SYS zone iritty

15/08/2022

14/08/2022

ഇന്ത്യയുടെ ഏത് പൗരനും
സ്വാതന്ത്ര്യത്തിന്റെ തണലിലേക്ക്
നിവർന്നു നിൽക്കാനാകുന്ന
പുലരി തെളിയുവോളം
ഈ മൂവർണ്ണ പതാകക്ക് താഴെ
ജാഗ്രതയോടെ നമുക്ക്
ഉറങ്ങാതെ കാവലിരിക്കാം..

75th സ്വാതന്ത്ര്യ ദിനാഘോഷത്തിന്റെ ഭാഗമായി "സ്വാതന്ത്ര്യത്തിലേക്ക് നിവർന്നു നിൽക്കുക" എന്ന പ്രമേയത്തിൽ
കണ്ണൂർ എസ് വൈ എസിന്റെ കീഴിൽ സന്നദ്ധ വിഭാഗമായ TEAM OLIVE സംഘടിപ്പിക്കുന്ന ആയിരങ്ങൾ സംബന്ധിക്കുന്ന സ്വാതന്ത്ര്യ ദിന റാലിയും പൊതു സമ്മേളനവും മട്ടന്നൂരിൽ വെച്ച് നടത്തപ്പെടുന്നു.
റാലിയെ അഭിവാദ്യം ചെയ്തു ബഹു:പട്ടുവം അബൂബക്കർ മുസ്‌ലിയാർ.
റഹ്മത്തുള്ള സഖാഫി എളമരം.
എം വി ജയരാജൻ.
അഡ്വ:സണ്ണി ജോസഫ് എം എൽ എ.
ആർ. പി ഹുസൈൻ മാസ്റ്റർ എന്നിവരും മറ്റു പ്രമുഖരും പങ്കെടുത്തു സംസാരിക്കുന്നു.

30/07/2022

إنا لله وإنا إليه راجعون.

പഴശ്ശി ഉസ്താദ് നമ്മെ വിട്ട് പിരിഞ്ഞു.

അല്ലാഹു അവരെയും നമ്മെയും ജന്നാത്തിൽ ഒരുമിച്ചു കൂട്ടട്ടെ, ആമീൻ 🤲🥲

11/07/2022

sys കീച്ചേരി യൂണിറ്റ് പാഠശാല.
ഇന്ന് രാത്രി മഗ്‌രിബിന് ശേഷം ദാറുൽ ഫതഹ് സുന്നി സെൻററിൽ വെച്ച് നടത്തപ്പെടുന്നു.
നേതൃത്വം- ഇസ്മായിൽ മാസ്റ്റർ

10/07/2022

സമർപ്പണമാണ് ബലിപെരുന്നാളിന്റെ പ്രധാന സന്ദേശം.
നാലായിരം കൊല്ലങ്ങൾക്കപ്പുറത്ത് നടന്ന ഒരു ത്യാഗിയുടെ ജീവിതമാണ് ഈ പെരുംനാളിലും മുഴങ്ങിക്കേൾക്കുന്നത്.
അല്ലാഹു അക്ബർ ഒരു സമാധാനത്തിന്റെ വാക്കാണ്.
നമ്മുടെ ദൗർബല്യങ്ങൾ സാധാരണമാണ്,ഇതിന്റെ പരിഹാരം സർവശക്തനായ അല്ലാഹുവാണ്.അവനെപ്രാപിക്കാനുള്ള ശ്രദ്ധയാണ് ജീവിതത്തിലുടനീളം നമുക്ക് ഉണ്ടാവേണ്ടത്.

08/07/2022

ഇന്ന് ജൂലൈ 8 സ്വാന്തനം ഡേ

07/07/2022

വിമാന ടിക്കറ്റുകളുടെ അന്യായ നിരക്ക്: സർക്കാർ ഇടപെടണം
എസ്.വൈ.എസ്് നിവേദനം നൽകി
കോഴിക്കോട ഗൾഫ് സെക്ടറുകളിൽ നിന്നുമുള്ള വിമാന ടിക്കറ്റുകളുടെ അന്യായവില വർദ്ധനവിൽ സർക്കാർ ഇടപെടണം എന്നാവശ്യപ്പെട്ട് എസ്.വൈ.എസ്് സംസ്ഥാന കമ്മിറ്റി പ്രധാനമന്ത്രി, മുഖ്യമന്ത്രി, വ്യോമ ഗതാഗത മന്ത്രി എന്നിവർക്ക് നിവേദനം നൽകി. കഠിനമായ ചൂടും പെരുന്നാളും സ്‌കൂൾ അവധിയും ഒന്നിച്ച് വന്ന സാഹചര്യത്തിൽ ഗൾഫ് രാജ്യങ്ങളിൽ നിന്നും
മലയാളികടക്കമുള്ള ഇന്ത്യക്കാർ കുടുംബസമേതം നാട്ടിലെത്താനുള്ള അമിതമായ താല്പര്യത്തിലാണുള്ളത്. എന്നാൽ ഈ തിരക്ക് ചൂഷണം ചെയ്ത് വിമാന കമ്പനികൾ പെട്ടെന്ന് ടിക്കറ്റ് നിരക്ക് നാല് ഇരട്ടി വരെ വർധിപ്പിച്ചിരിക്കുകയാണ്. കോവിഡിനെ തുടർന്ന് പല കുടുംബങ്ങൾക്കും രണ്ടുവർഷമായി നാട്ടിലേക്ക് വരാൻ സാധിച്ചിട്ടില്ല. സാഹചര്യം അനുകൂലമായപ്പോൾ നാട്ടിലെത്താൻ പാടുപെടുന്നവർക്ക് ഇത് വലിയ തിരിച്ചടിയാണ് ഈ അന്യായമായ ടിക്കറ്റ് വില വർദ്ധനവ്. അതിനാൽ ടിക്കറ്റ് നിരക്ക് കുറക്കാൻ സർക്കാർ അടിയന്തരമായി ഇടപെടണം എസ്.വൈ.എസ്് ആവശ്യപ്പെട്ടു.
കോവിഡിന് മുമ്പുണ്ടായിരുന്ന, ചെലവ് കുറഞ്ഞ വിമാനങ്ങൾ അടക്കമുള്ള വിമാന സർവീസുകൾ പൂർണ്ണമായും പുനസ്ഥാപിക്കാത്തതും നിരക്ക് വർദ്ധനവിന് കാരണമായിട്ടുണ്ട്. വിമാന സർവീസുകൾ പൂർണ്ണമായും പുനസ്ഥാപിക്കാനും വിമാന ടിക്കറ്റ് കുറക്കുന്നതിനും അടിയന്തരമായി ഇടപെടണമെന്നും നിവേദനത്തിലൂടെ സംഘടന സർക്കാറിനോട് ആവശ്യപ്പെട്ടു.

06/07/2022

മഴക്കാല രോഗങ്ങളിൽ നിന്നും വീടിനെയും നാടിനെയും സമൂഹത്തെയും രക്ഷിക്കുന്നതിൽ നമുക്കെല്ലാവർക്കും പങ്കാളികളാവാം.

01/07/2022

അവർ വിമർശിക്കുംതോറും
വിശ്വാസികൾ നബിസ്നേഹത്തെ വർണ്ണിച്ചു കൊണ്ടേയിരിക്കും..
പ്രവാചക നിന്ദ,
വസ്തുതകൾ എന്ത്?
ഇരിട്ടി സോൺ

30/06/2022

മാസപിറവി കണ്ടു 🌙

22/06/2022

"തന്റെ സുഖങ്ങളെക്കാൾ അന്യന്റെ സന്തോഷത്തിന് സ്ഥാനം കൊടുത്ത ഖാലിദിനെ ഭക്ഷണകാര്യങ്ങളിൽ മറ്റുള്ളവർക്ക് ഉപദേശിക്കേണ്ടി വന്നിരുന്നു. ദീനിന് വേണ്ടി നെട്ടോട്ടമോടിയിരുന്ന ആ യുവാവിനോട് ഞാൻ പലപ്പോഴും പറയാറുണ്ടായിരുന്നു: നീ ജീവിക്കാൻ മറന്നു പോകരുതെന്ന്". സംഘടനയിൽ ഉറങ്ങുകയും ഉണരുകയും ചെയ്തിരുന്ന ഒ. ഖാലിദ് സാഹിബിനെ സംബന്ധിച്ച് മർഹൂം ചിത്താരി ഉസ്താദ് കുറിച്ച വരികളാണ് മുകളിലുദ്ധരിച്ചത്.
സ്പന്ദിക്കുന്ന സ്മരണകളായി ഒ. ഖാലിദ് നിനവിൽ വരാത്ത ഒരു ദിവസവും കഴിഞ്ഞു പോകുന്നുണ്ടാകില്ല. ചിലർക്കുള്ള ഭാഗ്യം അവർ ആണ്ടറുതികളിൽ ഓർമ്മിക്കുന്നുവെന്നതാണ്. ഒ. ഖാലിദ് അങ്ങനെയല്ല, എസ്എസ്എഫ് കാർ ഒരുമിച്ചു കൂടുന്നിടത്തെല്ലാം ആ നാമം സ്മരിക്കപ്പെടുന്നുണ്ട്. പ്രാർത്ഥനകൾ ഹദ്‌യയായി ഒഴുകുന്നുണ്ട്. മഹാ ഭാഗ്യം സിദ്ധിച്ചവർക്ക് മാത്രം കൈവരുന്ന പുണ്യം. സ്വജീവിതം കൊണ്ട് സംഘടനയെ വ്യാഖ്യാനിച്ചതിന്റെ മഹത്വം. ഹൃസ്വകാലത്തെ ജീവിതത്തിനിടയിൽ നൻമയുടെ നനവുകളിലേക്ക് നല്ലൊരു വിഭാഗത്തെ നയിച്ച ഒ. ഖാലിദ് മരണാനന്തരവും പ്രവർത്തിച്ചു കൊണ്ടിരിക്കുന്നുവെന്നിടത്താണ് ആ അപൂർവ്വതക്ക് മുമ്പിൽ നമ്മൾ അമ്പരന്നുപോകുന്നത്.
"ഒരു ബ്രാഹ്മണ കുടുംബത്തിൽ ജനിച്ച, അച്ഛന്റെ ഏക മകനാണ് ഞാൻ. പഠിച്ചത് പൂണെയിൽ . ഹോസ്റ്റൽ സഹവാസികളിൽ ഏതാനും മുസ്‌ലിം വിദ്യാർത്ഥികളുമുണ്ടായിരുന്നു. അവർ പ്രഭാതത്തിൽ എഴുന്നേറ്റ് നിസ്കാരം നിർവ്വഹിക്കുമ്പോൾ ഞാൻ അവരെ പരിഹസിക്കുമായിരുന്നു. ആയിടക്കാണ് അവിടെ ഷെൽഫിൽ ഒരു പുസ്തകം ശ്രദ്ധയിൽ പെട്ടത്.
ഓർമകളിലെ ഒ. ഖാലിദ്.
പൊതുവെ വായനാ തത്പരനായതു കൊണ്ട് ഒരാവർത്തി വായിച്ചു. ഒരു ഇരുപത്തേഴുകാരന്റെ സാർത്ഥകമായ ജീവിതം. വീണ്ടും വീണ്ടും ഞാനത് വായിച്ചു. എന്തെന്നില്ലാത്ത മനസ്സാന്തരം. ഇസ്‌ലാമിനെ കുറിച്ച് പഠിക്കാൻ എന്റെ ഹൃദയത്തിൽ ഒരു പ്രകാശം മിന്നിയത് അങ്ങനെയാണ്. പിന്നെ കുറേ പുസ്തകങ്ങൾ വായിച്ചു. ഏറെ വൈകാതെ ഇസ്‌ലാമിനെ ഞാൻ തൊട്ടറിഞ്ഞു. മർഹൂം പി.എം.കെ ഫൈസിയാണ് എനിക്കു വിശുദ്ധ കലിമ ചൊല്ലി തന്നത്".
ഒ. ഖാലിദിന്റെ അനുസ്മരണ ഗ്രന്ഥം വായിച്ച് സത്യമാർഗം സ്വീകരിച്ച ഒരു സുഹൃത്തിന്റെ സാക്ഷ്യമാണിത്.
ഒ. ഖാലിദ് ഇപ്പോഴും പല നിലകളിൽ പ്രവർത്തിക്കുന്നുവെന്നതിന്റെ ഉത്തമോദാഹരണങ്ങൾ എമ്പാടും കാണാം. ഇസ്‌ലാമോഫോബിയ കാലത്ത് ഒ. ഖാലിദാകുക എന്നതൊരു പരിഹാരമാണെന്ന് മേൽ അനുഭവം പഠിപ്പിക്കുന്നു.
പാഴ് പാഥകളിലൂടെ അലസഗമനം നടത്തുകയായിരുന്നില്ല ഒ. ഖാലിദ്. പുതുവഴി വെട്ടി തെളിച്ച് മുന്നേ നടക്കുകയായിരുന്നു.
അവരുടെ ക്രിയാത്മകമായ കാൽപ്പാടുകളിൽ നിന്ന് ചരിത്രം പിറക്കുകയായിരുന്നു.
മർഹൂം ഒ. ഖാലിദ് സാഹിബ് പിന്നിട്ട വഴികളിൽ അവശേഷിപ്പിച്ച വെളിച്ചം ഇനിയുമേറെ പോകാനുള്ള തലമുറകൾക്ക് പാത നിർണയിക്കുന്നുണ്ട്. ആ വിളക്കിൽ നിന്ന് നമുക്കോരോ കൈത്തിരി കത്തിക്കാം.
ഒ. ഖാലിദ് സാഹിബിനായി പ്രവർത്തകരെല്ലാം വിശുദ്ധ ഖുർആനും ദിക്റുകളും ചൊല്ലി ഹദ്‌യ ചെയ്യുക.
അല്ലാഹു അവരോടൊപ്പം നമ്മെ സ്വർഗ പൂങ്കാവനത്തിൽ സംഗമിപ്പിക്കട്ടെ ! ആമീൻ

ദുൽഖഅദ് 21
ഒ. ഖാലിദ് ഓർമദിനം

ജീവിച്ച വര്ഷങ്ങളായിരുന്നില്ല വർഷിച്ച ജീവിതമായിരുന്നു ഒ ഖാലിദ്.
സംഘടനയെ സ്വജീവിതം കൊണ്ട് വ്യാഖ്യാനിച്ച ഖാലിദ്ക്കയെ ഓർക്കുന്നു.

© SSF KERALA

19/06/2022

ലോകപ്രശസ്ത പണ്ഡിതൻ സഈദ് റമളാൻ ബൂത്വി രചിച്ച ആഇശ (റ) എന്ന പുസ്തകം മലയാളത്തിലേക്ക് വിവർത്തനം ചെയ്തത് ഉളിയിൽ സ്വദേശിയായ അജ്മൽ മുഹമ്മദ് എന്ന മുതഅല്ലിമാണ്.
IPB യാണ് ഇത് പ്രസിദ്ധീകരിച്ചത്.

സമകാലിക സാഹചര്യത്തിൽ ഏറെ പ്രസക്തമായ ഒരു പ്രമേയം എന്നതോടൊപ്പം നമ്മുടെ പരിസരത്തെ വളർന്നു വരുന്ന ഒരു പ്രതിഭയ്ക്കുള്ള അംഗീകാരം കൂടിയാണ് ഈ പ്രോഗ്രാം .
അതോടൊപ്പം വിഷയത്തിൽ ആധികാരികമായി സംസാരിക്കാൻ കഴിവുള്ള സജീർ ബുഖാരി ഉസ്താദിന്റെ പ്രൗഢമായ അവതരണവും ശ്രവിക്കാം.

കഴിയുന്നവരൊക്കെ ഈ പ്രോഗ്രാമിൽ പങ്കെടുക്കണമെന്ന് സ്നേഹപൂർവം ക്ഷണിക്കുന്നു.