഷണങ്ങളാണ് .

ഭയം, അഹങ്കാരം, മോഹം ഇവയെല്ലാം എങ്ങനെയാണ് കള്ളമാകുന്നതാണ് ?

ശ്രീഗുരു: ഭയം എന്നത് കൊണ്ട് ഉദ്ദേശിക്കുന്നത് മരണഭയമാണ് . അതുണ്ടാവുന്നത് നാം ഈ ശരീരമാണെന്ന തെറ്റിദ്ധാരണ കൊണ്ടാണ് .
ഇനി വ്യവഹാരിക തലത്തിലും സത്യത്തിന്റെ പാതയിൽ പോകുന്നവന് ഭയക്കേണ്ടതില്ല. നാം ഭയക്കുന്നത് എന്തെങ്കിലും കള്ളത്തരങ്ങൾ കാണിക്കുന്ന സമയത്താണ് .
അഹങ്കാരം കള്ളത്തരമാണ് , കാരണം എപ്പോഴും അഹങ്കരിക്കുന്നത് മനസ്സാണ്
മനസ്സ് എന്നത് കള്ളമാണ് .
മോഹവും കള്ളമാണ് , കാരണം ഉള്ളത് കൊണ്ട് തൃപ്തിപ്പെടുകയെന്നതാണ് സത്യത്തിന്റെ പാതയിൽ പോകുന്നവർ ചെയ്യേണ്ടത് . അതിന് നമ്മുടെ മനസ് സമ്മതിക്കില്ല. അപ്പോൾ മോഹവും ഉണ്ടാവുന്നു. അത് കൊണ്ട് മോഹവും കള്ളമാവുന്നു.
ഇവയൊക്കെ എങ്ങനെയാ ഒഴിവാക്കുന്നത്?

ശ്രീഗുരു:ഭയത്തെ ഒഴിവാക്കാൻ വേണ്ടത് നാം ശരീരമാണെന്ന തെറ്റിദ്ധാരണ മാറ്റുകയെന്നതാണ് . ശരീരമെന്നത് വാസനകൾ നശിപ്പിക്കാനുള്ള ഉപാധി മാത്രമാണ് . മരണമെന്നത് ആ ഉപാധിയുടെ നാശമാണ് .
ഞാൻ എന്നതിന് നാശമില്ല . അത് കൊണ്ട് ഭയവുമില്ല .
അഹങ്കാരം പോവാൻ വേണ്ടത് സമർപ്പണമാണ്. അതിന് വേണ്ടി ഏതെങ്കിലും ദേവതയോട് ഭക്തി ഉള്ളത് നല്ലതാണ് .
മോഹം ഒഴിവാക്കാൻ ചെയ്യേണ്ടത്
ഉള്ളത് കൊണ്ട് തൃപ്തിപ്പെടുകയെന്നതാണ് .
എന്നാൽ മനസ്സിനെ ഇല്ലാതെ ആക്കിയാൽ മേൽപറഞ്ഞവ സ്വാഭാവികമായി ഇല്ലാതെയാവും .
മനസിനെ എങ്ങനെ ഇല്ലാതെയാക്കും ?
ശ്രീഗുരു: മനസ്സ് നിലനിൽക്കുന്നത് എപ്പോഴും ഭൂതം അല്ലെങ്കിൽ ഭാവി കാലങ്ങളിലാണ് .
അതായത് വർത്തമാനകാലത്ത് മനസ്സ് ഉണ്ടാവില്ല. നാം വർത്തമാനകാലത്ത് സ്ഥിതി ചെയ്യുമ്പോൾ ആനന്ദം അനുഭവിക്കുന്നു, കാരണം അവിടെ മനസില്ല.
നാം ആനന്ദം അനുഭവിച്ചിട്ടുള്ള സാഹചര്യങ്ങൾ പരിശോധിച്ചാൽ മനസ്സിന്റെ അഭാവത്തിലാണെന്ന് ബോദ്ധ്യപ്പെടും , കാരണം ആനന്ദാവസ്ഥയാണ് നമ്മുടെ സത്യാവസ്ഥ.

01.01.2017ന് തപോവൻ ആത്മീയ ഗവേഷണ ധ്യാന കേന്ദ്രത്തിൽ വച്ച് നടന്ന സത്സംഗത്തിലെ ഒരേട്.ചോദ്യം : എന്ത് കൊണ്ടാണ് നാം വീണ്ടും വീ...
14/01/2017

01.01.2017ന് തപോവൻ ആത്മീയ ഗവേഷണ ധ്യാന കേന്ദ്രത്തിൽ വച്ച് നടന്ന സത്സംഗത്തിലെ ഒരേട്.

ചോദ്യം : എന്ത് കൊണ്ടാണ് നാം വീണ്ടും വീണ്ടും ജനിക്കുന്നത് ?

ശ്രീഗുരുവിന്റെ ഉത്തരം : നല്ല ചോദ്യം. ഈ ചോദ്യം ശ്രീവിഷ്ണുവിന്റെതാണ് .
നമ്മളോട് ഇപ്പോൾ മരിക്കാൻ തയ്യാറാണോ ഇല്ല സത്യസന്ധമായി പറഞ്ഞാൽ അതിന്റെ കാരണം നോക്കണം.
ഇപ്പോൾ നമ്മുക്ക് മരിച്ചാൽ മതി എന്ന് തോന്നാൻ ഉള്ള കാരണം നമ്മുടെ ആഗ്രഹങ്ങൾ നടക്കാത്തത് കൊണ്ടാണ് , അതിന്റെ നിരാശ കൊണ്ടാണ് .
നാം മരിക്കാൻ തയ്യാറല്ല,കാരണം ആഗ്രഹങ്ങൾ. എന്നാൽ നാം ഏത് നിമിഷവും മരിക്കാം എന്നതാണ് സത്യം.
അപ്പോൾ ഈ നിമിഷം നാം മരിച്ചൽ നമ്മുടെ ആഗ്രഹങ്ങൾക്ക് എന്ത് സംഭവിക്കും ?
ആഗ്രഹങ്ങൾ ഊർജ്ജങ്ങളാണ്. ആ ഊർജ്ജങ്ങൾക്ക് യോഗം സംഭവിക്കാൻ,അഥവാ പൂർത്തികരീക്കപ്പെടാൻ ശരീരം ആവശ്യമാണ് . ശരീരം ഉള്ളപ്പോൾ മാത്രമാണ് ഇന്ദ്രീയങ്ങളിൽ കൂടി സുഖം അനുഭവിച്ച് വാസനകളെ ഇല്ലാതെ ആക്കി മോക്ഷം നേടാൻ സാധിക്കു .
ഇന്ദ്രീയങ്ങളിൽ കൂടി സുഖം അനുഭവിക്കുക എന്ന് അവയ്ക്ക് അടിമപ്പടരുത് , എന്നാൽ നാം അവയ്ക്ക് അടിമപ്പട്ട് പോവുന്നു.
അപ്പോൾ വീണ്ടും വീണ്ടും ജനിക്കേണ്ടി വരുന്നു.

ജീവിതത്തിൽ 3 തരം പ്രശ്നങ്ങൾ മാത്രമാണ് ഉള്ളത്.1. നാം സ്വയം ഉണ്ടാക്കുന്ന പ്രശ്നങ്ങൾ. 90% പ്രശ്നങ്ങളും നാം സ്വയം ഉണ്ടാക്കുന...
30/12/2016

ജീവിതത്തിൽ 3 തരം പ്രശ്നങ്ങൾ മാത്രമാണ് ഉള്ളത്.
1. നാം സ്വയം ഉണ്ടാക്കുന്ന പ്രശ്നങ്ങൾ. 90% പ്രശ്നങ്ങളും നാം സ്വയം ഉണ്ടാക്കുന്നതാണ്. നാം നമ്മളെ പറ്റി ബോധവാനായാൽ ഈ പ്രശ്നങ്ങൾ കുറയുന്നത് കാണാം. ഒരു ധ്യാനത്മകമായ മനസിന് മാത്രമാണ് അതിന് സാധിക്കുക.
2. മറ്റുള്ളവർ ഉണ്ടാക്കുന്ന പ്രശ്നങ്ങൾ. അവിടെ നിങ്ങൾക്ക് ഒന്നും ചെയ്യാനില്ല. ആ വ്യക്തികളെ അത് പോലെ തന്നെ സ്വീകരിച്ചാൽ മതി. പ്രശ്നം ഇല്ലാതെ ആക്കാം.
ഉദാഹരണത്തിന് നിങ്ങൾക്ക് അസൂയ ഉണ്ടെങ്കിൽ അത് മാറ്റണം. പക്ഷേ നിങ്ങളുടെ ബന്ധുവിനാണ് അസൂയ എങ്കിൽ ഒന്നും ചെയ്യാനില്ല.അത് പോലെ തന്നെ സ്വികരിക്കുക അല്ലാതെ , ഇത്തരം പ്രശ്നങ്ങൾ ഒരു ശതമാനം വരും.
3. ഇവിടെ മിക്കവാറും ജീവിതയാഥാർത്ഥ്യങ്ങളോ, സത്യങ്ങളോ ആണ് പ്രശ്നങ്ങളായി വരുന്നത്. അവയോട് യുദ്ധം ചെയ്യുമ്പോഴാണ് അത് പ്രശ്നമാവുന്നത്. അതിനെ അംഗീകരിച്ചാൽ ആ പ്രശ്നവും പരിഹരിക്കാം.
ഉദാഹരണത്തിന് മരണം, ചില വ്യക്തികളുടെ മരണത്തെ അവരുടെ അടുത്ത ബന്ധുക്കൾ ഉൾക്കൊള്ളാൻ സാധിക്കാതെ വരുന്നത് ഈ കാരണം കൊണ്ടാണ്.
ഓഷോ

25/07/2016

ചോദ്യം: എന്നെ ആരും മനസിലാക്കുന്നില്ല , ഇത്രയേറെ കുടുംബത്തിന് വേണ്ടി കഷ്ടപ്പെട്ടിട്ടും അവർ പറയുന്നു എനിക്ക് സ്നേഹം ഇല്ല, അച്ഛൻ,അമ്മ, സഹോദരങ്ങൾ,ഭാര്യ എല്ലാവരും പറയുന്നത് ഞാൻ അവരുടെ ഒരു കാര്യവും സാധിച്ചു കൊടുക്കുന്നില്ല എന്നൊക്കെ ആണ്. എന്താണ് സംഭവം എന്ന് മനസിലാവുന്നില്ല, ഒന്ന് പറഞ്ഞു തരാമോ?
ഗുരുശ്രീയുടെ ഉത്തരം: നമ്മുടെ സ്നേഹം നമ്മുടെ മനസിൽ നിന്നിട്ട് ഒരു കാര്യവും ഇല്ല. അത് നാം വാക്കുകളിലൂടെ സത്യസന്ധമായി പ്രകടപ്പിക്കണം. ഇപ്പോൾ ഇവിടെ പ്രശ്നം ഒരു ആഗ്രഹവും സാധിച്ചു കൊടുക്കുന്നില്ലെന്ന് പരാതി ആണ്. എന്താണ് കാര്യം. നാം പറയുന്നത് എല്ലാം ഉറപ്പിച്ചായിരിക്കും. എന്നാൽ യഥാർത്ഥത്തിൽ അങ്ങനെ അല്ല. പ്രകൃതി എപ്പോഴും മാറി കൊണ്ട് ഇരിക്കുക ആണ്. അപ്പോൾ നാം ഒരു കാര്യം ഉറപ്പിച്ച് പറഞ്ഞാൽ അത് മിക്കവാറും കള്ളം ആകാനുള്ള സാധ്യത വളരെ കൂടുതൽ ആണ്.
ഉദാഹരണത്തിന്- ഭാര്യ ആവശ്യപ്പെടുന്നു വൈകുന്നേരം നേരത്തെ വന്നാൽ സിനിമാ കാണാൻ പോവാം എന്ന്. നാം പ്രകൃതിയുടെ മാറ്റം നോക്കാതെ ഇതിന് മറുപടി കൊടുക്കുന്നു, ശരി നേരത്തെ വരാം, പക്ഷേ ഇറങ്ങാൻ തുടങ്ങുന്ന സമയത്ത് നമ്മുടെ ഓഫീസർ നമുക്ക് ഒരു ജോലി ഏല്പിക്കുന്നു. ഓഫീസർ പറഞ്ഞത് കൊണ്ട് നാം വൈകിയെ വരു എന്ന് പറയാനും മറന്നാല്ലോ, വീട്ടിൽ ചെല്ലുമ്പോൾ നാം എന്ത് തന്നെ പറഞ്ഞാലും ന്യായീകരണം ആയിട്ട് മാറും. ഇങ്ങനെ പല തവണ ആവുമ്പോൾ അവർക്ക് ഒന്നിലും വിശ്വാസം ഇല്ലാതെ ആവുന്നു.
ചോദ്യം: അയ്യോ ഇത് മിക്കവാറും സംഭവിക്കുന്നുതാ, അപ്പോൾ എന്താ ചെയ്യാൻ സാധിക്കുക
ഗുരുശ്രീയുടെ ഉത്തരം: പ്രകൃതിയുടെ മാറ്റം കൂടി കണ്ടിട്ട് മറുപടി പറയുന്നത് നല്ലത് ആയിരിക്കും. വരാം എന്ന് പറഞ്ഞ സമയത്ത് തിരക്ക് ഉണ്ടാവില്ല,പക്ഷേ പിന്നീട് തിരക്ക് വരാം, അപ്പോൾ ആ രീതിയിൽ മറുപടി കൊടുക്കുന്നതാവും ശരി.
വരാം എന്ന് പറയുന്നതിന് പകരം സാഹചര്യം അത് പോലെ തന്നെ പറയുന്നതും ഉപകരിച്ചേക്കാം.
ചോദ്യം: പക്ഷേ ഇതൊക്കെ എങ്ങനെ ആണ് പ്രശ്നം ആവുന്നത് ? ഞാൻ ഉദ്ദേശിച്ചത് ആദ്യത്തെ കാര്യം ആണ്

ഗുരുശ്രീയുടെ ഉത്തരം: നാം എന്തെങ്കിലും കാര്യം ഉറപ്പിച്ച് പറഞ്ഞാൽ അത് commitment ആവുന്നു.ഒരു പ്രശസ്ത സർജനെ കാണാൻ ചെന്നപ്പോ, അദ്ദേഹം അറിയിച്ചത് അദ്ദേഹം രണ്ട് ഓപറേഷനിൽ ആണ് എന്നും എപ്പോൾ കാണാൻ സാധിക്കും എന്ന് പറയാൻ പറ്റില്ല എന്നാണ്. ജീവിതത്തിൽ വിജയിക്കുന്ന വ്യക്തികൾ എല്ലാ തന്നെ ഇത്തരത്തിൽ പ്രകൃതിയുടെ മാറ്റം അറിഞ്ഞ് ജീവിക്കുന്നവർ ആണ്. മാറ്റം പ്രകൃതിയുടെ നിയമങ്ങളിൽ ഒന്ന് ആണ്. അവിടെ നമുക്ക് എങ്ങനെ ഒരു കാര്യം ഉറപ്പിച്ച് പറയും. കഴിയുന്നത്ര സത്യസന്ധമായി, പ്രകൃതിയുടെ മാറ്റം ഉൾകൊണ്ട് ജീവിക്കുക.

18/07/2016

ചോദ്യം: സാഹചര്യങ്ങളെ ബുദ്ധി പരമായി Analysis നടത്തുന്നത് ആണോ നല്ലത് ബോധപരമായി Analysis നടത്തുന്നത് ആണോ നല്ലത് ?

ഗുരുവിന്റെ ഉത്തരം: ബോധപരമായി Analysis നടത്തുന്നവരാണ് ജീവിതത്തിൽ വിജയിക്കുന്നത്. ബുദ്ധി കൊണ്ടു Analysis നടത്തുന്ന സമയത്ത് മിക്കവാറും നാം തോറ്റു പോവുകയാണ് പതിവ്. പലപ്പോഴും ബോധത്തിന്റെ വിജയം ബുദ്ധി ഏറ്റെടുത്ത് നമ്മളെ കൂടുതൽ വഴി തെറ്റിക്കുന്നു.
ബോധം തലത്തിൽ മാറ്റം വന്നാൽ നമ്മുടെ ജീവിതത്തിലെ എല്ലാ മേഖലയിലും മാറ്റം വരുന്നത് നമുക്ക് മനസ്സിലാവും.എല്ലാം ജോലിയും ആയാസരഹിതമായി ചെയ്യാൻ സാധിക്കും. ബോധം കുടുന്നതിന് അനുസരിച്ച് Stress കുറയുമെന്നതുകൊണ്ടും ജീവിതം കൂടുതൽ ആസ്വാദ്യകരമായി അനുഭവപ്പെടും.

Address

Mavelikara
690101

Telephone

9961306254

Website

Alerts

Be the first to know and let us send you an email when Discussion with my Guru: posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Discussion with my Guru::

Shortcuts

Share

Category